Menu Content/Inhalt
首頁 arrow 釣遊 arrow 美國、加拿大釣遊 arrow 溫哥華釣魚篇 2

誰在線上

線上沒有任何訪客

線上人數

我們有 1 位訪客在線上
溫哥華釣魚篇 2 列印 E-mail
作者 電波釣魚網   
2000/11/01, 星期三
《溫哥華釣魚篇 2》

電波駐溫哥華特派員 Pactrick Ng @ Nov 2000

上次我話溫哥華釣魚會釣到手軟係真架! 因為水深丫嘛! 我冇話一定有魚架( 嘿 ! 嘿 !嘿! )。好! E家正經D話你知…..

石班必殺技…
有名你叫「石班」當然要去有石既地方搵啦。五十呎水以下,手絲冇問題 (十磅絲,乜都夠,不過吾夠過引)。岸邊或近岸比較水淺,一百呎左右就最理想。單鉤加四至六oz.鉛,可保持手感,上落快捷。北美石班,乜叉都食,虫, 蝦, 魚, 連膠墨魚hoochy 都殺。最緊要係你知道佢地既習慣…..夠八卦!

深淺都一樣,要將你既bait一放到底,然後升起兩三呎,引下引下,引佢開口或搶食,一有bite, 就要等一等,等佢吞左至慢慢reel-in. …打電話叫老婆切定薑蔥都得啦!

用釣杆我喜歡十至十二呎Medium Action, 加Mooching Reel, 手感好, 我釣乜魚都係用佢架! (下面有相睇)

以前我用絲,最多用二十磅test. 以為好’feel’D。有一次同朋友(資深老SeaFood)。拖條船由溫哥華到Port Hardy. 當我正在準備’嫁生’時,老SeaFood 忽然問我:「你用二十磅絲,有大魚點辦?」…..MMMMmmm…. 壹言驚醒…係播… 好!馬上準備一個Mooching Wheel, 用一百磅test, 冇死啦呱! 嘿, 嘿, 果然利害!

Ling-Cod 殺手
第二日同OSF到海中心用條生石班仔(六兩)加雙大鉤,落到二佰二十呎左右,突然之間支杆頭好似跳舞一樣(大魚追緊石班仔)…然後忽向下直指…嘿, 嘿… ..犀利啦 !….搞左足足十五分鐘先至見到條 LingCod 咬住一個鉤,小石班居然重係鉤左系第二個鉤上面,典典下。哦! 大網侍候,跟住立即二話不說(個陣好吾得閒),一手娜起bonker(大棍一支…船上必備)大力扑向佢兩眼之間將佢處死 ! *

*各位仁兄,出海艦釣記緊要必備:

(1) Heavy Duty Test Line, 重絲, 万一有大魚,吾使後悔。

(2) 大網乙個…如果冇佢,大魚上到船邊吾通你用手捉?

(3) Bonker乙大個。…你吾扑死佢,生鉤鉤放響船度, 實同你博命。五十磅丫,你夠佢打乜?個陣佢吾死你死, OK? 扑大力D呀, 記住 !!

跟住做乜野?梗系立即解鉤,再鉤住可憐小石班,又dum 落去啦 ! 十分鐘後, 慘劇再發生。今次將佢老婆/公扑死(高興到分吾出)。前後搞左成粒鐘, 返到溫哥華碎屍万段, 周圍派比朋友都派左成日。

有圖為証之..血流成河…


同場加影猜迷語 ! 估下筆者隻船叫乜名?估中有獎!?

答案請E貓到筆者郵箱 這個email住址已經被防垃圾郵件程式保護,您需要啟動Javascript才能觀看 !

今次系講住咁多,拜拜 !

 
 
< 前一個   下一個 >