濕狗爆粗搶食團
作者 電波釣魚網   
2000/09/23, 星期六
濕 狗 爆 粗 搶 食 團
魚 樂 圈 二 打 六 餵 魚 大 會 -- 第 十 九 擊

電 波 活 動 主 頁 【行 程 表】 釣 獲 報 告 釣 友 討 論
 
活 動 名 稱 濕 狗 爆 沙鑽 搶 食 團
活 動  全 名 係 "濕 狗 爆 釣 粗 沙 鑽 搶 食 團" 。 因 為 個 名 太 長 , 所 以 簡 稱 為 "濕 狗 爆 粗 搶 食 團" 。
 
活 動 日 期2000年9月23日 (六) 14:30 至
2000年9月24日 (日) 12:00

 
大 會 釣 點東水某某風光明媚沙灘
釣 點 設 備 : 釣 點 有 淡 水 供 應 (不 可 飲 用 ) , 沙 灘 可 海 浴 , 有 淡 水 沖 身 。 各 釣 友 可 盡 情 釣 魚 游 泳 。

 
集 合 地 點西 貢 巴 士 總 站
 
集 合 時 間2000年9月23日 (星期六) 14:00
(請 準 時 出 現 , 愈 時 不 侯 。)
 
大 會 釣 法投 釣 (有 大 量 釣 位),
磯 釣 (有 釣 位 約 10 個),
筏 釣 , 手 繩 (共 有 釣 位 約 10個)。

 
活 動 費 用HK$100元
(A) 費 用 包 括 來 回 駁 艇 費 用
(B) 各 項 獎 品
(C) 9月23日 20:30 火 燒 大 會 晚 餐,
(D) 9月24日 08:30 豬 仔 麵 早 餐 ,

所 有 茶 水 、 魚 餌 、 釣 具 必 須 自 備

 
大 會 獎 項(1) 爆 粗 大 獎 :
9 月 23 日 14:30 - 19:30 鬥 釣 沙 鑽 , 以 直 徑 最 粗 者 為 勝 ( 不 限 釣 法 , 每 人 一 竿 一 絲 , 如 超 過 一 竿 一 絲 , 以 第 三 條 直 徑 計 , 鉤 數 不 限 ) , 不 設 爆 粗 白 果 獎 , 由 師 父 及 黑 手 作 評 判 , 賽 果 由 師 父 作 最 後 裁 決 。

(2) 大 魚 獎 :
只 計 算 爆 粗 杯 以 外 時 段 釣 得 的 魚 穫 , 以 重 量 計 !

(3) 白 果 獎 :
只 計 算 爆 粗 杯 以 外 的 時 段 , 冇 魚 穫 者 得 獎 。如 超 過 一 人 , 就 抽 簽 決 定 。 如 果 冇 準 侯 選 人 獎 項 就 取 消 。

(4) 大 抽 獎
睇 下 邊 個 好 彩 。 所 以 出 席 人 士 都 有 機 會 中 獎

 

活 動 名 額30人(報名表)
 
付 款 辨 法只 限 6/9 、 13/9 星 期 三 例 會 交 收
例 會 逢 星 期 三 晚 19:30- 20:30 於 天 后 大 家 樂 內 舉 行 。
位 置 係 天 后 地 鐵 站 A 出 口 (電 車 路 / 英 皇 道) , 出 左 地 鐵 行 過 對 面 過 斑 馬 線 就 係 咖 喇 !
(如 例 會 地 點 / 時 間 有 更 改 , 主 頁 會 有 通 告 !)
 
幕 後 黑 手十 九 黑 手 半 日 X
 
注 意 事 項1) 請自備食物及食水。
2) 請自備足夠銀兩。
3) 請自備魚具、魚餌、雨具等必需品。
4) 釣友請注意自身安全,請勿單獨行動。
5) 未滿十八歲的參加者必須先得到家長同意。
6) 是次活動沒有購買保險及沒有任何人負責。


 

電波阿四仝人祝各位釣友旅途愉快,個個爆箱!
濕 狗 爆 粗 搶 食 團
魚 樂 圈 二 打 六 餵 魚 大 會 -- 第 十 九 擊

電 波 活 動 主 頁行 程 表【釣 獲 報 告】釣 友 討 論


參加人數 : 28人

下載十九擊Cobra相集 (5.0 MB)
下載十九擊Le'Dan相集 (2.4 MB)
 

十 九 擊 釣 獲 報 告 目 錄 ...(撰稿: 黑手 & 一眾釣友    攝影 : Cobra、Weezer & Le'Dan)
0.黑之序章肥熊尚義
1.集合肥熊尚義
2.在水中央肥熊尚義
3.有幸有不幸大抽獎肥熊尚義
4.大本營建立之章肥熊尚義
5.爆粗釣獲報告
日水A隊
日水B隊
日水C隊

Le'Dan
威威
熊貓
6.大本營巴別橋之章Le' Dan
7.夜水分組釣獲報告
夜水A隊
夜水B隊
夜水C隊
夜水D隊

Le' Dan
YK
CKF
Andy
8.大本營吹水之章Le' Dan
9.魚獲大比併Le' Dan
10.大本營拔營之章肥熊尚義
11.後記肥熊尚義

由於部份文章用詞過於不雅,故本網加上★號代表,不便之處,敬請原諒。
年滿十八歲人士可以 下載 0-4 未經刪剪版 (12K)


0. 黑之序章 俾人屈,我好唔順呀!!! ....... By 肥熊尚義

早在兩個幾月之前,有個月黑風高星期三晚上,肥熊我準時出席例會,同其他人吹緊水時候,聽到後面有隻類似米青蛙聲音,大大聲咁用流琍語言咁話 : "Q@#$%@#$%$,一於屈★佢做黑手喇,佢成★日搞反擊,唔駛等條★佢咁★得戚。" 我諗...... 佢唔係度講緊我...... 我擰轉頭,有隻確實係米青蛙物體啤住我,度淫笑,就係咁,我就俾人強迫做 "濕狗擊" 黑手......

八月二十六日,星期六,落三號波,吹西南風,風力四至五級,海有中浪,有雨,雨勢有時頗大,間中有狂風雷暴...... 我同一隻喪屍,一隻熊貓安安,晨早出發,坐船去我地十九擊目的地試水。上船,隻熊貓照例向某隻佳佳報到,我同隻喪屍都已經見怪不怪,由得佢。我同個船家呀嬸爹,問佢如果四十個人要幾銀,佢就話要兩草一個。我諗,都 OK 喇,個價錢,因為我地三條友仔都係一舊水,多咁多人,兩草都差唔多。我問佢駛唔駛即刻 Book 實佢隻船,佢話唔駛,叫我早兩日打電話俾佢就得咁話,重留佢老公呀肥佬個手電俾我。

話咁快就到目的地,上岸觀察一輪,決定上午去左邊碼頭仔,下午就去右手邊個沙灘! 唔講咁多,即刻開枝竿出試佢。點知釣成粒鐘,都重係 "蕉氣蓬勃",冇乜收獲,而個天就越越黑,唔通我真係咁黑仔? 隻安安個手電失驚無神咁響起,原來係佳佳...... 佢話柴灣好似夜晚十點幾咁黑,叫我地小心落雨咁話喎!!! 我睇個天,真係好唔對路,收竿喇,休一陣息至再玩喇。點知隻安安話 : "唔駛怕啵,乜你唔識睇天咩,雲都唔係吹埋,係吹緊出去,呢邊係唔會落雨!" 我就冇佢咁好氣,一於收竿,睇定先,喪屍不漏都無可無不可,佢又多,於是跟我一齊收竿,隻安安無可奈何之下,焗住收!! 收好竿後行返埋去,點知都未行到一半,好似白豆咁大粒雨點就係咁無情地向我地轟炸; 三步夾埋兩步,我地三條友仔走得摩,冇鼻哥,走埋去避雨!!!

冇法喇,落大雨,有 "哥踢屎" 雨披都冇用,一樣由頭濕到落腳趾尾! 咁食先喇...... 食食,嘩嘩,對面個島仔俾雷劈呀!!! 好彩我係乖仔,好孝順,冇忤逆呀媽...... 不過睇隻喪屍,佢嚇到面青口唇白,唔知佢做過乜呢???

雨細之後,我地再去睇個場,有出水石,都唔錯,水就清淺,都算係咁上下...... 我一個生水池度,睇見一條海參,隻喪屍話 : " 見怪不怪喇,好多海參,呢度!"

終於返去個碼頭仔再開竿,可能因為落過雨,又轉埋流,魚開返口,而且都幾密口。我就起幾條連米,狗棍,林哥同梳籮,一條扯旗,一條三鬚,一條新抱仔,重有一隻海鱟 (嘩,真係海鱟,個殼!!! 佢生前都應該有三四斤重!!!) 喪屍同埋熊貓魚獲同我都差唔多,之不過佢地就冇乜連米同海鱟,但係就有我地目標魚 -- 沙鑽,雖然唔算多!!! 而隻安安重起幾條好,條條都超過兩斤,起四條,重走口走三條. ..... 睇見佢起時候,佢碌15號270投竿U到好似磯竿咁正咁好feel!!! 咁你地而家知道點解我地太古網多一個 "海參皇子" 喇...... 海參好衰,上水之後,會個窿度射白色出,好核凸!!! 唔知呀海參皇子會唔會呢...... (PG)

由於落過狗屎,我地寶貴時間都好多,最後都冇去到右手邊個沙灘。冇所謂喇,擊時去咪得囉! 終於到回歸時候,我地帶住依依不捨心情,沈重步伐 (好好),同埋禁不住喜悅,踏上歸途。我船上大大聲咁心裡面講 "I will be back!!!!!"

