Menu Content/Inhalt
首頁 arrow 釣遊 arrow 岸釣釣遊 arrow 電波欲蒲團

誰在線上

線上沒有任何訪客

線上人數

我們有 1 位訪客在線上
電波欲蒲團 列印 E-mail
作者 拉丹   
2000/12/30, 星期六
文章索引
電波欲蒲團
頁 2
頁 3
頁 4
頁 5
頁 6
頁 7
頁 8

(四) David 被宣佈 Certified     文 : Le'Dan @ Jan 2001

聽者心酸、聞者流淚既一幕終於上演,一個大好青年就咁比一個年過半百、見者恐慌、聞者逃亡既阿婆握左! 真係世風日下! 生意道德淪亡!


David 同 撈雲 碼頭研究釣組

Joey 好似對 Wilson 支野好有興趣播!

阿旺叫阿婆捉左七隻差唔多三寸長既生蝦,阿婆居然要收佢四十蚊,真係有點兒那個播。我就同阿旺講不如用加多幾十蚊,買條魚去大魚獎可能仲有 So 播! 最後阿旺終於同阿婆有左一手........交易。

其實釣夜水一晚頂多都只係得幾口,使唔使要七隻咁多呢? 直到後黎有釣友同我講,先知佢蝦係用黎切粒
碼頭邊釣魚仔。好多人包括我在內都以為佢係原隻蝦落去搏粗野添,如果佢係切粒釣,不過問其他釣友蝦仁去釣好過啦! 好彩其間阿浪花左其中一隻蝦去打邊爐,總算冇咁啃! 哈~哈~!


Le'Dan 既十兩油仔
係播! 點解食飯陣唔見左魚神同青蛙咖呢? 一問之下,原來佢地走左去螺石附近投釣,因為釣點較遠而且黑夜山路難行,所以就冇返到碼頭食晚餐,盡量爭取多時間去釣魚。

各人食飽飽之後分頭搵食,有留碼頭,有就試新位,而我就選擇走去天后廟對出石邊投釣。我同Rayrol、堅勇同埋佢朋友仔釣埋同一個位,而釣餌都係用日水釣番黎既魚仔做生餌。因為夜水唔使釣咁出,我拋得唔係好出,而釣左粒幾兩粒鐘都只係得一條差唔多十兩既油仔。當時條油吞左我個價值兩蚊既魚勾落肚,所以我將佢暫時收押等遲帶去光猛小小既地方同佢做手術番出黎。釣到差唔多十二點都再冇魚訊,所以就執埋野返去大本營BBQ,大家都係諗住 BBQ 之後再釣多兩手。


拖假餌都有唔錯既釣獲

原來當我地天后廟附近釣緊魚既同時,碼頭有釣友拖假餌,佢地都有唔錯既釣獲。雖然每條魚既重量只係得十兩八兩,但係總好過白果收獲。

我番到碼頭之後,就第一時間同條油做手術。人地話油好粗生,原來真係咖,釣左上黎個幾鐘之後,條油仲好生猛,一Certify既跡象都冇。經過左幾分鐘既手術,終於番個魚勾出黎。當時在場既無知少男阿旺問我點處置,我就同佢講再放生,於是阿旺就照做。當阿旺放生左之後,我就扮晒惡咁問佢做乜放走我條魚,而阿旺就騰晒雞咁搵撈箕諗住撈番上黎。好衰唔衰又比佢撈到上黎,唔係又有排撚化下佢咖嘛! 條油再上番水之後,佢又問我點處置,我又扮晒惡咁問佢做乜撈番條魚上黎,叫佢即刻放番佢落水。無知既阿旺又照做。因為我裝到條魚仲撈箕所到既範圍,所以無再撚化阿旺。阿旺之前所講既 Le'Dan is not a good guy 唔係老作咖! 哈~哈~!


碼頭附近既燒烤爐

避雨亭既燒烤爐

整鬼完阿旺之後,我就走左去 BBQ。由於當晚大大話話都有三、四十人,所以大會分左兩個燒烤爐。其中一個燒烤爐就碼頭附近,而另一個就我地擊類活動指定既避雨亭。因為我對上兩次蒲苔擊都係避雨亭度燒,所以呢次都去番避雨亭打躉。

當晚我冇燒到野食,我就成晚捕標叔叔身邊。標叔叔當時開左個 Gas 爐出黎煎野食,所以吸引 David,Rayrol 同我三個喜歡不勞而獲既釣友埋堆。煎比燒快得多,所以唔使六、七個回合就食飽。


David 已經被釣友宣佈 Certified

正所謂飽暖思床褥,David 食完無耐之後又再表演佢既 食糞 食絕技; 食完無耐就要
,冇幾耐之後 David 已經被釣友宣佈 Certified ...........進入昏迷狀態。

David Certified 左之後,Rayrol 同我又再出征天后廟附近水域投釣。因為夜水中大野既機會較多,所以我就左支年幾兩年冇用過既粗投竿作釣,魚餌都係用魚仔做生餌。我投左出去無耐之後,我就發覺我支竿竿頭有異動,於是我把握時機狠狠一抽。一抽之下覺得好重手,一定唔小野,於是我用去頂,頂到我支竿成支 U晒,而當時我條4號主絲就........... (侍續)



 
< 前一個   下一個 >