Menu Content/Inhalt
首頁 arrow 釣遊 arrow 內礁、磯邊釣遊 arrow 大小鴉過夜跨啦啦團

誰在線上

線上沒有任何訪客

線上人數

大小鴉過夜跨啦啦團 列印 E-mail
作者 電波釣魚網   
2001/09/22, 星期六
《大小鴉過夜跨啦啦團》
日  期 :2001年9月22日 (星期六) 至 9月23日 (星期日)
時  間 :22 日 15:30 ~ 23 日 08:30
釣  點 :大 小 鴉 至 大 嶼 山 一 帶
釣  法 :磯 釣
釣  手 :AL、亞禧、阿屈、阿然、阿璣、了神、Joey、Charles、小白
小齊、武七叔、高、lalala、華仔、Son'biu.、 威威、豪仔、顯和
叉燒、路人甲、Vampire
釣  餌 :南 極 蝦、青蟲、魚仔、各式各樣
釣  獲 :牛屎、黑沙、黃腳、幽面、魚、梳籮、暗釘、白

 

 

 


 

出發前大合照

 

(文:阿然@ sep 2001)

  終於完成今次大小鴉活動 , 而今次活動可以用風風雨雨來形容 , 先有在網上一輪有心人攻擊、再有颱風迫近 . 而完成今次活動我要多謝璣少及AL , 璣少做了不小工夫 . 大部份內部聯絡工作都落在佢身上 . 而AL負責外部聯絡 ,今次可以聯絡到兩隻快艇使大家可以在安全情況下上落礁 . 而最初我無要求將今次活動歸電波擊 , 是以經想到會有一些心人作出一些惡意攻擊 . 所以用了私人名義攪今次活動以免電波網譽受損 .

 


  當日可算事天公做美 , 無落雨而天氣乾爽 , 使大家可以在不太辛苦下完成活動 . 而今次我同有近一年無一齊釣魚釣友阿屈同一位置釣魚 , 使我非常開心 . 雖然我和阿屈魚獲不是好好 , 但我在阿屈身上感覺到電波釣友一份爛釣精神依然存在 . 希望將來可以再攪多些活動使大家可以一聚同歡樂一番。句號
 


黑手分位.......ShimanX tester ~~~!!

(文:叉燒@ sep 2001)

鈴木叉燒之白果之旅

沉重篇…

  今日係我地電波磯佬去鴉洲及大嶼山釣魚 , 所以今日特別約左阿屈一齊係邊境出發 , 原本我地想開車出 , 但係諗下都係無位泊車 , 所以都係搭火車出黎 …… 一去到見阿屈沉重架餐…嘩…好重

我地約左呀生仔璣係灣仔老發買野 , 所以係下午一點我地就已經到達啦 , 好不容易才上到去 ( 由於老屈推車仔,好鬼重… ) 之後發現乜人都無 , 於是就四維望下 … 望兩望下所有人都陸續黎齊 , 於是我地就一齊買釣餌及誘餌粉 … 有折嘛 … 無幾耐見到亞禧心思思 , 走左上去睇竿 , 於是我地一斑磯佬突然間化成魔鬼引誘下拒啦 … 最後當然係眾望所歸… 無錢留低 … 又多一個傻佬柄做左"奸馬"tester…

當我地買完晒所有野時 , 發現原來我地磯釣用品實在太多 , 於是我地就 order 左三架貨 van 黎車我地去碼頭等 …

當我地去到碼頭時 , 差唔多所有人都黎齊咁滯 , 我地當然係第一時間搭架快船去左第一站 … 長洲 … 去到時大家都趕緊時間買食物 , 之後就開始上唔同快艇 … . 唔記得左同大家講 … 係我地重係架大船時 , 我地需要分配兩批人上唔同釣點 … 一係大嶼山 … 一係就鴉洲 … 而我就mark左呀死佬標一齊上大嶼山 … 放棄左屈仔lu……

到我地上左船時 , 我本來想上"8"號位 , 之但係呀 lalala 話要上喎 … 唉 … 比拒啦 … 因為拒話要自己 Solo 喎 …

大鑊降臨….

