Menu Content/Inhalt
首頁 arrow 釣遊 arrow 中國、台灣、澳門釣遊 arrow 深圳東湖台釣釣遊團(上)

誰在線上

線上沒有任何訪客

線上人數

深圳東湖台釣釣遊團(上) 列印 E-mail
作者 電波釣魚網   
2002/03/23, 星期六
《電波深圳東湖台釣釣遊團~上集》
日  期 :
 2002 年 3 月 23 日 (初十) 星期日
時  間 :
 09 : 00 - 17 : 00
釣  點 :
 深 圳 東 湖 公 園
釣  法 :
 台 釣
釣  手 :
 90,123456,了神,柏柏,TO,黑咪仔,Joey,川川,
 高高, Cal,kk,釣蟹,釣蟹friend,如夢,牛牛,
 6仔,Angel,吳顯和
釣   餌 :
 3 ~ 4 種 mix

 

嘩 ~~ ! ! 做 咩 攪 到 一 地 都 係 魚 呀 ~~~?

 

(文 :了神- Mar 2002)
活動總指揮的話

 其實今次我玩台釣都係第五次左右。回想第一次接觸台釣,我都係兩手空空跟著90兄北上買傢牲,都係佢教我如何如何組合台釣釣組,調標,搞埋d魚餌,真係有d飯來張口,錢來伸手般的感覺. 到現在,我也是在學習中.
台釣俾到我一種講求靈敏度高及控竿既技巧,籍此而希望提升一下自己既釣技.
說到此,大家都不如一齊去接觸下台釣,了解一下佢箇中既奧妙.

 

 

(文 : K K - Mar 2002)
 未去台釣之前,聽數字叔叔講台釣很好玩,而且非常適合女仔玩的,一直都抱著懷疑的態度(雖然釣魚次數不多,但近乎一百巴仙零魚訊同白果經驗,令我對釣魚有點卻步)但也很想試試。

 離台釣既日子越來越近,週初開始天氣還不錯,但星期六天氣急轉直下,開始下雨,天文台仲發出黃色暴雨警告,心諗今次可不可以出發也成問題,不過諗住陪牛牛慶祝牛一冇計啦,一於照去可也。

 唔覺唔覺又到左星期日既大清早,外面陰雲密佈,但還好雨落得唔係好大,真係好耐冇試過咁早起身啦,雖然冇賴床但咪咪摩摩,落到地鐵即刻發個輪比阿川川同佢講遲D到,去到集合地點都遲左少少(十零~~分鍾)。嘩!齊哂人啦,真係要響度向各位等我o既兄弟姊妹講多聲SORRY唔好意思呀!

 噓噓聲就到左東門啦,飲過早茶大概十點半鍾到,我地C團o既釣友就開始出發去台釣點出擊,到達釣場即刻去霸番個靚位先,由於我釣齡尚淺加上又少去釣魚所以乜釣具都冇,今次要多謝Cal Cal 借竿,了了借炮架,牛牛幫我set竿,川川調粉...不能盡錄。一切準備就緒開始台釣,唔覺唔覺釣左成個鍾了,乜仲係白果o既,唔制呀,而坐響隔離o既川川起完又起,起過不亦樂乎,又話好易釣呃人o既。再過多半小時終於有魚訊啦。我一的,成條魚飛左落牛牛度,嚇鬼死佢啦差D,條魚細就細左少少但總好過白果呀。之後又回復平靜(零魚訊),到左下晝仲開始落雨添,雖然係比較麻煩不過牛牛話D魚會開口,都好又有番希望,但係真係好煩呀上完粉未落水就跌返落地,D雨仲越落越大添,黑手宣佈五點鍾收拾行人,仲有個多小時就要走啦唔通今次就係中一條魚咁大把。正在亂想之際又有魚訊啦,今次為免再飛到牛牛就住度力先,但可能我唔小心今次支竿差D撩到Cal Cal而條魚就好安全咁上左水。再過多一陣又中呀,今次條魚仲大過之前2條呀hee,都係時候收工了,收拾好過去對岸會合影靚相。(叔叔真係冇介紹錯呀)

 影完靚相之後,大隊移師到下站釣具鋪,釣具鋪到啦場面好熱鬧好虛憾,情況媲美週三既例會,踩完場(幫趁)之後,再到90師父介紹o既羊肉店食晚飯同牛牛慶祝牛一,師父果然好介紹~全羊宴正呀!各人也吃得不亦樂乎,食飽飽係時候返香港啦(敝!今次唔覺意放過釣蟹添,下次冇咁好彩啦佢),就係一片歡樂聲中完滿結束喇。

你 睇 幾 舒 服 坐 定 定 又 有 魚 中 啦 !

(文 : 顯和哥 - Mar 2002)
 小弟於東湖學釣 , 多蒙各位幫忙指導 , 使我這個釣魚新丁也可釣到五條魚 , 萬分感謝 . 特別要多謝 90 叔代為綁釣組 , 並悉心教導如何去切定浮標之目數及釣組之正確長度及控竿之各種技巧 , 使小弟穫益良多 .

P. S. 小弟十分享受當天與各位共處釣魚之樂趣. 當晚之羊肉餐真是超值之美食. 在此 謹祝 "肥牛哥" 生日快樂, 心想事成.

釣 到 鯉 魚 大 家 都 咁 開 心

(文 : 如夢 - Mar 2002)
 今次我首次參加擊類活動 . . 我是 z 團最遲的一個 . . 中午時份才到達東湖公園 . . 嘩 ~ 好多人 . . 跟之前想像的差不多 . . 整個塘都坐滿人 . . 好熱鬧 . . 我們電波就霸佔了小半邊的廿個坐位 . 大家都努力學習著台釣技術 . ^^ 我就封左 90 做我師傅喇 . . 本來什麼是台釣也不懂 . . 只是跟著他來這裡學習 . . 嘻嘻 . 才認識到台釣都是很好玩的一種活動呢 ! 新釣組 . 新釣法 . 新魚餌 . 新地方 . 每樣也很新鮮 ! 這天的雨還是有氣無力地下著 . . 我們坐在太陽傘下 . 微微細雨 . 都幾浪漫架 ! hahah ~~ 又見身邊一個個釣上很大尾的鯉魚 .. 二斤的也有 .. 大家都認識了這種釣法 . 而且很成功 . 唏 ~ 很厲害呢 ! ! 五點了 . . 我也要帶著依依不捨的心情收拾釣具 . . 然後將釣獲拍照 . . 哈哈 ~~ 拿著這多魚 . . 很開心 . 很滿足 . . 成班人一起坐巴士 . 途經魚具店 . . 在店裡老闆教了我秘餌的做法 . . heheheee ! 有人想要秘餌問我啦 ! 我有得賣 . . 哈哈 ~~ 到達飯店了 . 我們坐滿兩圍檯 . 吃的全羊宴也很美味 . . . 飽飽的 . 回家去了 . . . 又是很開心的一次釣魚活動 ! !byebye ~
p.s. Dinball for sure!!!

請留意電波深圳台釣釣遊團下集

 
 
< 前一個   下一個 >