Menu Content/Inhalt
首頁 arrow 釣遊 arrow 岸釣釣遊 arrow 電波黑仔轉轉轉

誰在線上

線上沒有任何訪客

線上人數

電波黑仔轉轉轉 列印 E-mail
作者 電波釣魚網   
2000/04/29, 星期六
電 波 黑 仔 轉 轉 轉
魚 樂 圈 二 打 六 餵 魚大 會 -- 第 十 五 擊
.
電波 活 動 主 頁 ][行 程 表 ][活 動 內 容]相 片 部份]
.
.
白果杯 Sample :

獎 品: 未 知

大魚杯 Sample :

獎 品 : 未 知

  

活 動 名 稱 :電 波 黑 仔 轉 轉 轉
.
活 動 日 期 :2000 年 4 月 29- 30 日 (星期六/ 日)
Sat 3:30pm - Sun 5:00pm
.
大 會 釣 點:1) 沙 頭 角 魚 排 
2) 沙 頭 角 長 排 咀(磯釣)
.
活 動 行 程 :首 先 會 在 上 水 火 車 站 大 堂 等 , 然 後分  配 各 人 的 禁 區 紙 並 坐 小 巴 過 沙 頭 角 邊 境 , 總 站 下車 後 步 行 約 五 分 鐘 便 到 達 碼 頭 , 再 乘 快 艇 便 到 達 魚 排 .大 概 需 要 半 小 時 車 程 .

到 魚 排 後 各 釣 友 可 以 在 三 個 魚 排 中 選擇 其 中 一 個 排 垂 釣 , 而 在 晚 上 十 時 便 會 舉 行 燒  烤 晚會 . 然 後 再 釣 通 頂 !

星 期 日 早 上 七 點 出 發 去 長 排 咀 磯 釣 !基 於 安 全 理 由 , 我 地 唔 讚 成 釣 友 晚 上 往 長 排 咀 磯 釣 , 因長 排 咀 極 為 接 近 大 陸 , 香 港 既 無 線 電 話 係 收 唔 到 !
.

集 合 地 點 :上水火車站售票大堂
3:30pm
( 請 準 時 出 現 , 逾 時 不 侯 )
.
大 會 釣 法 :手 絲, 筏 釣, 投 釣, 磯 釣, 重 磯,.... 唔 釣都 得! 
.
活 動 費 用 :$190 / 一 位
當 中 $150 魚 排 收 費 ; $40 BBQ 食 品 及 燒 烤 用 品 ; 上 礁 駁 艇 由 魚 排 方 面 免 費 安 排 。
唔 包 早 午 晚 餐 ; 唔 包 任 何 魚 餌 ; 唔 包任 何 釣 具 ; 唔 包 任 何 車 費 唔 包 有 冇 魚 獲 ; 乜 都 唔 包, 今 世唔 包!
魚 獲 可 有 可 無 , 冰 箱 可 吉 可 爆 !

.
活 動 名 額 :45 人
.
負 責 人 員 :照 舊 冇 人 負 責, 自 生 自 滅
. 
備 註/ 聲 明 :1) 帶 備 足 夠 的 銀 兩、魚 具、雨 具、禦 寒 衣 物、食 物 以 及 食 水。

2) 所 有 活 動 均 沒 有 負 責 人 , 更 沒 有 任 何 保 險 。 請 各 參 加 者 注 意 自 身 安 全。

3) 未 滿 十 八 歲 的 參 加 者 必 須 先 得 到 家 長 同 意
 
 

 

 

 

.

