Menu Content/Inhalt
首頁 arrow 釣遊 arrow 中國、台灣、澳門釣遊 arrow 深圳東湖台釣釣遊團(下)

誰在線上

線上沒有任何訪客

線上人數

深圳東湖台釣釣遊團(下) 列印 E-mail
作者 電波釣魚網   
2002/03/23, 星期六
《電波深圳東湖台釣釣遊團~下集》
日  期 :
 2002 年 3 月 23 日 (初十) 星期日
時  間 :
 09 : 00 - 17 : 00
釣  點 :
 深 圳 東 湖 公 園
釣  法 :
 台 釣
釣  手 :
 90,123456,了神,柏柏,TO,黑咪仔,Joey,川川,
 高高, Cal,kk,釣蟹,釣蟹friend,如夢,牛牛,
 6仔,Angel,吳顯和
釣  餌 :
 3 ~ 4 種 mix

 

(文 : 半日安 - Mar 2002)

代理活動統籌心聲

 今次活動,係我俾人擺上之後第一次。綜合各位釣友釣獲,今次都算得上係中上。最令我有所感觸,係90回歸之後post一段野....我唔識字,不如就 (吸皮) 過來俾你地睇一睇,我諗90哥唔會告我侵犯佢版權掛?

註:90係今次台釣活動總技術指導

TO:ALL

 好多謝大家參加這池釣買魚團;但今次我們釣到很多魚,不論大小但一條都未取走.全部放走,每人都釣走自己了心目中的魚,沒有使用化學成份餌,全符合有机物質,黃豆,花生伕,蛋白絲,及土豆粉,芝麻,奶粉,在初玩池釣應該覺得不是很困難玩法,都幾有趣味性.

 請大家記住,無論係天然釣場,還是管理收費池,保護釣場係我地釣魚人 天職,破壞釣場,最終 受害者,都係我地呢釣魚人,大家請三思。

90今 次 技 術 指 導 各 釣 友 台 釣 有 關 技 巧

 

(文 : Angle - Mar 2002)
 這是我第一次到東湖台釣。未去之前,都想像不到台釣是怎樣的,所以我懷緊張而興奮的心情。

 開始釣魚時,都不知自己在做什麼似的,坐了幾個鐘,只見各人都有魚上釣,而自己卻釣未到魚,大雨又嘩啦啦,真的有點失望!

 幸好,問問人,又再試試,終於在完場前,我釣到兩條鯉魚。在魚上釣的一刻,心中充滿喜悅。對於一個初學者而言,實在是一個鼓勵。不知各位高手,在你們初學釣魚的年代,是否有同感呢?

 最後,我覺得電波每次所辦的活動,令我釣魚的歷程,有寶貴的經驗,而東湖之釣也不例外。而一班好玩的釣友,帶給各人無限的歡樂 ^o^!

(文 : 黑咪仔 - Mar 2002)

 今次係我第一次真正學玩台釣。以前我都試過唔少次玩淡水,但都係用七星串漂朝天鉤,因為我覺得台釣調漂好麻煩,又冇一枝靚靚止水漂(其實我有過一枝達摩,不過抹漂o個時啪鬼左,肉赤到死!)

 我身為D團領隊,到集合時間,人齊就一個人出發(D團團友只有我一個人)。過關後立即同90,數字安答,粉紅色小柏柏團聚,食午飯,買傢牲,再到東湖預先偷釣一啪。點知,個頓同FK已經釣緊,重話已經釣左成個上午咁話。唔理佢地咯,開竿先。90處理餌料,我就學人調漂~~哈~~原來調四釣二唔係咁難,所以呢,兄弟,真係吹一百次水不如釣一次魚喇....

黑 咪 又 擺 個 左 擁 右 抱

 咦咦,有魚訊啵,抽喇,中!係一條細細地白鯽,好,有一個好開始。零星落索魚訊都抽唔中,開始有少少心恢,不過,有條唔識死鯉魚,走過來咬我~~個鉤,梗係唔放過佢喇,又中!呢條係我?記錄鯉魚(以前記錄鯉係750克),一定唔會俾你斷走口,放心喇。

 由於我唔係用鯉竿,而只係一枝三米六溪流,好輕巧但係好軟,條鯉魚仔又大大條,足有兩市斤幾(超過1.2公斤),枝竿竟然俾我頂到到哂柄!由於我要就條魚,而要企高坐低,走左走右,搞到坐我隔離頓好唔妥當,重問我點解唔起條魚,玩咁耐會搞散窩魚。其實唔係我唔想起魚,而係條魚誓不抬頭,咁細條魚足足用左四分幾鐘至搞得佢掂,真係差英名盡喪(早知由得佢斷走重冇咁嬲)!不過,真係好好玩,以前我用同一枝竿,試過中條差唔多大福壽魚,都係用左分幾鐘,估唔到,鯉魚真係咁有韌力,以後,我都要以鯉魚作為我淡水目標魚至得!

玩左兩個幾鐘,一共有三鯽四鯉,唔錯唔錯,係我從釣以來第二好淡水釣獲!

跟住晚飯檯波,休息一晚,第二朝早早茶後,又再戰東湖,而C團釣友亦到,但天不做美,雨下零星,魚訊比上日差得遠!全日只有兩鯽兩鯉,又一次印證,我真係唔識釣魚。

90哥,多謝你,教左我好多做人釣魚道理。我會再力求精進,繼續鑽研我斷走神功,唔會令你失望!!!下次景陽春一人一斤,我....

影 完 相 合 力 齊 放 魚

東湖釣場報告以經完成,但尚有一批非正式相片未完全曝光。
敬請留意電波深圳台釣釣遊團外傳

 
 
< 前一個   下一個 >