跟住幾個星期,我個腦裡面,都係浮現出隻熊貓 "的" 起條三斤海參個樣,搞到我冇哂心機開工。於是,我將黑手工作交俾半日安,而我自己就暫時專心返工,諗住十九擊可以玩個痛快。誰不知好事多磨!!! 半日安竟然最緊急關頭,就係趁我北上開工時候,騎成千銀騮騜馬,著草去孟加拉,癩低篤蘇州屎俾我,重要我嘔返成叉出!!! 好彩佢冇囉走禮物同獎品,後來又匯返叉返,唔係我都唔知點埋尾! 原來個衰公佢收到風,話有三份二人會放飛機,佢唔起咁話喎!


1. 集合
終於可以俾我表演我 Dealing Technique 喇! ....... By 肥熊尚義

終於到 D Day (23.09),一早 (0625) 起身,天朗氣清,萬里無雲,係釣日水魚好天氣! 嘩,你條★★ 咁早起身,倒塔咩??? 你地有所不知,我前一晚都未執好,又要湊仔返學,唔早?起身個仔會遲到,自己又趕唔切去花都運貨,咁又點對得住班擁躉呢?

湊完仔返學,返公司執埋D手尾,就走返屋企三扒兩撥,囉埋背包冰箱,即刻跳上架價值百★幾萬巨型 ~~ 士就係士,不過唔係Ben士,係巴士,直鏟花都!!!

花姨已經花都等緊我 (事先情商花姨做電波大廚,又借出炊具營具,謹此致謝),不過我地都重要等我地個義務柴可夫,呀安哥仔 (特此鳴謝) ...... 無幾耐,安哥仔到位,我地夾手夾腳,搬哂??上安哥仔架車,然後直放西貢碼頭 -- 我地今擊集合地點。我一早就約好隻老虎同條大蛇做呀四 (又要鳴謝),落哂貨,就去食少少先。差唔多同一時間,平爺同威威,重有兩個妙齡少女跟住威威,一齊出現。快快手食埋,老虎人,平爺,花姨同我就一齊去辨貨。條蛇同其他早到釣友,就留守原地,等待時機...... 唔係,係其他釣友出現。

去到街市,我地求其揀一間凍肉舖,個事頭對AB眼都好細,不過個招牌叫 "大眼" ,買大約二十斤燒烤食品。平爺驚好似十五擊咁唔夠食,又加多肉丸同紅腸,夾埋都有成廿五斤有多,咁夠喇!!! 去埋超市,買齊雜物,就返歸集合點,完來全部釣友已經到達,點埋名,收埋尾數就可以上路,好!!!

點知條蛇同我講,船家呀嬸話,要三草一個人,唔係兩草咁話喎!!! 其實我早兩日已經同呀肥佬,即係船家呀嬸個老公傾掂,雖然少人,佢都係收我兩草! 佢又話我地星期一至返,要星期日返又唔同價咁話!!! 我當堂火都埋,有冇攪★錯呀,做生意乜唔係牙齒當金駛咩??? 我地少人,預你加,起先一係唔就好應承我兩草,應承我就唔好到哂位至加我價!!!! 我只係要求佢做返佢老公應承我,即係兩草一個人,星期六去,星期日返,如果佢唔肯去,★★★,我就唔★信成個西貢四十幾隻船冇人肯去,更何況我肯出高,所以我一於企硬,唔肯讓步!

拆成十分鐘,終於,船家呀嬸稍為軟化,肯廿蚊車我地過去,但佢又話要收哂錢先!!! 我又頂住,因為唔★規矩,坐呠呠船出洋,一向都係回程至俾錢,佢咁做法,絕對係唔跟行規做,但係我睇已經成二十分鐘,我又讓少少步,去程俾一半,回程俾埋尾數,船家呀嬸又要收三舊先! 好!! ★★★★★★了 我今鑊俾你屈到,下次,我俾四草一條友,都肯定唔★幫趁你!!! 記住呀,係肥佬呀,佢個手電係 X0707813,你地自己幫趁佢,要考慮清楚至好呀!
甲 : 肥熊呢段咁多★,可以知佢當時有幾慶! 嘿~嘿~

之但係,呢關竟然係我地行程唯一障礙,過呢關之後,我地簡直係順到冇人信,又出路遇貴人,欲知事後如何,請看下回分解。


2. 在水中央
唔係船,係艇 ....... By 肥熊尚義

我地冇佢咁好氣,俾三舊,就準備上船。? 乜要分兩隻,唔係一隻咩,又俾人屈!!! 好,我忍你!!! 咁分就分喇,我地 "太古兄弟同心,其利可以斷金",分開艇唧,佢唔可以分開我地眾兄弟心!!! 各兄弟分工合作,將公家同私人物資搬哂上艇,肥佬一馬當先,首先車隻艇出去,我諗佢係冇面目見我掛? 艇上邊,艇家呀嬸又呀芝呀佐,又話要我幾點鐘返,早又唔得,晏又話唔得,我都冇佢咁好氣,大大聲咁同佢講 "我地聽日上午十點半返,你車就,唔車就★就 !" 佢至死死氣咁話 : "咁你地唔好咁遲呀,!"

車十幾分鐘,就到我地目的地 -- 橋咀島泳灘,我地唔駛五分鐘就上哂岸,上到去我地第一灘頭陣地 -- 冬菇亭,一眾兄弟就坐定定,等待我正式向沙鑽宣戰 (即係Declaration of War versus Whiting) !!! 作為最高統帥我,竟然叫佢地稍安毋燥,因為我地重有一件大事要做,就係抽獎!


3. 有幸有不幸大抽獎
Cheap精Cheap精你好! ....... By 肥熊尚義

有名俾你叫,Cheap精丫嘛,獎品就梗係Cheap 喇。之不過本住大家開心 目標,我相信大家都唔會太介意。我地得廿八個人,而抽獎獎品就有十九件 (,又係十九? 好邪啵...... ) 咁多,咪三個人兩個有份? 過唔過份呀? 唔過份,雖然係Cheap,大家開心丫嘛!!!

我地好好彩,除大獎有 "無名士一" 捐出 (多謝多謝) 之外,重有四件 Cheap頭燈,係 "無名士二" 捐出 (哎,又要鳴謝!!!)。

有人囉到6號同9號牌仔,就向我權威挑戰,問我邊個係6,邊個係9喎!!! 我乜風浪未見過丫,邊有咁易
俾佢地 "胸" 到我啵...... 我牌仔係有色認嘛! 不過,6號同9號牌仔最後都抽到獎,咁就乜問題都冇喇......

電波廚神抽到一頂騎喱遮帽,真係好Cute好騎喱,真係襯哂佢...... 抽呀抽呀,終於抽到冇咁cheap,係太古指定頭燈。好,係大丹抽到,佢依依俄俄,話已經有兩枝咁話喎,咁我就一手搶返返,即刻宣佈大丹捐出太古指定頭燈一枝 。★★★!! ,佢唯有扮成好有風度咁笑笑口話冇問題喇......

大獎係一個軟式冰箱,係我地個新人,呀weezer抽到,實至名歸喇,佢,其實佢太古背後做好多,你地唔係咁清楚咋!!!

我自己都唔執輸,抽到一組串釣組,拖沙鑽就真係一★流,之但係落水第一就抄哂粉,因為我都唔識點
用,呀媽呀,點解個天咁玩我???



















4. 大本營建立之章
嘩嘩,乜咁★多蟻?會唔會抬起我??? ....... By 肥熊尚義

 

一抽完獎,我就立即向大家下達作戰命令,大家各就各位,開工! 咦,點解冇人郁??? 咁,話時話,太古兄弟真係唔話得,眾兄弟都一齊去哂我所選定大本營營址,睇我有乜要佢地做,等我分配完工作先至去Happy!!!

因為冇乜人同我地爭食,任我揀位。 我就決定霸住單邊位,夠位開三個營 -- 電波廚神大本營,肥佬Eric十人營同埋四人營。 手快快,成十幾人開三個營,十幾分鐘就搞掂。 肥佬Eric十人營,係我細路仔時種,廿幾年前好in好in隻!!! 死喇,石屎地,點落營釘呀??? 我心度諗 : "老虎去同我執十零廿舊石頭返,兩三磅一舊就好!!!" 我個心都未諗完,梗係未出聲喇,隻老虎就已經執十幾舊石頭,重係兩三磅一舊隻...... 哎,老虎哥,我真係同你心靈相通咯!!!

開妥幾個營,打點好物資,封埋個營入口,我都開竿玩返兩咀先! 由於我係黑手,所以我私人物品唔駛其他人同意,就放入去電波廚神大本營度。 等我囉返傢牲,拖返兩條沙鑽仔先! ,大轔鑊,點解咁★多蟻?

我地個廚神大本營,竟然係建築個蟻竇上邊.. .... 點算??? 冇辦法喇,都米已成炊咯,唯有拉實拉鍊喇,希望今晚唔好有蟻入營,唔係就訓都冇得訓!!! 最緊要就係食物,冇得訓就係自己事,冇得食就俾班★★ 拆骨都似......

死死氣,執好先去玩喇,鬼叫你做黑手咩! 好彩,重有幾件手慢俾我捉住,幫手搬好食物,咁大家就可以一齊玩喇。 由於我身為黑手,唔敢走得太遠,就大本營下邊個沙灘度玩。 好,呢個就係試水時試唔到個沙灘,真係嶠!!!

花姨,老虎同威威就冇你咁好氣,去游水先,威威重帶住兩件問題靚女,恨死你地為止...... (威哥威哥,小心威嫂唔妥你呀,帶住兩條女周圍走,我保你唔住) 咁威威又點可以囉到爆粗獎呢? 大家睇落去就知!