文:青蛙) (Download黑手報告Winword Version(大概二千字)

【出席釣友】

魚神、青蛙、奇雲、Eddie、丹尼、某某、肥耀、cc、熊貓大人及友人、亞屈、WaiWai、小豐師傅、Derek、浪花之友、David、Eric、Henry、肥熊、Rayrol、和也,總共廿一人。(排名不分先後)


【特別鳴謝】

鳴謝以下為大會出力不少人仕:
《浪花之友》為大會提供營幕、食水、煮食用具等,及為各釣友服務。
《某某》為大會購買飲品及燒烤用品,以及提供存放地方。
《肥熊》為大會做免費苦力,將有關用品運送至碼頭。
《阿聰》提供船家資料給大會,方便安排交通。


【序言】

十五擊釣點(按圖放大)
十五擊活動終於在幾經波折情況之下順利完成
。原先決定於四月三十日至五月一日在沙頭角魚
排通宵作釣及早上在沙頭角海的長排咀磯釣,但
因人數分配及利益衝突等問題,再加上天公不做
美,落下連場暴雨,最後決定改期於五月廿日至
廿一日在榕樹澳魚排舉行。據小道消息稱,改釣
點的原因是因為沙頭角某魚排排主及上水某魚具
店東主,為爭奪我們這一宗生意,令兩方極不愉
快。由於黑手與兩方都頗相熟,不便得失其中一
方,所以唯有改釣點。正當各參加釣友以為塵埃
落定之際,漁農處突然又發出警告,嚴禁在漁排
範圍內作任何捕魚活動,由於今次是擊類活動,
黑手責任重大,為免有任何不必要的麻煩發生,
最後在四月廿六日(星期三)例會由肥熊提議,
一致決定,釣點改為清水灣的長山咀。經過重重困難,釣點終於可以決定啦!


【黑手變黑仔】

由於今次活動問題多多,令釣期及釣點一改再改,迷信的釣友們便一致歸究黑手腳頭唔
好(我覺得唔係迷信,真珠都冇咁真,佢真係好黑,嘿嘿!),所以今次黑手就比人
叫做『黑仔』,而今次活動名稱更由原來的『電波投磯手筏四項耐力鐵人賽』改做
『電波黑仔轉轉轉』。


【集合前小記】

四月廿日下午十二時,黑手同肥熊約定在地鐵站等,然後步行往某某公司。因為活動改
期,預先已購買的大量食物都擺放在某某的公司,原本十分鐘的路程,因黑手揹著18L
的冰箱,路程仿忽變得特別漫長,經過唔知幾多哩路(其實得幾百米),終於到達了,
而某某已早在公司門口等待。黑手到達後,隨即電召一輛客貨車作運輸用途。在他們整
理物資的時候,突然見到肥熊正在拍打汽水售賣機,原來肥熊發現了一隻老鼠,他說要
捉隻老鼠黎做生餌,真係比佢激死。不久,客貨車到達,黑手、肥熊及某某三人用上最
快速度搬晒所有物資上車,黑手臨走時還叫某某有時間就今晚到。客貨車的下一站是
浪花之友的公司,因為浪花之友有很多物資提供給大會,例如:營幕、煮食用具、大冰
箱等,而最令到黑手最震驚係浪花之友居然「噠」公司19.8L蒸餾水一支給大會
使用。

不知不覺間,已到達集合地點,黑手和肥熊二人將所有物資搬到地上,但是物資相當多,同一時間,cc和熊貓大人亦都到達,而cc己幫黑手買了很多十五擊的禮物,黑手見所有預備功夫已經做好,個肚又餓餓地,所以和肥熊及浪花之友去醫肚,而看守呢個重任,就交比cc和熊貓大人負責。當黑手等人醫完肚之後,番回集合地點時發現天氣開始變壞,風勢亦開始增強,因為正有一股東北季候風影響本港,正因如此,黑手又開始擔心會下雨,因我們所選擇的釣點乃露天場地。

由於當時還未買燒烤既食物,於是黑手、肥熊及浪花之友就去買食物,cc就去買生蝦做當晚魚餌。其他釣友相繼準時到達,青蛙、魚神和WaiWai等人見還有釣友未到,就去買自己所需的物品,當青蛙等人番回集合地點時,其他釣友己幫忙將集合地點的釣具和物資搬到碼頭去。良久,船家到達了,大家又發揮電波精神將所有物品傳遞上船,由於人數眾多,所以今次的交通工具有兩艘船,一艘十數人大船及一艘快艇,正當所有物品已搬到大船上之後,突然,WaiWai大吃一驚,原來...


