Menu Content/Inhalt
首頁 arrow 釣遊 arrow 岸釣釣遊 arrow 電波欲蒲團

誰在線上

線上沒有任何訪客

線上人數

我們有 1 位訪客在線上
電波欲蒲團 列印 E-mail
作者 拉丹   
2000/12/30, 星期六
文章索引
電波欲蒲團
頁 2
頁 3
頁 4
頁 5
頁 6
頁 7
頁 8

(七) 完結篇     文 : Le'Dan @ Feb 2001

磯釣釣友原先約好船家六點,點知由天黑等到天光,等個幾鐘都唔見影,又比個駁艇既船家放飛機。既然冇得釣,Charles、Joey、Loren、T.O.同kk 一於扮下旅遊人士,周圍影下相,遊山玩水。而 Wilson呢,佢就一條冷走左去螺石附近磯釣,結果又係蕉!


冇得釣,一於做下旅遊人士先!

參觀下天后廟都好播!

Wilson 好鬼爛釣!

照咁睇,魚神奪取欲蒲團大魚杯既可能性都好高播! 不過一日未知道其他釣友既釣獲,都唔可以決定誰是得主,世事往往山人意表咖嘛。好似十九擊黑手明明已經頒左獎Andy,但最後因為YK條星鱸大小小,黑手局住叫Andy嘔番獎品出黎比番YK。都係閃番去碼頭大本營八下有冇咩最新既釣獲消息先!

去到碼頭,見到好多釣友,有繼續釣,有開始執野,有攪飲食,有攪呆坐。以下係當日碼頭既情境,為左盡快完成欲蒲團既報導,我都唔寫咁多野喇! 哈~哈~!


碼頭上有好多釣具!

威威一家收拾營幕!

堅勇食完太陽食濟左?

Gundum 係咪好凍呢?

大量早餐供應!

電波雙頭爐

由於朝早比船家放飛機,部份開左誘餌既釣友就將誘餌倒晒落海,餵魚之餘又希望可以睇到魚仔搶食南極蝦既情景,碼頭既釣友一見到有人打誘餌,都一齊走去睇熱鬧。一時間,孤零零既碼頭邊突然多左好多人頭,個個都想睇下魚仔點樣搶食南極蝦。

南極蝦一倒落海,原先在場既魚仔出乎意料之外即刻四散。以我推側,因為魚仔見南極蝦咁疊馬黎踩場,所以識時務,行開下避下風頭先之嘛!


打誘餌前,人群未見擠湧!

有野睇,即時人頭湧湧!

南極蝦竟將小魚嚇走! 哈~哈~!

經過所有釣友匯報釣獲之後,大魚盃由魚神既斤半細鱗奪得。而白果盃得主基於要保障佢既個人私隱,所以唔打算公開,大家不妨估下啦! 嘿~嘿~!我地好榮幸請得魚神頒發白果杯予白果盃得主,請各位留心睇下白果杯面是印乜野?! 另外,我地電波網今次派出Wilson代表頒獎予大魚盃得主魚神大人。


魚神 頒獎予 白果杯神秘得主

Wilson 代表電波網頒獎予 魚神

得獎細鱗出盡風頭!


浪花推介,輕便環保水袋! 正!

街渡到喇! 大家撤退!

早抖呀! Joey

頒完大獎之後,就開始攪抽獎。抽完獎之後大家休息多一陣,接載我地撤退既街渡終於到達。上左船,大家經過左十七、八個鐘既釣旅,個個都已經謝晒咁滯! 而咁多人之中,最謝既可以算係 Joey喇!











電波魚樂圈二打六餵魚大會第廿二擊終於完滿結束了!

~~ 完 ~~



 
< 前一個   下一個 >