Menu Content/Inhalt
首頁 arrow 釣遊 arrow 艇釣釣遊 arrow 電波烏Sir Sir 墨魚團 (簡介)

誰在線上

線上沒有任何訪客

線上人數

電波烏Sir Sir 墨魚團 (簡介) 列印 E-mail
作者 電波釣魚網   
2000/06/17, 星期六
電 波 烏 Sir Sir 墨 魚 團
魚 樂 圈 二 打 六 餵 魚 大 會 -- 第 十 六 擊
[電波活動][行程表][簡 介][ A 船][ B 船 ] [ C 船 ]
 
白果杯


獎品:未知

大魚杯


獎品:未知

 

活 動 名 稱 電波烏SirSir墨魚團
 
活 動 日 期2000年6月17日(星期六)
 
大 會 釣 點西貢一帶
 
活 動 時 間6:00p.m. - 10:00p.m.
 
集 合 地 點西貢碼頭
 
集 合 時 間5:30p.m. (請準時出現,逾時不侯,船唔等人。)
 
大 會 釣 法死戳、狂 戳、唔 戳 都 得。
 
活 動 費 用每人收費$150.00
包自助餐費,包船費,包借用手絲,包幸運大抽獎,但係唔包有冇料到。

 
活 動 名 額90人 (三隻西式遊艇) (報名表格) (確實人數表)
 
負 責 人 員黑 手
 
注 意 事 項未滿十八歲的參加者必須先得到家長同意

由於今擊活動照片較多,所以會分A,B,C船存放相片,請選擇相集。
如想看看釣友出擊前後心聲,可以睇睇
十六擊討論區 啦!


A 船 釣 友 合 照
A 船 相 集 & 報 告
本船阿四 : Son'  Biu

B 船 釣 友 合 照
B 船 相 集 & 報 告
本船阿四 : Le' Dan

C 船 釣 友 合 照
 C 船 相 集 & 報 告
本船阿四 : T.O.

 十六擊電波烏Sir Sir 墨魚團打破了本網自創辦以來的參加人數新紀錄,一共有九十多人參加。是項活動人數較多,若只租用一艘 100人的遊艇, 恐怕釣位極之不足,故本擊之黑手特別安排了三艘能載三十多人的中式馱艇,使釣友有足夠的釣位作釣。 

本擊黑手大人更為各參加者安排了自助餐到會服務以及飲品,不用各參加者擔憂用膳的問題。此外,他更親自為大會選購抽獎的獎品,以增加活陞 氣氛。 

事前功夫還是多得很,例如將由報名、收費、聯絡以至為參加者安排分船事擬,他都安排得很完善。就連 "甩底" 的參加者,他都花了不小心機去 找人填補位置。 

本擊的黑手真的做得很好,故本網特此嘉許十六黑手為電波活動作出的貢獻。 
 
 

上 船 前 終 合 報 導   by Le' Dan @ June 2000


朝早十點幾,當黑手助理返到公司果陣,就收到黑手既電話,佢話要剷上 助理公司打躉。黑手到詳助理公司之後,助理問黑手有咩可以幫拖,但韌手回答所有野已經準備好晒。而他為一擔心既就係天氣欠佳既問題。咁呢 樣野阿助理都幫唔到手。 

黑手打擾完助理既公司之後,就一齊去為大會提供食物既食品公司工場 督工。由於該食品公司既老闆同佢地好鬼熟,所以好多野都收得好平,朱且大年夾底食。但係平都唔夠,佢地見到工場有這喱糖,仲要撻埋去做甜 品添。 

工場攪事攪到四點幾,就約埋 T.O. 去工場匯合,再Call 客貨車親自押 運食品出發去集合地點--- 西貢碼頭。由於今次活動分三艘船,黑手、助理 以及T.O.分別要負責其中一架船的阿四工作,所以黑手車上面吩咐各阿四要注意既野。當然,時不時都有D電話打比黑手問哩問撈,攪攪鎮冇幫趁。 越接近五點半,冇幫趁既電話越黎越多,機乎一收線又有人打,一時要注鬼旺場。 

打電話釣友好多都係通知佢已經到,不過亦唔排除各參加者都擔心今 擊黑手水籠標會唔會托水籠走佬呢? 其實,熟悉水籠標既釣友都合道佢點會 咁做呢? 正所謂大雞唔食細米,如果今次係去南海油田,或者出去外國釣魚,收晒錢既水籠標就一定會著草,不過今次數目唔大佢一定唔會托水籠。 

