十五擊釣點試水篇
作者 拉丹   
2000/03/18, 星期六
十 五 擊 釣 點 試 水 篇
(參與試水行動釣友包括 : Son'Biu,侯活,速攻 & 青蛙)



日期 : 2000 年 03 月 18 - 19 日 (星期日 )

時間 : 16:30 - 1630

釣點 : 沙頭角魚排

釣法 : 筏釣

人物 : SonBiu , 青蛙 , 黑沙 , 速攻

釣餌 : 誘餌南極蝦 , 青蟲 , 新鮮既死魷魚仔

釣獲 : 黑沙七條 , 兩斤半左右 x 2 , 斤半左右 x 3 , 一斤樓下 x2

(Le' Dan 在 2000 年 3 月 18 日 - 星期六 )

嘟~~嘟~~嘟~~嘟~~! 嘟~~嘟~~嘟~~嘟~~!
電波特別新聞簡報:

據可靠消息,數名電波釣友前往老沙偷釣,團員包括有老侯、 Son'標、速攻同埋老蛙。 傳聞中"望爛海"中唔到大魚既咀咒已被打破。

事源Son'標冇帶筏竿前往,由老侯借出傳聞受咀咒既 "望爛 海" 作釣。 第一條黑沙於下午五時由老標上水,據未經証實 消息有斤頭。直至晚上九時三十分,已有四條分別十兩至兩 斤既黑沙被殘水標用"望爛海" 釣了上水,而另外兩名偷釣人 士則只有石狗而已。

其實冇魚上的真正原因已証實是使用者的問題。早前坊間流 傳老侯用咩野牌子既釣具會連累其他用同一型號釣具既釣友 冇魚上一事,原來所言非虛。 現呼籲各位釣友留意老侯最新 的購買意慾,以保保障各位釣友的魚獲。

我地好高興可以用電話接觸到當時人發表下:

標 : 望爛海破咒喇~~!
記 : 堅唔堅咖?? 冇理由格,老侯用望爛海都會中魚??
標 : 唔係! 佢借左比我玩嘛!
記 : 哦~~! 唔怪之啦! 老侯佢有冇中呀??
標 : 有! 佢一尾中石狗囉。
記 : 咁隻青蛙呢?
標 : 咪又唔係一樣冇大野上!
記 : 得你一個中咋?
標 : 係呀! ..... 你等陣..老侯搵你....

記 : 點丫死佬? 都話左你唔好用 "望爛海" 咖喇,累到阿 Le'Dan 支望爛海到都冇料到! 阿標一接手,即刻中四餅勒!
侯 : 車! 都唔知點解 D 魚淨係食佢既? 攪到我依家同阿標越坐 越近,由幾米坐到依家 1 mm ,都仲係唔食我既!
記 : 不如為大局著想,賣左支 "望爛海" 啦.
侯 : ... @#$%#$^^*

電波特別新聞簡報完畢!
嘟~~嘟~~嘟~~嘟~~! 嘟~~嘟~~嘟~~嘟~~!