Menu Content/Inhalt
首頁 arrow 釣遊 arrow 岸釣釣遊 arrow 太古海濱遊記

誰在線上

線上沒有任何訪客

線上人數

我們有 1 位訪客在線上
太古海濱遊記 列印 E-mail
作者 拉丹   
2000/12/09, 星期六
left
《太古海濱遊記》
日 期 :2000 年 12 月 9 日 (星期六)
時 間 :0200~1800
釣 點 :太古城海濱公園
釣 法 :投釣
釣 手 :Le'Dan、杰杰
釣 餌 :沙蟲
釣 獲 :唔想提! 嘿~嘿~!

文 : Le'Dan @ Dec 2000
已經有幾個星期六因為大晒冇返工喇,到左上星期六 雖然知醒冇大到,不過最後每當我想起身 ......
枕頭老是吮著我的臉,
棉被總是蓋著我的肩,
叫它走開他不肯,
唯有多一陣先,
免得和睡魔反面,
更使日後好相見,
如是睡了一片又一片,
直至陽光晒眼廉,
起床又已大了。

最後星期六都係冇返工!! 嘿~嘿~!

早排去我家姐屋企打躉既果陣,我外甥仔杰杰 show 左一套釣魚小玩意比我睇之餘,仲叫我帶佢去釣魚魚。星期六同家人飲完茶之後,就半推半就既情況下同我一家大細,走左去太古海濱總部打下躉。雖然明知唔單只接近農曆水流急到飛起,而且太古海濱公園已經今非昔比,海底多左好多爛網。

太古海濱公園投釣已經冇之前咁好境,不過因為度係一個適合任何年齡人士去既一級釣點,而又近我家姐屋企,所以求求其其咁執左一套投竿絞走陪杰杰玩下。

一去到,見到有個長期打躉既大叔咁岩抽竿,佢一抽一收,好似中左野咁。好奇之下走埋去裝裝,原來佢中左垃圾,太古海傍唔通真係冇晒料到? 冇幾耐之後,又見佢抽竿,見佢抽竿唧下唧下,睇黎呢次件垃圾都唔細播,嘿~嘿~! 見佢唧到埋岸邊,就用手去拉果舊野上水。嘩~! 魚黎咖? 點解咁大餅既? 八卦之下走埋去撘訕,原來果條一條接近斤頭既木黃,釣餌係沙蟲,又係咁岩轉流既時間上水。再傾多一陣,我就同佢扮晒friend咁焜佢做 Model,黎過人魚合照。

之後同佢傾多一陣,原來位大叔既釣具都唔係咩野好野,而且唔見左第三個階添。佢同我講佢支竿係會展返黎,而個絞都係幾十蚊既貨色。佢再一次証明釣技既重要,釣魚係一種有大眾化既運動,如果能力可以負擔得黎,買好小小既釣具獎勵自己固然係好,如果唔想投資咁多,平平地都有得玩。釣具、理論以及實踐同樣重要。

見到條斤頭木黃之後,我家姐問點解魚咁易釣,而我又成日都係白果返屋企? 真係比佢激到彈起! 其實呢個問題我都想知,起碼可以對証下藥改善下釣技丫嘛! 最後我叫我家姐去問董伯伯點解我成日都係白果,嘿~嘿~! 不過又難怪佢地既,佢地一黎到就見到阿大叔唔使三幾下手就左條魚上黎,咪以為好易中囉!

好勒,見有魚我都唔輸開竿餵下魚。愛屋及烏,我愛太古網,所以我愛埋太古海濱公園,就係呢個原因,我耐唔耐都要番黎餵下魚先安樂。開好竿之後,杰杰佢搶住要拋竿,於是我就捉住佢隻手教佢拋。舊鉛一落水,杰杰就即刻口中唸唸有詞 ..."絞~絞~絞~" 而雙手不停將收絲收番黎。佢咁收法收得咁慢好易 kick石,而且絕大多數釣唔到魚,於是我就靜雞雞較鬆晒個磅頂有得佢收。杰杰收左一輪之後我就焜佢話要離開支竿小小,等魚魚睇唔到我地就會放心食餌咖喇。嘿~嘿~! 其實唔想再 kick石攪到好唔得閒至真。

過左一陣,杰杰開始走圍走,我同佢追逐左一輪之後,番去收番之竿睇睇舊餌食完未,收到埋黎先知中左條手板紅衫。條魚上到水,我家姐又問點解條魚冇掙扎既? 查實條魚可能中左好耐,只不過同杰杰玩到興高采烈唔覺條紅衫食左餌之嘛,我都唔想咁對侍佢咖! 既然條紅衫上左黎就唔好啃,點都影番張相先算。話晒都係由杰杰幫手拋竿,呢張相可以算得係佢既第一條魚。弊~~~! 講漏左小小野,手板紅衫既手板以杰杰既手板為準。

影完相之後,我就帶杰杰去海邊將條魚手板紅衫放番落海。佢果陣好似好唔捨得,不過我已經冇帶水桶去釣魚好耐,想暫時將條手板紅衫收監比佢睇下魚魚都唔得。臨放生之前我同杰杰講,條魚魚好細條,你捉左條魚魚,魚魚見唔到佢媽媽會好唔開心咖。嘿~嘿~! 佢又比我焜多次! 最後我放魚之前,杰杰就好開心咁同條魚魚講"魚魚拜拜!"。條手板紅衫上一上水,就可以比我借題發揮順手教育小朋友既釣場保育意識,莫講話最後唔使死,就算要死佢都抵死啦! 嘿~嘿~!

如是這又再拋竿,又再同杰杰追逐完一輪,又再收竿,又唔覺意比我中多一條石狗,呢次放魚杰杰開心好多喇! 冇耐之後,又再上多左一隻手板Size既蟹仔,照舊都係影完相即刻放生。

大約釣到四點左右,杰少同我家人先行離開,而我就見仲有餌釣埋先走。點知釣獲就蕉到貼地,完全係零魚餌。我身邊上木黃位大叔一樣蕉到哎哂救命,另一邊有位哥哥仔開左兩支竿黎釣都係蕉到怕,反而岸邊有三位美少女玩手絲就不停起魚,魚種都係石狗孫同沙孫為主。我所講既美少女只係以佢地既內為基準,而唔係.......,大家千奇唔好誤會! 因為佢地釣到魚上黎都係放生咖,所以好值得我尊稱佢地為美少女。

我附近幾位釣支投釣左幾粒鐘真係連魚訊都冇咖! 全日釣果如果十隻蕉係滿分既我會比八隻蕉! 太古海濱一個星期只有一條過斤魚上水呢個傳聞係真既? 呢個傳言真係有侍証實!


評論清單

1/2. 好蕉
撰寫人 青蛙
Saturday, August 26 2006
網站
真係好鬼蕉今次

2/2. 次次都係咁咖啦!
撰寫人 拉丹
Wednesday, September 06 2006
網站
次次都係咁咖啦! 一入電波,魚獲 No more!

 
 
< 前一個