  第一個揀位上礁係 AL 團長 … 然後係 LALALA … 再到阿然AND屈 … . 再再到呀川 … . 再再再到阿齊 ………… 嗯 ………………… 咁我同阿標上邊個位呀 … 係呢個時候 … 船家就問我地 … " 朋友你在艇上攪什麼 " …我答 " 船長我唔知上邊個位 " …跟住拒問 " 朋友你想釣幾多 " … 我答 " 一條就夠 " … 可能係因為咁而導致白果獎係未開始比賽時已經知道係邊個LU ……

一上到礁時 … 居然有條山路比我地行 .. 於是我地就沿住條山路行到一個幾平坦釣點 … 開左誘餌之後就開竿釣 … 一直釣到夜晚八點幾都係零魚訊 .. 於是我同阿標就破左釣魚以來最快記錄 … 於夜晚九點都未到就訓左 … .. Z Z Z z z z

朋友你在礁上捉什麼…

  係夜晚十二點幾時 … 突然間有隻快艇埋左黎 … . 仲有人上礁 … 唔係呀 … 真係學呀小齊話 " 開台 " ??? 原來拒地一行4人都係上黎釣魚 …

係夜晚兩三點時 … 阿死佬標突然間發左神經咁四維拍 … 原來拒係到捉 " 蟋蟀 " … 唔係呀話 … 咁得閒 … 原來拒話個隻野成晚係咁叫 … 好鬼嘈 … ..

由於好眼訓 … . 第二日早水都無釣 … 而呀標就一早起身釣 … 但係釣況都係無變 …

終於到左回程既時間 … 隻艇黎左 … 之後就沿途接人走 … 而最後我就問左 lalala 拿左幾條魚回家食 … 因佢釣到魚係兩個冰箱都裝唔落 … 仲幾乎奪得大魚獎…

 

 

船到啦~~!!!準備上船啦.....雙內絃機硬頂39呎頂礁快艇

?

內籠寬敞坐得舒適~~!!威威急不及待上船先.....

?

上船個大合照先.....笑~~~叉燒出秘密武器~~~~????


 

虛榮人一號與牛屎虛榮人二號與黑沙

下期預告

LALALA如何爆釣有幾多魚獲呢 ~~~~??? 大魚獎主角出現啦 ~~~!!! 係咩魚呢有幾大呢~~~!!! 密切留意下期 ( 大小鴉過夜跨啦啦團 -第二章)

D 魚係邊個呢~~~~?????條魚係唔係大魚獎主角呢~~??

 

?鳴謝 : OSF會員 Son'biu 提供圖片

 


虛榮人三號與牛屎大魚獎牛屎

 

(文:阿璣@ sep 2001)

 

少年被屈成為黑手實錄
  加入電波網以來,我一直進行地下偷釣活動;九月一日,一個8號風球加黑雨訊號的晚上, 一個秘密磯釣專線手提響起,每次偷釣活動,都是經中間人透過專線通知。 時間:九月廿二至廿三,地點:大小鴉,任務:上礁訓覺。

  接過電話後,開始聯絡有關人物(一切機密);九月三日再收到中間人電話, 由於中央發現今次地下偷釣活動,所以行動必須改為擺上。就係咁樣,一個大好少年被屈成為黑手。 經過一次電波網歷來最順灘收報名費行動後,【大小鴉過夜跨啦啦團】就開始了。在出發前數日, 颱風百合襲港,自己心中一直擔心行程有變,九月廿一日,最後決定行程去留的一日, 黑手團參考過天文台的資料後,決定繼續行程。

  出發日;團員分兩水,一水去大小鴉,一水去大嶼山。我跟大小鴉,到達小鴉後,拿拿聲彈上X位, 拿拿聲垂竿,拿拿聲斷一口,拿拿聲又中左條磅頭黑沙,但隨之風也大,湧也大;我就砰砰聲訓覺, 突然秘密磯釣專線手提響起,團長有最新指示【十二點轉流,必須執行計劃乙】於是對錶後便砰砰聲訓著了。 十二點行動開始,隊友禧榮申仁,率先斷一口〝靳〞,隨後我中口〝靳〞,分半鐘後,兩斤黑鬼上水; 解魚後禧榮申仁亦告中魚,十幾野黑鬼上水,任務達成後,繼續訓覺。天亮了,訓足一晚後影魚作證,亦由專船送回長洲基地。 最後必須多謝AL、然及各團友。



AL 頒獎俾大魚獎得主牛屎上水一刻

(文:lalala @ sep 2001)