5a. 日水爆粗釣獲報告....By Le Dan

當協助黑手打點好大本營以後,平爺、堅勇與Le'Dan 三人才出發釣魚。由於上船的碼頭人數太多,恐怕釣位不是太多而做成擠迫,所以他們另找新釣位。他們看到燒烤場的右手邊有一個類似碼頭的物體,於是他們便決定到那邊試釣。

通住該碼頭的唯一路徑是穿過沙灘,再沿海邊石灘而行約十多廿分鐘。有部份路段較為難行而更極有可能於水漲時不能通過。走了十多分鐘,終於找到了一條山路可以通往碼頭。

堅勇既堅且勇的作先行步隊為他們開路。途中,堅勇突然告知緊隨其後的 Le'Dan 不要走道路的正中。Le' Dan 當時不明究竟,但當 Le'Dan 發現泥濘道上不知從那裡來了兩個下陷約三、四寸的腳印始知堅勇言詞間株機所在。真揍巧,那腳印正好與堅勇所穿的涼鞋大小、形狀完全吻合,Le'Dan 不得不向偉大的堅勇致敬!

幾經辛苦,終於抵達釣場。該碼頭非常清潔,機乎沒有垃圾。水深約六至八呎,水清見低。碼頭上有幾支歐陸式的燈柱,細緻精美,所以我們估計該碼頭屬於私人物業,日常有專人打理。

視察環境後,各人二話不說,隨即開出手竿,筏竿以及投竿試釣,各施各法。平爺開動磯竿作投釣之用, Le'Dan 開伸他的筏竿,而堅勇則以手竿作釣。不久堅勇中魚了! 但魚穫是小梳囉一大條。各人認識的堅勇善於重投,為何釣了一條小梳囉會那麼雀躍呢? 原來小梳囉正時堅勇當天的對象魚。由於堅勇忘了帶重皮蟹作當天晚上夜水的魚餌,所以須要釣一些生餌上來啊!

因為恐怕水漲時回不了大本營及怕入黑後石灘路難行,所以到了晚上六時多,三人便一起返回大本營。總結他們三人都只是釣了一些小魚,除小量梳囉留作生餌外,其餘即捕即解。釣獲當中也有一條小沙鑽,但要問鼎爆粗獎恐怕未望了,所以亦被即場放生。最騎哩的釣獲,可算得上是一條八爪魚了,本想將八爪魚作為當晚的魚餌,可最後那條八爪魚於晚上燒烤時已變成了人餌,已分別被放入了幾位釣友的肚子裏。


5b. 日水爆粗釣獲報告....By 威威

(爆粗成員 : 肥熊,老虎人,花姨,威威,兩個靚女....)

上岸後; 黑手立刻抽獎攪氣紛。抽完後講爆粗玩法。最後結算時間是晚7:30.. (攪錯! 不是明早7:30am) 因早上5:30~7:00應是沙鑽最開口的時候!

時間是下午4時。因死流尾水很清; 正常魚兒未餓是不敢慢遊! 好立刻... 去海澡嚮受一下先!

時間是下午5時。都是時候開竿搏一搏。有就有無亦算。釣沙鑽,1吋幼沙蟲 12號丸袖勾最得食。較平常投釣少少不同的是長少少1.5號壓縮子絲在中段加多一個丸袖勾。選釣點是釣魚最重要;那裡釣沙鑽的好位只得2個; 1個多沙別1個多石; 但肥熊和老虎人去了多石的一個灘; 因和他們一起釣不到也沒有悶場。所以行往石多釣點。釣點石堆像倒品字型; 他倆在石旁近投; 我行往品字中央; 大力將釣餌投出到三堆石中間的沙底; 收直主絲後放在 DIY 膠筒竿座中; 突然竿頭強烈下拉; 他們大叫有魚收竿啦! (我慢慢行近竿座但無立刻提竿.) 當竿頭再下拉時侯我知是揚竿機會了。哈哈! 一竿打孖上。前簾咪後沙鑽; 如是這連起幾次; 其中有1條沙鑽長過手板亦幫我得到爆粗大獎 (12尺手竿1支) 多謝太古。激死肥熊!! 因他地球大咬.最後棄權改玩釣雞...泡尋開心。


5c. 日水爆粗釣獲報告....By 熊貓大人

(爆粗成員 : 熊貓,世伯)

到了目的地,我就看上了上船右面的石頭位! 個釣點大約有四個位左右,多就唔可以啦! 到了釣點就立即起竿,嘩........好多魚! 魚訊唔錯,但就唔大條。最多都係手板大。投兩次,中一條你都唔好話唔多呀! 但釣釣就覺得有唔妥,無理由魚吃法變左。次次都是含往唔放,拉開了又唔追,之後我就用拖餌法。一拖之下終於上釣了。上來一看,原來是八爪魚呀! 不過又是唔大的,但就好好味.......................之後個位轉了流,就這樣一口魚訊都無呀! (哎......比我玩多陣都得卦.....!)

註 : 個釣點水退先可以玩,水漲就會有八成都唔見左。要回頭就要落水,請小心! 晚水就沒有玩過,不過就...........大家明白啦!

魚竿 : "是咩老"15-270
魚絲 : 4號主,1.5子線 (1呎至1.5呎)
魚鉤 : "加馬"4號

同場加影 "熊貓心情告白"
十九擊真的好好玩,但我的代價都唔細。當初在十九擊前,我已經是有點唔舒服。但我個人就是這樣,說過去就一定會去。最初我只是硬著頭皮去釣魚的! 玩下玩下我就忙記了自己的病! 當然,我的病不是自己好了,只是忙記。回到家就病了起碼四五天! 但是我都覺得很開心。其實一大班一起玩的機會不是很少。但在一班志同道合一起玩,無話不談,互助合作的精神。這才是最重要的! 雖然我沒有釣到什麼大魚,但我都會為釣到大魚的人而高興。我玩釣魚不是只是想釣到好大好大的魚 (當然有時都會想啦!),我只是喜歡這種活動的過程。去學習耐心的等待,去感覺中魚的過程同驚喜。這些才最重要的。而做人都是一樣,香港人過的生活壓力太過大了。有時如果可以靜下來一陣的話,這可以減輕一點點壓力。心情都會好好多的呢!


6. 大本營巴別橋之章....By Le' Dan

跟據大會的時間表,爆粗大賽(爆釣粗沙鑽大賽)於晚上七時結束,而七時三十分就要返回大本營進行電波十九擊燒烤晚會。

約六時半天氣已經漸漸變得昏暗黑了,所以未到指定晚膳時間,釣友們都已先後帶同他們的釣穫,返回總部準備與其他釣友一較高下之餘,又可以趁餐前歇息一番。

到底爆粗獎(爆釣粗沙鑽獎)的得主是誰呢?當釣友們陸續返回大本營時,營內的釣友都紛紛各他們打聽釣獲。由於爆粗大賽只以沙鑽為對象魚,所以其他魚穫並不計算在內。可能是較懂得選擇釣點,於大本營對開沙灘的釣友佔上了地利,所以沙鑽的收穫遠較其
他釣點理想。云云釣友當中,以釣友威威『爆粗』得最利害,以一條約十寸長的粗身沙鑽勇奪『爆粗獎』。

黑手剛宣佈了得獎結果後,差不多同一時間,不知那裡傳來了一陣陣的鼓聲。鼓聲聽似來自四面八方,忽遠忽近,且有震天之勢,細聽之下方能証實鼓聲來自釣友們的肚子。黑手察覺後,隨即下令指示釣友們起爐準備燒烤。在場的工作人員均不敢怠慢立即扇風點火,不一會,乾柴燒成的黑碳已變成了一堆堆燒得熊熊的烈火了。乾柴烈火的情況下該作何事呢?不問而知一定就是燒烤了!難道有事情比燒烤還更重要嗎?

負責電波活動『人餌』(食品)安排的『餌部尚書』便將帶來的燒烤食品置放於有利位置方便各參加者自行拿取,以達至電波活動自生自滅、沒有人負責的原 則。由於時間關係,筆者不會事先準備一碟燒烤材料拍照給大家欣賞,但重覆材料這個重要的步驟卻小不得啊!材料分別有牛仔骨、豬扒、牛扒、紅腸、牛丸、......。當時現場的氣氛怎麼樣呢?各位大可試從照片自行感受一下吧!

釣友見了『人餌』,正如消化菌般的泥猛在誘餌堆中搶著吃南極蝦似的,頓時間『密口』起來,而且變得『大咬』了。準管不是人人吃得消的『豬扒』,可能基於飢不擇食的原固,當時也很受釣友們的歡迎啊。

除了那些常見的燒烤食物以外,有釣友更將較早前釣上來的八爪魚清洗好後來個即釣即燒。原來即釣即燒的八爪魚味道鮮美得很,跟平常於酒家菜館甚至於街市買回來的八爪魚,口感以及風味上有著很大的分別,怪不得品嚐過鮮烤八爪魚的釣友們皆讚不絕口,有的甚至打趣說要將當晚稍後時間的目標魚鎖定為八爪魚啊!

(該釣場水質極佳,要吃釣上來的魚穫基本上是沒有問題的。那麼清潔的釣場,近年來香港境內已是買小見小了,希望各位釣友也為保護釣場盡一點力,齊心協力保持香港的釣場清潔。)

不喜歡燒烤或嫌燒烤太慢的釣友,『餌部尚書』浪花大人也特別準備了一個露營用的小型石油氣爐具,再配一個特定背()來的平底鑊,為釣友們提供了多一個選擇。『餌部尚書』也烹調了一道撚手八爪魚予各釣友品嚐。傾刻之間,爐旁仿佛已變成了一個人造『排口』,集結了不小釣友啊;而八爪魚的香氣就起了『誘餌粉』的功效,將不小釣友引了過來『餌部尚書』大人的釣棚了!

