| 日 期 : | 二零零一年八月廿六日（星期日） |
| 時 間 : | １０:００∼１２:００ |
| 釣 點 : | 大丫灣畔超巨型懵仔牧場 (深圳火車站打的，車程約五十分鐘) |
| 釣 法 : | 投釣（另可作手竿台釣，磯釣及筏釣，手絲釣） |
| 釣 手 : | 肥羊，肥貓，肥寶，肥黑汗 |
| 釣 餌 : | 游水生蝦，游雪水死蝦（不可打誘餌） |
| 釣 獲 : | 細鱗，紅鼓，火點，釘公，沙鑽。共約十市斤左右。 |
|
(文:肥貓@ sep 2001)  ∼∼同場加影∼∼ 三傻再遊牧場 日期 ： 二零零一年九月九日 上次玩得唔係咁過癮，今次上去同佢死過，天陰陰，冇太陽，o的魚應該開口o的！由於肥寶同肥黑汗有事，臨時拉伕搵隻肥雞，佢話帶埋重火力去搞o野咁話喎。我就帶枝筏仔，玩o下另類。
即使我過水俾頭先位解放軍，我肯定佢一定唔會收！我更加可以講，俾黑錢一位咁盡忠職守o既解放軍，簡直係侮辱佢o既軍格人格，同時係侮辱o左我地全國所有解放軍o既軍格同埋人格！我係絕對唔會咁樣做o既！ 個養殖區就在眼前，唔夠一百呎遠，真係游水過去都得，但係邊防人員已經下逐客令，唔走唔得o架o勒，唔通真係就咁衰o左？正在好徬徨o既時候，肥羊挺身而出，同個∼∼司機講，叫佢車我地返去，死就死啦！ 個釣場已經改o左制度，Ｂ區一百二十蚊全日任釣，但係只可以攞走兩市斤（即係一公斤），有多就十八蚊一市斤（三十六蚊一公斤），不論魚種，你釣到紅鼓，福壽就係你唔好彩，你釣到青斑花尾躉就你著數！今日老細出o左香港，由個經理招呼我地。佢介紹一個正位俾我地，話早一日有個哥仔釣走o左一條四市斤幾青斑，同埋一條兩市斤幾黃"魚立"鯧，一共釣突o左五市斤。嘩，真就發達咯！百二蚊買一條一公斤幾（大約係斤十兩左右）o既黃"魚立"鯧，係貴o左少少，但係跟住o個條青斑就只係要九十大元人仔咋啵，有兩公斤以上（即係三斤半左右啦），唔錯呀，平過"ＰＫ"超級街市好多呀！
由於我玩筏仔，唔可以遠投，見肥貓肥羊中完一口又一口，我都冇厘動靜，正當我好灰好灰，差唔多想放棄o既時候，枝筏仔竟然自動出絲，抽一抽，中！咦，有少少力水啵，想玩一手都唔俾，但係條魚要玩"誓不抬頭"，"突"o左成十幾o野都唔肯上o黎，點都要俾返一手俾佢，搞o左成三分鐘，至上到條魚，係一條細鱗，睇落二千幾年前過秤，都有兩斤以上！後來又有一條斤頭𩶘仔同一條紅鼓仔，咁我o既贖身費最少，十蚊就得。肥羊就最削，成日上得一條魚，不過一條就過哂數，起o左全日最大o個條魚！為o左呢條魚，佢要俾多四十幾蚊至可以贖身！ 釣o左三粒鐘，魚我地就中o左唔少，但係因為我地三傻釣魚完全冇技術，一個字∼∼削！上得到水o既只係得幾條。不過玩完之後，我地三個人都患o左個好嚴重o既"紅鼓恐懼症"！因為今次中o既，同埋上得到水o既，絕大部份都係紅鼓！又肥又大又重秤又冇力，又唔值錢！俾錢唔緊要，最緊要係物有所值！
話口未完又有中港巴士到，咁我地就拖住疲乏o既身軀，踏上歸途。 牧場海鮮價格報導 （Ａ區，每市斤計） 紅古 ＝ 紅鼓 人民幣１８元 鳴謝 : OSF會員肥熊提供文章、圖片 |
|
上到去，發覺o的魚例完全唔同o左！（今次有影相，詳情你地自己睇啦，我就冇眼睇o勒！）點算呀？肥羊話你真係好o野，帶定筏仔，係咪有預感我地去試o下個養殖場先？我就笑笑口咁話："你尋晚報夢俾我，叫我要帶筏唔好帶投丫嘛！"咁樣，我地就搵架車，車去個養殖場邊個碼頭仔，落車上艇．．．點知我一走落車，就有一個穿著畢挺制服o既人走出o黎問我："請問你們是幹什麼的啦？"嘩，普通人講普通話，字正腔圓。
哎，點算？唔通我地冇俾上島費、出船費之類，o的有勢力人仕唔俾我地去玩？又唔似啵！同我講o野o個位解放軍，雖然用語好機械，但係都係好客氣又好專業，而且完全冇乜o野暗示明示，要我地俾出船費就可以去玩o既感覺！但係我响某個釣魚網o個邊，見過話冇過水就唔去得禁區釣魚，唔通唔係真o既？
唔好講啦，開波為上呀！肥羊用上次枝放火箭竿，肥雞用枝３米６投竿，我就乜都冇，得枝筏仔，冇法，頂硬上！佢地兩個玩遠投，打到場中心。我重係織緊布，穿緊線，肥雞竟然已經中魚！"突．突．突．"三o野就玩完！走口！等到我織完布，肥雞已經第二次中魚，又係"突．突．突．"三o野，條魚就玩完！上水睇一睇，條魚如果兩千幾年前過秤，應該有七八斤，而家就係大約三市斤左右（即係１．５公斤，後來過秤，真係有１．６５公斤，兩斤十二兩左右）。肥雞即刻丟o左枝竿，話已然夠數有凸，唔想俾多錢喎。姣婆又點守得寡丫，條友仔一陣就執返起枝竿，又再釣過！結果，佢起o左三條，一共約有三公斤多o的，要俾七十幾蚊贖身！
唔緊要啦，玩完又食飯，個經理又入o黎同我地傾偈，又叫我地過入水塘，去釣佢o的魚上o黎。時間有限，興沖沖我地又邋傢牲去開拖！魚餌呢？經理叫我地秤多兩草o野生蝦去喎！好，廿蚊唧。跟住佢又話，你地釣住先啦，釣唔到魚我唔收你地錢。咁我問釣到點計，佢就話，照Ａ區收費啦！o下，唔係嘛？老細上次同我地講，o個邊係巨物竇，隨時會有二三十斤o既花尾躉，咁我中o左魚咪賣身都唔掂？上次老細話叫我地同佢釣返來嘛，唔駛收我地錢喎！經理就解釋俾我地聽，係冇收我地入場釣魚費o架啦！我地三個傻佬夾埋，都未夠俾一條三斤花尾躉，咁唯有唔去住啦，又再下次至算o勒。