  今日同電波網一大班釣友去大小鴉洲及大嶼山一帶釣魚,一行二十一人中環集合入長洲,再分兩隻快艇去釣點。 我、AL、阿屈、然、小白、小齊、高高、Son'biu、叉燒、一隻艇去大嶼山,其它人去大小鴉洲。

  我就揀左紅排 ...... SOLO!(17:30hrs)開好誘餌開好竿,打左三下誘餌,落第一隻南極蝦,個浮波好快就沈左落水, 一揪中呀......仲有D力水,撈箕一落,33cm黑沙點都有斤頭喇掛。之後再有四五條小手板至磅頭黃腳同黑沙,跟住再中 ...... 咩黎嫁呢條? 原來係條磅頭雞魚呀。之後又再黎 ...... 幽面呀 ~~ 我都未試過大嶼山中幽面呀~~呵呵!!真係乜都有。(19:30hrs)之後開始靜口, 又大流 ... 又大湧 ... 又大浪,咁就同D魚仔影下沙龍先la。之後訓左一陣。

  (04:30hrs)起身再戰,但係仍然大流...大湧...大浪。釣左成個鐘都冇乜魚訊,於是試下釣個抄白位,個浮波抄下抄下......咦! 抄左落去 wow 於是揪竿,中喇 ...... 四指黃腳,深深入扣,無計啦,剪絲再綁過啦。再落再中,呢條大D都有磅頭,不過又入晒扣又再剪。 再中兩條手板黃腳,然後就開始又靜左一陣。我D南極蝦釣餌又用晒 ~~~ 好彩仲有D 得食蝦仁。於是用蝦仁再釣,放個浮波飄遠D先,中呀! 磅頭黑沙。再中呀!!磅頭黃腳。又再中呀!!!好堅呀,呢條想飛埋去D石度呀,唔得......拉你番出黎先得。嘩!係條 40cm兩斤黑沙呀, 係我釣黑沙既紀錄呀......哈哈哈,破紀錄呀。之後我就諗,黃腳又有,黑沙又有,如果俾我中多條牛屎就 very good 喇。 點知真係俾我釣到條磅頭牛屎立,真係開心到震呀!(07:00hrs)之後收竿,返碼頭食早餐。

?

lalala部份魚穫 ~~!!!lalala 牛屎與個人記錄黑沙

?

大魚與多魚魚穫過秤

?

lalala 磅頭黃腳擺個靚樣影相先....

 

武七叔與顯和上碼頭華仔 ~ 路人甲上礁啦~~~!!!!

 