黑手未到碼頭既時侯,已經拖衡馬出去碼頭附近等佢。架車一去到碼頭,就 有釣友打開貨Van車尾門落貨,唔使一陣,車尾既貨已經落晒。速度之黑手真係令人懷疑佢地係咪平時都有份打劫、老粒、綁架之類既不法行為。電視 成日都有得睇啦,好多時一架貨Van 停底左,D 賊佬就好快手快腳咁攪掂佢 地既野。各釣友一人一箱,夾手夾腳的晒 D 食物出碼頭集合既地方。 

黑手去到碼頭之後,即刻打開青B B 既電波 Banner以及同其他釣友點名報到。一時間碼頭有多鬼多人,有電波釣友啦、有電波女友啦、有電波情人啦、有 有電波家屬啦、有電波朋友啦... 淨係自己友都九十幾人,何況仲有其他人攪 既墨魚團呢 ? 碼頭上當時估計有過千人聚集,當然我地唔排除有好多人係小豐師傅既釣迷會fans,特登出黎碼頭同佢影相以及簽名。而其中兩名男Fans (侯X / X'Dan)要求與小豐師傅合照時被他拒絕,當時正好比我地特約記者影 Cobra影到。本網稍後登出之後唔知會唔會影響小豐師傅既受歡程度呢?! 

今次活動因為碼頭一片混亂,我地唔可以將所有人一鑊過影團體相,只係可以分A,B,C船影。影完相之後碼頭對出既海面上已經全部都係船,起碼有廿幾 三十艘船海面飄浮,架架船都掙住泊碼頭。 

到左六點,A船以及C船都已經分別到左碼頭,而B船連隻船影都唔見。而釣友呢? 所有釣友都差不多到齊了,屈指一算,只有 Jorden師傅伉儷 以及青蛙伉儷尚未到達。但由於碼頭既情況立立亂,所以黑手安排已人齊既C船首先開出,前往目 的釣點---- 科技大學對開海面。A船尚欠 Jorden 師傅伉儷,但黑手唔鬼理阿 Jorden,決定叫眾A船釣友上船。當所有人上晒A船之後,黑手就叫船家開船....科技大學對開海面。A船? Jorden 到達後再回碼頭一次。冇耐之後,Jorden 師傅 伉儷已經出現碼頭。碼頭上既助理就馬上通知A船船家將船泊岸‘X去碼頭對開海?

A船同C船已經順利開出,但係 B 船隻船連船影都未見。唔只船影未見,連隻青蛙既蛙影都未見。六點十五分,船影同蛙影都未見。六點二十分,環看方原百里,都未見 B船出現。到左二十五分,隻船唔知邊度飄埋黎,突然間我地眼前出現。真係好鬼邪,邪既唔單只係呢一樣,最邪既就係青蛙唔知邊度跳左出,佢最遲先到,但係佢係最早上船果幾個。攪到六點半,A、B、C三船先可以離開碼頭出發去科技大學。 

至於船上面有咩事發生?? 有咩野釣獲 ?? 邊個釣最多 ?? 請留意A、B、C三船的釣獲報告啦!

 

---------------

 

十六擊電波烏Sir Sir墨魚團舉行在即,
無論你將會參加/唔會參加/唔知會唔會參加,
你都o黎分享一下你o既心得啦!

ericII 2000 年 5 月 25 日( 星期四 ) - 下午 11 時 46 分 說:

 I interest at it ,but the amount(40) is far from enough. 

亞屈 2000 年 5 月 26 日( 星期五 ) - 上午 12 時 00 分 說:

 yeah!我報到名喇! 

Le' Dan 2000 年 5 月 26 日( 星期五 ) - 上午 12 時 12 分 說:

 青蛙:
個報名表有 蟲蟲,每 reload 一次就再"鵰拔旗" 報名一次。
你識做啦! 我"鵰............拔旗"報左幾次咖喇! 

Son' c 2000 年 5 月 26 日( 星期五 ) - 上午 12 時 28 分 說:

 All:
有冇人當日用筏仔呀﹖!

米蛙哥:
我都係“鵰............拔旗”呀!鎖你!! 

