Menu Content/Inhalt
首頁 arrow 釣遊 arrow 內礁、磯邊釣遊 arrow 磯釣實習團報告

誰在線上

線上沒有任何訪客

線上人數

磯釣實習團報告 列印 E-mail
作者 電波釣魚網   
2000/02/11, 星期五
《磯釣實習團報告》
日  期 :2000 年 2 月 11 日 (星期日)
釣  點 :石 排 灣 咀
黑  手 :威 威
助  教 :CKF、KILLER WAI
團  員 :Team (A) 豪仔、wing
Team (B) LEO、ERIC
Team (C) Edwin、肥熊
Team (D) 波子、Snoopy

 

文 : 威威 @ Feb 2001

08:45
 
 
09:30
10:00
10:10
大多團友已到集合地點,當上船出發前;團員及助教先來一幅大合照但死肥熊又出手術, 將指公向下;所以今次咁蕉入佢數.
往模達灣街渡開船.大家在船上自我介紹
到岸;大家發揮TEAM合作精神.
見小路旁有一公眾方便所;有團友有需要,大家停下方便.但各男團友已完成交收, 但兩女團員久久未見出來,大聲問安後,兩人夏服出現.原來將幾件厚衣除去.大家心急爭取時間, 立刻上路.但被肥熊哎停.因有人遺下一個黃色誘餌袋.
11:15經沙灘及大石灘到目的地大石礁
11:30小休後,立即先同各團友講今次主題~磯釣誘餌;釣具及釣組釣法.
13:00天氣轉壞;KILLER同豪仔說 此3 層高釣點就是我濕頭地方.
13:30肥熊只玩他帶來手竿.浪濤不細.
15:15因釣點浪湧太大,在免生意外,黑手決定返回碼頭內灣再釣.
16:15大家到碼頭再開竿;黑手豪言"釣唔到魚唔走!"....大家都笑.
17:25最後只有LEO未釣魚.船就快到.....之前釣到電波之友(石狗仔).好開心.
18:15回到香港仔;田雞過河...閃!
備 註今次之後;幾個團友好FRIEND,大家都想早加入電波做NSF.

文 : Edwin @ Feb 2001

哩次係我 'NSF Edwin, Keroppi' 第一次寫賽後報告,寫得唔好睇請見諒!

8:30am 到達當日集合地點 (曰本首都釣具店), 團友陸陸續續到達。 8:45pm Wai Wai 拉住一大箱 3六5 (成二十包) 亦趕底釣具店門口, 佢回順條氣,寒暄一番便立即叫賣:「二十五蚊包,二十五蚊包……」仲係正人地門口收錢,門口分貨,真係藝高人膽大,佩服佩服!分完貨見肥熊亦到,可能佢係山本十「九」,釣具店門口果兩隻狗原本見人都吠,唔知點解唔吠肥熊不特只,仲比肥熊係咁摸佢個狗頭(估唔到肥熊連狗頭都唔放過……)。好喇,人齊!一行十三人出發!

我地搭九點半班船去南丫,船上有說有笑,WaiWai 分別介紹各團友,我們分成兩人一組,而我就和肥熊一組。我問肥熊佢帶左D乜野釣具,嘩!講你都唔信,佢竟然只帶支手竿黎,乜粉乜蝦都無!!(大佬,磯釣團呀!手竿都得…肥熊,你好野!)

大約十時便上碼頭,我地要步行到釣點,有個牌寫住行二十分鐘就到。途中經過一D礁石, WaiWai 就立即就地取材,介紹下邊D係出水石,乜野叫打浪位。行行下,到佐一段原來要上條長命斜(得十三個人,威威果二十包三6五又點分得洒丫),我見佢拉車拉得幾辛苦,就發揮電波精神,幫佢一把啦。上完斜跟住又落斜,架手拉車咁重,拉住落斜好辛苦,惟有用個屎忽頂住架車慢慢落。嘩,人地就話頂魚頂到手軟o者,我就未釣就頂車頂到腳軟……行左大約十五分鐘,又見到個牌寫住仲有二十分鐘就到。天啊!!二十分鐘完又二十分鐘……仲有幾時先到呀!!??當時一滴風都無,個個都行到身水身汗,大家開始埋怨WaiWai (因WaiWai於出發前一晚留message說風很大,叫我地穿多D衫)。

途經一個公廁,大家停下休息。女隊員波子對WaiWai說:「又話大風,我入面著左五件衫呀!!」接著她便入公廁換衫。換完衫佢出番黎話入面仲有三件衫(嘩!唔使講埋比我地聽掛)。我地再出發,肥熊押尾,他嚇然發現公廁門口我地有人漏底個誘餌袋,原來是Killer 的。大家都打趣說Killer梗係想睇下波子幾時熱得滯,又要再除衫,所以連磯佬既靈魂「誘餌袋」都放底唔要。Killer, 你想唔用袋牙??!

待續……………

 
 
< 前一個   下一個 >