東涌夜晚餵魚一日團
作者 電波釣魚網   
1998/12/08, 星期二
活動名稱 :東涌夜晚餵魚一日團 
活動日期 :1998年12月12日
集合時間 :21:00 - 21:15 
回程時間 :10:00
集合地點 :中環地鐵站向上環方向車頭
食物飲料 :請自備午餐及食水. 
魚餌魚具 :大會一概欠奉, 請自備魚餌及魚具!
負責人員 : 唔係我! 唔好問我! 
活動收費 :自備車錢
報名辦法 :有身份正便可。
注意事項 :要注意帶多件衣服
特別鳴謝  :     風師兄編寫今次活動提名. By Wind on Tuesday, December 8, 1998 - 06:16 pm:
Do.Do.DoDoDo.....特別電波探子回報..   巨大立群由龍鼓洲一帶殺入東涌.... 
聽老陀講有好多黃腳同黑鬼由龍鼓經沙螺灣殺入東涌,但由於在殺入東涌前有
好多立都已經比人釣左or入左石位找食所以可以去到東涌的魚都冇乜幾多。 
另一位沙螺灣老陀講見過有二斤以上的巨物上水。 
Do.Do.DoDoDo.....特別電波探子回報完畢...  大家點睇呀?? 
 

By Wind on Tuesday, December 8, 1998 - 07:39 pm:
如果星期日去,我想可以會有幾十人同我地釣在同一個位,因為這裡好o既位
不太多,我曾經在平日入過去都見過有成廿人在這裡釣緊,所以如果星期日,
我想真的不堪入目。
 

By Norm on Tuesday, December 8, 1998 - 08:41 pm:
風兄所言甚是! 小弟釣魚最怕多人,一見到人山人海,就唔想再釣! 
不如搵個第個地方,又或者禮拜五晚去,可能冇甘多人呢! 
 

By Pakto on Tuesday, December 8, 1998 - 10:48 pm:
不如星期六晚入,星期日下午出返o黎啦!星期六日又好流冇幾可o嫁咋!  加上釣夜水加早水我估冇乜人會去爭位呱?加上星期一做到星期六,咪夜晚入去當camp o甘去囉!我實舉晒D手腳去硨o嫁喇!如果我知定呀,攪手都做埋呀!(小弟對東水一無所知) 
 

By Wind on Tuesday, December 8, 1998 - 10:49 pm:
不如星期六晚好嗎? 因為大多數人星期六都要工作,所以我想六晚會好一點。電波探子已經找到幾個好位,只要大家話去,我想戰果會比上次好一點~ 這次我打算釣10:00pm~10:00am,因為晚上中魚幾會比較少,所以大家仲可以在早水來個最後一擊,使大家不但會有魚食仲可以有魚湯飲添~ 
 

By Norm on Tuesday, December 8, 1998 - 10:57 pm:
好丫!星期六晚都好! 去大嶼山camp一晚都係好主意! 不過都係想試多d新地方先!過夜我都要諗諗,不過我會盡量到場! 
 

By JORDEN on Tuesday, December 8, 1998 - 11:26 pm:
哈哈!去邊都冇問題,只要有魚釣,大家開心就得........ 
 

By Pak on Wednesday, December 9, 1998 - 12:55 am:
To風師兄: 我o地overnight o既行程就由你一手包辦喇!如果有D咩要小朋友幫手o既話,即管開聲啦!(有冇見雲師兄呀?佢同孔師妹失o左綜呀!) 
 

By Pakto on Wednesday, December 9, 1998 - 01:44 am:
嘿嘿~這次我們"電波釣友"真係出位喇~ 因為這次出戰西水,我請來"走佬條利伸"為我地出戰作緊隻新歌叫"釣友"呀! 風師兄: 點呀?我o地o既地點sure o左未呀?講出o黎大家參詳o下o丫! 
 

