加拿大初釣
作者 De Edd   
2001/06/01, 星期五
《加拿大初釣》
日  期 :2001 年 6 月
釣  點 :加 拿 大 Rice Lake
釣  手 :Eddie
釣  法 :艇 釣

 


今年6月中旬﹐去了一轉加拿大多倫多市探親﹐知我喜歡釣魚既朋友一到步就同我講﹐呢度既釣友較喜歡釣Bass fish﹐但現時唔係釣Bass季節﹐政府禁釣﹐重約定我開放當日, 就帶我去 Rice Lake艇釣?

釣點度魚密口非常﹐好似香港老泥群咁﹐但就冇乜驚喜﹐本來都唔打算寫報告﹐但係見呀 Le’Dan 零魚訊都夠寫﹐重寫得一篇咁傳神既【洛杉磯恐怖突擊】﹐加上早兩日個仔依貓我留低比佢沖晒既相比我﹐裏面有兩張我釣魚既相﹐戚起條根﹐雖然唔識作文都想盡下電波釣友義務﹐辛苦都打翻幾隻字啦?


【正牌】

加拿大釣魚除要牌之外重有好多條例要導守﹐多到我都唔敢聽﹐大致係一人一絲﹐邊個時候准釣乜野魚﹐邊個地點准釣邊種魚﹐邊種魚幾大至准返屋企﹐邊種魚限量等等?釣魚牌分1日﹐7日同一年三種﹐一年既要係當地居民﹐三星期後由政府郵寄去你固定地址﹐1日同7日既對象係遊客﹐7日既價錢就貴到同居民用既一年差唔多﹐都係廿多元加紙﹐比錢有收條就釣得?

【老實人】
我個朋友係老實人﹐佢話我如果唔牌﹐就唔准我釣﹐去到都係得個睇字﹐牌既時候都幾攪笑, 我亦係老實人﹐一入到魚具店﹐就好老實咁講﹐我係黎探親﹐唔留得幾耐﹐個7 天既就夠, 就店小二執筆想落簿既時候, 有個企埋一邊既﹐相信係老釣手搭訕說:「反正都係差唔多錢, 你比你朋友既地址佢﹐個 一年啦, 可能再用得呢, 係唔係居民, 佢唔會 check 你既?」我話:「巳經講比店小二聽,冇得攪囉」老釣手話:「你再講一次啦, 先前講既野佢聽唔到」? 果然個店小二出聲話﹕?你買乜牌呀? 我聽唔到呀? 你再講一次啦?就咁個釣魚牌就在各人哈哈大笑中攪掂?

【出發啦!!!!!!!!】
出發當日?天都未光?朋友架車就駛到我門口?因朋友話釣點遠?所以要一早出發。早餐都唔食住? 就到24小時開放既魚餌店買魚餌?車行十數分鐘?遠遠巳經見有釣友買完釣餌開車趕去釣場了? 今日係開放釣 Bass 既第一日?當然釣友齊齊出動啦。

當地既魚餌多數係蚯蚓,魚仔同爬Rambo (Rambo II) 身上吸血既水蛭?重話 Bass好鍾意食添?我初初都唔敢掂?會伸長又會縮短?魚餌唔用兩﹐ozs 又或者gms 計?而係‘打’‘打’聲, 續條數裝成一合﹐假餌種類就相當多。 順帶一提?當地大型老外超市如Wal-Mart 同Canadian Tire都有魚具賣?活餌就冇,假餌亦有好多(本土同花旗貨多)﹐假餌竿(韓國貨多)﹐魚絲(本土同花旗貨多)﹐平價攪 (日本貨就比香港貴同型號舊) 等等﹐有時特價起上黎﹐真係相當抵買, 百零蚊港紙就有一套竿同攬﹐重打埋絲添。

