| 第十一擊
Danny Ng - Monday, September
13, 1999 at 13:01:59
【排排坐食白果;魚排餵魚團 - Vol 1 】
因為參加人數眾多, 我們於的士站集合後, 就分批乘坐白的士前往目的地"容樹澳"
碼頭. 車程約十多分鐘, 而車費約四十元.
下車後, 要步行兩三分鐘才可到達 "容樹澳" 碼頭. 再分批轉乘排主安排的快艇直上魚排.
魚排排主安排了三個相連的魚排給我們作釣, 因此地方算不上擠迫. 當各人上了排之後,
就各自佔據有利位置排排坐, 為 "食白果" 作出準備.
因為天氣酷熱, 部份釣友包括威哥, 丹尼, Ivan, 小豐 .... 搶灘後即飛奔到魚排上一個有頂的小屋避避.
小屋屋底下亦有一個小機關, 只要將地面上的那塊木板揭起, 就成為一個 2x5 呎的室內
釣魚場. 就像冰釣般, 部份釣友便已開好筏竿嘗試新玩意 -------- "窿釣".
從那個 "窿" 下望, 可以清晰看到有無數的小魚兒於離水面二至三呎之間暢泳.
而魚種以 "藍尾魔" 為多, 其次是泥猛, 可是大部份能見的魚兒都是三寸長之內的小魚.
而於三呎水深以下的地方, 可容易看到手板大小的"石霎"於水底漫遊.
過不多時, "窿釣" 的第一條魚終於起了上來, 到底係什麼魚呢? 有幾大呢? 是誰起的呢?
.....待續
Danny Ng - Monday, September
13, 1999 at 13:01:59
【排排坐食白果;魚排餵魚團 Vol 2】
"窿釣" 的第一條魚終於起了上來, 原來是由 Ivan 的朋友仔Pinky 起的魚毛仔,
是甚麼魚種筆者亦忘掉了! 第一條魚毛上了水後,各釣友亦不斷有魚上水,可惜的是魚毛罷了!
第一條手板大小的石霎, 是由釣友阿成於早上10:25am 起的. 差不多同一時刻,
Pinky 又起了一條手板連米.
而站於魚排露天地方暴哂的 Wilson, 於10:30am 已出動私伙太陽傘, 以免中暑.
但在旁的魚神, 青蛙, 標叔叔就在烈日底下繼續作釣. 但也只得手板或以下的魚毛罷了.
全日最精彩的一刻於11:06 am 發生. 正當各釣友正意志消沈之時, 那邊箱有釣友傳出嘩嘩聲響.
眾人向聲音來源的方向望去, 只見 Peter 的磯竿彎得很利害. 那時候的 Peter 不慌不忙屬練地將那被勾中的魚兒操縱於腑掌之中.
只是只輕描淡寫叫其他釣友幫手傳來撈箕. 撈箕接過手後, 他右手持竿, 左手很屬練地將撈箕
伸至那魚兒附近, 不一會便將那魚兒收服於撈箕之內. 一條一斤六兩的黑沙立就為成了
Peter 家中席上的海上鮮了!
在旁的威哥忙著給 Peter 以及那黑沙立拍照留念. 各釣友登時為之一振, 魚排中人士氣亦大增.
因當時時間尚早, 可釣魚的時候還是多得很. 而又豈能預見未來數小時只是如活動名稱般"排排坐食白果"
呢?
及後各釣友的魚獲雖偶有手板石霎,手板黃腳, 但與我們的目標魚類的大小, 相去甚遠.
最後, Peter 以大熱門姿態將大魚杯帶回家, 繼於第九擊奪得等特別獎項 "多鮫餘杯"
(最多鮫魚業餘釣手杯) 之後, 又一次捧杯! 而OSF Joey 謹以二條迷你林哥仔, 痛失
"白果杯" 給一位釣友太太. 待丹尼代表電波釣友盼獎給兩名得獎者後, 照例拍攝團體照一幅留念.拍照完畢,各釣友收拾行裝以及清理釣場後分批乘快艇回到容樹澳碼頭解散.
而電波釣友活動第十一擊【排排坐食白果;魚排餵魚團】亦如名般於充滿 @##^^%^%&*^%?$@@
!中底下結束! 當真是"衰十一........擊呵!"
~~~~完 ~~~~
(P.S. 今次冇乜好野起, 所以冇刎心機寫,
大家多多包涵!
Danny Ng - Tuesday, September
14, 1999 at 00:14:37
【窿釣大魔王】
我尋日做左窿釣大魔王! o係窿度釣左十幾條藍尾魔!