By Ray on Wednesday, December 9, 1998 - 11:41 am:
風師兄: 如果一切細節confirm 的話,請 飛鴿傳書(e-mail) 告知本師弟, 因為要快將家事, 公事弄妥, 如果o吾係, 就聽o吾到"走佬條利伸隻"釣友", 最慘係唔可以大戰西水o既"巨獸".....WowWow 
 

By Wind on Wednesday, December 9, 1998 - 12:23 pm:
這次出戰西水由於目標係沙螺灣~東涌一帶,所以坐東涌MTR就最好喇~不如就係中環月台向上環方向車頭等喇!9點鐘,最遲只可去到9:15pm,去到明日10:00am回程。 

如果這次又有10個左右的話,我想再次分隊,我地會坐69號巴士由東涌去機場,第一隊會在東涌碼頭下車,下車後向左面行,去到見到橋再行多少少就會到達第一個釣點。 
第二隊,我會同這隊一起在巴士過橋後下車,在長長的石 上,一路釣一路走位。個半中後電話contact!! 

大家如果唔明請問,因為小弟可能寫得好差~ 
 

By Iso-zoom on Wednesday, December 9, 1998 - 03:24 pm:
To Wind: 你這次由目標係東涌至沙螺灣,你想殺死人?????????? 你知唔知由東涌至沙螺灣‧要行成四個鐘頭路.  過了東涌一段後要到沙螺灣左右才有位置釣魚??   想死千萬唔好由東涌行去沙螺灣呀.............. 
 

By Wind on Wednesday, December 9, 1998 - 04:08 pm:
To:Iso-Zoom 唔好意思,可能小弟講得唔好,請原諒!  其實我所講o既釣點只不過是東涌新碼頭至沙螺灣一帶,而且我所找回來o既釣點都只不過係在馬路旁,所以唔會好要命。 

To:Danny 夜水才是磯釣出擊之時,而且今次o既釣點,全是三至八十歲都可以去o既位,所以理應不會好危險。好多謝iso-zoom同danny所問o既問題,因為這樣才使大家進一步明白今次o既釣點! 我想如果有人有gas爐同cook set帶去就最好不過喇~ ^_^ 
 

By Norm on Wednesday, December 9, 1998 - 06:33 pm:
究竟我地幾時出動?時間人物地點係? 我有個酒精爐,你地諗住用黎煮乜先?我仲有個迷你cookset,不過細到淨係可以用黎煎蛋, 岩唔岩用丫? 
 

By Iso-zoom on Wednesday, December 9, 1998 - 09:48 pm:
各位東涌夜晚餵魚一日團友注意:  補充一下Wind兄要各位帶的事項,除要帶多件衣服外, 記得要帶頭燈或手電筒,補充用道具還有釣魚用營光棒及要安排一個團友帶急救箱啊. 最緊要當然是要帶錢,古語有曰,有錢洗得鬼推磨.不過唔記得 唔緊要請我做魚童,超值價每六秒六毫. 
 

By Pakto on Wednesday, December 9, 1998 - 10:48 pm:
星期六2100~2115o係中環地鐵站向上環方向車頭 ?冇問題!問題係小朋友每個星期六都要開班授徒,冇時間買沙蝦呀!有冇人肯自願幫我買二兩????仲有呀!唔知我o地去o個度市區車入唔入得o丫o拿?又有冇地方泊車o丫o拿?...........小朋友十數個鍾前聽到一知深釣友( 我對面X伯)透露,昨夜沙螺灣有「立魚」大咬!佢仲起o左兩條 斤零o既o添!我入佢浴室睇過,仲生勾勾
o嫁!………………… …………唔知機場快線To東涌要幾$呢? 
 

By Pakto on Thursday, December 10, 1998 - 01:04 am:
不如我o地影一張"釣友"o既相Send上威水史o丫!我估TVB可能會直擊我o地o既"電波歷險記o傢"!
 
 
 

餵魚後:

By Norm on Sunday, December 13, 1998 - 01:53 pm:
太古"釣友"尋晚經歷左一個真係好電波既旅程,我地既魚獲同埋
尋晚出釣既程況要埋個關子先啦! 因為"電波釣友"現正大昏迷,
我都要去訓覺啦, 請留意稍後報導..... 
 

