Menu Content/Inhalt
首頁 arrow 釣遊 arrow 內礁、磯邊釣遊 arrow 大魚開運陸續來下集

誰在線上

線上沒有任何訪客

線上人數

大魚開運陸續來下集 列印 E-mail
作者 電波釣魚網   
2002/03/16, 星期六
《大魚開運陸續來下集》
日  期 :
 2002 年 3 月 16 日 至 3 月 17 日
時  間 :
 3 月 16 日 15 : 00 至 3 月 17 日 09 :00
釣  點 :
 萬山群島
釣  法 :
 磯釣
釣  手 :
 AL 、lalala、Sunny、小齊、了神、阿然、阿璣、阿禧、阿麟、
 仙巴、基哥、坤哥
釣  獲 :
 白立( 21條 )、雞魚 ( 百多條 )、黃衣、黑毛、白毛

 

(文 : Sunny - Mar 2002)

Sunny復仇記 (1.75竿大戰5斤餘白立)

 上次一役慘敗 , 白立大咬 , 但我打龜 , 每次中魚都沒有還擊之力 , 拉弓到柄之後頂一手就斷了 , 可能 2.5 號子線太幼 . 今次再做個皇子復仇記 , 4 號母絲 , 4 號子絲 , 每一次中魚 , 一手都唔比 , 攻到條白立死去活來 , 唯有扯白旗投降 , 90 分鐘 3 條 , 其中一條約 5 斤餘 , 這條真要命 , 今次是我死去活來 , 要扯白旗投降 , 上水後要稍作休息 .

 

 總結 : 中 3 口斷 4 口
 40 cm 約 2 斤餘、49 cm 約 4 斤餘、
 52 cm 約 5 斤餘

Sunny 今次王子復仇非常成功全場最大白立

 

(文 : 然 - Mar 2002)

陪釣男手記

坤哥同小齊係唔好似樣呢?

 今篇報告就唔應該係我寫,應該係小齊哥哥坤哥寫,因為佢今次一人獨得六條白立,重量由二斤至四斤幾仲有二口斷左。但係坤哥又唔係網民只係間中去小齊家中睇電波網,所以今篇報告就落在我身上。而我今次就有 D 失敗啦!初到磯位就貪舒服開支0.8 號竿貪佢無咁重,又用 D 史前 2.5 號子絲,最後當然連斷二口無得還手,後來快快開過支 2 號竿用 3.5 子絲又斷,最後把心一橫用 5 號子絲!唔知係唔係斷開有條路又斷,最初都頂得下但放一手絲俾佢走後連個鉸都發出一聲響,頂一下就拉斷左,條絲上水後見到縛鉤位置被拉散。真係斷到都唔知發生咩事。當然啦!!係咁斷自然反應又縛過鉤,不久又中啦!今次條魚無咁勁啦!!係我雙手持竿下條魚都上水,最後連撈箕都唔用飛條魚上水,一睇都係 D 二磅庄左右尺寸 , 唔怪得咁善良啦~~~~!!

中 期 魚 獲 報 告

 噫!!!好似離左題,今次主角唔係我係坤哥啵,坤哥係港內釣手一名;今次係第二次出外礁,但係港內成績同小齊都不相上下係電波網內都出過下 Nwes。而我當然要跟下坤哥學野啦~~~!!所以同佢上一個位,上到礁坤哥問我要用幾號子絲呀??我就答佢 3 號子絲起手最好 4 號啦 ....!佢一聽就問今次釣咩魚呀 ~~~~??我說:白立囉~~~!!!佢話最粗得 2.5 號呀 ~~~ !!我就叫佢用往先囉~~~!!斷左我有子絲無有怕。因為我都用 2.5 號嗎~~~嘿嘿~~~!!我就同坤哥分開兩個位釣,大約一個鐘後坤哥同我講有魚呀!!仲好勁斷左一口。不久見佢落撈箕我走過睇下目標魚白立出現太約二斤庄。不久又見坤哥中魚上魚今次大D。我就立刻過佢個位偷魚,不久我中魚,斷左,跟住到坤哥中魚,又斷。我又落餌又中魚,又斷。到坤哥中魚成功上水。我換竿時坤哥又中又上水。到我換好竿後轉流無魚啦~~~!!!為有作中期魚獲統計;坤哥有四條白立斷二口,我就無魚斷二口 ~~~ 削 ... 影好相釣多一陣都無咩魚訊我地就開餐食杯麵.....開餐時坤哥同我講 D 魚好勁呀 ~~~!!唔同佢釣開 D 牛屎連佢支竿都出事頭 Guide 都裂左,我見佢支後備竿太軟中魚都係斷多,我就叫坤哥用我支後備竿啦,順手幫我支竿增加殺氣,我仲同坤哥講入黑啦.....用 3.5 號子絲啦~~~唔係又得個斷字啦!!!吃飽後休息一陣各自開工,釣到接近 12 點坤哥又中今次條又大 D 三斤幾佢話入黑後D魚真係勁D。後黎我都好好彩終於都上番條唔使齋斷 ...... 到左 1 點無魚訊就收工休息下 ,坤哥話天光會有大野開口天光要博殺所以佢都休息,到 5 點幾坤哥開工,初初都無魚訊接近天光坤哥叫左我一聲,我望一望見佢支竿彎左又中魚!!!我就走過去問佢使唔使幫手啦~~~!!佢話都好因為條魚好好力,佢都好我就幫佢撈魚啦!!!但個天末全光我又睇唔到條魚撈左幾次都唔得。後來都交番俾坤哥自己撈,二野後入網上水一睇起碼有四斤,過磅後有五磅半坤哥都好開心,見有大野我地當然提升戰鬥力埋位釣啦~~!!!但到天光都係得 D 雞魚後來老泥出現我地就收工、影相、執野、走人。上到船聽到各人都有好收穫;當然去到碼頭影大合照同總魚穫啦!!!今次同坤哥上礁我就好似同名人上礁釣魚,做左陪釣男。但我都唔執輸都有四口斷,起碼我都有機會反省下點解我會斷口~~~!!!哈哈~~~~我終於都有得斷啦~~~~!!!你斷左末?

坤 哥 都 整 個 左 擁 右 抱

 

噫!個 生 倉 都 好 迫 下~~!
今 次 AL玩 低 調 出 張 相 算 啦!

節目預告

今次報告以經完成啦!
不果我們正密鑼緊鼓籌備2001年電波白立篇敬請留意

 
 
下一個 >