東水章紅青斑
作者 Joey   
2006/09/09, 星期六

2006年7月22日

釣手 : Joey, Tommy, CKF, Rackeal
釣點 : 西貢一帶
釣法 : 艇釣手絲
釣餌 : 生魷仔, 花竹, 游蝦
釣獲 : 青班三條 (二十斤 x 1, 三斤幾 x 2),
章紅四條 (五斤 x 1, 兩斤幾 x 2, 斤幾 x 1), 煙仔一條 (一斤)

22/7/06 星期六 - 天文台報南風二三級, 明顯係出海好時機,
一上船金毛問去遠 D 釣好無, 報左個價聽落都ok 就拍板去遠.

快艇直車東面, 係七星見到 Edward, 望下個海係綠水, 唔係好開胃, 一路車一路車, 車左粒幾鐘後, 終於到啦, 望一望個海, 唔對路播, 點解係大藍水黎既??

一齊勾隻生魷仔落去, 金毛話咁快有魚食餌, 但搶左隻生尤後唔到勾,
呢便 CKF 就陰陰咀, 上左條兩斤幾章紅.
轉個頭我就抽多條章紅, 都係咁上下大.
頭幾寨食得都幾密, 但唔到釣的有五六條, 可惜.

見 D 魚唔係太搶口, 換左波子責底勾死尤魚, 到底後扯一扯下, 又有魚食餌, 咦~~~ 咁好力既?
六號絲, 一開始完全收唔到絲, 最多只係定住條魚, 收下放下玩成兩分鐘, 原來又係章紅, 呢條應有成五斤重, 過足手癮.

轉個頭 Rickeal 扯番條三斤幾青斑, 但見佢個樣都係唔太滿意.
玩多陣, 金毛中多條斤零章紅, 我中條斤頭煙仔後, 決定轉位, 車番埋五海浬左右, 個海又變番綠水.

頭六七寨都無料到, 我決定轉用大蝦, 俾左隻斤幾死大尾魷金毛用,
點知下一寨金毛就大力一抽, 收左兩手頂住, 係度話 "你今次唔好彩啦" (對條魚講), 就咁扯左條廿斤老青上黎.....點解會咁架!!!??????

轉頭我條大蝦 (八吋左右花竹), 俾魚一野扯到我手都郁埋, 一抽魚都無埋...頂!!!
再勾隻半死既七吋游蝦, 見佢死下死下都無咩期望, 點知唔夠三分鐘又有魚食餌, 一抽就中, 三斤零青斑上水.

跟住起泡回程, 回程時滑海行三十海浬, 一個鐘到就番到西貢.
今日九條魚夾埋近四十斤, 唔太差啦~~~~

去到酒樓成三十人, 有我地條廿斤老青, 蜜李條七斤老青,
仲有 點積 係南油打果條十幾斤老青, 點解會咁多大老青架!!!??