By Wind on Sunday, December 13, 1998 - 09:41 pm:
魚樂圈二打六餵魚團III之東涌晚餵魚團完滿結束。多謝大家o既
支持。夜d左見 ~_~ 夜d再同你地講解今次東涌晚餵魚團。 
 

By JORDEN on Sunday, December 13, 1998 - 10:39 pm:
本太古電波釣友餵魚團,其實今日兵分兩路,(一)遠征東涌,(二)再戰
東龍,現經圓滿結朿. 多謝各方釣友鼓勵與支持,本太古討論區眾團
友謹此致謝! 有關此行東涌釣?,將會由PakTo報導和各參與的
釣友詳述! 東龍團則由Danny負責報導...... 
而本人則是苦樂參半,苦0既不提也0罷!樂0既是感謝各團友. 
能充份發揮出,合作互助友愛的精神... 
 

By Danny Ng on Sunday, December 13, 1998 - 10:50 pm:
眾出征電波釣友: 喂! 訓醒未丫! 好快D爆料囉播! 
 

By Tommy on Sunday, December 13, 1998 - 11:04 pm:
各電波釣友,昨晚和今早有乜粗o野呀?快D話比我地知哪,好心急呀! 
 

By Pakto on Monday, December 14, 1998 - 01:17 am:
"電波釣團"魚樂圈二打六餵魚團III之東涌晚餵魚團part I 

十二月十三日晚上十時正)
小柏柏與一名舊同事(Namco份子)準時到達中環地鐵站往上環方向月台站頭,風師兄及Ray原來早已到步,數分鐘後阿籮(Norm) 及Jorden師父雙雙到達,正當大眾心想人齊時!神秘人Iso突然出現!並開始大家o既"電波投磯歷險記"! 

晚上十時四十分) 
電波釣友"抵達東涌並向我o地o既釣點進發!(原來發現,大家除o左係"電波釣友"之外,仲係"電波煙民"!一行七人 全部都係大煙通!) 

晚上十一時許)
到達東涌碼頭後,眾人沿石膊一路進發!電波釣旅正式展開!眾人沿石膊一路進發後發覺前面有一個地盤(石膊之上尚可行走),大家就泱定繼續向前行!當大家行到百來米時發現前面有一張大大o既鐵絲網,一路由地盤欄到落海!(落到海面前有小小地方個網o係斜o左!)大家經一輪相議後決定「過佢」!第一個過o既係Iso,佢之後係我,正因為大家行李都比較多, 所以將所有物品慢慢又一面傳去另一面,就o係呢個時間「出事啦」!Iso兄o既電話由佢身上面"pop"一聲跌o左落D石LA度。好彩搵返!但係電就………冇o左!-------o係一輪苦況後,正當各人以為鬆一口氣o既時候……「又出事啦」!原來前面條膊仲未起晒!…大家都應為"冇理由o甘辛苦爬o左過o黎,走返轉頭假?"所以迫於無奈「琴」o左入地盤,行到成腳沙之時,發覺冇出口?…原來係小柏柏眼大睇過龍,下面有個洞可以穿出去! 

下期預告: 
i)東涌之"一千零夜"ii)石膊上打邊爐?iii)又「出事」? 
請各位收睇 "電波釣團"魚樂圈二打六餵魚團III之東涌晚餵魚團
part II ……小柏柏又要去大昏迷啦..zzzZZZ 
 

By DANNY on Monday, December 14, 1998 - 10:00 am:
Pakto 咁耐都唔報料, 報料又好唔洽當咁樣報D唔報D, 實在有損
電波釣友o既形象. 佢攪大o左我地.....Wuuuuu..................Woooo..... 
攪大o左我地個個鋪癮! 佢又好唔負責任咁 "o趙完鬆"! 

由於佢報料手法 "不洽當關係", 嘿嘿~~~~! 不如我地進行表決, 睇下我地使唔使"公開彈劾" 下佢啦! 
Pakto: 呢鋪大唔大整估呀! 哈哈~~~~! 唔想比我地"彈劾" ,就快D推出: - i)東涌之"一千零夜"ii)石膊上打邊爐 iii)又「出事」 
 

By Pakto on Monday, December 14, 1998 - 04:31 pm:
To電波釣友Fans: 
"電波釣團"電波釣旅II之東涌夜釣記Part II 穿越地盤後一眾電波釣友終於都出番「行人路」唔使再爬高爬低,上山下海。 

