電 波 艦 釣 爛 釣 團
魚 樂 圈 二 打 八 餵 魚 大 會 -- 第 十 八 擊

電 波 活 動 主 頁 行 程 表 【釣 獲 報 告】 釣 友 討 論

 
十 八 擊 釣 獲 報 告
(撰稿:某某    攝影 : Charles)

出發前一晚,心情好緊張,訓下醒下,夾埋都訓唔到3粒鐘,十幾廿年冇玩艇釣,唔知頂唔頂得順d 風浪.

天未光就仆倒起身,去到村口等巴士果陣,見到有個肥仔慢慢行過泥,仲以為佢係釣完魚走人,咪同佢傾下,睇下有咩野料到law,誰不知原來佢係新釣友亞智,佢住元朗,又會咁橋係村口撞到0既.上到車,又咁0岩見到wilson同鄉下仔添.

去到集合地點,邊食邊等,齊人之後,3位黑手就好忙碌,周圍去張羅.釣餌;分船呀咁. 我被編排同肥耀,eric chu一齊.(eric 算你唔好彩啦).

去到碼頭,我老實不客氣,跳上第一隻艇,由於黑手事先冇講明去邊,所以我同船家商量之後,就直駛塘咀,其餘3隻船,都唔知發生咩野事,就比我帶左去啦.

開頭,見到個海風平浪靜,個心都定d,點知,一過左鎖匙門,先知唔對路,d 浪越泥越大 (其實係湧至真),開始有d忐忑不安.

大約行左一粒鐘左右,到左塘咀,eric同肥耀急不及待落絲,我因為用枝未開齋0既船竿, 就惟有讓下佢地先啦.竿都未開完,船家先拔頭籌,中左條手板大 魚或.跟手又中多條6-7 兩0既, 我先開好枝竿.就係呢個時候,見到肥耀面色開始轉青,有d 唔妥. 轉頭佢已經將成份早餐,當誘餌咁分兩次打晒落海.眼見風浪越來越大,有時連鄰艇都見唔到,魚訊又冇,惟有叫船家搵過風平浪靜0既地方釣啦.(eric,唔好意思,搞到你釣唔到大魚,一日都係死肥仔唔好,如果唔係,大魚獎實係你同我咖.)

之後,我地先後到過爛頭排;大洲;尖洲,燕子岩......等釣點.就係呢頭,eric開始發威,中魚頻頻,好彩,我枝船竿都開始凝聚殺氣,連船家都唔夠我地釣呀,雖然,多數係石狗,黃釘呀咁,不過都有幾兩重,石狗算唔錯咖啦.死肥仔就唔好提啦.on dog dog 咁,只係間唔中幫補下d 釣獲.唔知係咪衰家食尾糊呢?臨尾比佢上番條斤幾重0既 八爪魚,最可惜八爪魚唔可以競逐大魚獎,否則佢都有d 機會咖.

大約16;30左右,開始回程,返到碼頭0岩0岩17:00,d 釣獲裝下一袋,裝下又一袋,唔覺唔覺,原來有成十四;五斤咁多. 其他船都係差不多跟任就番到.只是黑手果隻船遲到,要我地等左成粒鐘先番到.

最後,大魚獎由joey0既細鱗獲得,總重量獎就..........登登登登..........由eric;肥耀同我拎左啦.