【捉賊記】

原來WaiWai的背囊失,唔通有賊?在大船上的各釣友都幫忙尋找,但遍尋不獲後,青蛙和WaiWai只好跑回集合地點再看看,因為集合地點很細,一眼可以睇晒,冇可能會遺漏,青蛙便問WaiWai的背囊有什麼特徵,WaiWai說有一條紅色膠鎖鏈掛在背囊外,因集合地點又搵唔到,唯有又走番去船度搵。點知,青蛙在船上看見一個類似WaiWai所描述的背囊被一個唔知係唔係賊釣友揹在背上,青蛙一手拍落那位釣友背上的背囊,那位釣友還慒然不知地反問青蛙什麼事,以為青蛙正在叫他,青蛙說:「你竟然度
做賊嗌捉賊?」。原來..

原來係Eddie掛住幫WaiWai搵背囊,忘記了自己揹住了WaiWai的背囊,呢次仲唔人贓並獲?WaiWai用斜視的眼光看著Eddie,令到Eddie感到非常尷尬,各釣友見狀都大笑起來,Eddie又為大家帶來了無窮歡笑。


【出發了】

各釣友在船上寒喧一番
船家問黑手人齊未,原來仲有兩位釣友David及Rayrol未到,為左唔好令其他釣友度等咁耐,黑手就安排其他人先上大船出發,而黑手同另外3個釣友等埋呢兩條友仔,因大船速度較慢,所以黑手的快艇很快便可以跟得上。不一會,兩位遲來的釣友終於到達,全人類出發,坐快艇的釣友有黑手、David、Rayrol、Eddie、Derek及小豐師傳,由於每當快艇經過一個浪時,David都顯得非常緊張,黑手八卦之下便問David幾句,原來David是第一次坐快艇,佢話有三份之二既時間個屁股坐唔到隻艇,所以好驚。


【到達釣點】

黑手的快艇雖然比大船較遲出發,但由於速度較高,所以黑手等人先到達釣點,上岸時間大概係下午四時左右,上岸之後,黑手就急不及待視察四周還境,釣點都算唔錯,碼頭是一片大平地,非常之大,容納一百人都綽綽有餘,何況我們只得廿一人,所以覺得特別寬敞。不一會,大船亦隨之到達,呢個時候又係發揮電波精神時候,雖然釣具及物品很多,但眾釣友都好快咁將所有既物品搬到岸上。



釣點風景(一)

釣點風景(二)


【開竿】

十五擊仝人大合照
上岸後,第一時間更係影番一幅大合照,跟住就各自各精彩,有些釣友先搵地方落腳營,有些釣友就去視察週圍環境,準備搵個好位當晚博殺,更有心急的釣友開竿開誘餌,投釣投釣,磯釣磯釣,而黑手就攪攪新意思在碼頭的上落客位筏釣,另一方面浪花之友就同幾個釣友就一齊幫手營。WaiWai第一個開好投竿作釣,但為這個釣點係第一次到,又唔知係乜海床,所以WaiWai先以棄鉛釣組,半條青蟲做餌,原因係如果海床係沙底,咁就冇問題,就算係石底,都唔怕鉛錘勾著石而失去魚獲。一間,釣組投出約離岸四十呎左右,魚絲剛剛收緊,各釣友的注意力均集中在他的竿先上,估唔到,說時遲,那時快,竿先跳動兩之後就急速向海拗去...