另外臭肚四五條, 大石狗一條. 最大既都係玩窿釣釣到
o既手板石霎. 今次我雖然冇見得人既魚起過, 但係失禮講句, 我以前未中過石霎呢仲魚,
所以今之都幾開心.
我用 Mini cheap 標標玩窿釣, 釣兩呎水. 好鬼密口, 睇住黎釣! 經此一役,
我對魚兒食餌以及浮標下沉的關係, 加深左小小認識, 因為睇住黎釣嘛! 對日後掌握抽竿時間有DD
幫助!
Ivan - Tuesday, September 14,
1999 at 22:44:42
【排排坐食白果報告 :】
當日八時許到達西貢, 見吾到 Banner 又吾見釣友們, 心想不妙 : (標叔叔真是托水龍
!!!!) 當內心發慌之際, 一把哀怨而又熟識的聲音大叫 "Ivan" 回頭一看原來是標叔叔,
今次真是以小人之心度"君子"之腹喇 !
與標叔叔寒暄之後, 便去買武器及彈藥.最後買了當天我的戲肉, 最後殺著, 下流釣組的命脈..."八爪勾"
及 "隔夜方飽" !! (祖兒, 你重有兩飛係我度)
買好彈藥後便回到巴士站會合其他釣友, 騎"的"入榕樹澳.
我們分批到達碼頭, 亦分批上了一隻四十匹的快艇. 小弟是第二批上到排上的,
當到達時發覺原來那排並不是想像中那麼細小的, 容納三十多位釣友實是綽綽有餘的.
我一上到排便看到有一所木搭的建築物, 約四百平方呎, 有電視, 梳化, 茶几,
厠所....最重要的是它的地下木板是可以打開的, 即是話那裡是一處能提供"窿釣"的釣場.我當然是第一時間開波啦.
不一會, 我的朋友仔 Pinky 便上了一條"兩頭"連咪(即是�瘬X有一兩重), 很快我也上了一差不多的連咪,
接著她又上了一手板連咪......不久, 突然聽到釣友們的歡呼聲, 我便馬上出屋外看過究竟,
不看尤自可, 原來阿 Peter 哥佢支竿成一倒"U" 型, 最後他瀟灑地上了一大"黑沙立".
這時, 我見到差不多所有釣友都呼了一口大氣, 挺�𨺬斒�, 雙拳緊握, 目射神光,
掉下所有輕型裝備, 換上重型武器, 飛奔至排邊搏殺 ! 至於結果如何....各位可綜合各釣友的滙報便知曉.
到了差不多四時, 小弟心有不甘....點解各釣友有"兩頭", "斤頭" 魚上, 而我只得"錢頭"呢
? 當然, 技術是主要原因. 既然技術不夠, 唯有玩下流 ! 我穿上一只百爪勾, 上穿一小白鋼勾勾上方飽實行以下流釣組大破
PK 臭肚, 很下流, 很賤格, 很卑鄙, 很無恥, 很濫殺...........但很快慰! 噢嘿嘿嘿嘿嘿嘿嘿
-;-
玩了一段時間, 不知是否心理作用, 發覺其他釣友好似"啤"住我, 我在此等情況下唯有收手.
(事後發覺自己間直吾係人). 收手後時間已經差不多了, Peter 及某釣友捧杯及拍照後我們相繼上艇鬆人.
綜觀這次旅程, 小弟有些感想想和大家分享 :
小弟今次是第一次參加"太古電波釣友" 的擊類活動, 懷著愉快的心情期待及參與這次旅程.亦懷著同樣的心情離開.
小弟今次釣穫有五尾小連咪, 兩三尾小黃尾魔, 數尾臭肚等. "不算白果" (說實話,
就算白果亦開心. 小弟喜歡的其實是"釣" 及和釣友們吹吹水, 嘆嘆世界,而不是"釣魚"
或 "上魚", 釣到魚只是 Bonus, 我年年月月天天在公司拼搏,到年尾也未必有 Bonus
啦! 何況我是次只付出六十元!)
小弟今次是第一次和一大班同道一�畧迅�, 感覺完全吾同.
小弟今次覺得個個冇錯 : 攪手無錯, 負責人無錯, 地點無錯, 釣友無錯, 我亦無錯,
但唯有嘆一句 "天氣的錯"
小弟今次真的要衷心多謝是次的攪手, 負責人及工作人員, 特別是 Joey, Wilson,
Wai_Wai, Danny 及標叔叔. (如有錯漏, 請代為補充). 他們犧牲了自己的私人時間(我想還有金錢),
來籌辦是次活動. Danny 及 Wai_Wai 更在釣場內當工作及公關人員而不釣. (以前未參加活動時在網上看過活動簡介,
又話冇負責人, 又話一世吾包, 自生自滅....原來全屬虛言, 不單只這樣, 原來還
Danny 和 Wai_Wai 兩個奶媽添!)
