作者 十九
|
2001/07/19, 星期四 |
《十九塘釣》 日 期: | 2001 年 7 月 14 日 (星期六) | 時 間: | 1100~1200(一小時) | 釣 手: | 黑 咪 , 山 本 十 九 | 釣 點: | 廣 州 步 炭 鎮 | 釣 場: | 混養塘,塘面約八畝(1400平方米) | 魚 種: | 青,草,鯉,鯽,鯪,黑,鯰,鯧等家魚 | 釣 法: | 手竿直感,手絲 | 釣 餌: | 豬肝 | 釣 獲: | 15條白鯧,由400g~950g,總重量約8Kg | 圖/ 文 : 山本十九 @ July 2001 話說十九哥有公務在身,需到廣佛公幹三天,十九哥臨時拉伕,要黑咪跟出跟入搬搬抬抬,開開眼界。兩日公幹完畢,尚有半天需要消磨,十九哥就提議釣魚(十九哥唔識釣魚,但成日都話要去釣魚,真係服佢) 兩架摩托車,開二十分鐘就到一個叫步炭小鎮,源路魚塘處處,風景優美,冇幾耐,就到要去魚塘,塘主叫祥叔。佢係下崗工人,承包兩個魚塘,養各種淡水魚出售。 祥叔極為好客,主動話俾我地知現在只有白鯧食餌,叫我唔駛徙氣釣鯉魚同草魚(鯇魚),重整件豬潤俾我地做餌.... 十九哥開枝十二呎鯉竿,掛沉底釣組,伸枝竿出去試水深,點知,未掛魚餌就有好重口魚訊,抽....空鉤!!!!唔係!係俾魚咬住粒鉛,咬斷條子線,哎,削!!! 黑咪一手就搶十九哥枝竿,話:『我試!』再個鉤,唔用鉛,鉤舊豬潤,放落去試試.....不放尤自可,一放不得了!!!一落鉤就有魚拖餌,抽,中!!!全程滿弓呀,叫救命咁滯....用盡八寶,打兩三個八字,拉上水,嘩,有成斤咁滯.... 如是者,上魚,斷線,鉤,話都冇咁快,就上十幾條,睇天色唔對,而且魚鉤只係得番兩隻,收工喇,原來只係釣一粒鐘,就有咁收獲,真係唔錯,況且黑咪係第一次認真咁釣魚,真係中哂毒咯。 天色唔好,要喱間屋仔度避雨,同祥叔同老魚工閑話家常,祥叔話五月尾至七月係釣塘魚好時辰,要起白鯧至釣到草魚鯉魚,好彩佢個塘冇落福壽魚,如果唔係就得白鯧同福壽,唔係咁好玩,佢重話呢兩個星期就起白鯧,八月初就有鯉魚釣喇....佢重叫我約埋釣友一齊上去玩一日,咁我梗係多謝佢先喇。 要安排,最好就係釣一日魚,食一日荔枝,三日兩夜就 very good !!!! 中魚,滿弓 | 再中魚,再滿弓 | 成桶都係魚,釣唔到係你削 | 白鯧,一斤半 |
|
|
|