【第一條魚獲】

黑手和David正在鑽研筏學
各釣友的投釣情況
WaiWai立刻撲前揪竿,樣子十分狼狽,因為他自己本人都從未想過咁快會中魚,一揪之下,收了兩手,魚絲突然斷了,各釣友驚魂未定,心裏又喜又悲,悲係WaiWai剛才釣不到那條不知名
魚,喜係,呢個釣點一放餌就有魚咬?發達咯!各投釣友開始投竿齊發,而磯釣友就浮波齊發。投釣的釣友魚訊頗多,而且非常誇張,差不多一將魚絲收緊就有魚訊,但就一條魚都未有人釣上,點解呢?百思不得其解之際,奇雲突然上了一條大概四的芝麻班仔,呢條班仔就成為了我地第一條魚獲。正當各釣友非常蕉急之際,不一會,青蛙終於將疑團解開,因他釣上了一條兩指大的沙仔,大家終於明白為什麼有魚訊但釣不到魚的原因,因海裏有很多沙仔在搶食魚餌,魚神於不久後又釣上了一條六的青班仔。Eddie因為沒有帶備竿架,只有用冰箱作為竿架,唔夠一分鐘,整支魚竿被強大的拉力拉到差點飛落海,Eddie不敢怠慢,立刻撲前揪竿收絲,感覺幾重,不過好彩都仲收得郁,收回來原來是一條八吋長的沙鑽,其他釣友都有收獲,石九公、油、連米等等,收獲不俗,又密口,可以過足癮。另一方面,孤身鑽研筏學的黑手第一條上水魚係一條不足手板大的小雞魚,本來想比青蛙當晚做生餌,不過條魚上水無幾耐就升仙。之後又猛咁起哨牙妹,而青蛙見到黑手係咁密密上,投釣又已經釣到過足癮,一於又開動筏竿。正常各人釣得盛起之際,各釣友突然聽到一陣怪聲,四周變得一偏寧靜,個個人都唔出聲,日光日白,唔通...


【掃場記】

比人掃場,唯有拆營
原來係一架大型運泥車駛至,剛才的怪聲正是運泥車引擎發出的聲音,車廂內跳出一個身穿地盤衣著,頭戴安全帽的人。佢一落車就叫各釣友放低所有釣具,唔好再度釣魚,說那處是拓務署的管轄範圍內,由於尚未開放給公眾,而且我們用以上岸的碼頭,正是他們用來上落危險品之用,所以那裏是嚴禁給任何人作任何用途。各釣友的第一個反應就以燭筆小新的眼神對黑手怒目而視,心裏想著:「唔係咁黑仔呀?山長水遠走到呢到,諗住可以爆釣一番,黑手黑氣真係咁大威力?」那個地盤工人叫我們好儘快執拾所有物品離開,有些釣友就開始執拾自己的釣具,有些就靜觀其變。(你地話黑手係咪好黑丫?已經千改萬改,千山萬水到呢到又比人趕,唉!)黑手見到咁既情況,無可奈何之下唯有走去同條友針針,黑手猛烈攻勢之下,那個地盤工人終於比我地黑手黑氣所
【開始抽獎】

浪花之友抽得大獎
由於暫時不可作釣,黑手唯有提早舉行壓軸大抽獎,獎品非常豐富,有INAC台灣友網的貼子,有由某某送出,電波煙民的欣物──防風打火機,還很多其他釣具,如失手繩、磯釣小件盒、碳精子線等等,而最令各釣友垂涎的大獎就是加碼的太陽帽一頂。抽獎呢個重任就更係我地電波最高領導人魚神負責啦,

在抽獎的時候,釣友們自己不想要的獎品,就猛叫其他釣友的名字;自已想要的,就狂呼自己的名字,好不熱鬧。雖然剛才發生了不愉快的掃場事件,但很快被抽獎的熱鬧氣氛所覆蓋。經過一輪激烈的叫名戰之後,最後的壓軸大獎是由浪花之友個人獨得,浪花之友中獎亦都係眾望所歸,因他為是次大會付出最多力的一位釣友。

抽獎之後,天色開始昏暗,風勢亦開始增強,青蛙和魚神等人開動怪獸釣組,其他心急的釣友就用最快的速度開竿釣魚
,因為先前魚就餌的情況非常誇,所以釣友們拋竿收緊魚絲之際已經顯得非常緊張,但怪事發生了...


