電 波 烏 Sir Sir 墨 魚 團
魚 樂 圈 二 打 六 餵 魚 大 會 -- 第 十 六 擊
 
[電波活動] [行程表] [簡 介] [ A 船] [ B 船 ] [ C 船 ]
       

下 載 以 上 C 船 既 照 片   640x480 pixel 版 本
(鳴謝 : Victor 提供以上照片)


 
 
   

下 載 以 上 C 船 既 照 片
(鳴謝 : Charles 提供以上照片 & 小柏柏幫手 Scan 相)


 
  C 船 報 告by T.O. @June 2000

今次係太古電波有史以來最多人參加o既擊類活動,能夠協助黑手做阿四係我o既榮幸...嘻 其實所有榮幸..其他o既osf及nsf都係有份,因為唔單止剩係我出一分力,係整個活動中,除o左 功不可沒o既黑手外,還有協助搬運糧草o既..係碼頭安定參加者o既..同各位影靚相o既.. 係船上協助阿四o既..互相幫助o既..還有...好多..好多..完全係太古電波feel..發揮互助合作o既精神..o黎緊o既擊類活,係要大家繼續去支持同參與..似唔似官方口吻呀....嘻 (無死啦~~o黎緊七七四十九年內....太古網好快可以上市啦....嘿~~嘿~~)

好啦...轉番個鏡頭去16擊...不如先o黎過參加者介紹先啦..全船人數係29人..

去相...大家都睇到啦...c團集體照中由左排開始數起..

第一個係新人Wesley...無記錯係睇報紙認識太古網2個月左右..玩開o既釣法係筏釣...

第二個係Eric Wong一家三口...Eric話好耐無釣魚啦...因為要養妻活兒呀...不過家庭樂釣魚就可以..

第三個係T.O...今次係T.O.第二次參加擊類活動呀..因為星期六日多數開工..所以都幾難參加到...慘!

第四個係侯活同女友...侯活話有permit..o黎近又可以做黑手啦...嘻

第五個係Joey同女友...Joey介紹身邊o既女士係同事...點解帶一個同事呀..帶多幾個一齊玩嗎...嘿!

第六個係肥耀...整個行程肥耀都保持"食"力...唔係點釣下場呀...佢話要留番D精力下場(釣魚)wo...

第七個係Victor同夫人...Victor話釣墨魚好似無咩技巧...剩係隻手上上下下..同釣魚差好遠..

第八個係阿屈同女友...阿屈用支筏仔鉤住條魚仔都比墨魚嚼左...諗住有大野添...

第九個係小豐師傅...死啦...小豐師傅比阿屈"姐"左...阿屈唔使驚...小豐師傅胸襟廣闊...無問題...

第十個係Alfred...不過比Dick Lam個朋友"姐"左..得番半邊臉..

第十一個新人係Jeffrey Lee...剛剛係澳洲返港...o黎緊好似話攪澳洲擊釣活動...住宿全包宴..發達啦..澳洲擊類活動..唔知超額認購幾多呢...嘻

第十二個係Alfred個朋友傑傑(keith)...果然係朋友...都係露半邊臉...嘻

第十三個係新人Dick Lam同女友+(朋友+仔仔)...阿Dick 睇太古網好耐啦..感覺好nice..所以今次參加

第十四個係小明同女友...聽講小明都係磯民...多數放平日假...想攪磯就call佢啦...

第十五個係CKF一家三口...上次東龍家庭團有份出現...不過係佢自己偷釣...死啦...爆佢大獲添...嘻

前排第十六個係Charles...佢又係磯民一族...最近好似少左釣魚...

前排第十七個係了神...差唔多個個星期都去偷釣...又係磯民一族...

講番活動當日情況啦... 話說c團係第一艘墨魚船出發去科大海域.. 去到都係六點幾..天都未黑..跟據黑手o既指示..到目的地就進行抽獎先..但係成船人都話留番尾聲抽獎先有氣氛..所以順應民意..留番最後..跟住緊係開餐啦..電波釣友又發揮互助o既精神..分甘同味..D食物好正呀..食都食唔晒..剩番唔少食物..緊係留比船家慢用啦..嘻

C 船 釣 果 不 錯  賴野都冇計啦!

係享受緊豐富自助餐o既時候..大家都互相認識一下..唔係點知邊個打邊個呀...嘻 食到咁上下...Joey已經帶備私人魚排開始緊綁釣組..大家都開始開工啦...

第一個擢到墨魚係阿Dick個朋友同CKF...跟住就個個好積極係咁上上下下... 天都開始黑晒...四周原來已經有好多隻墨魚船..最近我地係A船..

特然間四處哇哇聲...原來有群墨魚到左...小豐師傅果然係師傅...係時候先出招... 墨魚..小兒科啦..連續上幾條..T.O.立刻係師傅隔離跟師傅學野啦..唔係都擢唔到呀..真係要多謝師傅..

阿Victor大師見到擢得咁過引...本來攪緊筏仔..都轉左手排..加入擢墨魚行列.. 過左一陣..了神又中左..佢諗住一手都唔比...立刻將條墨魚上左船..係佢左近o既釣友就多得他啦.. 墨魚汁想閃都閃唔到..阿Alfred就好彩啦..身後多左阿了神o既墨汁簽名..

阿屈同Jeffrey同Wesley就係船尾見到奇景呀...就係墨魚交配...想問墨魚係點交配就問下佢地啦.... 係海面又特然間有群魚仔係水面飛來飛去...重自己跳上船添..可能係比D墨水追捕啦...有幾條做左阿屈 o既魚餌....可惜比墨魚食埋...

時間一分一秒咁過去..墨獲都開始停滯不前..無咩擢到..有D釣友就改為釣魚..起到條紅衫仔同沙穸J.. 到左8點幾已經有29隻墨魚.船家話都有4至5斤左右..每人都有得食下新鮮o既墨魚啦..船家建議可以豆士或 蒜蓉或蝦醬墨魚...咁我地就選擇左兩款口味啦..蒜蓉同蝦醬...實在好~~好~~味呀!

而係船家努力炮製墨魚o既時候..部份參加者繼續默默耕耘..作最後努力..終於墨魚超過30大關.. 到左回程o既時候..又係抽獎o既開始啦..今次抽獎o既結果係.....................睇相就知啦...嘻

今次擊類活動雖然天氣差左D...但係大家都好開心渡過左一個晚上...重有好多擊等緊你呀... 下一次擊類活動...希望再次見到大家啦...不過記住及時報名呀...唔係就再下次啦...總有一次見到大家 ....嘻....報告又差唔多啦...有咩補充...留番比c團o既參加者啦....^o^
 
 
 


未 經 本 網 同 意 , 不 得 轉 載。 違 者 格 殺 勿 論 !
All right reserved, Copyright @ June 2000
太 古 電 波 釣 魚 網
http://www.taikoofishing.com.hk