Menu Content/Inhalt
首頁 arrow 知識 arrow 釣魚趣談&怪談 arrow 釣魚怪談V - 感覺飄飄處處涼!

誰在線上

線上沒有任何訪客

線上人數

釣魚怪談V - 感覺飄飄處處涼! 列印 E-mail
作者 De' Edd   
2006/06/06, 星期二
《釣 魚 怪 談 V》
(文 章 提 供 by De' Edd @ June 2000)

感 覺 飄 飄 處 處 涼!

早幾晚深夜,從電台聽到一個有關南丫島榕樹灣的鬼故事,令我想起一次遭遇。

當年升讀中學的時候,所有同學都係新面孔,起初不大習慣,心情很沉重,但細路仔即係細路仔,唔使幾耐就同其中一兩個十分老死,有一個我叫佢做鄉下仔既,因為佢既爸媽係住在南丫島某沙灘邊,從榕樹灣要步行約半小時才能到達,但由屋企行出沙灘就只需三兩分鐘,以當時既年代,都算地處偏僻,食用水係山水,電力供應亦欠奉,旅行人士只間中路過,絕不會在沙灘露營的。

每到週末假期,鄉下仔便回南丫島爸媽處,一聚天論,由於彼此都係好動份子,所以我一有時間就會約埋三兩個同學一齊去南丫島佢既屋企玩,釣下魚毛當然係少不了的節目。

有一年夏天,因為係長假,幾經辛苦,求得老媽子批准,玩一晚通頂。當晚燒完野食,巳是深夜時份,幾個人又走左去游夜水,不知什么原因,海裏來了一大群蝦仔,有些還跳到身上,我們很容易便捉了一些,有人提議去釣夜魚,於是便跑回鄉下仔家最釣具。當時年少無知,魚竿只不過係從瓜柵找支合用的竹支,魚絲就不論磅力幾多,縛上鉛頭鉤,咁就以為可釣大魚了。

我和一個同學背向沙灘,而鄉下仔就面向沙灘,一齊整理所謂釣組,我縛好釣組後,抬起頭間道:得未,行啦。點不知看到的係一張瞪大眼,瞳孔放大,極為緊張的面孔,面色倉唔倉白,在火水汽燈下就睇唔到,而視線係直望沙灘。我當堂嚇了一跳,順著他的視線回頭望向沙灘,在微弱的月光下,認真地由沙灘頭掃到沙灘尾,但看不到有什么特別的。

還未擰轉頭,巳聽到鄉下仔細聲和急速的聲音說道:唔好行出去住。我滿腹疑惑地亦輕聲問:咩野呀?但仍自然地沒有異議咁跟佢行入屋。坐下後再追問:乜野呀?佢驚魂未定輕聲地說:我偶然望出去,隱約見到有兩團白色人形物體在沙灘近尾處出現,慢慢的漂向沙灘尾,消失在通上山的小路口,係漂呀,唔係一步步行嫁。

在如此盛夏之夜,我毛管仍不自覺大為收縮,心裏涼了一涼,當晚就在緊張默默無聲的氣氛下過了,偶然想偷望出沙灘,但又不敢。

第二日,沒趣地在太陽出來不久後,運路走出碼頭,乘船返回香港島。在船上鄉下仔被再追問下補充地說出,原來沙灘頭與沙灘尾小路附近密林,都有南丫島原居民的墓地(後來知道其中還包括著名乜哥的先人),但為數不算太多,後人每年都有拜祭,有一次盂蘭盛會在榕樹灣舉行,曾有鄉民見過有白影在小路上漂著趕往赴會。

至於係唔係“另類朋友”,大家都唔敢確實肯定,都係憑當時環境判斷。往後我們仍經常有到該沙灘玩,但該段恐怖記憶,隨時間一次比一次淡忘,而那個沙灘亦巳發展了,不論冬天夏天,每逄假日,人山人海,連小型酒店亦有了。

 
 
< 前一個   下一個 >