各釣友邊吃邊喝邊寒暄,各自各精彩,自得其樂也。黑手見各人開始較為『疏口』,於是隨即爭取時間頒發『爆粗獎』。由於太古魚神Jorden因工作關係未能出席十九擊活動,所以頒發大獎的重任就交給地位以及受歡迎程度緊次於Jorden的小豐師傅了。小豐師傅盡受電波會員欽敬、景仰,由他代表大會頒獎給(保守估計)年紀比他大三倍的得獎者威威,再也適合不過了!

當時燒烤場除了電波釣友以外,尚有一班為數八、九個的年青人正在旁燒烤。相信是小豐師傅魅力沒法擋,就是連那班青年人,也被小豐師傅一舉手、一投足的魅力深深的攝住了,他們也望了過來看看這個簡單而極不隆重的頒獎典禮。當然,我亦不排除所有對面的女孩看過來只是為了要一睹小豐師傅的風采。小豐師傅的釣迷會,相信又多添了幾名新會員了。

頒獎禮剛結束,釣友熊貓大人不知是否博增加印象分,竟向在場釣友宣佈當天是他未來岳丈大人的正日生日。世伯也很酷愛釣魚,他當天也與熊貓大人一起出席我們的十九擊活動。於是在場眾釣友由黑手大人帶領下齊聲為世伯唱了一首生日歌,就連旁邊燒烤爐的年青朋友們也有齊聲和唱一番,唱畢後整個燒烤場彌漫著一片掌聲。事後世伯坦言他非常感動,因為他從未試有那麼多人為他興祝生晨。據悉活動結束後,他一回到家裡就興高采烈地向女兒講述此事,相信熊貓大人在世伯的心裡已加了不小分數。

為世伯高歌後,眾人仍然繼續努力燒烤。過不多時,隔鄰的年青男女們開始收拾行裝離開,離開前他們還將剩餘的物資送給我們。電波釣友素有『電波 Cheap 友』的別稱,我們當然老實不客氣地收下。雖說是剩餘物資,但單單未經開封燒烤食物,至少也足夠十個大漢飽餐一頓,當然其他物資也留下了不了少。釣友們得悉後非常雀躍,因為他們的燒烤食物比我們的實在豐富得多了。漸漸地釣友們由雀躍變得感慨,因為釣友們反省到那班年青人太過浪費了。相信他們過份高估各人的食量而多買了食品。女士們大多吃不了太多肉類,所以筆者希望各位日後購買燒烤食品時,不先妨準確估計一下各人的食量,切勿浪費食品。不知是他們好運定還是我們倒楣,他們成功地將食品交給電波釣友,但最後竟導致電波釣友帶來的合適份量燒烤食品最終也吃不完,最終還是我們將食物白白浪費了。

飽餐過後,堅勇與Le'Dan 均急不及侍帶齊裝備,前往碼頭邊作釣。其餘釣友亦先後分批出發,到達不同的釣點,以不同的釣法渡過了精彩的一夜。各釣場的釣況,就交由釣友們作親自報導。

.....待續......

 

濕 狗 爆 粗 搶 食 團
魚 樂 圈 二 打 六 餵 魚 大 會 -- 十九擊活動討論區

電 波 活 動 主 頁行 程 表釣 獲 報 告【釣 友 討 論】

電波釣魚網 2000 年 8 月 30 日( 星期三 ) - 下午 12 時 06 分 說:

十九 擊 活 動 -- 濕 狗 爆 粗 搶 食 團 既 行 程 表 出 左 喇 。
各 位 可 由 主 頁既 【 活 動 快 訊 】 進 入 。

本 網 將 於 九 月一 日 星 期 五 倒 塔 咁 早 進 行 OSF/ NSF
會 員 內 部 認 購。 到 時 OSF/ NSF 會 員 可 由 電 波 黃 頁
進 入 報 名 表 。星 期 六 朝 早 將 會 進 行 公認 購 。

如 對 十 九 擊 有何 查 詢 , 請 你 留 言 吧 ! 黑 手 會 盡 量
回 覆 你 的 。


花尾躉 2000 年 8 月 30 日( 星期三 ) - 下午 12 時 16 分 說:

 去邊? 


阿然 2000 年 8 月 30 日( 星期三 ) - 下午 12 時 21 分 說:

 半日安
有冇魚釣呀?仲有呀有幾大條呀?(唔使答玩!~~~哈哈~~~) 


2000 年 8 月 30 日( 星期三 ) - 下午 12 時 22 分 說:

 All:
如果想知道詳細釣點,歡迎各位前往例會查詢。 


半日安 2000 年 8 月 30 日( 星期三 ) - 下午 01 時 28 分 說:

 All :
想知釣點詳情, 請到例會....... 


浪花 2000 年 8 月 30 日( 星期三 ) - 下午 01 時 31 分 說:

 安日半:
使唔帶的過期月餅去,尼云玩天遮幕地,無遮大會. 


鬆 c 2000 年 8 月 30 日( 星期三 ) - 下午 01 時 39 分 說:

 All:

今云邊個攪反擊呀?! 


阿然 2000 年 8 月 30 日( 星期三 ) - 下午 01 時 43 分 說:

 鬆C
今雲你攪啦!我同半日安唔多熟,實支持你~~~~! 


2000 年 8 月 30 日( 星期三 ) - 下午 02 時 00 分 說:

 鬆獅
反擊梗係同肥能火攪啦!既然半日安攪濕狗擊,肥能火應該好得閑啦!
肥能火
快d出黎攪反擊,我實支持你啵! 


Le' Dan 2000 年 8 月 30 日( 星期三 ) - 下午 02 時 47 分 說:

不如我地釣番幾條上黎Bo!
好多年都冇Bo喇!


浪花 2000 年 8 月 30 日( 星期三 ) - 下午 05 時 34 分 說:

 Le' Dan:
死仔!你想笑死我去唔濕狗擊呀!你咁差叻,釣條美人魚上,
你可以同佢........................嘿嘿.............
 

傾計乍!你就想. 


bc 2000 年 8 月 30 日( 星期三 ) - 下午 05 時 44 分 說:

 釣沙鑽釣魚佬好勁, 我未贏過佢! 


浪花 2000 年 8 月 30 日( 星期三 ) - 下午 06 時 03 分 說:

 bc:
釣魚佬係(偉哥)啵!梗係勁喇!
你拍多幾粒,實同佢有得揮.

阿四大人唔好剷我喇!我知同十九無關.
偶像面前係咁喇! 


無名 2000 年 8 月 30 日( 星期三 ) - 下午 09 時 49 分 說:

 TO 黑手大人:
十九擊得30個位,非會員咪除時無得玩?
如果ovver o左會唔會加推? 


某某 2000 年 8 月 30 日( 星期三 ) - 下午 10 時 22 分 說:

 to : 老虎
我地一齊搞反擊law 


tigerman 2000 年 8 月 31 日( 星期四 ) - 上午 12 時 18 分 說:

 半日安:
o個度夜水有冇怪獸打咖,如有咪要帶齊o架生去?
打怪獸激o的........hehe

某某:
你昨晚冇聽(睇)我講乜咩?唔o岩我玩就反(玩)佢,你想點樣反(玩)佢先丫?睇過又o岩唔o岩我?我主修投釣與手絲咖。 


阿然 2000 年 8 月 31 日( 星期四 ) - 上午 12 時 38 分 說:

 半日安
你收唔收磯佬呀?不果上以你大佬肥熊帶我去佢主場打怪獸,得個惡夢而回.今次...........~~~~~!
老虎
你主修唔係打怪獸咩?你用開老虎釣組好似好得食啵! 


某某 2000 年 8 月 31 日( 星期四 ) - 上午 01 時 07 分 說:

 to : 老虎
你玩0既同我都差不多,我諗住去你主場 


2000 年 8 月 31 日( 星期四 ) - 上午 01 時 07 分 說:

 無名:
會唔會加推梗係要睇反應啦!
不過我都唔知,要等黑手大人決定! 


黑白手 2000 年 8 月 31 日( 星期四 ) - 上午 09 時 16 分 說:

 浪花 :
飲飲食食o既o野, 你話事喇, 我就冇乜所謂.....

老丹 :
Bo??? 你想害死我咩??? 要罰錢o架, 係唔係你俾先??? 而家太古網已經陷於負資產喇.....
浪花就o岩o勒..... 你咁叻, 釣條美人魚上, 你自己享受o勒......

bc 哥 :
不如你同呀釣魚佬一齊表演o下俾我地睇喇......

無名哥 :
睇o下先喇..... 我唔排除加推o既可能性, 但係你見咁多太古o既中堅份子都話要搞反擊, 我驚十個人報名都冇呀.....
而且人數太多o既話, 都好難搞o既, 你做過搞手你就知o架o勒.....

大哥文 :
怪獸就應該冇, 因為係沙底..... 你帶重伙去, 我冇意見, 不過我驚你會失望o即.....

然哥仔 :
雖然我唔鐘意搞基, 但係我唔會歧視你地有唔同 "取向" o既人...... 而且o個度都有 D "基" 位, 你地去到我就會指你地去o架o勒..... 咁你o黎唔o黎先...... 又話搞反擊, 唔好咁喇...... 大家一齊 "反" 丫嘛.....

大尾某 :
你玩 "玩" 擊??? 好呀, o黎玩擊喇...... 好激o架!!!

All :
據可靠消息來源指出, 釣點對出有小型黃鯆, 重約卅斤左右, 有興趣者可以一試...... 


