Menu Content/Inhalt
首頁 arrow 知識 arrow 釣點介紹 arrow 三家村釣點全玫略

誰在線上

線上沒有任何訪客

線上人數

三家村釣點全玫略 列印 E-mail
作者 十九   
2000/03/01, 星期三
三 家 村 釣 點 全 玫 略
釣 點 提 供 - 三 家 村
(圖 片 & 資 料 由 肥 熊 提 供 @ April 2000)



釣點
鯉魚門三家村尾

位置
三家村尾,真係入到尾,對到正杏花,遙望黑頭角同坑口,個景正到極,去到唔釣魚吹?海風都好正。

交通
觀塘協和街紅色小巴站有小巴直達,車費三皮半一位,可參考地圖1;或者在西灣河搭火船仔,船費唔知道,不過可以問De'edd哥!如果坐車入,要坐到總站先好落車(照片1),請參考地圖2,海鮮街頭有魚餌店,不過貴好多(沙蟲要三十五皮一兩),又冇青蟲賣!沿海鮮街行到尾,就見到個燈塔,向左轉,之後見路就行,唔好轉彎,可參考地圖2及3。未到天后廟就會睇見第一斷橋(照片3),已經可以在斷橋下竿,不過重未係最好,再向前行,條路係穿過天后廟,過o左天后廟,再向前行,過哂D屋,就會見到第二斷橋(照片4),又可以落竿,不過又重未係最好,再向前行,見到個山仔,過埋個山仔,就係最好o既一點o勒(照片7),認住o個碌生銹柱,好老o黎o架。

釣點情況
大石底,勁釣地球,記得帶多D鉛同鉤,實冇介紹錯,亦可以用不同釣組(請參考釣組圖1至4),以避免鉤石。要用較長投竿,最好有4.5米以上,投20至30米遠,坐定定唔好郁竿,靜候魚訊。記得一起竿就要盡快捲返o黎,唔好停手,細?就直抽,有粗?就梗係要出八字神功啦!重有係記得一定要帶撈磯,重要係長火至得。你睇照片10就知o個度幾咁危險!

地圖
1. 官塘裕民坊
2. 海鮮街圖略
3. 天后廟至釣點圖略

照片

(左) 落車後向海鮮街望 ; (右) 第一斷橋

(左) 第二斷橋 ; (右) 釣點石頭同碌生銹柱

(左) De'edd哥中三兩二錢八分三o既沙"魚孟" ; (右) De'edd哥,鵪鶉哥同鵪鶉嫂收拾行裝,左邊係o個pair男女,右邊就係其中一個靚仔

釣組圖
1. 基本沉底仕掛 ; 2. 基本棄鉛式沉底仕掛

3.改良棄鉛式沉底仕掛 ; 4. 生鉛式棄鉛式沉底仕掛

釣獲報告 肥熊尚義 在 2000 年 3 月 27 日( 星期一 )
日期 : 26/03/2000 星期日
時間 : 09:00 ~ 15:00
釣點 : 鯉魚門
釣法 : 投釣
人物 : De' Edd 哥, 肥熊, 鵪鶉兄 & 鵪鶉嫂(非網友)
釣餌 : 沙虫
釣獲 : De' Edd 哥起手板沙"魚孟" 1 條, 鵪鶉嫂起雞泡 1 條, 4人共起石狗數條..... 蕉!!!!!!

唏噓的釣況 :

原本約左De'Edd哥0830官塘尾心等, 點知De'Edd哥"倒塔"咁早就到, 我0815已經到達, De'Edd 哥竟然已經食完等緊我! 死o勒! 我重約o左呀鵪鶉哥兩公婆0900前到就得......

"登車易 三皮半 鯉魚門" 之餘, 話咁快就到, 到釣點後De'Edd哥即中手板沙"魚孟", 其他人(包括我)都起到石狗仔, 當然係即捕即戒啦!!! (其中有一條唔好彩, 在遞戒期中個頭插o左落石罅, 唔出唔入, 好慘情, 不過我都冇辦法, 因為個位就o響水邊, 好危險, 我都唔想落水濕身o架! 不過一陣就有o野睇!) 但係我所預計o既魚, 就一條都唔肯出現! 冇幾耐, 就有好多個釣友出現o 左, 連埋我o地, 一共有成十二個人! 釣位就係得咁多, 唯有大家張就o下.....

未幾, 奇景出現, 有條o靚仔中魚, 我以為中粗o野, 睇o下點! 原來係一指大石狗孫一條, 我放" 死" o個條都做得佢四條喇! 條o靚仔二話不說, 立即取出生籠, 養住先! 敝! 條繩唔夠長, 點算? 冇有怕, 水邊有碌柱, 梆佢o響度先!!! 佢竟然不顧危險, 梆o左個生籠落碌柱度. 唉, 為o左小小漁獲, 不顧自己生命安全, 冇眼睇!!!!

唔睇佢o地幾條o靚仔, 睇第二邊先…. 咦, 正, 得食, 有個好得食o既女釣友..... 同佢男朋友o黎o 左, 話咁快就起o左條石狗仔同一條林哥仔, 我聽到以下對話及動作, 節錄如下 :
男 : 我去o羅 D 水先..... 嘩, 有條石狗插o響石罅度(指我放"死" o個條)! 等我試o下先.......
男(動作) : 行出去試o下o羅條魚, 不過失敗而回.
男 : 不如你出去o羅佢返o黎喇, 橫掂你都"匿"D魚返去俾你老母o架喇….
女(動作) : 行出去試o下o羅條魚, 俾佢成功o左......
女 : 條魚好慘呀, 成個頭扁哂!

我心裡便有幾個想法, 第一, 條魚又唔係自己釣o既, 使唔使咁搏? 落o左水邊個救你先? 第二, 條魚有幾大? 值唔值得咁搏先? 第三, 有條咁o既仔, 應唔應該飛o左佢先? 第四, 頭先o個幾條o 靚仔, 又值唔值得為條魚毛, 而不顧自己生命安全先?

上邊幾個問題, 除o左第三題之外, 各位可否俾個答案我????

 
 
< 前一個   下一個 >