零二年紅排系列 (4)
作者 小齊   
2002/01/20, 星期日
《零二年紅排系列—4》
日  期 :
 2002 年 1 月 20日 (星期日)
釣  點 :
 紅排
釣  法 :
 磯釣
釣  手 :
 璣、乜鱗、川、高高、小齊、飛虎、基哥 & 幾個朋友
釣  獲 :
 黑沙立、牛屎立

 

(文 : 小齊 Jan - 2002)
 
今次 08:00 係北角上艇 , 經過 30 分鐘就到了紅排 , 我上返上次個位 solo , 點知唔夠位上 , 最後高高都上埋黎同我一齊 , 9 點幾開始釣魚 , 好快就中魚 … 不過係隔離基哥中魚… 兩斤黑沙 , 跟住到飛虎中魚 , 又係黑沙 .. 斤半 . 之後就冇乜好野 , 泥孟開始又多 , 又係到o左訓覺o既時候 , 訓到5點再釣過 , 特然見到隔離飛虎支竿滿晒弓 , 可惜最後都係斷o左 ~~ D魚開始開口 , 睇返我呢邊個浮波爽住落 , 中呀 ! 斤半牛屎 , 睇個咁爽落法 , 應該有一箕埋o左 , 再釣 ! 果然又爽落 , 今次係兩斤幾牛屎 , 中左兩條之後我就叫高高過黎釣下 , 但係D魚都係食我餌 , 又中多條兩斤幾牛屎 , 呢個時候誘餌都打晒 ,我仲有D釣餌個頭又黑晒 , 唔想浪費佢 , 所以就當齋蝦打埋佢 , 哈 ! 又比我中多條 , lee 條有 d 力喎 ~~ 心諗 ! 唔可以比架 , 下面有好多細暗排 , 次次都係一比就斷 !! 但係支 0號 竿唔比又唔得 , 最後都係比左兩手 , 好彩冇斷 , 上水喇 ! 又係牛屎三斤六 , 誘餌釣餌都冇晒為有執野收工 . 飛虎 , 基哥每人一條黑沙 , 川川有幾條立仔 , 璣同乜鱗就斷一口 .