肥熊尚義 2000 年 8 月 31 日( 星期四 ) - 上午 09 時 17 分 說:

 鬆 c, 阿然, 璣仔, 某某, 老虎 :
搞反擊, 我十定會, 之但係我唔做黑手至醒俾呀半日安做, 我唔能夠 "打著青旗反青旗" o既..... 咁做法冇乜義氣...... 不如你地是但一個做喇, 我最多跟尾...... 騎騎....... 


半日安 2000 年 8 月 31 日( 星期四 ) - 上午 09 時 19 分 說:

 浪花 :
點止買重 "燕梳" 呀, 直情要買~~~起佢呀, 你放~~~心!!! 


肥熊尚義 2000 年 8 月 31 日( 星期四 ) - 上午 09 時 19 分 說:

 鬆 c :
我都唔知你嗡乜!!! 你打誘餌引魚唔關我事!!! 你引埋引埋 D 老虎魚你就知.....
海參王子要以型補型, 你冇理由會知o既..... 除非...... 你帶o左黑白色o既面具.....

屈哥仔 :
你o個樣o野有未??? 我要再同你斟斟.....
你唔好亂嗡呀..... 你又知某大學士紮o左???? 


Le' Dan 2000 年 8 月 31 日( 星期四 ) - 上午 11 時 21 分 說:

 黑白手:
唔係丫嘛!? 煮魚黎食都唔得?? haha!!! 


鬆 c 2000 年 8 月 31 日( 星期四 ) - 下午 12 時 31 分 說:

 半日喂安:
放心啦!今次我會放你一馬唔攪反墼,因為我會去呀和也主場!!

海底肥紅"魚由":
我就唔反喇,你自己反完再反啦!
你可以唔釣魚,玩皮車,攪次爆粗反皮車擊類活動!
以閣下今時今日反類經驗,加上太古皮車網o既胸前成功,
定必叫好又叫座o者! 


貓魚 2000 年 8 月 31 日( 星期四 ) - 下午 12 時 49 分 說:

 係沙灘點玩筏仔呀?
不如今次唔好要大魚獎,將佢改為"巨礸"獎咪重過引﹗
不過得三十個位,都好難有機會俾我一展所長架喇~~~
加推得唔得呢? 


某某 2000 年 8 月 31 日( 星期四 ) - 下午 09 時 17 分 說:

 to : all
釣沙鑽最緊要餌夠生,記得多d帶絲,得食好多咖.
好多時帶絲途中砌埋泥,留意 


eric 2000 年 9 月 1 日( 星期五 ) - 上午 12 時 25 分 說:

 to:黑手大人我報名的網址多了一個n字. 


海參王子 2000 年 9 月 1 日( 星期五 ) - 上午 12 時 56 分 說:

 有得報名啦 


釣魚佬 2000 年 9 月 1 日( 星期五 ) - 下午 09 時 15 分 說:

 TO:ALL
記得帶浮釣工具,如果唔玩浮遊灘釣就好浪費,3K蝦2包粉,蝦切碎.粉比重要輕,四個人一組,先每個釣唔同深度,釣到後開始同步,子線2號至2.5號就可以,子線不要太長但要飄,找個沙灘石邊,水深十尺八尺,有小小流就可以,先打三幾手大大手誘餌,同一目標不要大遠,誘餌先要打散,後小量但要集中,要慢慢打近邊,一釣玩可走位或休一休從新開始,如個沙灘近岸水夠深都玩得,浮波用白色,釣餌用蝦人最好.因主要目標是幽面,但有可能有青旗. 


阿加汗 2000 年 9 月 3 日( 星期日 ) - 上午 03 時 10 分 說:

 我想問參加此活動是否要帶路營用具睡覺?手排有冇的玩?十二點在西貢散band會否準時?因我要在兩點半前返回北角返工. 


2000 年 9 月 4 日( 星期一 ) - 下午 06 時 11 分 說:

 阿加汗:
電視既電波少年係油店,電波釣友既 "電波" 亦係由
電波少年演化而成,因為我地通頂釣魚多數都係街。

路營用具帶埋都唔俱咖,不過好多釣友都係好爛釣,有D
仲會釣通頂,所以唔係個個都會帶路營用具。

手排有冇得玩? 我未去過果個位釣,所以唔知! 但係釣
友多數都唔只一支竿,有投、磯、筏、手竿,如果到時手
絲真係唔岩玩,相信所有釣友都樂意借一兩件比你玩既!
呢個你可以放心!

你可以借呢個機會,睇睇其他釣法有冇好處,大家研究下。

至於散 Band 既問題,我地既活動不嬲都係自生自滅,你
絕對可以任何時間離開。黑手大人自會作出安排!

希望你滿意我以上既解答啦! 如果有咩問題可以再Post
出黎。 


半日安 2000 年 9 月 4 日( 星期一 ) - 下午 08 時 48 分 說:

 老丹 :
哦, 煲條o黎食, Ok, Ok..... 你話事喇, 不過好似呀花姨係火頭啵, 你最好問准佢先......

鬆c 哥 :
你又去個喎o野主場...... 佢度冇乜好...... 得幾件紅鬚綠眼, 重有少少金絲貓...... 嘿嘿......

貓魚 :
有兩個碼頭仔, 可以試o下筏o既..... 不如學o下釣魚佬, 搞o下基又得.....

eric :
Got ya!!!

阿加汗 :
手繩冇問題, 最緊要o岩玩..... 散 band 就定o左, 但係你要早 D 走人唔係唔得, 叫隻 "喜力哥打" 接你咪得囉!!!

甲大人 :
好似都幾多人報o左名, 不如加推到 40 位喇, 你點睇??? 41號及以後o既, 列入後備, 預o左有人放 "飛茲".....

所有已報名o既人仕 (頭 o個 40 位) :
請在今個星期三例會科水, 如果唔可以出席o既, 請在本區留言, 如果又唔現身科水, 又唔留句說話o既, 就取消資格, 俾個位後備, 絕對冇情講, 勿謂言之未預, 不教而誅也!!! 大家好自為之. 


阿加汗 2000 年 9 月 5 日( 星期二 ) - 上午 03 時 19 分 說:

 多謝"甲"及"半日安"的解答,不過今次好似爆晒額,而且時間好mun,下次如時間夾到的話我一定來學下野,thx!! 


2000 年 9 月 5 日( 星期二 ) - 上午 08 時 34 分 說:

 阿加汗:
唔好客氣啦! 衰鬼! 哈~哈~!
下次有機會咪再參加過囉! 


半日安 2000 年 9 月 5 日( 星期二 ) - 上午 09 時 02 分 說:

 田中 :
我唔妥你啵, 你一係搵呀屈做 20 黑手, 一係搵隻老虎做 20 黑手, 二者選其一, 冇得傾!!! 


半日安 2000 年 9 月 5 日( 星期二 ) - 上午 09 時 03 分 說:

 田中 :
未講完, 其中一個做o左 20 黑手, 第二個就做 21 喇..... 


老虎 2000 年 9 月 5 日( 星期二 ) - 下午 08 時 20 分 說:

