電波艇釣入門 - (5) 最佳時間
作者 總魚神   
2000/07/01, 星期六
每個季節當造魚種不同,基本上可按照不同目標魚種而作出選擇性出艇與否,所以幾乎全年都可以艇釣,只不過地點不同,所釣魚種亦有多少分別。要留意一點就是每年11月至翌年3月左右強烈冬季季候風經常大吹特吹,撞正果幾日就唔好釣東水及東南外海一帶。

冬天比較熱門魚種有青鱸,白立,赤立,牙點,花或等,大部份出沒於東海及東南部,而花鱸,點立,馬友等則出沒於西水,但有時都會交叉出現,秋天則為火點,細鱗等,而夏天就雜魚最多,尤以黃腳立為甚。另外農曆新年後果個零月,不可不提就是石狗公上場,幾乎清一色都係,最佳釣點就係遠離岸邊較深水既排位,體形一般比較大咪。

以我個人意見魚獲最差及最疏口係初冬,郎十二月頭,水溫開始凍,因魚之生理關係大部份唔多開口,又因冬天魚種又未到,試過多次,全艇收獲謹石狗公數條而已。不可不提,每年有兩個摶粗野機會,其一冬天西水釣花鱸,當造期在聖節前後兩星期左右,其二每年4-6月釣大青班,用生猛大蝦或成斤重活魷魚作餌,於遠離岸邊巨石如林之深水大石排試試。

如果唔想白果,最佳出船時間當然是夏天和秋天啦。夏天既風平浪靜,雜魚最多又魚類食餌最為起口,秋天魚平均魚體較大及天清氣朗。值得一試。