某某 2000 年 5 月 26 日( 星期五 ) - 上午 12 時 32 分 說:

 all
報名重刺激過釣魚 

jimmy 2000 年 5 月 26 日( 星期五 ) - 上午 12 時 36 分 說:

 有冇攪錯!唔係已經爆滿呀??? 

黑手16 2000 年 5 月 26 日( 星期五 ) - 上午 12 時 47 分 說:

 好啦!大家咁支持聽一於
聽晚加推名額公開認購 

浪花之友 2000 年 5 月 26 日( 星期五 ) - 上午 12 時 54 分 說:

 夾大佬:
你45分先比密碼我,重係薯仔文黎.
我已經當多金黎做,比番文我番瓜了!!!!! 

亞屈 2000 年 5 月 26 日( 星期五 ) - 上午 01 時 00 分 說:

 真係仲刺激過釣魚

cc:
我會帶筏仔,話唔定帶埋投竿,如果有魷魚仔而有有剩的話唔排除之後去偷釣,有冇人
有興趣呀? 

Son' c 2000 年 5 月 26 日( 星期五 ) - 上午 01 時 06 分 說:

 亞屈:
西貢碼頭﹖!
我就唔得喇,要同囡囡番屋企呀!

十六擊黑手:
當晚鮮魷係咪即捕即炒呀﹖! 

十六擊黑手 2000 年 5 月 26 日( 星期五 ) - 上午 01 時 11 分 說:

 Son' c :

釣到先算啦

即炒吾係好老黎 , 不如即煮啦!! 

Son' c 2000 年 5 月 26 日( 星期五 ) - 上午 01 時 17 分 說:

 十六擊黑手:

即卓仲好喎!! 

浪花三郎 2000 年 5 月 26 日( 星期五 ) - 上午 01 時 36 分 說:

 十六擊黑手:
不如大會抽兩個人出黎,他們用自己釣的墨魚互擲.
一人一次不准避,派件便利雨衣包著無禁傷.不准擲面.
釣得多子彈多有著數!
恩恩冤冤...墨魚了斷 

青蛙 2000 年 5 月 26 日( 星期五 ) - 上午 01 時 40 分 說:

 To 浪花:

咁刺激? 唔係丫嘛, 咁我唔排除要出拖網呢個可能性, 嘿嘿! 

Son' c 2000 年 5 月 26 日( 星期五 ) - 上午 01 時 50 分 說:

 花花:

咁我去炸魚喇!嘿嘿! 

肥熊尚義 2000 年 5 月 26 日( 星期五 ) - 上午 08 時 26 分 說:

 甲甲 / 喪屍 :
我今早報名時冇睇, 原來我已經報o左, 多謝其他釣友幫忙, 現恭請兩位高抬貴手, delete 今早 0830 報名o個個, 留番個位俾其他人.... 鎖你鎖你.... 

肥熊尚義 2000 年 5 月 26 日( 星期五 ) - 上午 08 時 31 分 說:

 All :
嘩, 你班友仔, 十幾分鐘就爆滿, 有冇九兩菜呀???? (PG)

甲甲 :
你唔加推我實唔肯過你, 小心你要扮貓俾人推落海..... 

Le' Dan 2000 年 5 月 26 日( 星期五 ) - 上午 08 時 52 分 說:

 肥熊尚義:
40個位已經爆左喇 ,不過黑手16話會加推一D比
其他非會員既網友。名額為 60人,再加推既可能
性已經唔大 。

你係報左 $25 既碼頭團嘛 ?? 嘿~~嘿~~! 

肥熊尚義 2000 年 5 月 26 日( 星期五 ) - 上午 09 時 22 分 說:

 老丹 :
我同你咁 friend, 你又好唔老o黎亞甲, 我地都算同一陣線啵.... 你又同我報o左 25蚊碼頭團, 番橋番橋.... 

Le' Dan 2000 年 5 月 26 日( 星期五 ) - 上午 10 時 10 分 說:

 肥熊尚義 :
唔好提阿甲條友仔喇! 幫人報名咁小事都唔做,
佢唔做咪等我 Le'Dan 做囉! 呵~~呵~~! 