 半日安:
這樣明屈o者,好屈得咁過近就返你先..........哈哈
 

~~~~~~~~~~~~~~十九反擊打怪獸~~~~~~~~~~~~~~~~
時間係本月23-24通頂團,詳情就過兩日後公報。 


某某 2000 年 9 月 5 日( 星期二 ) - 下午 08 時 57 分 說:

 to : 老虎
應該叫反19擊打黑手臀 


半日安 2000 年 9 月 6 日( 星期三 ) - 上午 08 時 23 分 說:

 老虎, 某某 :
明屈就明屈, 你地吹咩???? 你地鍾意打黑手臀就打, 唔好咁多聲氣!!! 


2000 年 9 月 6 日( 星期三 ) - 上午 10 時 32 分 說:

 半日安:
要成功屈人唔係咁易! 大家都係拋個身出黎,
魚樂圈打滾,Join 左太古網,好應該為太
古網出一分力。咁啦,不如你用2號勾,?/font>
佢地背脊刻番四隻字 --- "精忠報網" 。

如果你刻到邊個先,果個就做廿擊黑手啦! 


半日安 2000 年 9 月 6 日( 星期三 ) - 下午 04 時 47 分 說:

 田中 :
加唔加推, 你出句聲, Ok? 不如就加喇..... 加到 40 位喇..... 太多我驚搞唔掂!!!
唔該搞搞佢.... 


半日安 2000 年 9 月 6 日( 星期三 ) - 下午 04 時 49 分 說:

 甲 :
你下星期開會睇睇就知邊個係 20 黑, 邊個係 21 黑 o架o勒..... 


鬆 c 2000 年 9 月 6 日( 星期三 ) - 下午 05 時 53 分 說:

 半日喂安:

你屈人o既技倆似乎削o的喎.....
所謂"要屈人,就先要屈自己"!
不如咁啦!你唔屈自己就屈呀肥熊啦!
話晒佢將十九幾擊哩個鑊交比你o既,
一於二十至廿九幾擊都要佢攪啦!! 


半日安 2000 年 9 月 6 日( 星期三 ) - 下午 05 時 59 分 說:

 鬆c哥 :
佢都自動入o左扣喇.... 佢而家搞緊 "明日天崖" 南丫島嘛, 佢 話要廿八擊喎.... 易發易發咁話..... 


leo 2000 年 9 月 7 日( 星期四 ) - 上午 04 時 12 分 說:

 半日安:
又話13號交錢都得?
我今日先睇到呢段野,點算?
冇得去!點算?wowo.... 


半日安 2000 年 9 月 7 日( 星期四 ) - 上午 08 時 05 分 說:

 leo :
冇問題, 13 號都未交錢, 你就一定冇得去o勒, 好自為之喇..... 


半日安 2000 年 9 月 7 日( 星期四 ) - 上午 08 時 10 分 說:

 所有想去 19 擊又未報名o既人 :
由於本次 19 擊已經加推至 40 位, 而且預料有部份釣友會放 "飛茲", 所以你地可以繼續報名, 直至 23:59 13/09 為止.
唔報名就一定冇得去, 報o左名就重有一線生機..... 你地快手 D 喇.... 


半日安 2000 年 9 月 7 日( 星期四 ) - 上午 08 時 56 分 說:

 所有 19 擊參加而又未俾錢者 :
請留意未來幾日o既網站公告, 下星期o既例會改在九龍舉行, 日期同地點都未定...... 記得o黎科水, 唔係就冇得去o架喇.....
又, 誠徵 24 Lit 冰箱一至兩個, 擊日應用, 如有提供, 請於 19 擊討論區留言, 謝謝..... 


Cap~tain 2000 年 9 月 7 日( 星期四 ) - 下午 09 時 11 分 說:

 I suggest next meeting near MTR station is better..
" Mong Kok " is a center of kowloon! 


追擊手 2000 年 9 月 7 日( 星期四 ) - 下午 10 時 40 分 說:

 我新黎!多多指教! 


leo 2000 年 9 月 8 日( 星期五 ) - 上午 12 時 47 分 說:

 半曰安:
九龍?正呀!!
我住將軍澳去都方便D。 


半日安 2000 年 9 月 8 日( 星期五 ) - 上午 09 時 26 分 說:

 Cap~tain 哥 :
你有冇好介紹先,我就唔係好識路.....

追擊手 :
Welcome, 不過你最好去吹水區打個招呼, 呢度係傾 19 擊o既o野, 唔係個個人睇到!!! 係o勒, 你報唔報名玩 19 擊呀???

leo :
你又住將軍澳??? 我地好多將軍友啵.... 搵日小內灣搞搞佢..... 


鬆c 2000 年 9 月 8 日( 星期五 ) - 下午 10 時 58 分 說:

 半日喂安:

肥熊都好似住o係將軍澳喎!乜咁邪呀!! 


danny 2000 年 9 月 9 日( 星期六 ) - 上午 12 時 05 分 說:

 請問有無十九擊地圖呀?如果玩投有無好位介紹?重有沙鑽用什麼餌得食? 多謝指教! 


leo 2000 年 9 月 9 日( 星期六 ) - 上午 04 時 53 分 說:

 半曰安:
小第屬初哥一名,玩開投釣,磯釣太高深,有機會真係要學下o野。 


半日安 2000 年 9 月 9 日( 星期六 ) - 上午 09 時 10 分 說:

 甲 :
貓唔到俾你..... 由於有其他因素, 下星期例會, 都係改咯, 詳情如下----
日期 : 14/09/2000 星期四
時間 : 1900 (round 1)
地點 : 土瓜灣公聯會樓下間 "尾心"

danny, weezer :
Welcome, 你星期四俾錢喇, 你地入o左圍!!!!

Cobra :
如欲 "濕狗", 請即填表, 我好難做!!!

danny :
沙鑽用米青虫就得, 地圖可以例會交俾你, 有冇問題???

leo :
19投釣最, 磯釣我都唔識, 不如你教我重好..... 騎騎.....

鬆 c :
肥熊條衰公唔係住將軍澳, 佢好似住清水灣, 風吹雨打隻!!! 


籃球 2000 年 9 月 9 日( 星期六 ) - 上午 10 時 05 分 說:

 咁熱鬧,而家重可以報名嗎? 


半日安 2000 年 9 月 9 日( 星期六 ) - 上午 11 時 37 分 說:

 籃球 :
你快 D 報喇, 等緊你o架.... 


DANNY 2000 年 9 月 9 日( 星期六 ) - 下午 06 時 42 分 說:

 請問今次例會邊道呀?重有我係上次例會已經交喇(200大洋)
最後多謝半日安指教!!!

ps: 我諗我都係用"DANNYLOOK"個名好,因為已經有一個DANNY喇 


半日安 2000 年 9 月 11 日( 星期一 ) - 上午 08 時 19 分 說:

 DannyLook :
例會已經改地點時間, 詳情請睇主頁.... 


Le' Dan 2000 年 9 月 11 日( 星期一 ) - 下午 12 時 27 分 說:

 DannyLook:
我留言既名稱已經由 Danny 改左名叫 Le' Dan 好耐!
不過因為 Danny 呢個名太古網有段好長既時間,
所以好容易比人誤會 你係我。
多謝晒你! 


Cap~tain 2000 年 9 月 11 日( 星期一 ) - 下午 10 時 37 分 說:

 半日安;
Ping爺$100費用在我袋!meeting比你. 


CKF 2000 年 9 月 13 日( 星期三 ) - 下午 07 時 41 分 說:

 半日安;
明天例會交錢,兩位唔該哂. 


半日安 2000 年 9 月 14 日( 星期四 ) - 上午 09 時 04 分 說:

 由於半日安十分大頭蝦, 唔見o左收錢份名單, 請各位已於上星期交錢的大佬出出聲, 自己認頭, 在本區 post 自己個名出o黎, 唔該哂, 先o響呢度講句唔好意思.......
以我記憶所及, 已交錢o既有 :

DannyLook $200
Allun $100
WaiWai $100
Panda Big Man $100
堅勇 $100
Henry $100
Eric $100

如有記錯請盡快出聲, 唔該唔該..... 


2000 年 9 月 14 日( 星期四 ) - 下午 01 時 11 分 說:

 DannyLook
你個名好熟,唔知我是否識你呢? 


半日安 2000 年 9 月 14 日( 星期四 ) - 下午 01 時 43 分 說:

 田中大人 :
請將報名表截止報名, 已經過o左時間喇.... 天橋.... 


無名 2000 年 9 月 14 日( 星期四 ) - 下午 08 時 06 分 說:

 半日安兄:

我報o左名去十九擊,但係因為我住係元朗,而且要返學,
無法出席例會,可唔可以通融一下,俾你個戶口我入數?我好想去o架 


半日安 2000 年 9 月 15 日( 星期五 ) - 上午 08 時 24 分 說:

 無名兄 :
由於唔方便俾我個戶口號碼俾你, 而電波水龍部長亦已 "著草" 多時, 你而家只係得番一個機會, 就係直接搵肥熊同你收數, 你下星期二前打肥熊個手電, 9358 2235, 佢會教你點做, Ok? 


Cap~tain 2000 年 9 月 15 日( 星期五 ) - 上午 09 時 16 分 說:

 蛇蛇;
可否幫我定支二代速公! 或電肥媽取平少少價.
我去提貨.
我brother想玩筏仔. 


OSF 2000 年 9 月 15 日( 星期五 ) - 上午 09 時 30 分 說:

 田中;
20 黑手大貓兄認頭去公海沉船位深海手繩團
& 21 黑手 由城城做大陸合法筏釣過癮團
& 22 黑仔老林過夜團

諗下流血! 


半日安 2000 年 9 月 15 日( 星期五 ) - 上午 09 時 31 分 說:

 Cap~~tain :
唔該返去吹水區, 唔好阻住哂!!! 哼哼..... 叫呀大巫師咒你火乍丫o拿!!! 


半日安 2000 年 9 月 15 日( 星期五 ) - 上午 09 時 32 分 說:

