零二年紅排系列 (5)
作者 小齊   
2002/01/23, 星期三
《零二年紅排系列—5》
日  期 :
 2002 年 1 月 23日 (星期三)
釣  點 :
 紅排
釣  法 :
 磯釣
釣  手 :
 Lewis,基哥,小齊,肥耀,赤立
釣  獲 :
 牛屎立、黑沙立

 

(文 : 小齊 Jan - 2002)
 
今個月第5次出紅排 , 不過比起 la 哥同基哥都唔算多 , 04:30 青龍頭出艇今次坐隻細艇好似都幾危險 , 好彩天氣夠晴 , 上礁都好安全 , 今次終於可以 solo 下 , 又係上返個食糊位 , 開好誘餌第一時間打十幾野落去聚下魚先 , 開好竿岩岩天光 , 螢光棒都唔駛用 , 第一口餌就中喇 ! 心知下面有好多暗排 , 唔可以比 , 但係條魚真係好大力 , 為有座低身就一就佢 , 再頂 !! 唉 ~~~ 又斷 !! 呢個時候望過去好遠 la 哥屋企 , 見到佢打幾次水喎 , 個衰野一定係打水養魚 la ~~ 睇返我呢邊 , 個浮波慢慢落 , 等佢食深D先揪 , 中呀 !! 有D力喎 , 今次老死都唔比呀 , 用埋雙手持竿 , 有咁高舉咁高 , 條魚轉方向 , 有機會喇 , 追佢 ! 再攻 , 再轉向 , 再追 ! 得左 , 落撈箕 … 3斤3牛屎 , 再釣 ! 又中 ! 呢條明顯細D , 不過都好好飛 , 頂頂下仲上埋水添 , 原來係黑沙唔怪得自動上水啦 , 電話響起 , la 哥來電 :
 la 哥 : 我見到有人落撈箕喎,哈!哈!
 小齊 : 係呀!3斤3牛屎,1斤14黑沙,我都見到有人打水養魚喎.哈!哈!
 la 哥 : 我一早中o左la~~兩斤黑沙,赤立王子中一條牛屎斤半,牛牛未開齋.

到左 9 點泥孟開始多 , 天氣又變 , 大風大湧 , D湧打到我成身濕晒 , 就連隔離基哥個誘餌袋都吹埋落海 , 於是基哥又要拍住我釣喇 , 到左下午依然係大風大湧 , 都係訓下好過 , 訓到 4 點幾依然好大湧 , 差不多到 6 點 , 有魚訊喇 , 仲拉竿走添 , 係條斤半牛屎 , 以為好大箕啦 . 點知之後又釣唔到 , 執野收工 , la 哥就唔走住繼續佢既競技之祣 , 上船果陣都好驚險 , 要上幾次先上到 , 好彩都係有驚無險平安到碼頭 .

(文 :lalala Jan - 2002)
 放兩日假,今次玩超級大長途,釣足兩日,0430時青龍頭出艇,直出紅排,肥耀同赤立釣 11 號位,我返 8 號位 ( 真係返屋企一樣 ~~~~ haha ),基哥去Cal位,小齊企隔離粒石。開手冇耐就釣左條黃腳,跟住釣釣下,個浮波突然箭沈,嘩!揪 ~~~~ 中呀,我頂 ~~ 我收 ~~~ 我死頂 ~~~ 見魚喇 ~~~ 撈箕 ~~~ 搞掂,斤十三黑沙 ( 差小小有 40 cm ),跟住就冇料到 lu ,左手面見小齊又撈箕喎,打電話八下先。
 小齊:牛屎呀!三斤三呀!重有條黑沙斤十四呀 ~~~ 一黎到仲斷左一口添呀!
 肥耀:我冇呀 ~~~~ 赤立就有條斤半牛屎呀。
跟住下午泥蜢大咬,到晚黃得呀小齊再中多條斤半牛屎。全日就係咁多,佢地夜晚七點走人,我就係屋企露宿 ~~~~~~~~~~~~~~~~~~~~~~~~~~~~~~ 好凍呀!!!