Eddie笑到見牙唔見眼

魚神大人負責抽獎

【舊情不再】

魚神的英姿
釣友們聚精會神地看著自己竿先上的螢光棒,但是過了很久都毫無動靜,可能是因為入黑後魚仔收口,而且風勢明顯增強,不時將竿先吹得亂跳,影響釣友對魚訊的判斷力,剛才的大咬情景已經不再,釣友們由極度興奮,因魚訊趨近零,所以他們漸漸變得沮喪,呢個冇乜驚起情況一直為維持至晚上九時。此時,十五擊第二小隊,丹尼、小柏柏及某某乘坐快艇到達。丹尼本來都冇諗住去,不過受到電波魔鬼青蛙和黑手的再三引誘下,終於抵不住誘惑而慕名而來,但很可惜,他到達的時候魚訊已經停止十九幾世。丹尼和小柏柏一上岸就立刻開動筏竿,而某某就做番佢老本行──行行企企吹吹水,雖電波再添三元大將,但是情況依然沒有什麼起色。晚上十一時左右,大部份釣友都突然間企晒係到唔釣,唔通...


【大咬開始】

原來各釣友已經就黎餓死,於是又再次發揮電波精神,由丹尼帶隊用上熟練的技巧,搵一處避風的平地,又唔知去邊度執石頭番黎,再用帶去的鐵絲網,搭建了兩個電波燒烤爐。大咬一觸即發,由於各人都非常肚餓,所以爐火起得特別快,亦因為呢個原因,食物唔夠兩個round情況之內就沽清,大咬情況異常誇張,非埃塞俄比亞飢民能及。雖然很多釣友都未夠喉,但係都冇辦法(黑手你又狽獲啦,下次買多食物呀)
。燒烤過後,丹尼又帶隊清理災場,其他釣友就繼續釣魚。不久,黑手釣上了一條手板大的連米給青蛙做生餌,很可惜,青蛙的竿先就成晚被這條小魚弄得只有微微擅動。淩晨一時左右,David終於受不住周先生的召喚,走左番去營幕訓覺,就咁放低支筏竿係碼頭度比黑手保管,而通常呢時候,魚就專搵無人看管魚竿攪,David的筏竿在毫無先兆之下急速往海裏插去...


【成晚得兩口】

cc聚精神地等大
負責看守的黑手當然毫不考慮撲前一揪,出事了,從筏竿的弧度來看就知道是一條不小的魚,魚的重量和力量在輕巧敏銳的筏竿上表露無遺,黑手用盡九牛二虎之力去還抗,結果怎樣?當那一條不知名的大魚未發力時,他還可以頂得住,條魚一發力就一間射斷了號半的炭絲(斷絲是必然,因為黑手的黑氣未散,就算比佢中條手板魚都可能斷口,哈哈!)就係咁,David條魚比黑手攪斷左。另一方面,肥耀又亞屈唔到既時候,再次體會到,魚係專攻擊呢個「黃金時機
」。大概淩晨三時,風勢開始減弱,本來是一件好事,不過對於我地講,就係一件壞事,因為風細了,蚊子又開始大咬,很多釣友因此中招,
度蚊連蚊怕水都唔怕,而受害最嚴重就係David,佢淨係塊面都十多處傷痕。良久,黑手亦都比睡魔攻擊,丹尼於較早前幫Derek起了一條梳欏,但Derek很早便去搵阿周蛇,所以佢支筏竿就咁放碼頭,而條大力梳欏就成晚到Jet絞,有些不知情的釣友行過,往往以為Derek支竿中魚,其實只係那一條梳欏做出來的假魚訊,那條梳欏一直jet絞直至天亮,真係異常好力。結果,整晚各釣友都無功而還。


【石霎大咬】

磯釣釣點
早上四時許,晨光初現,可能因為釣點接近東面
,五時已經天亮了,天亮後蚊子亦都漸漸消失,青蛙、Eddie、cc、Rayrol、Eric等釣友便走過去磯位試試,Eric和cc等釣友開動磯竿,而青蛙和Eddie等釣友就開動手竿釣泥,起初魚訊並不多,可能是誘餌的威力,魚訊漸漸增加。第一條上水魚係Eric手板大石霎,之後人人都釣到石霎,雖然不大,但玩手竿的釣友過足手癮。玩手竿的釣友還釣到很多泥,但因為得兩指大,冇乜食用價值,所以釣到都即捕即戎。另一方面,在大本營的黑手醒過來的時候,已經七時多,Henry的投竿突然傳來魚訊,竿先慢慢被拉向海面拗去,他一揪便中了,但奇怪的事發生了...