十一時未到半)
經一輪真正電波旅程後,各釣友終於找到一達平地可作大本營。眾人放下行裝後立刻取出釣具,而"磯佬" ISO及風師兄亦立刻整理釣竿及釣組。在各人整理釣具後便立即「震臂一揮」將釣組狠狠的投入海中!在上面行人路向下望非常壯觀,七支竿七粒光在空中閃動。 

十二時)
第一條沉低上釣!o係Jorden師父o既半斤牛秋魚!其他 
人仍然未有魚訊。 

十二月十三日凌晨一時半有多)
師父Jorden開o左支六呎dump竿dump o左半個鐘,dump dump o下,一個不小心連竿都dump o左落水! 

二時半)
除幾粒鍾前上水o既牛鰍外依然冇魚,七枝竿依然不動 
,小柏柏,阿邦,Ray,Norm及Jordan師父依然不斷煲煙及吹水(好凍)。眾人覺得如此落去絕對唔係辦法所以決定收隊叉電!因為小柏柏有帶一個爐去(屋企打邊爐果D)所以大家都煲水食麵叉叉電! 

三時)
電波釣團向橋底進發,大眾到達又立刻張魚餌振出! Jorden師父正當整理釣組之時dom一聲!「出事」喇又 ,電話呀!Jorden不斷搵……可惜…都係冇o左,真係釣返十條十斤紅獵都寶唔返! 

五時)
…………………冇o野釣到,冇o野好講…………… 

五時半)
吹o左成晚風及水的RayRay決定改用佢用三十個大洋買 
o既浮波改攪磯,經風師兄的一番傳授後阿RayRay終於開齋上o左一條濟魚。 

七時) 
投友依然死靜…………身旁ISO就泥猛狂上,睇到都Feel 
,阿邦決定改玩手排,又真係有魚中o播!六七條兩,三吋o既魚BB上水(都唔知釣o黎仲乜!) 

八時半)
Norm支竿經過一日後,終於有魚訊!佢立刻揪竿收線,起o左石九公一條!唉.......得我仲佢食白果....嗚.......... 

九時)
小柏柏經過一晚望住個冇動過o既竿頭己經到o左失晒望o既地步所以問風師兄借o左支磯竿改行攪磯!o丫,又惦o播! 
上o左一條四吋o既石九公仔……可以收皮喇! 

十時)
當大家收拾行裝煲返杯湯(金寶字母湯同忌廉磨菇湯)之
時!Norm又有魚上原來o係"濟"!見佢上得o禁開心,大家都決定留到十二點。 

十一點半)
突然有一隻小艇由橋低出現,見佢行跡鬼秘,所以"電波 
釣友"對佢特別留意………咩話?「收網」?……佢..老.. 
…#@@#$%^&%@^#$@o丫!我o地成晚o係個網內釣魚? 
有冇攪錯!………所以見佢收網之時,大眾亦決定收皮。 
 
 


By Danny Ng on Monday, December 14, 1998 - 05:04 pm:
Pakto: 哈哈! 寫得好精彩播! 我決定唔"彈劾" 你啦! 哈哈! 
Jorden: 節哀順變啦! 
 

By JORDEN on Monday, December 14, 1998 - 07:59 pm:
本人東涌之行只得十0寸牛秋一條,池仔魚一條,實在只有我0果條
先係池仔魚. 該晚真係水靜河飛,波平如鏡,此情此景,我都心知不妙,落杆后毫冇動靜......... 此時,唯有試試拖餌法,才有此牛秋上釣,否則恐怕白果收?{,此魚每?O值數百. 唯有風乾,傳以子孫后代,留為紀念...... Edwin 你需然得到白果獎,總比我?到心痛獎為佳,哈哈哈!!!!!
 

By Norm on Monday, December 14, 1998 - 08:12 pm:
Jorden兄痛失手杆之餘,又怒擲手電.... 得到一條價值連城既牛楸魚一條,都算係跌左個橙....執返個吉囉! 不必難過..... 
 

By Biu on Monday, December 14, 1998 - 09:42 pm:
Pakto 果然寫得精彩萬 [ 金 ] 繪形繪聲呀! .