 ~~~~~~~~~~~~~賞 格~~~~~~~~~~~~

~~~~~~~~~~~~通 緝 令~~~~~~~~~~~

通緝下列人仕 :

藝名     電郵地址
Stephen    這個email住址已經被防垃圾郵件程式保護,您需要啟動Javascript才能觀看
貓魚     這個email住址已經被防垃圾郵件程式保護,您需要啟動Javascript才能觀看
michael    這個email住址已經被防垃圾郵件程式保護,您需要啟動Javascript才能觀看
Ricky     這個email住址已經被防垃圾郵件程式保護,您需要啟動Javascript才能觀看
Joey     這個email住址已經被防垃圾郵件程式保護,您需要啟動Javascript才能觀看
ben      這個email住址已經被防垃圾郵件程式保護,您需要啟動Javascript才能觀看
小強     這個email住址已經被防垃圾郵件程式保護,您需要啟動Javascript才能觀看
黑毛    tom@hutchcity
small. wind   這個email住址已經被防垃圾郵件程式保護,您需要啟動Javascript才能觀看
賢仔     這個email住址已經被防垃圾郵件程式保護,您需要啟動Javascript才能觀看
啊俊     這個email住址已經被防垃圾郵件程式保護,您需要啟動Javascript才能觀看

如有各方仁人君子得知上列人仕行者, 請與半日安聯絡, 如所提供資料足夠遞捕上列人仕者, 可獨得或分享哥喇一滴......

上列人仕如欲自首, 請於下星期三例會現身兼科水, 逾期者將被禁制出席 "濕狗" 大會, 及/或俾首席大巫師落三十年白果火乍咒, 幸勿自誤.


CHEAP 霸 2000 年 9 月 15 日( 星期五 ) - 上午 09 時 38 分 說:

 肥熊;
快LIST 19KICK 各界老襯出席名單出黎! 


Cap~tain 2000 年 9 月 15 日( 星期五 ) - 上午 09 時 56 分 說:

 半日安 ;
打死我...死肥能 


無名 2000 年 9 月 15 日( 星期五 ) - 下午 10 時 16 分 說:

 半日安兄:
oh.....無我份嗎?我報o左名o架....
ps:my new email
這個email住址已經被防垃圾郵件程式保護,您需要啟動Javascript才能觀看
另外:....肥熊兄高姓大名?我幾點可以電一下佢?
thx a lot ah^_^


半日安 2000 年 9 月 16 日( 星期六 ) - 上午 08 時 05 分 說:

 無名 :
你係報o左名, 但係你冇俾錢, 你打上面個電話, 搵肥熊就得, 佢會話你知點俾錢, 或者你下星期三出席例會, 交錢俾花姨亦得, 有冇問題? 


2000 年 9 月 18 日( 星期一 ) - 上午 12 時 46 分 說:

 test 


dannylook 2000 年 9 月 18 日( 星期一 ) - 下午 11 時 42 分 說:

 sorry, 上次無去到例會,請問今次邊道呢?有無地圖呀?

呢輪唔知做咩,勁邪!!炒幾技竿,重要唔係中魚 ...(其實可能係自己屎)有一技重係第一次用,嗚~~~~成三百大洋....
請問咁多位大佬有無方法save番技竿呢?(都係斷竿頭)

健:
我都唔知識唔識你,不過十九擊咪知囉. 


Le' dan 2000 年 9 月 19 日( 星期二 ) - 上午 12 時 07 分 說:

 dannylook:
如果主頁星期一前冇通知,我地星期三會天后
乂家樂 7:00pm - 8:30pm 有例會。

P.S. 你叫得做 danny,我知你一定高大威猛! 嘿~嘿~! 


dannylook 2000 年 9 月 19 日( 星期二 ) - 上午 12 時 16 分 說:

 Le'dan

hehe~~星期三你咪知囉!! 


浪花之友 2000 年 9 月 21 日( 星期四 ) - 下午 02 時 35 分 說:

 半日安:
昨晚得五位老細交錢,畀你通緝個拾靚個影都無.
連肥能火都無出現,又無畀錢.使唔使搵收數佬找佢負氣?
五位老細如下:
老虎---一件
丹尼---單刀赴會
YK-----處男下海都放低一舊水,畀足非士你,快的多謝人!
安安---打碼上,唔知係唔係佳佳!使唔使準備多個帳幕呀? 


2000 年 9 月 21 日( 星期四 ) - 下午 05 時 48 分 說:

 To:半日安

我已報名並科水,
但借問聲有冇多一個位?我想同朋友一齊去。 


OSF 2000 年 9 月 21 日( 星期四 ) - 下午 08 時 19 分 說:

 no problem! welcome.
Just prepare $100 and pay Half-day On in the Pier that OK! 


dannylook 2000 年 9 月 21 日( 星期四 ) - 下午 11 時 31 分 說:

 借問聲各位大佬當日西頁有魚餌買無? 


Cobra 2000 年 9 月 22 日( 星期五 ) - 上午 12 時 26 分 說:

 DannyLook:
你要買乜餌呀?西頁有好多檔釣具舖,紅/青虫、難食蝦、生蝦
式式俱備,又有個幾多海鮮賣街市,齊魚、吹筒仔、新鮮墨魚、
基圍蝦都有。唔知夠你用未呢?重有誘餌粉添!有無你想個隻粉就
唔知啦。 


Cobra 2000 年 9 月 22 日( 星期五 ) - 上午 12 時 50 分 說:

 半日安:
星期六我short week,可以早D入做咕喱,請電聯。 


肥熊 2000 年 9 月 22 日( 星期五 ) - 上午 09 時 10 分 說:

 所有已交錢o既 "濕狗" 團友 :
明天星期六, 下午 1430 前到西頁綠色小巴站集合, 準時 1500 上船, 請唔好遲到, 愈時不候...... 重有一句唔想講o既說話, 就係聽日可能要收 "飛機附加費", 因為太多人放飛機, 失哂預算, 我代o個班飛機友講句對唔住, 唔好意思!!!!

所有已報名但係冇交錢o既 "濕狗" 飛機友 :
你地千祈唔好到, 你地就算到我都唔會俾你地上船, 而且亦唔會招呼你地, 所有o野都唔會有你地份, 除o左黑名單之外!!!
因為你地放飛機, 半日安已經著o左草, 唔會再出現, 搞到我而家要收拾呢筆 "蘇州屎"......
你地已經咁大個仔, 唔駛人教!!! 我都費事講咁多, 講得多都口臭!!!!! 


肥熊 2000 年 9 月 22 日( 星期五 ) - 上午 09 時 16 分 說:

 文 :
多個唔多, 少個唔少, 你放馬過o黎喇.....

無名 :
你聽日到位俾錢, 唔好遲到...... 


2000 年 9 月 22 日( 星期五 ) - 下午 08 時 35 分 說:

 肥熊:
咁我就明天放隻馬過你處!
請你加多一位,在碼頭科水,ok? 


怪獸大王 2000 年 9 月 23 日( 星期六 ) - 下午 12 時 23 分 說:

 於今天才知道有這個網頁,十九擊是不能參加的了.希望20擊很快便舉行.

本人於此道乃是初哥,希望各方朋友能予以教授.多謝! 


以後都唔會再黑o既卸任黑手 ---- 肥熊尚義 2000 年 9 月 24 日( 星期日 ) - 下午 01 時 40 分 說:

 All :
十九擊活動經已完滿結束, 十九擊完全冇 "濕狗", 而且黑手亦唔會再黑..... 又冇人囉白果獎!!!
黑手最唔滿意o既一點, 就係食物太豐富, 多得滯, 而要報銷, 結果都係益o左o個 D 天神犬.....
爆粗獎係一條蕉氣十足o既沙鑽仔所得, 而大魚獎則高潮疊起, 意外百出, 欲知詳情, 請熱切期待全面十九擊報告o既誕生.....
相信田中大人睇完全面十九擊報告之後, 將會o響 "黑仔名單" 內將小弟除名, 以後我都唔駛再做黑手o勒..... 哈哈.... 哈哈.... 哈哈.... 哈哈....
重有一樣o野, 就係今次十九擊, 係完全自力更生, 完全唔駛會方津貼,有足夠o既人力物力同財力支援, 唔駛動用我地買少見少o既財政儲備, 唔駛田中咁難做..... 


浪花之友 2000 年 9 月 24 日( 星期日 ) - 下午 03 時 13 分 說:

 致仝人:
~~濕狗大會~~
有驚不完驚喜?/font>
吃不完燒烤包
釣不完大怪獸
同場加映(螢竿水中釣法)
平爺(圓月彎竿)助興
有偷雞紅由,碰啤啤鱸冤家牌.
啤啤鱸再碰大啤啤鱸冤家奇牌.
未到最後都不知釣局會點結局.

~~~~~敬請各位密切注意十九擊最新報導!!!~~~~~ 


細 Dan dannylook 2000 年 9 月 24 日( 星期日 ) - 下午 08 時 56 分 說:

 今次係我第一次參加電波活動,實在好好玩,重有數唔完驚喜!!
好開心係可以咁釣友一齊釣魚,不過最感動都係大家合作精神:由上船搬釣具,起爐,起魚,清潔釣埸...等等.充份發揮團體合作精神!!
重有要多謝今次黑手"肥熊大人"

to 大Dan:
可否e-mail相比我呢?因為實在好想快睇多次!!thanks!!

my e-mail: 這個email住址已經被防垃圾郵件程式保護,您需要啟動Javascript才能觀看


Cobra 2000 年 9 月 25 日( 星期一 ) - 上午 07 時 12 分 說:

 細細:
十九擊的相我會盡快send給亞甲,他老人家應在稍後有安排。 


Cobra 2000 年 9 月 25 日( 星期一 ) - 上午 07 時 18 分 說:

 金牌攪手--------肥熊尚義兄:
我好enjoy呢次聚會,節目豐富都不得了,真心咁講聲,多謝/唔該
晒兼辛苦你了。 


以後都唔會再黑o既卸任黑手 ---- 肥熊尚義  2000 年 9 月 25 日( 星期一 ) - 上午 08 時 29 分 說:

 各位大佬 :
千祈唔好咁客氣, 大家一齊玩o即.....
重有, 希望各位 19 擊釣友, 將自己o既心聲, 報告, 等等, EMail 俾我, 地址係

這個email住址已經被防垃圾郵件程式保護,您需要啟動Javascript才能觀看

因為尋日同田中傾過, 佢希望我地整份好o既報告俾佢 , 作為以後o既黑手o既警戒.....

因為釣點太多, 而各釣友亦各佔有利地點, 以致小弟不能一一親身瞭解, 更兼有不少釣友係第一次同我一齊釣魚, 唔係咁認得, 各位有上魚o既兄弟, 請將上魚o既資料, 好似 --- 釣竿, 主線, 釣組, 餌等等, 貓俾我, 加埋你地o既心聲, 等我收集之後, 增節潤飾之後, 就會出我地o個份大約二百五十萬字o既初步報告o架o勒.....

請各釣友幫忙, 合作..... 言射言射....

話時話, 好似冇乜邊個冇上魚啵, 咁咪即係個個都要寫???? 唔好打我呀, 係田中叫我咁做o架咋.....


2000 年 9 月 25 日( 星期一 ) - 下午 12 時 16 分 說:

 肥熊 :

十九報告都係大家分 Part 去做啦!

