Menu Content/Inhalt
首頁 arrow 釣遊 arrow 外礁釣遊 arrow lalala、小齊雄風猶在

誰在線上

線上沒有任何訪客

線上人數

我們有 1 位訪客在線上
lalala、小齊雄風猶在 列印 E-mail
作者 lalala   
2001/11/15, 星期四
《lalala、小齊雄風猶在》
日  期 :
2001.11.15. (星期四)
時  間 :0400~1500
釣  點 :三門列島
釣  法 :磯釣
釣  手 :Lewis、小齊、基哥、四哥、Timmy、Sunny、Jimmy、Ray
釣  餌 :南極蝦、青蟲
釣  獲 :白立、細鱗、雞魚、幽面、石剎

 

(文: lalala @ nov 2001)

 原先今日呀小齊話去大嶼山磯釣,但係最後改左去三門。嘩!今日天氣突然轉凍得14度咋,仲好似話吹成六級風添呀!真係有d擔心呀,容乜易吹到變雪條呀,咪講笑,著多件衫先。三點鐘西環上艇,我今次同基哥一個位,我地上左小平台釣,呀小齊同四哥就去番斜台,我一路釣,釣左成個鐘都冇乜魚訊,突然間:

小齊:喂喂!
Lewis:講啦!
小齊:破紀錄呀!
Lewis:下!幾大呀 ~~~
小齊:50 cm 呀 ~~~ 有四斤幾掛
Lewis:嘩!咁堅 ~~~ 努力呀!
小齊:無力喇 ~~~ 手軟喇 ~~~

你就好 la ~~~ 又破紀錄,我又要呀!點知幾個字之後:

小齊:又中呀 ~~~ 斤幾呀!

 唔係呀嘩!你又中 ~~~ 咁我呢?唉!睇住個天開始光,d 泥蜢球又開始出現,個 5b 浮波又捨我而去!跟手就換左個 b 波試下。咦!有料到播,浮波爽落,一揪就感應到強大既力量,但係我手持 1.5 號磯竿,四號子線,一於同你死過,頂高枝竿 ~~~ 一手都唔俾, 但係真係好勁呀!要雙手持竿先頂得佢住呀。卒之搞左一分鐘倒 ~~~ 見到魚喇,當然係白立 la ,落撈箕,仲想走,撈左兩次先撈到。養住佢先,睇一睇,有成 40 cm呀!

Lewis:喂 ~~~
小齊:講 la
Lewis:到我中喇!
小齊:幾大條呀!
Lewis:有成 40 cm 架!
小齊:都應該有兩斤半 la

 好野呀 ~~~ 釣到喇!不過之後就無魚訊喇,d 湧又開始大,仲大到沖左基哥個誘餌袋同冰箱落海添,我即刻落撈箕,睇下撈唔撈到 la ,個誘餌袋就沈左撈唔到,但係就撈番個冰箱。咁既情況都係轉位喇,十點鐘走番上斜台,搵小齊度高磅重先,原來我條魚有 46 cm 三斤六 呀!小齊果條 50 cm 四斤二,kaka 大家都破紀錄呀!轉左位之後都係 d 泥蜢既天下,但係就有幾條手板幽面飛下。除左我同小齊之外 Jimmy 都有條斤幾白立同一條三斤細鱗。

小齊呀 ~~~ 50 cm 呀,整番張魚拓先 la

 

(文: 小齊 @ nov 2001)

 11月15日本來今日約左幾個新釣友去大小鴉洲 , 因為人數增加和船費都差不多 , 所以最後就改了去了三門 , 未出發之前天氣變得很冷還有點雨添 , 都好擔心去唔成 , 打過電話比艇家問下先 ~~ ok ! 艇家話冇問題 !! 出得 !! 不過會有d風 … . 02:45 到西環碼頭 , 其他釣友已經到齊 , 大家就介紹下吹下水咁 … 03:00 快艇到喇 !! 出發 ~~~~~

 天氣果然好凍大約 13 度仲有少少雨加埋強風真係好甘 , 甘過凍柑個柑 , 今次八個人分成三組 , 我同四哥一組 , lalala同基哥一組 , 其餘四人一組 , 我同四哥上左個大斜台 , 開始釣既時候都係得d大眼仔 , 大約 05:30 開始轉流 , d大眼仔冇晒動靜不知不覺間浮波爽落 ….. 揪竿 !! 中呀 !!! 我攻 , 支 1.5 號竿 2.5 子絲 3/7 調 !! 變 4/6調 , 頂唔順俾兩手之後再比兩手 , 好勁呀 !! 但係唔癲 !! 諗起團長講過 : [d四 , 五野唔係好癲架炸 , 不過就好重 , 又排先搞到上黎呀!] 果然有排搞上上落落好耐都未見浮波 ! 心諗 : 今次仲唔掂應該過四野啦 … . 幾分鐘後上水喇 !! 50cm 白立重 4斤2 破左自己紀錄 , 即刻話俾 la 哥聽先 … . 努力呀 la 哥仲有架 … 過多一陣我又有魚訊 , lee條好明顯細好多 .. 不過都幾好力 , 斤頭白立 ! 再講俾 la 哥聽先 ~~.. 又過左一陣 .. 聽到 la 哥叫機“40cm白立”… 幾好喎 ! 應該有兩斤幾啦… . 到左十點我同四哥冇轉位 . 而la哥同基哥就轉埋我地個位一齊釣 , 見到 la 哥第一時間驗下佢條野先…係魚呀 ... 一睇 .. 嘩 !! 50都黎啦 … 傻佬 !! 原來 la 哥果條野有 46cm 重 3斤6 , la哥又破左自己紀錄 . 到左下午好多老泥 , 四哥用阿波羅釣組釣過不停 .. 其間中左幾條手板幽面同石剎 , 之後再冇乜好野 .... 上到船問下其他人釣獲原來 Jimmy 有條斤頭白立同條三斤幾細鱗都係晨早中 . 今次釣獲都幾好分 3 個位 3 個位都有魚中 .

 
 
< 前一個   下一個 >