威威 ~ 豪仔好有氣勢啵~~~!!!!大魚獎釣點

大魚獎釣點有暗礁......呀虛榮人集團合照

下期預告

路人甲中條白當黃腳~~~!!!!虛榮界了神中斤頭黃腳.....!!!!碼頭血腥實錄好多魚被殺~~~嗚嗚~~~~

~~~呀~~~電波變態屠夫 ~~~~

 

 

 

了神教你分辨黃腳,左邊斤庄,右邊磅庄了神手持斤三襾黃腳

 

(文:了神@ sep 2001)

  今次我就同Vampire同一個位 . 我一上到礁 , 就視察四周水流 , 當時d水退左好多 , 再過多一小時就退盡 . 我今天打 6 kg 蝦 2 包粉 (G2同朱古力) , 我趕快開好誘餌 , 跟住打了數下誘餌 . 今天我選用 A-one 1號 , 3主1.7子 . 我落第一隻南極蝦 , 就中左手板黃腳 . 跟住我叫 Vampire 快 d 綁好釣組 , 一齊釣過痛快 ~~ 我地一路釣到天黑 , 有好多d手板黃腳同黑沙,當時我最大個條都係10兩到 ...

  9:00pm 我開始開餐 , 我就煮個麵食 , 係五香肉丁公仔麵 . 我見 Vampire 得 M 記麵包 , 所以我請佢食個白汁西蘭花闊麵 .... 嘩 .... 正呀 ... 整多個甜品 ... 無得歎呀 .... 食飽飽再抖番陣 ... 爽爽 ..

  10:30pm 我同 Vampire 交換位作釣 , 諗住試多 d 唔同既位 , 但 d 水都仲未漲番 , 諗住等到 12:00 釣埋個漲定就訓 . 當期時 , Vampire 就開了支假餌竿出黎玩 , 我當然唔放過學下野既機會 .

  到了 12:00am 到 , D水都漲到咁上下 , 我就同 Vampire 繼續作釣 .. 但都沒有大驚喜 . 初初諗住釣到條大 dd 既魚 , 就諗住一覺訓到天光 ... 唉 .. 宜家都係要早起身 !!

  2:00am到 , 我 set 番個架步 , 點番蚊香放係四隻角到 , 就訓覺覺豬啦 ....我就同 Vampire 講叫我 4:30am 鐘起身...釣番 5:00am ~ 6:00am 到流 ..

  4:30am起身 , 再開埋 D 誘餌 , 準備出發 !! 我見 vampire 釣緊我地個上船位 , 咁我當然走去釣佢流尾啦 ... 呵呵 ~ ... 5:15am 天開始光光地 , d大立應該黎到 , 我開如打行誘餌 , 見浮波湲湲下沉 , 我帶一帶佢 .... 揪竿,中喇 ~~~ 都幾好力水 , 諗住無死啦 ~~ 仲大叫撈 箕 ... 但都係條黃腳 , 斤頭到啦 ... 其間都上多幾條磅頭 . Vampire 都係呢個時候中魚 , 我就幫佢撈魚 , 佢話條魚好好飛 ...... 我地一路釣到 7:30am , 就執野走 , 返碼頭食早餐。

 

了神與Vamprie釣點個位原來有咁多黃腳釣啵~~!!

(文:Vamprie @ sep 2001)

 果晚因為天氣既不明朗影響,都有d擔心,但一上到礁,了神一落竿就即刻起左條仔上黎,心諗今次仲唔冇死,有細實有大啦卦 ! 誰不知亞了竿起波落已經幾條,但係我只得石狗同梳蘿 ~~~ 真係削 ! 維持左大半個鐘頭度,魚訊亦都冇咁密 ! 跟著到大概十二點到啦 ! D魚又番番黎,可惜全部都係孫仔孫女級 ! 我都好想係度多謝亞了請我食個杯麵,真係從未釣魚如此飽暖過 ~~~ 嘻嘻 !

 之后就一直都冇魚攪,直到太陽一出,了神就轉左位,我就走左去佢先前個位偷魚~~ 嘻 ~~~ 但係你就係你架啦,好快就聽到亞了大叫撈箕,上黎既係條十多兩黃腳,前前後後佢就上左幾條。 而我都走埋過去釣但係都係冇魚喎 ~~ 慘 ! 亞了見到我有d無奈,跟著就話比我聽有道目流係出面同埋釣幾深,好快就有魚訊啦 ! 一拉就中左,左拉右拉,亞了又提醒我中魚提竿既角度,終於上度lu! 唔係好大條,不過唔知點解,以前都起過依隻 size 架啦,但係剛剛中果條好似食左飛粒子咁 ! 好好飛呀 !
總括今次大小鴉之行,好玩多野學仲好平 tim ! 電波一定得 !!!!!!!! 哈 ~~~~~~~

 

轉個位置睇下先~~!!!嘩~~!!!好靚呀!!

(文:武七叔@ sep 2001)

~~~我在碼頭的一夜~~~

有廣寬的空間休息,更有香港特區警察的關懷!
兼可以近距離觀摩漁民的近海作業.我本人無憾!

?

路人甲...白與牛屎左邊條魚係白唔係黃腳唔好攪錯呀~~!!

?

路人甲唔使擺咁前~~!!!有証有據仲有得走~~!!!

 

賣魚呀埋黎睇埋黎揀呀~~~!!!老細D魚好新鮮呀~~買啦~~買啦~~!!

 

小齊咁開心唔通影相佬要條魚~~???今次旅程新釣友顯和哥~~~!!!

下期預告

最後一章AL團長出現啦~~!!新進虛榮人係邊個~~~???點做虛榮人過程俾你睇...!!!仲有其餘相片俾曬你睇~~~!!!!

小齊咁表情唔通佢係新進.......!!!!

鳴謝 :( OSF會員 Son'biu、阿璣、小齊提供圖片)

 

 

 

AL遲到要坐快艇會合我咁又俾多一百俾船家啦~~~!!!下次唔好遲啦~~~哈哈~~坐快艇入長洲係形仔D啵~~~!!!點解冇個肥溫係前面~~~???

