Menu Content/Inhalt
首頁 arrow 釣遊 arrow 岸釣釣遊 arrow 電波欲蒲團

誰在線上

線上沒有任何訪客

線上人數

電波欲蒲團 列印 E-mail
作者 拉丹   
2000/12/30, 星期六
文章索引
電波欲蒲團
頁 2
頁 3
頁 4
頁 5
頁 6
頁 7
頁 8
電 波 活 動 主 頁【行 程 表】釣 獲 報 告釣 友 討 論
 
活 動 名 稱 電 波 欲 蒲 團

由於舊年第十三擊去蒲苔島投、磯、筏釣既團友收獲都唔錯, 好多釣友都有意欲再戰蒲苔,所以本擊定名為"電波意欲再戰蒲苔 團",簡稱 "電波欲蒲團"。  

活 動 日 期2000年12月30日 (六) 至
2000年12月31日 (日) 
 
活 動 釣 點蒲 苔 島  
集 合 地 點赤柱聖士提反灣碼頭  
集 合 時 間2000年12月30日 (星期六) 14:30 (愈 時 不 侯)  
活 動 釣 法投釣,磯釣,筏釣,手絲,手竿 .... 各適其式  
活 動 行 程六 2:30pm - 3:00pm 集合
六 3:00pm - 3:45pm 開船 (遲到一定唔等)
六 3:45pm - 7:00pm 島上自生自滅
六 7:00pm - 8:00pm 於島上酒樓晚膳 (須自費)
六 8:00pm - 12:00am 又係自生自滅
日 12:00am - 1:00am 返回碼頭 BBQ 宵夜
日 1:00am - 8:00am 都係自生自滅
日 8:00am - 8:30am 返回碼頭食早餐
日 9:30am or 10:45am 散水離開蒲苔 (兩班船) 
 
活 動 費 用
  
大 會 獎 項

(1) 大 魚 獎 :
以 重 量 計 ! 釣 得 最 重 的 魚 為 勝 。

(2) 白 果 獎 :
於 整 個 釣 魚 過 程 入 面 , 連 魚 毛 都 冇 條 既 釣 友 可 獲 得 白 果 獎 。 如 超 過 一 人 得 獎 , 就 由 抽 簽 決 定 。 如 果 冇 準 侯 選 人 獎 項 就 取 消 。

 

活 動 名 額已加推到 40-50人
Dec 18, 2000 : 由於內部認購時已有29人報名,為顧及新網友也可參加 是次活動,故本擊又加推名額10名至40人。本星期三前收唔到錢就由第41位報名 既網友補上。

Dec 19, 2000 : 由於本擊反應熱烈,我同船家 deal 好 50人去收 40人既錢, 所以名額現加推到 40-50人。
 

報 名 辨 法網 上 報 名 。 首 50 名 報 名 人 士 請 即 交 款 作 實  
付 款 辨 法(1) 星 期 三 例 會 交 收 ; (2) 銀 行 過 數  
幕 後 黑 手總黑手: 水籠標     助理黑手 : Le'Dan & 叉燒
 
備 注 :天氣凍,帶多件衫穩陣播!  
注 意 事 項1) 請自備食物及食水。
2) 請自備足夠銀兩。
3) 請自備魚具、魚餌、雨具等必需品。
4) 釣友請注意自身安全,請勿單獨行動。
5) 未滿十八歲的參加者必須先得到家長同意。
6) 是次活動沒有購買保險及沒有任何人負責。 

 

(一) 去吧! 堆田區    文 : Le'Dan @ Jan 2001


除左水籠標同Le'Dan外,乜人都未到

蒲苔島,對水籠標同我黎講一都唔陌生,因為我同佢七、八年前都係一間專業攪本地旅遊既唔專業領隊。當年都經常須要帶鴨仔團上蒲苔島遊山玩水。所以甚麼螺石、佛手岩、古石刻、南角咀、巫氏古宅、官材石....當年我地熟到不得了。雖然我地呢兩個領隊已經係過期,不過對籌辦團體活動就有丁朵經驗。

電波廿二擊又係去番蒲苔島,所以水籠標同我又立埋個黑手黎做。記得上兩次電波去蒲苔島都遇到海盜托世既船家,所以今次我地事前打醒十二分精神同個海盜講價,免得佢等我地上左船又反口老屈我地。到底我地今次電波活動有冇比海盜撚化呢? 請留意下文啦!


電波托運站越黎越多野喇!

因為攪團去蒲苔島已經好似自己屋企,所以除左訂船之外,其他既好似買獎品、買BBQ食品、用品野我地都係臨出發果日先攪。

當日朝早十一點,我同水籠標就走左去相熟既燒烤食品供應商度執燒烤食品。由於同老細相熟既關係,我地自己落手執野食,老規舉執多多、比小小、膊側側、靜雞雞就咁就走左。

攪掂左燒烤食品之後,見有好多時間淨,於是就去食小小野,順手磨下張爛蓆。差唔多到一點果陣,先絲絲然立埋自己具同地物走去筲箕灣第一集合地點現場。當我地到左筲箕灣,當時一個人都未有。直到點半鐘,侯活出現左,佢一出現就比我地老屈佢做實Q睇住野,而我地就走左去附近既超級市場掃貨。


杯麵兩箱,共五、六款味道

因為今次有四十幾人參加,我地掃杯麵都掃左唔小,一共兩大箱。加埋其他濕濕升升既大會物資,我地兩條友勉勉強強都可以應付得黎。掃完貨返去之後,釣友都開始陸陸續續出現。由於大會安排左一部貨Van去車公用物資 (燒烤/早餐食用品/露營用品),所以可以順手為參加者提供行李托運服務。架貨Van只可以載幾個人,故此有好多參加者擺底左行李之後就急急腳閃左去巴士站坐巴士入去聖士提反灣碼頭既第二集合地點。唔覺唔覺,過左一陣,釣友托運既行李已經堆到一地都係,機乎頂到上東區走廊頂咁滯,簡直就係一個小型既堆田區。

無耐之後,隻青蛙跟埋架貨Van到達堆田區,在場幾位釣友就扮演垃圾佬,將堆田區既垃圾合力清理搬上垃圾車,再運去聖士提反灣碼頭傾倒。

 

可能今次黑手兇得釣友緊要得滯,所以釣友都無乜幾可可以準時到齊。人就到齊,不過隻海盜船好似未到播,會唔會又比海盜撚化我地呢? 經過同海盜船船長電聯之後冇耐,闊別左成年既賊船終於我地眼前出現。船到左,釣友又合力將由堆田區收集番黎既貴價垃圾再搬上船。

準時三點十五分,架船開始慢慢駛離碼頭。船頂以及船艙之內全部都係自己友,水籠標個時候就帶埋部相機周圍影相。坐船頂影到、坐船艙影到、坐船頭影到、坐船尾都影得到,電波友,周圍都影得到。

沿途既景色都唔錯,船上既釣友除左吹水之外,有都會欣賞下兩旁唔錯既景色。架船行到一半路程既時侯,就見船長笑口淫淫咁走埋黎。見過佢幾次,次次都要同佢講數講一大輪佢先肯收科,佢笑晒口咁就比左我一唔好既兆頭。估唔到,佢真係...........



 
< 前一個   下一個 >