1. 集合 (買食物、理論、....)
2. 上船 (分二只船)
3. 抽獎
4. 大本營 (撘營/打點一切...)
5. 爆粗釣獲報告
a. Le'dan
b. ....
c. ....
6. BBQ (小豐盼爆粗獎/ 剩餘物資/生日歌/浪花Gas爐)
7. 分組釣獲報告 :
a. YK
b. CKF
c. Adny
d. Le'Dan
8. 大本營 (早餐,討論釣果..)
9. 魚獲大比併 (未到最後,不知鹿死誰手,...)
10. 離場
 

1,2,3,4 由你寫,
6,8,9,10 由 Le'Dan 寫,
5a,5b,5c....由你搵分組代表去寫,
7a,7b,7c,7d 分組報告由上列人士寫。 


Le' Dan 2000 年 9 月 25 日( 星期一 ) - 下午 12 時 32 分 說:

 十九擊實在太多驚喜喇! 兩斤幾紅鮪居然不入大魚榜
三甲之列,要屈居第五位,魚獲之豐,與過往的太古
擊大大不同。

最令我驚訝係原來堅勇唔係好人,佢有...... Oh!!! 


肥熊尚義 2000 年 9 月 25 日( 星期一 ) - 下午 04 時 22 分 說:

 甲 :
好, 十九報告一於大家分 Part 做, 總之同心合力, 大家做得好好睇睇, 唔好俾個老虎人睇低, 等佢搞廿擊都有 D
o野俾佢參考o下.... 學o下o野 , Ok???

0. 前章 "Prologue" (試水, 訂船, 等等.....)
1. 集合 (買食物、理論、....)
2. 上船 (分二只船)
3. 抽獎
4. 大本營 (撘營/打點一切...)
5. 爆粗釣獲報告
a. Le'dan
b. 肥熊 (爆粗成員包括 : 肥熊自己, 老虎人, 花姨, 威威同埋兩個靚女.... o下, 乜話???
乜我地今次擊類活動有女釣友參加咩????)
c. ....
d. ....
6. BBQ (小豐盼爆粗獎/ 剩餘物資/生日歌/浪花Gas爐)
7. 分組釣獲報告 :
a. YK
b. CKF
c. Adny
d. Le'Dan
8. 大本營 (早餐,討論釣果..)
9. 魚獲大比併 (未到最後,不知鹿死誰手,...)
10. 離場
11. 後記 "Epilogue" (黑手感想之~~理智戰勝感情)

0, 1, 2, 3, 4, 11 由我自已捉刀寫,
6,8,9,10 由 Le'Dan 寫,
5a,5b,5c....由我去搵分組代表去寫,
7a,7b,7c,7d 分組報告由上列人士寫。

YK, CKF, Adny, 你地識做喇, 寫好就貓俾我, 我個地址係 ~~~~ xxx dot ~~~~ 這個email住址已經被防垃圾郵件程式保護,您需要啟動Javascript才能觀看

其他爆粗小組, 由於我都唔知你地點分組法, 不如你地自己 post 你地個組合人物出o黎, 寫個報告, 報告就唔好 post 出o黎,
寫好貓俾我就得!!!! 我個地址係 ~~~~ 同上..... 騎騎.....

希望大家可以o響下星期一之前可以搞掂哂, 咁我地個報告就可以o響二十擊之前出到街...... (大家要原諒原諒,
因為我要抽兩三日北上返廠開工, 你知冇其他人請我打工, 咁份副業都要挨住先....... )

(此段廣告會同時在討論區(213)播出, 敬請各位呀四原諒, 唔好鏟o左佢 , 謝謝....)


Cap~tain 2000 年 9 月 25 日( 星期一 ) - 下午 04 時 55 分 說:

 Fat bear;
爆粗5c report from Wai_Wai use 200 words to write la.
I think wai_wai can do his best for you ar! 


Wai_Wai 2000 年 9 月 25 日( 星期一 ) - 下午 10 時 36 分 說:

 5c 爆粗得奘者釣獲報告

上岸後;黑手立刻抽獎攪氣紛.抽完後講爆粗玩法.
最後結算時間是晚7:30..(攪錯!不是明早7:30am)
因早上5:30~7:00應是沙鑽最開口的時候!

時間是下午4時.因死流尾水很清;正常魚兒未餓是不
敢慢遊! 好立刻...去海澡嚮受一下先!

時間是下午5時.都是時候開竿搏一搏.有就有無亦算.
釣沙鑽,1吋幼沙蟲12號丸袖勾最得食.較平常投釣少少不同的
是長少少1.5號壓縮子絲在中段加多一個丸袖勾.
選釣點是釣魚最重要;那裡釣沙鑽的好位只得2個;1個多沙別1個多石;
但肥熊和老虎人去了多石的一個灘;因和他們一起釣不到也
沒有悶場.所以行往石多釣點.
釣點石堆像倒品字型;他倆在石旁近投;我行往品字中央;
大力將釣餌投出到三堆石中間的沙底;收直主絲後放在diy膠筒竿
座中;突然竿頭強烈下拉;他們大叫有魚收竿啦!(我慢慢行近
竿座但無立刻提竿.)當竿頭再下拉時侯我知是揚竿機會了.
哈哈!一竿打孖上.前簾咪後沙鑽;如是這連起幾次;其中有1條
沙鑽長過手板亦幫我得到爆粗大奘(12尺手竿1支)多謝太古.
激死肥熊!!因他地球大咬.最後棄權改玩釣雞...泡尋開心. 


CKF 2000 年 9 月 26 日( 星期二 ) - 上午 01 時 20 分 說:

 十九 肥熊
嘩! 十九報告
作為"洛杉基"級潛水CDROM,
可唔可以免役, 又或者三句收唔收貨.

我個女話我知, WINNIE THE "肥"POON 最鍾意蜜糖,
我終於明白十九那晚, 你枝"蜜糖"唧得咁順, 仲…..
越唧越有, 攪到D豬扒"肉鮮肉Say, 認真利害,
仲引到D青頭鱸蒲哂頭, 又投又磯, , 黑手絕對唔十九, 好!
一個肥熊維尼.

大DAN
聽聞用"梳囉"做餌, 是不是用生於水面, 黃尾那種,
還是用生於沙泥底那種, 我想偷師. 


肥熊尚義 2000 年 9 月 26 日( 星期二 ) - 上午 09 時 29 分 說:

 CKF :
喂喂, 死佬, 我都話我唔十九咯, 乜你重咁叫我o架??? 我而家已經盡洗黑氣o架喇......
你去o左十九, 釣位o響邊都冇人知, 我都唔知你o個邊乜景!!!! 咁邊個幫得到你呢???? 不如咁喇, 我俾兩條路你行, 一係就寫編簡單o既報告, 大約三千字左右就得, 唔好寫五萬字o勒!!! Ok??? 一係就你搵個替死鬼, 等佢寫, 咁你咪免役囉.... 咁喇, 你國慶節前俾我喇, 有冇問題???
WINNIE THE "肥" POOH 係唔鐘意食蜜糖o既, 係鐘意 "唧" 蜜糖o既唧!!!! 騎騎..... 乜連 D 豬扒 "肉鮮肉Say" 你都知咩??? 你梗係同佢地有 D 聯繫o勒!!!! (PG) 


Le' Dan 2000 年 9 月 26 日( 星期二 ) - 下午 11 時 42 分 說:

 CKF :
果晚黑嘛~嘛~! 都睇唔真條梳囉係咩樣!
正所謂 取豬社會,用豬社會,我覺得附近?/font>
釣場釣上黎既梳囉應該係取得食,我估D粗野
食慣左,所以斬係取豬釣點,用豬釣點比較好! 

Cobra
2000 年 9 月 27 日( 星期三 ) - 上午 01 時 47 分 說:

 田中:
晚我做出入口生意,左手右手去,全部回歸母親的身傍,唔
怪得之上唔到大啦! 


熊貓大人 2000 年 9 月 29 日( 星期五 ) - 上午 11 時 59 分 說:

 to all:

十九擊真的好好玩,但我的代價都唔細.當初在十九擊前,我已經是有點唔舒服.但我個人就是這樣,說過去就一定會去.最初我只是硬著頭皮去釣魚的!玩下玩下我就忙記了自己的病!當然,我的病不是自己好了,只是忙記.回到家就病了起碼四五天!但是我都覺得很開心.其實一大班一起玩的機會不是很少.但在一班志同道合一起玩,無話不談,互助合作的精神.這才是最重要的!雖然我沒有釣到什麼大魚,但我都會為釣到大魚的人而高興.我玩釣魚不是只是想釣到好大好大的魚(當然有時都會想啦!),我只是喜歡這種活動的過程.去學習耐心的等待,去感覺中魚的過程同驚喜.這些才最重要的.而做人都是一樣,香港人過的生活壓力太過大了.有時如果可以靜下來一陣的話,這可以減輕一點點壓力.心情都會好好多的呢! 


Terry 2000 年 10 月 7 日( 星期六 ) - 下午 11 時 15 分 說:

 the last one~ 


Tigerman 2000 年 10 月 18 日( 星期三 ) - 上午 01 時 57 分 說:

 肥熊:
日起型前我巳留意到落唔到釘又冇草帶住型繩了,而那種型需乜我又玩過晒咪自動請櫻去石頭囉;依野又邊使講出口丫。
晚我唔係貓就一定釣返條魚,你見我早上起身執拾完野巳爭取最後時間出碼頭玩就知我幾爛釣喇。
而總括呢次19擊係完滿的,由出發至回程市區都係咁開心的,你勞苦大家心照唔多講喇,下次有咩局記得CALL我吧!有時間就........一..........定..........到。 


肥熊 2000 年 10 月 19 日( 星期四 ) - 上午 09 時 34 分 說:

 老虎人 :
自家兄弟, 唔好咁客氣啵, 我唔 "柯威" 你o架啵..... 騎騎.... 


Terry 2000 年 10 月 26 日( 星期四 ) - 下午 08 時 18 分 說:

 last 1 of this discussion part~~ 


太古電波釣魚網 2000 年 10 月 26 日( 星期四 ) - 下午 08 時 25 分 說:

 ~~~本區完~~~