電波生物搜索隊
作者 電波釣魚網   
2004/02/21, 星期六
《電波 甲申 生物搜索隊》
釣  手 :
電波04 第一釣,排名筆分先後,男左女右 :
蛇,123456,牛,XXX,CKF,屈,波羅,ST,
花嫂,Tess,Joe,666,花尾躉,大貓,仁哥
日  期 :
2004 年 2 月21日 (星期六) 3:30 p.m.
2004 年 2 月22日 (星期日) 12:00 p.m.
釣  點 :
東水某據聞無生物浮台
釣  法 :
投磯筏手,適隨尊便
釣  餌 :
蛇九餌
釣  獲 :
CKF : 指公頭級釘公,一百 mm 級石九,粗碌大林哥
蛇 : 99 mm 級石九
666 : 子宮頭釘公
其他 : 不詳
獎  項 :
搜 索 生 物 獎 : 由 CKF 以指公頭級釘公先拔頭籌
大 魚 獎 : CKF 再以一百 mm 級石九,得到蛇九餌誠讓,包辦埋。

 

黑手有野講 :

         話說有一晚次世代潛左入我屋企(真係潛架.....當時佢開緊工),佢話好耐都無釣魚活動 ,叫我搞搞佢....... 咁電波04 第一釣【電 波 甲 申 生 物 搜 索 隊】 ,就係咁樣誕生喇!

         今次活動在榕樹澳藍天碧海舉行,出值有 ST 、 Bigcat 、仁 、CKF 、 Cobra 、Joe 、Tess 、666、花尾躉、Jenny 、牛 、浪花之友、菠蘿將軍 ,以及特別嘉賓 亞Watt 一行十五人。

         當日有幾位先頭部隊一早上去搜索,但係大隊去到時仍然一無所獲。

         全隊人立即加入搜索行動,務求爭奪大會第一個獎項------生物獎。

         萬足兄同 CKF 為求奪獎,一早已計劃好用手排釣浮桶邊石狗,可惜....................
呢度係一個無生物而盛名海域,呢招無法得手。

         時間一分一秒咁過去,唔知過左幾耐......終於有人得獎喇!! 得獎生物係一條 30 mm 級釘公,而釣到就係一向有魚運,過氣香港南區攪野杯釣魚比賽冠軍~~~~~~~~ CKF!!
按 上 圖 放 大
         生物獎無左,各隊員唯有轉移目標,向大魚獎進發。

         大約七點鍾,亦都係燒炭時候,肚餓隊員迅速集合,合力將人餌吞滅,而大貓姐亦獻出佢隻青椒、香菇為大家加料。多謝貓姐~~~~~~!!

         晚餐後各人繼續搏殺,希望釣得大魚,而我亦都非常勤力,但係唔是釣魚........而係瞄準四方城入面D紅衫魚,最後不負眾望,將兩條紅衫魚到手.......呵~~~~~~~~ 仲放返個土製菠蘿落去鄧腳,自己走去較較豬...ZZzzzzz............


按 上 圖 放 大
         訓到咁上下,又到早水時候,希望釣返幾條立威下啦.......... 點知又係得個吉,唯有化悲奮為食量~~~~~~~食早餐!! 食完又釣過,釣到十一點幾走人.............. 因為各隊員烈白果,最後大魚獎唯有俾埋生物獎得主.......... 恭喜 CKF ~~~~~~~ >.<"
按 上 圖 放 大
連結至【電 波 甲 申 生 物 搜 索 隊】主頁

(圖 : ST , 文 : 黑手)