【大魚杯】

Henry的八爪魚
Henry只感到那魚非常沉重,魚絞也收不動,唯有一一泵上水面。反覆泵了幾但也未見到魚樣,Herny說那魚毫無掙扎,可能是垃圾所為,但最緊要都係上睇睇先。其他釣友可開始聚集睇熱鬧,因為係用幼魚絲,所以Henry小心奕奕地拉上來,大概一分鐘左右,終於見到魚樣,各釣友都大吃一驚,因為水面出現了不是魚,而是一個破舊的玻璃樽,大約一呎長,五吋直徑左右,我們都覺得事有可疑,魚沒有可能可以著表面光滑的玻璃樽。正當各釣友大惑難解之際,小柏柏用千分之一秒時間,用磯釣用的十八呎撈箕將玻璃樽撈了上來,各人一看,「哦!」各釣友道,玻璃樽內走出一條大八爪魚。原來那八爪魚就餌後立刻縮回玻璃樽內,所以釣上來的時候沒有掙扎,又非常沉重。一間各釣友都發出歡呼聲,因為這一條八爪魚已成為了我們十五擊的大魚獎(真係可悲,大魚獎竟然係一條八爪魚)。



【尾聲】

黑手等人先行坐快艇離開
之後不久,浪花之友就開爐煮杯麵,部份釣友開始大
咬食早餐。八時許,往磯釣的釣友也回到大本營加入
大咬行列。大咬完畢後各釣友開始收拾細軟,清理垃
圾等,原本約十時到的船,因船家剛好車人往東龍島
,巧經過,所以黑手、某某等六個人就先乘坐快艇
離去,其他釣友就等待大船來迎接。九時多,昨天的
那個地盤工人又來了,但我們已經收拾好所有物品,
所以他很快便走了。十時正,大船到了,十五擊就在
一片歡樂聲中完滿結束。電波活動咁好玩,你參加
未呀?






 

 