【好!! 上車!!】
唔駛幾耐﹐就轉上高速公路﹐向東定向西我就唔知勒﹐只見路牌係 401公路, 老實人朋友冇多冇少﹐去盡100km限速﹐沿途一路觀賞日出時大平原的風景﹐期望豐收的魚獲, 真係人生樂事?唔使幾耐就經過 OSHAWA﹐朋友講再去就係加京 ?渥太華?﹐沿401公路大約行左兩個多鐘頭﹐在轉入小路前﹐到路邊油站停車休息一下﹐站傍有快餐店﹐都幾大間﹐食完早餐同放下水, 再行大約一個鐘﹐就到達目的地﹐那處有碼頭仔同釣艇出租﹐日租加幣 50 元﹐可坐四人﹐唔駛乜牌物牌 (聽聞不久將來﹐可能要考牌至得)﹐但係比香港二匹雞就快好多﹐係15 匹黎, 交左二百元按金﹐就等蛇仔預備釣艇﹐當地老外做野﹐你急佢唔急﹐入下油﹐check 下呢樣﹐攬下樣﹐如是者﹐攪左半個鐘有多, 至交比我地 (要成三個鐘頭車至黎到呢度,真係遠過上廣州好多)?

【坐隱呀!!!!】
朋友係識途老馬﹐一開艇就開到湖邊一處有水草生長既地方﹐呢頭放餌﹐頭就拉竿走﹐多數係手掌大既 SUN fish﹐花 同TROUT fish, 冇乜力水, 較大條同有力水既 Bass 就得三幾條, 咁既情形之下﹐我地就保留實力﹐即係留起 Bass 最鐘意食既水蛭﹐用平既蚯蚓黎釣﹐餌落魚上﹐呢條留返既﹐條咁細放生佢啦﹐真係過足手癮﹐朋友釣得細魚多過頭﹐冇癮﹐重放棄用蚯蚓﹐玩下假餌﹐博下粗野?

【太多啦!!!!又冇粗野!!!!】
一致同意轉位﹐再車遠﹐又去到一處有更多水草既地方﹐?咦!!!!點解有間屋仔水面浮浮下﹐屋頂同周圍重掛滿樹枝!!!!?朋友話係打獵時用既偽裝黎?釣魚同打獵都係加拿大人熱愛的戶外運動之一?

轉左位﹐情況都差無幾﹐都係左手黎﹐右手去﹐釣到唉聲嘆氣﹐大叫你地唔好再黎啦﹐我要 Bass 呀! 不過呢過時候﹐都有節目睇下﹐有幾隻海鷗﹐跟住我地﹐頭頂飛來飛去﹐幾驚佢落”炸彈”﹐原來佢地係等我地放生既魚﹐水面游背泳既時候﹐就執死雞﹐四五寸身長既魚, 在空中佢一岳頭﹐就吞左落肚﹐相信條魚佢個胃入面重識游水?

轉眼﹐夕陽西下﹐果然晚黃係大魚開口既時候﹐Bass 黎啦﹐個個都釣到開心不巳﹐雖然唔算大﹐但都有力水﹐但監於法例所限﹐Bass 每人只可取走6 條﹐咁唯有釣到一條大既就放條較細既﹐釣到夠晒鐘交艇﹐唔走都唔得﹐只好全速歸去﹐正享受速度既時候﹐就離我們不遠處﹐有人比我們更享受速度﹐佢地用既係噴射快艇﹐來來回回﹐心想如果係我既﹐去釣魚就疏肝囉?

【撤退啦!!!!!!】
歸途上﹐天都黑齊﹐朋友要再三個鐘車返屋企﹐真難為佢﹐我本來都有定國際車牌﹐但係咁鬼死倦﹐都係唔好去幫手勒﹐慢下手﹐訓左就大0樂﹐只好幫下眼算啦?

真希望下一次再去加拿大﹐釣半個身咁長既大魚?

後記 ﹕聽聞如果違法多左魚返屋企﹐比政府捉到連運戴架車都要充公﹐難怪朋友數住 Bass﹐一條都唔敢多?