 

(文: AL @ sep 2001)

  電波網由開始到現在都發生過很多次的風風雨雨,而由年頭的 ABCD 至最近期的豐豐、十七哥事件,都令很多真正電波兄弟不快,但這樣的事情是不會使電波釣友的熱情減少反而大家更加團結。我想經過大小鴉過夜團之後各電波釣友就一定明白箇中意思。 生仔璣今次做了很多事前功夫,釣得大魚而得大魚獎也是理所當然,而這次活動之成功應比得大魚獎來得更開心。

  而今次自己魚獲就很多,應該超過六十多條,但就不大。夜水兩個幾鐘就以釣得幽面(波板大小)、魚(手板)、暗釘 ( 半斤大小 ) 及黃腳立 ( 大過手板 ) 等 ... 共五十多條。後來因為水漲及浪潮很大,所以就睡了一個好覺。天亮後釣多一個鐘頭得黃腳立 ( 也大過手板大小 ) 共十條,最後也一同放生呢!!!

 

 

禧榮申仁牛屎仔照片禧榮申仁破咒中魚啦~~~!!!

(文:阿禧 @ sep 2001)

 話說 9 月 19 號例會大家都一路講緊今個星期六打風 , 出唔到大小鴉之際忽然間 , 有個高人走過黎屈指一算 .. 見佢口中唸唸有詞 " 四四得個六 " 之後講左一個字 , 尼個字就係個 G 字 . 佢講完之後頭頂發光 , G 氣四散當時我心諗唔通G神再現 . 正當我重諗緊剛剛情景之際 . 我就響發記門口見到一班 G 棍個個笑淫淫咁 , 我即時心知不妙 , 立即唸起冰心訣 " 心若冰清天塌不驚 " 黎震住班 G 棍放出黎毒 . 點知一入到去 , 眼前一黑 , 耳邊不時聽到 G 神對我呼喚 . 但係我記得同自己講過三個月內唔可以買貴過五舊水釣具 . 終於當晚逃過尼劫 .. 不過個晚一合埋眼就見到 G 神同好多棍呼喚我 . " 買喇 " 快買喇 , 買左就可以解咒架喇 .. 買喇 .. 買喇 ... 買喇 ...........

 經過多晚煎敖 , 終於到出發當日 .. 下午一點放工後 , 約其他釣友於灣仔發記買野 .. 本來一心諗住淨係去買難食蝦同餌粉 , 點知一上到樓梯 , 開門之際 , 見到班電波釣友立刻個個化成魔鬼 , 發放G毒 .. 於是一個對自己承諾就咁就消失得無影無蹤喇 .. 買過魚餌 , 食過人餌之後開始向長洲出發 , 由於人數有番咁上下關係 , 所以分開三架 Van 仔出發到中環碼頭 .. 大家到達長洲碼頭之後分乖兩隻快艇去釣點 ......

 而我就跟虛榮人三號上左大小鴉作釣 , 上釣點之後由於太大風關係 , 我開左支中通出黎落青蟲試釣 , 不到兩個鐘以經開始休息 , 因為實在太多細仔 , 而且條條入扣一連冇成十幾個鉤 .. 休息一陣之後 , 見到虛榮人三號中絛斤頭黑沙之後 , 我拿拿聲走去三號隔離開始偷魚行動 , 但係可能我海膽粉太臭關係 魚比我赫走晒 . 所以我同三號就開始訓覺 , 響睡夢中我隱約聽到團長有最新指示內容係 " 十二點轉流 , 必須執行計劃乙 " 於是我按照團長指示 , 十二點開始行動 . 首先響完全唔知乜事情況下先斷一口 , 之後見三號一抽 " 中呀 " 見到三號比左一兩手之後 , 二斤幾牛屎上水 , 當時我心諗 " 唔係呀化 , 唔通我難食蝦真係難食 " 但係諗都未諗完 , 支竿拉一拉 " 中呀 " 可能太緊張又斷過口關係 , 差收爆竿頭都唔知 , 好彩三號立即提一提我 , " 好 " 十幾野牛屎上水 , 估唔到支G字竿唔開殺氣都咁勁 , 可以幫我解到白果咒 , 之後由於太大湧關係 , 所以開始第二輪訓覺行動 .. 到五點左右再作釣 , 三號就繼續訓覺 , 一個鐘後由於冇乜料到所以收竿 . 到八點半快艇準時黎到 , 接晒全部人後番到長洲碼頭 , 大家食完早餐 , 騷擾完長洲賓客一番後就坐船番香港 . 就咁 " 大小鴉過夜跨啦啦 " 響歡樂聲中完滿結束 .. 響度再次多謝黑手們 .. Thx

 

禧榮申仁影相都虛榮過人.....返到長洲各自大咬互相吹水一番......

