零二年紅排系列 (2)
作者 小齊   
2002/01/13, 星期日
《零二年紅排系列—2》
日  期 :
 2002 年 1 月 13 日 (星期日)
釣  點 :
 三門&紅排
釣  法 :
 磯釣
釣  手 :
 Lewis、基哥、小齊、sunny、AL、璣、然、禧、川、高高、
 
 了神、叉燒、jimmy&朋友
釣  獲 :
 白立、牛屎立

 

(文 : 小齊 Jan - 2002)
 籌備個幾月 o既 行程 , 今日終於出發喇 , 一心想釣大白立 , 所以出外礁三門 , 一行14 人 , 嘩 ! 爆晒艇呀 ~ 分好位後 , 我同 sunny 上返斜台 , 天氣唔算凍又晴 , 03就開始釣魚 , 一直都冇乜魚訊 , 到左天光 , 中呀 ! 係白立仔一條 , 快快手打番D誘餌 , 又中 ! 兩斤白立 , 到 sunny 中喇 ! 哎呀 ! 可惜斷 o左 ! 之後就泥孟大咬 , 都係訓下好過 , 等10點轉位 , 上到船原來大家都鑊 o左 , 於是團長決定轉返去紅排睇下有冇牛屎釣 .

 去到紅排 d 好位一早就比人上晒 , 我地為有企迫 d 啦 , 大家你眼望我眼咁 , 開始釣下兩支竿出 . 好快就有魚訊喇 , 中呀 ! 有 d 力喎 .. 比左兩手 , 唉 ~ 斷呀 ! 之後就到基哥中魚兩斤十牛屎 , 跟住到 la 中魚兩斤四牛屎 , 跟住就係到 sunny 中魚三斤十二又係牛屎 , 跟住到我喇 ~~ 三斤半牛屎 , 哈哈一人一條排住隊中 , 解完再釣 . 釣餌都未落到底 , 魚就拉波走 , lee條好勁 . . 比左 4,5 手就斷左 .. 削 !! 跟住又到基哥中魚兩斤四牛屎 , 基哥再釣又中 … .. 不過又斷 .. 唉 !! 2 點半就執野走 , 釣左2個幾鐘 , 魚獲都唔錯 , 真係意想不到 .

(文 : lalala Jan - 2002)
 早幾日買左枝二號新竿,今日一於搵 d 大白立試下竿先,今日同基哥再去小平台,兩點幾先上到礁(因為尾站),開好架生,中魚喇 ~~~ 石狗公一大條 haha,之後釣左成個鐘都無魚訊,我個心就諗,睇怕都要等天光先有魚中,就呢個時侯,我將枝竿由左手交比右手,左手就?住包危害健康?野,我睇一睇個浮波,咦!佢慢慢沉緊 wow ,於是我就右手揪竿,唔揪由自可,一揪真係著晒火。我即刻將左手果包野掟落地,再將枝中左魚既竿交番比左手,好強勁呀枝竿,但係條魚一 d 都唔弱,我要用右手頂住竿尾,跟住再收幾手,再同條魚頂過,條魚由右手面走去左手面,條魚突然定左唔郁,三秒之後就甩左 ~~~ oh ~~~ 好慘呀 ~~~ 又走魚,呢條魚仲勁過上次三斤六果條,我諗應該大條 d 添呀。之後到天光都無魚訊,跟住仲老泥大咬。十點轉位,原來個個都蕉蕉,除左小齊有條斤幾白立,Sunny 斷一口勁,所以大家最後決定返屋企。 返到屋企喇 ~~~ 我屋企有兩位客人到訪,於是我就同基哥去左 Cal 屋企坐下喇。基哥先起條兩斤十牛屎,我就第一時間去偷魚,我都偷返條兩斤四牛屎,之後基哥再中一口,不過 1.75 腳最後斷左。到左手面 Sunny中魚,嘩!好大餅呀,三斤十二牛屎呀。之後小齊中魚,三斤六牛屎,解完魚再落即中,不過斷左。最後基哥又中一口,又係牛屎兩斤四。

(文 : 然 Feb 2002)
 廢話唔講咁多,段字係同大家講紅排係lalala同隻賤免(小齊)屋企,佢地叫你唔好上D位一定要聽,如果唔係後果嚴重;話說當日係三門曬蕉後大家提意返大嶼山老家,去到後我見 lalala上個位幾好而隔離個位都差唔多,而且相隔都係一條裂口位,我就同阿禧講不如上啦 !! 點黑都偷到D魚呀~~~!!!但 lalala 話唔好上呀個位有名堂叫 (焚位) 我地當然唔信啦相隔咁近,咪坐言起行上啦 ~~~~ 就係咁我同阿禧就遇上釣魚以來最大考驗;我地識唔識釣魚呢 ~~~~?????
 唔係誇張初初上石都釣到D石狗細魚,但當見到 lalala 個位有D好大餅牛屎上水後,我地個位連魚仔都無,心諗有機啦有大魚出現 !!! 兩個就係咁張D誘餌打落海但最後我地兩個心情都落埋海;初見 lalala 哥上魚後來到基哥上魚仲上到好粗暴一手唔俾加上係咁叫 lalala 撈魚,我地就好似睇名人表演咁企晒係到;最後仲見到隻賤免(小齊)支 0 號竿成條鞭到晒柄跟住 lalala 大叫又斷啦 ~~~~!!!!最慘係隻賤免一落竿又中又見到條鞭係到。所以當我地洗野時候都將我地D信心洗得乾淨個誘餌袋。下次去紅排大家知到應該邊個帶路啦 ~~~~~!!!!