浪花之友 2000 年 5 月 26 日( 星期五 ) - 下午 04 時 28 分 說:

 苦!苦!苦!登艦爭奪戰
沉晚返屋企.即接大內密令要奪取登艦証,
唯有順手隻鴨比同白酒衝返危機中心準備運作.
一睇個網40幾人(琴緊)上去.一齊去喇!
望見船長(番事圭)企係船頭好型仔,等候(護士夾)一齊玩十字架豆腐.
好衰唔衰被(護士夾)問我密碼.我話無.夾硬拒絕登艦.
當時接近12點亂曬龍,個網塞住行不通.
有人吹口水浮上去.
有人笨豬針彈上去.
最奇居然用星爺個(夾神)飛上去都有.
各不相讓,各式各樣,各自各精彩.
好彩有人留條()係到,我(喇喇聲)都(琴)上去! 

16 黑手 2000 年 5 月 26 日( 星期五 ) - 下午 05 時 07 分 說:

 多謝大家咁支持第十六擊
不過要睇下今晚報名情況
先決定是否再加多一隻艦 

Le' Dan 2000 年 5 月 26 日( 星期五 ) - 下午 06 時 35 分 說:

 設計部:
大魚杯同白果杯張個 Designs 好攪野丫!
哈~~哈~~~ 

堅勇 2000 年 5 月 26 日( 星期五 ) - 下午 08 時 08 分 說:

 十六黑手...
嘩..我咁遲先報名...唔知仲有無位呀 

青蛙 2000 年 5 月 26 日( 星期五 ) - 下午 10 時 04 分 說:

 To 堅勇:
放心啦, 實有你份! 

jimmy 2000 年 5 月 26 日( 星期五 ) - 下午 11 時 56 分 說:

 Sorry sorry ! I applied for 十六擊 twice, because at first I requested only 1 ticket by mistake! Actually I need 2 !! Would the host please delete the spare one for me. Thank you very much ! 

和也 2000 年 5 月 27 日( 星期六 ) - 上午 12 時 09 分 說:

 嘩嘩......無上一日網就咁大獲!
噢.....叫我點算~~ 

16擊黑手助理 2000 年 5 月 27 日( 星期六 ) - 上午 10 時 00 分 說:

 All:
16 擊依家有D尷尬 ,因為未Confirm
開唔開第三艦隊,相信好多釣友唔敢
再報名,所以依家只係得 76人 。

如果開兩只艦,有十幾個釣友會好失
望。如果唔夠 90人,我地唔會開多一
隻艦,所以想參加呢項活動既釣友,
唔該盡快報名啦! 

黑手16 & 黑手16Asst 2000 年 5 月 27 日( 星期六 ) - 上午 11 時 01 分 說:

 【十 六 擊 最 新 消 息 】
十六擊黑手決定加推最後一旗....艦,
總人數增加至 90人,決不加推。

各釣友會分別乘坐三艘唔知豪唔豪華遊
艇,再享用唔知自助定配給既自助餐。
本活動將由電波基金額外撥款 HK$1000
買獎品。

如果有興趣既釣友,請盡快報名。重申
一句,決不加推。

傑傑 keith  2000 年 5 月 27 日( 星期六 ) - 下午 07 時 35 分 說:

 All osf
幣家伙!I am late
please , give me a one change ...ok? 

ckf 2000 年 5 月 27 日( 星期六 ) - 下午 08 時 18 分 說:

 16 黑手 :
Total 3 位(2大1小), 已報名,唔該哂! 

細蝦 2000 年 5 月 28 日( 星期日 ) - 下午 09 時 46 分 說:

 我用星期日成個下晝入會,卒知成功喇! 

Tommy 2000 年 5 月 29 日( 星期一 ) - 下午 07 時 18 分 說:

 特別通知:

五月二+七日晚
西貢墨魚團
三隻艇只得+隻魷魚

希望你們好運!

P.S. 開燈後過萬泥艋圍船 

16 黑手 2000 年 5 月 29 日( 星期一 ) - 下午 07 時 30 分 說:

 Tommy :

咁正過萬泥艋圍船,有冇順手釣番兩三千條先.哈,,, 

wesley 2000 年 5 月 30 日( 星期二 ) - 上午 02 時 46 分 說:

 Hi All,

Just come back form "Big SIX" 大陸, I am too late to put my name down, but anyway, still support this fishing event ga.
If any chance can join in this fishing trip, pls email me to confirm, then I can deposit $$ to bank account. 