十 五 擊 報 名 表 :
釣 友 名 稱報 名 人 數到 時 釣 法
Thursday, April 06, 2000 at 13:31:38
奇雲
-1阿甲,上次話減一個,請update番,thanks
Monday, April 03, 2000 at 18:54:10
eric
1依喵E-mail iso
Friday, March 31, 2000 at 19:35:49
昌昌
1依喵E-mail 筏仔+手線
Wednesday, March 29, 2000 at 19:09:52
alfred
1依喵E-mail dunno
Wednesday, March 29, 2000 at 02:17:14
charles
1依喵E-mail
Tuesday, March 28, 2000 at 16:18:29
阿安
2依喵E-mail 筏/手釣
Monday, March 27, 2000 at 22:12:10
(後備 3-4)
2依喵E-mail 手絲
Monday, March 27, 2000 at 20:38:13
David (後備 2)
1依喵E-mail ISO..
Monday, March 27, 2000 at 20:02:03
生仔 (後備 1)
1依喵E-mail 手絲
Monday, March 27, 2000 at 17:26:05
菠蘿將軍 (42)
1依喵E-mail
Monday, March 27, 2000 at 16:55:39
冒牌 VICTOR (41)
一手都唔比釣貓...一手都唔比...推魚排排主落海
Monday, March 27, 2000 at 16:48:40
浪花之友 (40)
1依喵E-mail 筏釣
Monday, March 27, 2000 at 13:53:13
正牌奇雲 (38-39)
2依喵E-mail 如來神釣第10式!萬'筏'朝中!!!!!!!
Monday, March 27, 2000 at 12:18:51
koji (37)
1依喵E-mail /
Monday, March 27, 2000 at 12:16:52
再一次不容錯失…再一次小柏柏 (36)
再多一個依喵E-mail 「伴釣」
Monday, March 27, 2000 at 10:36:35
Eddie (34-35)
2
Monday, March 27, 2000 at 10:13:51
熊貓大人 (32-33)
2人依喵E-mail "佛"釣
Monday, March 27, 2000 at 09:10:04
湯咪&神秘女釣友 (30-31)
2依喵E-mail 乜叉都釣﹗
Monday, March 27, 2000 at 08:44:39
速攻~~ (29)
1依喵E-mail 都吾知自己識玩咩..到時至算la...
Monday, March 27, 2000 at 02:02:23
阿京 (28)
1依喵E-mail 筏仔,唔洗做禁區紙有冇得平.....
Monday, March 27, 2000 at 00:51:28
cc (27)
一件依喵E-mail 如果四項都冇料到,唔排除落網o既可能!!
Monday, March 27, 2000 at 00:26:43
Pro/F (26)
1依喵E-mail 放貓落海釣 !!
Monday, March 27, 2000 at 00:07:52
Cobra (25)
one (1)依喵E-mail 隨緣
Monday, March 27, 2000 at 00:03:31
保 羅 (23-24)
2依喵E-mail  都 試
Sunday, March 26, 2000 at 22:10:56
happy (20-22)
3-4依喵E-mail 手釣.磯釣
Sunday, March 26, 2000 at 22:10:34
BB磯 (19)
1依喵E-mail 落綱
Sunday, March 26, 2000 at 21:37:01
賢仔 (18)
1依喵E-mail 重磯
Sunday, March 26, 2000 at 21:33:31
不容錯失的小柏柏 (17)
一個先……依喵E-mail 「罰釣」!!
Sunday, March 26, 2000 at 21:09:07
Henry (16)
1依喵E-mail
Sunday, March 26, 2000 at 20:53:51
David 仔 (15)
1依喵E-mail ISO9002.....
Sunday, March 26, 2000 at 19:00:22
Joey (14)
1依喵E-mail 筏磯
Sunday, March 26, 2000 at 06:37:14
青蛙 (12-13)
2個依喵E-mail 唔釣
Saturday, March 25, 2000 at 21:00:40
derek (11)
1依喵E-mail iso
Saturday, March 25, 2000 at 20:44:27
SonBiu (10)
1依喵E-mail 全程筏仔 , 其他吾玩
Saturday, March 25, 2000 at 12:40:07
eric (09)
1依喵E-mail 投+磯釣
Saturday, March 25, 2000 at 11:49:34
小豐 (08)
1依喵E-mail iso.........
Saturday, March 25, 2000 at 10:30:48
Fat Yiu(07)
1 條友仔依喵E-mail 同亞屈玩投杆+筏杆潛水.(今次有冇失手繩呀!)
Saturday, March 25, 2000 at 08:29:42
肥熊尚義(06)
1 大件依喵E-mail 釣太陽魚
Saturday, March 25, 2000 at 08:28:13
堅勇(05)
1依喵E-mail 比多幾手拒.....然後落海救反魚排隻貓上來...
Saturday, March 25, 2000 at 08:10:38
黑手(04)
1 條蔑理依喵E-mail 釣魚排...一手都唔比...推魚排隻貓落海
Saturday, March 25, 2000 at 00:51:50
某某(03)
1依喵E-mail 同亞屈比賽,邊個投得遠d
Saturday, March 25, 2000 at 00:43:23
Le' Dan(02)
1依喵E-mail 睇心情而定
Saturday, March 25, 2000 at 00:35:12
亞屈 (01)
1依喵E-mail 再玩投桿潛水


祝 各 位 釣 友 旅 途 愉 快 !  個 個 爆 箱!

 
 
< 前一個   下一個 >