小弟今次真的學到野, 在離去的時候, 我只顧收拾自己的東西的時候, 居然發現有些義務負責及一些釣友在場執垃圾及整理現場!
心想 : 有冇攪錯呀, 我比左六條o野o架 wor, 又幫襯買o野飲, 買o野食 !而且又吾係公共場所,
更吾係佢地留下的垃圾, o甘都要執 ?!
(以上純粹個人無知的感想, 如有任何錯漏, 歪曲, 中傷, 誇大, 請加以提出指正)
謝謝.
JORDEN - Tuesday, September 14,
1999 at 19:10:23
【 排排坐,食白果,今次應晒啦! 】
晨早�𡦈�,趕往地龍站集合,去到大排經已將近十一点,
大家揀好靚位后,各自開竿垂釣,餌一落水,只見竿先狂跳,
我0既心亦歡喜到狂跳,今日冇死咯!大咪!過左一陣,仍然在跳, 唉!心知不妙,咁0既咪法,實係魚毛,唯有換過細0的釣再試,
嘩!今次有料到,泥猛,連米,石剎,梭0羅,的確唔少,但係一大堆, 炒埋都唔夠一碟,當然係發揮太古電波精神,即釣即放生喇!
時至午后,猛烈的太陽,晒到發昏,唯有躲到陰凉處抖抖暑!
下午兩点過后,只見青蛙王子坐在Wilson哥携帶的私伙羅傘下, 狂打誘餌,專心一致的垂釣,我立即走過去,加入帝王式的享受,
之不過,仍然係魚毛,此時突見笩仔來一個大U,急忙抽竿, (晚飯后待續.........)
JORDEN - Tuesday, September 14,
1999 at 19:11:28
【 緊接晚飯前餘篇 】
竿先U得好緊要,一抽之下,只見条絲來一個大轉彎,向条海底繩䌫度捐.想當然,果条不知名的魚梗係死裏逃生啦!
總括來講,今次白果團,需然冇大魚釣,但係見到班生力軍,
個個在火紅的太陽底下,冒着中暑的危險,靜心地等待著每一刻的魚訊,
此情此景,己可預見香港釣界中,正在朶育着未來的高手了!
T.O. - Monday, September 13,
1999 at 21:12:06
西非利...全日節目豐富...
可釣....可賞....可玩....可食....咩都得..
一世都釣唔晒o既魚群(藍魔仔)...任釣
日日都咁靚o既山明水秀....任賞
全日任玩...游水
好味過大酒店o既餐蛋麵&雪櫃緊要有o既冰凍哥啦...任食(不過要$)
今次搗手都做o左神算啦.....未Book先知....
釣果如名...排排坐..食白果..嘻
我都預O左...所以釣下游下食下玩下...嘻
我o既釣果係
1小黃腳..約2兩
2石霎....1手板大+1半手板
小泥漫...數條
係排上時間都過得幾快..又識到一班釣友..
不過下次見到面唔知認唔認得...嘻
講番今次最大收獲係見識到各釣友D裝備..西利..我自問都要學O下野...點解????因小弟用慣手絲...
沙田鄉吓仔 - Monday, September
13, 1999 at 21:48:51
打開張報紙一䏲，當堂嚇咗一跳！原來噚日有咁多人中咗暑。如果唔喺買多咗支「寶Ｘ力」幫我迅速補充水份，喺個魚排度咁鬼熱真係分分鐘有直升機坐。
中午時份兼且烈日當空，見勢色唔多對，立刻放底支竿，走咗入魚排個”麻雀房”order
返個冰火二重奏–熱蛋麵同埋一罐透心涼冰凍哥啦嘆嘆先！
雖然成日食白果，但喺見咁多釣友攪”窿釣”–重係好投入個隻，就稔到布袋和尚話齋﹕要自得其樂，咁先至會開心...........
.........善哉、善哉。
小豐 - Tuesday, September 14,
1999 at 16:48:14
星期曰釣獲:連米3大條..梳羅4大條..泥X1大條.............我覺得peter講得好對..可以以60元享受桑拿浴..實是快事.....當日魚毛暴食...小小小柏柏中埋連魚餌都比條魚大既毛毛魚...實是悲事....希望第十二擊盡快舉行........可望雪此恥~~~~~不如就中秋啦......hehe
南 - Monday, September 13, 1999
at 18:27:23
全日只有蚊型臭肚.....嗚嗚...
|