Fatbear 2000 年 5 月 30 日( 星期二 ) - 上午 08 時 57 分 說:

 All :
要用乜絲? 幾磅? 乜鉤? 幾大????? 

某某 2000 年 5 月 31 日( 星期三 ) - 下午 01 時 31 分 說:

 to : 肥熊,
用喪絲啦,180磅卦,倒掛金鉤,幾大就幾大啦,哈~~~哈 

肥熊尚義 2000 年 5 月 31 日( 星期三 ) - 下午 02 時 20 分 說:

 某某 :
咁多人去釣魚唔見你去釣~~~? 180磅喪絲? 好難梆鉤啵..... 騎騎.... 

man 2000 年 5 月 31 日( 星期三 ) - 下午 10 時 36 分 說:

 黑手~~~~~`
唔知可唔可以過兩日先至入數呀~~~~~`
我今日先至入到呢太古網~~~~~~~~
(((((我呢幾日完全入唔到呢呀))))))) 

鬆 c 2000 年 6 月 1 日( 星期四 ) - 上午 01 時 10 分 說:

 某某大人 & 肥熊大人:

唔好搭我落海呀!
最多我叫呀米青蛙比o的“嘆米青絲”過你o地o丫! 

16 黑手 2000 年 6 月 1 日( 星期四 ) - 上午 02 時 47 分 說:

 ~~~~~~ 各 位 墨 魚 團 友 注 意 ~~~~~~~~

最 後 決 定 過 數 期 限 為 6 月 2 日

星 期 五 23:59 截 止

過 時 入 數 者 當 作 自 動 棄 權

如 有 問 題 請 電 聯 水 籠 標 9122 3751 

16 黑手 2000 年 6 月 1 日( 星期四 ) - 上午 02 時 49 分 說:

 ~~~~~~ 各 位 墨 魚 團 友 注 意 ~~~~~~~~

最後決定過數期限為6月2日

星期五 23:59 截止

過時入數者當作自動棄權

如有問題請電聯水籠標 9122 3751 

16 黑手 2000 年 6 月 8 日( 星期四 ) - 上午 01 時 22 分 說:

 ~~~~~ 特 別 佈 告 ~~~~~~~~~~

6月17日墨魚團尚有小量名額,
如有查詢可電 9122-3751 霍先生洽 

Hnaley 2000 年 6 月 8 日( 星期四 ) - 下午 07 時 26 分 說:

 大家好!我叫Hanley,花名BIKE 仔,住新界. 新入會,請多多指教!!
我近排好得閒,釣魚call 埋我
ICQ:33701832
Email: 這個email住址已經被防垃圾郵件程式保護,您需要啟動Javascript才能觀看

De'Edd 2000 年 6 月 8 日( 星期四 ) - 下午 07 時 36 分 說:

 Hnaley :
歡迎, 多多指教,你睇見討論區吹水區有釣局,寫上去話你都去咁就得勒. 

JORDEN 2000 年 6 月 8 日( 星期四 ) - 下午 07 時 39 分 說:

 BIKE仔:
好歡迎你的加入,得閒就多D到吹水區吹下水,
只要見到有釣友登釣局出來,你就可以出聲加入.
你今日click左未呀? 

De'Edd 2000 年 6 月 8 日( 星期四 ) - 下午 07 時 40 分 說:

 Hnaley :
我都唔記得,呢度係十六擊賽前討論區,請移玉步到吹水區吹下水啦. 

Hanley 2000 年 6 月 8 日( 星期四 ) - 下午 07 時 59 分 說:

 ok,De'Edd 我會去吹水區ka la~ 係呀,頭先我打錯字,係Hanley,not Hnaley 

16 黑手 2000 年 6 月 9 日( 星期五 ) - 上午 12 時 58 分 說:

 ~~~~~~ 各 位 釣 友 ~~~~~~~

矣....你地係吾係想玩死 16 黑手丫 

2000 年 6 月 9 日( 星期五 ) - 上午 08 時 35 分 說:

 16 黑手:
"黑手" 呢個朵比果個 "過期野" 攪到唔係咁老例。
估唔到連纍埋今擊添! 都係果個 "過期野" 唔好!

All:
希望報左名既釣友盡快入數。黑手唔易做咖!! Thanks! 

某某 2000 年 6 月 9 日( 星期五 ) - 下午 09 時 59 分 說:

 to : 黑手16
如果我想加一個位,可以嗎? 