(文:阿屈 @ sep 2001)

 自迷一樣東平蕉擊之後,都冇再起過枝磯竿,又想起成年冇同亞AL、然、璣、小齊等釣魚,所以一聽到黑手璣同虛榮人吹雞去大、小鴉,即刻第一時間報名交錢。嘩!點知之前幾日居然打風,幾驚要吹消呀!!居然日鬼咁晴呀,好!可以出發lu。

 由已封塵竿袋裡面枝生竿出,拎埋發霉釘鞋同救生再執呢樣執樣,嘩!撞鬼,足足兩大個誘餌袋再加腰包竿袋,慘過回鄉探親呀!一於拉手拉車至掂!

 約埋燒山長水遠拉住架車仔去灣仔買蝦粉蟲順便等齊大顆兒一齊出發去中環港外線碼頭,人齊後上船出發去長州,落船後去買人餌,神推鬼差地冇去買飲,又唔想要其它人等,心諗自己重有枝水頂得住。好!上快艇出發。點知...........啍!

 今次又拍虛榮人,上個位叫小笠原,一上到去五點幾,發覺水好濁,又有浪湧,唔理喇,開誘餌先,因為隻蝦插上次上排俾某人整鬼爛未買番,所以要麻煩虛榮人喇,佢仲幫我開埋誘餌添,唔該晒!

 開完誘餌後開竿,敝!手忙腳亂添,又要麻煩虛榮人,又唔該晒!開始釣魚,成晚全冇驚喜,不提也罷,點零鐘就訓,好好訓!不過有件事好邪,我將我枝僅有水樽口向上斜放個大餌袋度,點知無啦啦發覺全部水一滴唔剩漏晒出餌袋外,袋內完全冇水,照計我樽口向上斜放,就算有穿漏都會漏餌袋內??????????冇計啦,唯有問虛榮人施捨罐哥啦,咁我開佢啜兩啖就擺個餌袋旁邊,,點知好衰唔衰又係冇啦啦我擺餌袋上腰包突然跌落,仲正正跌正罐哥啦上面添,結果又係瀉晒冇得飲啦!我當時係坐開一邊綁緊,你話邪唔邪?

 就係咁制水到第二朝,好彩好好訓唔使點飲水!一起身睇個海,Oh my god!抄晒底呀!釣多陣打埋誘餌落海跟住都執等船接囉。又蕉,不過早上見到兩條中華白海豚,好可愛呀!咁都值回票價啦!

 船上知道大部份上附近位朋友都冇乜好收獲,只有亞La哥一個爆釣,真係乜魚都有,真威!返到碼頭等埋第二隻艇朋友發覺佢釣獲比較平均,當中都有幾位比較突出,最後由黑手璣得大魚獎,我就以一條三指火點輸俾虛榮人二號失去白果獎,嗚~~~嗚~~~~

 最後要多謝黑手璣、虛榮人及一眾亞四搞個咁成功活動俾我,我尤其要多謝虛榮人幫我開誘餌、開竿同俾罐哥啦我。Thank you!

?

~~~ 白果獎頒獎時刻 ~~~教授如何得白果獎心得~~!!!

 

?

一個虛榮人的誕生 - 魔鬼lalala落毒 - 睇支竿四次 - 有人用虛榮目光落毒 - 最後當然........

 

 

 

 

 

(文:阿然@ sep 2001)

大小鴉報告終於完成啦~!在此要多謝提供文字報告釣友 : (候活、阿璣、LALALA、了神、Vampire、武七叔、AL、阿禧、阿屈 ) 提供圖片 : ( Son'biu、阿璣、小齊) 使大家可以感受到當日活動歡樂氣氛 , 希望不久將來可以再為大家作出報告啦~~~!!!!

鳴謝 :( OSF會員 Son'biu、阿璣、小齊提供圖片)

 

 

 
 
< 前一個   下一個 >