Menu Content/Inhalt

誰在線上

線上沒有任何訪客

線上人數

我們有 1 位訪客在線上
東湖台釣記趣 列印 E-mail
作者 電波釣魚網   
2001/11/01, 星期四
《東湖台釣記趣》
日  期 :2001年11月1日 (星期四)
時  間 :09:00 ~15:00
釣  點 :深圳東湖
釣  法 :台釣
釣  手 :

威威、90

釣  餌 :五大魚、草魚粉、大非競技、羅非餌
釣  獲 :白、鯪魚、非洲

 

(文: 威威 @ nov 2001)

 東湖在深圳東不遠處 , 又名深圳水庫 . 更是釣友 90 主場 , 一月上去玩幾次 ; 在他口中得知 , 那裡釣魚 "氣紛" 好好 . 我因聽聞假日很多高手 ; 直逼比賽一樣 . 我特擇星期四去跟他去一次作實地了解 .

 9 : 15 am過關還要停兩次先過到穚 . 行一段路到火車站對面巴士總站 . 遙見有17號往水庫巴士便跑上去追 . "空調" 車全程都只係 $2 人仔 .

 坐廿幾分鐘到水庫總站 , 只見入口處有粉紅色大門樓寫 [東湖公園] . D色似[東湖公寓] 一直入 .. 行 2~3 分鐘又見 4 米高大美女石像打開雙手作歡迎 . 沿釣魚字牌行不遠見一入口 ; 爬艇及釣魚區 , 一段小路後見有人已在釣 . 釣場是湖邊用網分開 , 左邊很大是爬艇區, 右邊像大尾督收費池大小 , 是可取 10 斤漁穫 $50 仔釣區 . 中間 6 個藍球場大是釣樂區, 唔要魚玩一天只收 $20人仔 . 入口有殘舊收費牌在當眼處 , 我剛看一眼便有人叫 "釣啦 , 唔洗睇 .. 好公道 !!"

 原來是 90 ,他早到過我很多亦釣了幾條 , 有中非,大白,仲有條斤頭鯪魚.我坐他旁一邊吹水一邊開野 . 預備台釣都要指定動作 ; 開竿架 , 手提網 , 坐位 , 開餌 , 開竿 , 開傘 , 上釣組 , 最後調 4 釣 2 方法調標 . 由于新手所以攪了半小時 . 亦因台釣就是這般不急不燥 . [靜如處 ; 動如兔] 釣法 .

 我問90釣組釣幾深 , 他說 3 尺半 4 尺啦 . 這塘非常之平 , 調標容易好多 . 我帶了兩種釣餌 ; 一種釣大非競技加少少秘味 . 第二種用五大魚 . 90就用草魚粉 & 一盤好鮮黃釣粉 .但見佢支標好幼 , 好敏感 . 一下標便有魚仔扥餌 , 到底後亦上下震動 . 但他唔揪竿 ... 小小奇怪 . 到我先用大非秘餌 , 嘩 .. 十分之搶口 .. 當一下壓就揪竿 . 連釣幾竿都唔中 . 改用5 大魚啦 . 釣況一樣 . 有魚訊但釣不到 . 90釣下一條釣下一條 ... 哎我真削 !!

 90見我釣到好悶 ; 便停了手連魚不釣行來研究下我釣組同又同我再調標 . 首先他說我主絲長了2尺 , 揪竿手法太慢 , 做成有魚訊但釣不到主因 , 仲有要分別大魚同細魚食餌 . 如細魚攪餌就由它攪 , 但當大魚食餌時看準就要揪 . 一路講一路調標 . 兩三竿後 ; 就俾佢用我釣具釣到白一條 . 又有錢入我袋 . 我心想此塘與香港塘D魚食法不同 . 香港魚食餌好輕 . 但此處魚搶食好狼 . 所以用香港魚訊不能在此釣到魚 . 我亦要改善出標及揪竿手勢 .

 釣了一會 ; 俾我釣到一條細非 , 跟著一條白 ; 中午過後漁訊少了 . 90亦釣少了 , 他立刻買包羅非餌改釣非仔 . 見他好快開好餌 ; 一路吹啤一路釣 . 嘩 ... 勁呀 . 1~2 吋非仔正吃被釣上 . 佢有d不滿被魚仔攪 . 我改用5大魚加上少少秘餌 . 一次見竿上下震動有力 ; 我揪.. 中呀 ... 會走水 ; 原來斤頭鯪魚 , 好好力 . 因悶了半天 ; 就打它幾個 8 字玩下先 . 但再釣都無乜魚食 . 釣餌亦釣晒 , 時間近3點 , 都是我回港時侯 . 90再吹多支大啤中說再見 . 我亦拍了幾張相做報告 .

 因仲有少少時間行一行水庫花園 . 原來這處還有很多好玩設備 ; 氣槍 , 爬艇 , 高卡車, 仲有一片大草地 , 一群一群青年男女 , 東湖除釣魚外看美少女都一樂也 .

釣後感 :
因大家只釣而不取魚走 , 有比賽氣紛 ; 亦可享受釣樂 . 收費公道服務好 . 但因公園關係; 有較多靚女行過令人有少少分心 ... 哈哈

 
 
< 前一個