東龍探秘垂釣一天團
作者 電波釣魚網   
1998/12/06, 星期日
活動名稱 :東龍探秘垂釣一天團
.
活動地點 : 東龍島
.
活動日期 :1998年12月6日 (星期日) 
.
集合時間 :08:15 - 08:30 (08:30準時開船)
.
回程時間 :09:00, 10:20, 15:00, 16:00, 17:30 (最早可於09:00 原船折返) 
.
集合地點 :林記街渡碼頭 
.
(西灣河地鐵站A出口直出海傍, 舊西灣河碼頭側, 地方法院對面)
.
食物飲料 :大會一概欠奉, 請自備午餐及食水. 
(雖然島上有士多, 但係價錢都幾唔抵. 氣水同水都係賣9蚊) 
.
魚餌魚具 :大會一概欠奉, 請自備魚餌及魚具!
.
負責人員 : 冇! 負責任同唔負責任o既負責人都無人肯做. 
.
活動收費 :大會一概欠奉收費準則加上又無負責人, 所以唔使比啦! 
.
報名辦法 :使鬼報名咩! 鍾意咪o黎囉! 
.
注意事項 :最少帶$28蚊買來回船票. 其餘自己唸o下有咩o野要注意啦!
.
備注事項 :正所謂"講就天下無敵,做就有心無力"; 為o左廢事眾網友話o黎又唔o黎,我Danny o係呢度落個咀咒; 咀咒放飛機o既釣友o係o黎緊三次釣魚,三次都食白果,仲要係臨上水先走魚o個隻, 鉤石鉤到雲,鉤到Total Loss o個隻! 唔知呢個咀咒夠唔夠毒呢?!

由於當日冇人帶相機, 所以冇相睇!  梳哩!

 

By Norm on Sunday, December 6, 1998 - 08:42 pm:
太古二打六"電波"釣友出激東龍島餵魚探秘一天團, 經已圓滿結束啦,多謝各方釣友支持!今日我地收獲都唔算好,Jorden兄魚獲最多,奪得最多魚(餘)獎! Danny兄一落杆就中一條手板大連米,勇奪"快搶手"獎! "磯"佬Wind兄,得一條三斤(估計)紅"魚有",奪得大魚獎! 最細魚獎既得住係....小弟....要接受"大懲罰"....即係.. 最後上、落船! 另外,昨日Danny大巫師所下既咀咒,今日正式生效! 其他野留返俾其他"釣友"既隊員介紹! 

唔記得話俾大家聽,今日白果杯無人奪得, 獎項將會留返下次出團時送出,有興趣既朋友記得下次參加! 
 

By Pakto on Sunday, December 6, 1998 - 09:22 pm:
哈哈!今期"電波釣團"可以話係「皆大歡喜」囉!因為我o地 o既白果獎"竟然全部落選! 
 

清晨08:30
一行十人(真係十個冇多冇小)浩浩蕩蕩o甘出現於西灣河水警 總部旁o既碼頭之上眾人神情肅目,齊聲高呼「叉燒包」之際, Norm又背囊中取出Banner一大條,上面寫上"順風船~東龍島"  .......眾人等候不到三分鍾便有人肯載我們到東龍島($28位) 

09:00
到達東龍島!發覺水比上二星期前清! 

09:30 
眾人到達第一目的地"新馬頭"發現非常好風水!正當有人發竿之際……發現腳邊竟然有火點好多條o係水面食o既o播!眾人立刻高速出竿!開齋o既係Biu"漣米"手版Size 

10:10 
怪物出現!太古之神Jordan默不作聲之下起一怪物!!眾人立刻放低魚竿飛奔到前大開眼界!~~~毛蟲一條!係,冇錯係o係海入面釣毛蟲! 

12:30
轉地方!轉至上船o既碼頭 

13:30
新釣法!半磯投釣法!本人及Ray及Wind到了碼頭旁的石堆投釣加磯釣(阿Wind玩磯!D裝備好多好重)!玩玩o下發覺誘餌旁好咬!阿Wind見如此便向釣點發射誘餌!我及阿Ray便用上畢生功力將釣組投到誘餌位置!立即開齋!仲好密口(尤如釣泥猛)小弟立刻Call Danny!可惜Danny到達時,流已經停o左,魚經己走晒!大眾便返碼頭釣. 

15:20 
異種!正當大家發明半磯投釣之時聽到眾人在碼頭大聲尖叫! 我立刻高叫"釣倒D咩呀!""蛇呀!"回答!???"蛇?" 


 

(Remarks: Jorden收獲有細油班,細石搭,細油追,細連米,細紅衫,細鼠銜魚,細梭囉,細哨牙妹等等...... 仲有兩條不知名,像大條的狗毛虫,兩邊長滿密密的白毛.) 

(Remarks: 好彩皇天對我地都唔錯, 比我地其中一位釣友o係舊碼頭用支Zoom 得o既撈箕, "zoom"左條一條, 烏Sir Sir, o係碼頭邊, "慢遊" 緊o既紅鮪, 都有成斤咖!)

(Remarks: 嗚謝, Norm & Pakto o既報導)