16 黑手 2000 年 6 月 9 日( 星期五 ) - 下午 10 時 20 分 說:

 某某哥 :

你加一位咁小,起碼都加十個八個啦!
冇問題丫你 

某某 2000 年 6 月 9 日( 星期五 ) - 下午 10 時 36 分 說:

 to :黑手16
latex 比錢呀? 

16 黑手 2000 年 6 月 9 日( 星期五 ) - 下午 10 時 41 分 說:

 某某:

冇問題,不過千其吾比錢隻青蛙丫.哈.. 

某某 2000 年 6 月 9 日( 星期五 ) - 下午 10 時 44 分 說:

 to : 黑手16
咁我到時帶埋小某某同贖金一齊到啦,天橋 

16 黑手 2000 年 6 月 12 日( 星期一 ) - 下午 10 時 54 分 說:

 ~~~~~~ 特 別 通 緝 ~~~~~~

Vincent1303 and Pro/F 兩位大哥
吾該聯絡水籠標 9122-3751 

肥熊尚義 2000 年 6 月 14 日( 星期三 ) - 上午 08 時 23 分 說:

 16 黑手 :
唔該我可唔可以改去上 B 船呢??? 唔得就算啦!!! 

鬆 c 2000 年 6 月 14 日( 星期三 ) - 上午 09 時 35 分 說:

 十六黑手:

報多三個名得唔得呀﹖
得就今晚比貨水比你啦!! 

浪花之友 2000 年 6 月 14 日( 星期三 ) - 上午 10 時 38 分 說:

 肥熊大個仔嫁喇!
唔駛成日跟住的(鶯高). 

jimmy 2000 年 6 月 14 日( 星期三 ) - 上午 11 時 46 分 說:

 星期六除了要帶水籠標o既收數單外,仲要帶o的乜呀? 駛唔駛帶釣具`魚餌同墨魚勾? 

16 黑手 2000 年 6 月 14 日( 星期三 ) - 下午 04 時 54 分 說:

 鬆 c :

ok la. 

16 黑手 2000 年 6 月 14 日( 星期三 ) - 下午 04 時 55 分 說:

 鬆 c :
OK la. 

Asst 黑手 2000 年 6 月 14 日( 星期三 ) - 下午 07 時 16 分 說:

 Jimmy:
好歡迎你第一次參加電波擊類活動。
星期六基本上係全包既! 如果你想未天黑前釣下魚,
你可以帶埋釣具,不過魚餌就要自備喇!

墨魚勾同手絲隻艦係包埋既! 所以唔使帶。

如果你暈船浪,最好帶埋 D 丸仔去啪! 食物同水大會有
安排,不過如果你唔怕重,可以帶多小小飲品。

仲有咩問題可以再留言。 

亞屈 2000 年 6 月 14 日( 星期三 ) - 下午 11 時 42 分 說:

 All:
十六擊上晝有冇攪作呀? 

某某 2000 年 6 月 15 日( 星期四 ) - 上午 12 時 08 分 說:

 to : 老屈
不如16擊後丫 

16 黑手 2000 年 6 月 15 日( 星期四 ) - 上午 01 時 51 分 說:

 ~~~~~十六擊最終分船表已經登出~~~~~

十六擊既最終分船表已經登出啦,
希望各位團友留意自己所編既船,

六月十七日各團友須在下午五時三十分
到達"西貢公眾碼頭"集合向該船 阿四
報到及出示入數收據,

* 當日如有任何問題
可電 9122-3751 找霍先生/ Biu 

Victor 2000 年 6 月 15 日( 星期四 ) - 下午 11 時 48 分 說:

 ALL:
睇怕今年墨魚並唔多
各位釣友不要抱太大期望
又或者帶埋船竿等重型架生
打怪獸 

16 黑 手  2000 年 6 月 16 日( 星期五 ) - 上午 12 時 09 分 說:

 ~~~~~各 位 十 六 擊 墨 魚 團 團 友請 注 意 ~~~~~

6 月 17 曰 各 位 團 友 請 準 時 到 達 西貢 公 眾 碼 頭 .
登 船 到 達 目 的 地 後 可 享 用 吾 知豐 吾 豐 富 既
自 助 餐 及 一 支 清 水 之 後 大 家 可以 死 戳 狂 戳
直 到 完 場 .

*** 逾 時 不 侯 *** 

Cap~tain 2000 年 6 月 16 日( 星期五 ) - 上午 02 時 10 分 說:

 To 16 黑 手 ;
At the last minutes , my wife told me she will come back tomorrow....(change schedule).
So if possible, I will bring $ to Sai Kung on time to meet you ar!
Sorry for my ...!Ha..Ha! 

Le' Dan 2000 年 6 月 16 日( 星期五 ) - 上午 02 時 13 分 說:

 16 黑 手:
應承住阿 caption 先,到時一於坐地起價! 嘿~嘿~! 

某某 2000 年 6 月 16 日( 星期五 ) - 上午 04 時 23 分 說:

 to : 五苦&耆英

齊人啦 

浪花之友 2000 年 6 月 16 日( 星期五 ) - 下午 02 時 04 分 說:

 五苦&耆英
今次黑手都話得囉!
同歡唱囉...啊啊....呀呀....啞啞..... 

16 黑 手  2000 年 6 月 16 日( 星期五 ) - 下午 08 時 46 分 說:

 Cap~tain :

不 如 你 聽 日 有 答 案 就 立 刻
通 知 我 .而 你 可 以 坐 B 船 .
其 他 既 野 聽 日 電 聯 . 

16 黑 手  2000 年 6 月 16 日( 星期五 ) - 下午 08 時 58 分 說:

 ~~~ 各 位 團 友 請 注 意 ~~~

16 擊 既 分 船 表 已 經 編 好 啦 !!
大 家 吾 該 去 碌 碌 * look look 

16 黑 手  2000 年 6 月 16 日( 星期五 ) - 下午 10 時 40 分 說:

 wesley :

你 既 要 求 冇 問 題 ,
一 於 留 多 個 位 比 你 . 

Asst 黑手 2000 年 6 月 17 日( 星期六 ) - 上午 12 時 51 分 說:

 黑手:
乜 B 船 比四大家族玩晒既! 哈~哈~!
成隻船有 38人,四大家族佔左 26人喎!
我地 D 細拆家仲有定 掟企既! 哈~~!

四大家族為 :
阿屈 x 4
CC x 5
浪花之友 x 8
Tigerman x 9 

16 黑 手  2000 年 6 月 17 日( 星期六 ) - 上午 01 時 03 分 說:

 阿屈 :

對 吾 住 B 船 係 冇 你 份 架 .
C 船 至 真 吾 好 意 思 丫 .
生 手 攪 個 html file 依 家 去 改
sorry 好 多 個

** 重 新 聲 明 阿 屈 係 C 船 既 **

多 謝 Asst 黑 手 

tigerman 2000 年 6 月 17 日( 星期六 ) - 上午 01 時 03 分 說:

 Asst 黑手:
原本冇咁多人咖,佬友問到又有人唔去咪加到現在九囉。
如仲有位的話可能或者會包艇的。 

Asst 黑手 2000 年 6 月 17 日( 星期六 ) - 上午 01 時 16 分 說:

 黑手:
哈~哈~! 仲以為 B船咁疊馬添!

Tigerman:
查實我今次都冇乜野做過,全部都係黑手
一手包辦。不過呢D活動今擊黑手都唔當係
乜野! 好碎料之嘛! 黑手既安排冇衰既!
(P.S. 嘿~嘿~! 激鬼死果個過期野! 哈~哈~!) 

肥熊尚義 2000 年 6 月 17 日( 星期六 ) - 上午 08 時 36 分 說:

 大哥文 :
乜你~~~~又係狗...... 鎖你鎖你, 係九個人.... 咁多o既???? 

Cap~tain 2000 年 6 月 17 日( 星期六 ) - 上午 10 時 19 分 說:

 甲;
不如call OSF/NSF 23/6/00 出海去果洲;沉船排?/font>
粗野;當出油田都好;每人一百;好快又爆..唸唸佢!
REM.
我要坐C船;多OSF 多野講D ..OK? 

jimmy 2000 年 6 月 17 日( 星期六 ) - 上午 11 時 33 分 說:

 黑手 :
Originally I was assigned to Boat B. Now, the new arrangement is Boat A. The problem is : I should have one more friend to come with me, but the assignment of seats in Boat A allows only one seat for me !!!!!

Please make some adjustment for me. Thanks 

16 黑 手  2000 年 6 月 18 日( 星期日 ) - 下午 10 時 15 分 說:

all:
十 六 擊 終 於 完滿 結 束 .
好 多 謝 大 家 既參 加 .
大 家 如 果 有 乜議 見 可 以
盡 量 提 出 等 日後 各 位 黑 手
多 加 留 意 及 參考 多 謝

某某 2000 年 6 月 18 日( 星期日 ) - 下午 10 時 43 分 說:

 to : 黑手16 & asst 黑手s

多謝你地為我地悉心安排行程;食物及禮品,浪費你地唔少私人時間,
雖然天不造美,釣獲但船內氣氛依然搞得有聲有色.

天橋 

鬆 c 2000 年 6 月 18 日( 星期日 ) - 下午 11 時 02 分 說:

 十六黑手大人:

我最鍾意o的香蕉大咬盒,既應境又有心思!
不如十七擊再用啦(嘿嘿!十七擊我無得去,問你o地死未)!! 

jimmy 2000 年 6 月 19 日( 星期一 ) - 上午 12 時 34 分 說:

 十六擊o既黑手 & 阿四:
多謝悉心安排,我第一次參加擊類活動,雖然"錯"唔到墨魚,仍很開心.見到o的魚仔跳水好過癮.

標哥哥:
冇諗到咁快就可以收到相片,釘喬 ! 

Le' Dan 2000 年 6 月 19 日( 星期一 ) - 上午 01 時 09 分 說:

 上個星期六同朋友去擢墨魚,我擢到既數目係
全船總數量既 20 % (即兩條),估唔到十六擊我擢到
既墨魚數見都係全船總數量既 20 % (都係兩條)!
嘿~嘿~! 真係保持水準! 

糖糖 2000 年 6 月 19 日( 星期一 ) - 下午 01 時 04 分 說:

 估唔到今期黑手攪個咁溫馨浪漫活動比我大家 ! 鬆C 講得好, 蕉箱真係好有意思, "雨夜伴蕉, 墨射佳人" , 實在太浪漫 ! 連做魚拓人拓墨水都慳番 ! 而隨了浪漫同溫馨之外仲比小弟見識到 "墨魚寶" 呢樣尖端科技產品 (我一定唔會再買香港科技股) !!

實在太感激呢期黑手同阿四佢, 今次可以見到釣友們拖男帶女, 一家幾口, 樂於其中活動, 希望太古高層將來可以多攪一同類型活動, 等各男女老幼都可以分享太古歡樂氣氛. 

熊貓女佳佳 2000 年 6 月 21 日( 星期三 ) - 下午 10 時 31 分 說:

 十六擊既黑手哥哥:
今次是我第一次參加電波釣友既活動,真係好鬼開心,估唔到有咁多人參加,d釣友仲估唔到咁攪笑添!多謝你既悉心安排,希望下次仲有機會參加啦...

標叔叔:
冇諗過自己個樣會係web出現,真係好開心,不過點解download後唔見左釣到墨魚個張既,oh!!!!!!天呀...... 

16 黑 手  2000 年 6 月 21 日( 星期三 ) - 下午 11 時 17 分 說:

 熊 貓 女 佳 佳 :

吾 好 意 思 丫 ! D 相 已 經 e-mail 左 比妳 

佳佳 2000 年 6 月 21 日( 星期三 ) - 下午 11 時 25 分 說:

 THANKYOU!!!!!(標叔叔) 

16 黑 手  2000 年 6 月 21 日( 星期三 ) - 下午 11 時 30 分 說:

 佳 佳 :

咪 鬼 咁 客 氣 啦 !! 多 D 上 黎 吹 下 水 ,
同 埋 跟 安 安 同 我 地 一 齊 去 釣 下魚 

16 黑手 2000 年 6 月 22 日( 星期四 ) - 上午 11 時 11 分 說:

 十六擊墨魚團既所有報告已經齊啦!
大家可以去睇睇 

Asst 黑手 16 2000 年 6 月 22 日( 星期四 ) - 上午 11 時 31 分 說:

 16 黑手 :
未呀! 尋晚有 C 船既相已經交左比小柏柏。
要等小柏柏 s驚 完之後再 upload ,仲有要
close 埋呢個討論區先叫做 complete。

不如你將呢個討論區既內容剪輯下再 upload
上去啦! 



 
 
< 前一個   下一個 >