馬年大魚開運
作者 阿璣   
2002/02/16, 星期六
《馬年大魚開運》
日  期 :
 2002 年 2 月 16 日 至 17 日 (星期六及日)
時  間 :
 16 日 15:30 至 17日 09:00
釣  點 :
 三門列島
釣  法 :
 磯釣
釣  手 :
 AL、lalala、Sunny、小齊、基哥、禧、世豪、璣、川
釣  獲 :
 白立、雞魚 

 

電波釣友祝各位釣友年年有大魚

(文 : 璣 Feb - 2002)
 又一年了;回想一年前,第一次出外礁,兮兮的……哈哈!言歸正傳,壬午年正月初五未時,今次外礁團,團長AL在過年前已策劃好,看過流水表後,決定下午出發,估計到達時剛好轉流。 一行九位釣友,有五位決定玩solo個人表演(獨個兒垂釣),分別有 lalala、sunny、小川、禧及世豪,我與AL選擇了一個較大的釣位上岸,並分佔兩個咀位垂竿。開始時,剛好是退潮將盡,我便把釣場設定在兩竿水外;不久,率先上水的是金梳蘿,美啊~~~,就在此時,AL已在另一山咀中魚,當他撈獲第二尾白立時我亦開始上第一尾白立了;經過一小時垂竿後,兩勝一負;而AL則三勝三負。 晚膳於外礁大餐館進行,失修的天幕,佈滿小孔;餐館更請來米奇及美妮當清潔及侍應;晚餐後,AL提意探班,原來我倆的岸邊與禧的釣位是相通的;步行二十分鐘,終於到達禧位,【好勁啊~~~~,游到好遠呀!雙手好軟呀!噢斷絲啊!】以上是禧遇到我們時的第一組獨白;安慰他一翻後,亦要回釣位努力了, 回到釣位後,遇到漲潮快滿,多個釣位都給水淹了,只好休息;我亦電聯禧,詢問釣況,【好勁啊~~~~,爆箱啊!】禧說,哈哈,原來我們離開後釣況竟然峰迴路轉,三勝三負,呵呵~~~~~。翌晨,潮盡,釣況逆轉,雞魚大咬,石狗大條,正在嬉戲之時,一口石狗魚訊,竟然是抽不動的巨物,即時反應雙手持竿,但巨物竟懂迅間轉移,號半磯竿飲水,斷~~~~絲!。唉!總結全程,二勝二負。

 

(文 :AL Fab - 2002)
 約十多二十年前,當時的我還是小孩子,已時常走到太古海邊釣魚。 雖然魚兒不多,但十幾兩黃腳立及四五兩火點也時有釣到。有一天看見一個手絲啞叔釣得黃腳十多條,當時也想他可能只是運氣。如事者之後,有好幾次他也是有這樣好釣獲,是因為他可看透流水。及後就開始留意流水對魚兒的關係了。

上年已同電波釣友到過三門釣過幾次白立,釣獲平平。到了今時今日各釣友以身經百戰,釣技以到達很高境界,而各釣友的釣技以有自己的特色,只要機會一到就一定可以爆釣。

今年因為南海的水糸、水團和海流及氣象因素等都比上年好,釣獲一定可更好。大多釣魚人常說釣魚七成以上看運氣,釣白立就更看運氣。我的看法就大大不同,現在就和大家門的大家交流一下心得吧 !

第一) 目標魚類行為與外界環境的關係
如水溫對魚類行為的影響、鹽度、溶解氣體、水深和底質、潮汐和潮流、餌料生物等.......

第二) 目標魚類行為的節律牲
如魚類索餌(攝食)、產卵和集群回游及晝夜節律性等......

第三) 目標魚類的趨性
如趨光性、趨動性(視覺運動反應)、趨音性、趨流性、趨化性等.....

本港外維水域因為有南海表層水團影響 (也可以分為三個水糸,即沿岸水系、混合水系及外海水糸)。而珠江河入海的淡水團特點是低鹽(可小于30.0),冬季江河徑流有所減小,淡水團相應減弱,但因東北季候風盛行,強勁的沿岸流由台灣海峽侵入,所以這些水團擴展方向和盤踞的範圍及水溫,都有明顯的季節變化。這樣就成了限制目標魚類活動範圍的無形屏障。於是,便促使魚類集群回游產卵,或者延長了它在相應海域滯留的時間,形成了集中釣捕的良好漁場和漁汛期。(老實說要說明以上所有海洋科學及魚類行為學,就等於一個學位課程,如日後有機會才寫多些吧!

三門地質均屬花崗岩,這種礦物晶體均勻,所以三門都有一個石礦場,二月份三門水溫從是約16℃,相比佳篷列島高,海水鹽度也比大小蜘洲、黃茅大小萬山島平均,在二月份頭大多數外礁都沒有白立大咬漁訊,而漁民都在新年休息,加上以上的計算,所以三門就成了這次目標魚的重點釣點了。

是日正月初五下我們四時多到達,la哥上先,小黑洲外維都是多石及水深。小川、sunny哥及禧分別上了小內灣,但是磯邊就會很深,正合他們的釣法,而他們外面三十米的水裏就有一個巨大暗礁,只要水漲就一定有魚中,因為晚上11時半海水漲至最高,所以他們晚上都中過不停。我和璣就一同上了較大的釣位,世豪又自已 solo,立神小齊及基哥就反外家。

我個位的磯邊以有五米以上水深,所以退潮將盡是一定有魚中 (是因為海水退潮的力學性質變化魚兒活性變高)。今次都是1號竿3號主2號半子加3號半立。當我下竿時太陽正在前方落下,所以水面反光一路都看見浮標,只好留意竿頭及魚絲的變化。在下第二口餌時以有很強魚訊,有小小力,30秒上水 (約40cm白立),以魚訊來看一定有很多,放好條白立後就同亞磯說成海都是白立小心慢慢釣,回去繼續釣,又中,好強的力量,但三秒後比反隻鉤我 (鉤唔入),立刻打多些誘餌,不久又中,力量平平,30秒後上水 (42cm白立),今次又用誘釣不同步先,分開左右十米打,先打左面後放下釣餌在中央立刻又打誘餌去右面,這樣小立先行大立就在中途吃下釣餌,果然有用又中,今次條魚好強力量,還來不給放絲就斷了。立刻又打多些誘餌,一樣用分開左右打誘餌,又中,力量都強,上上落落兩三次 1分鐘多些後上水 (魚長52cm白立)。十五分鐘後又中,力量也很強還向大海走,放二手比它後唔比,收下頂下斷左,自己太大力頂條魚斷左。之後個釣位上浪了,所以晚上以不能釣了。而早上釣多二十幾條雞魚 (25cm至30cm) 就完場了。

今次個新26L冰箱立時爆箱,個個都有中魚和斷絲,sunny共斷 4 口和基哥斷一口而打龜,而只算白立共二十條,有一條就送了給船家。這樣也成了電波一個記綠了。

(文 :lalala Fab - 2002)
 今日出三門過夜,我第一個上石 solo,係小黑洲旁邊一個島仔,起手釣左幾條石狗仔,之後一口浮波箭沈,中呀!好堅呀!好似中左隻牛咁呀,我頂 ~~~ 我頂 ~~~ 我頂~~~,佢拉 ~~~ 佢拉 ~~~ 佢拉 ~~~,唔好呀,千期唔好斷呀,我再頂 ~~~ 佢再拉 ~~~ 我被左一手佢 ~~~ 再頂,見佢冇咁顛,我就收幾手,一輪角力之後,卒之見魚喇。咦!我個撈箕呢?做乜個撈箕離我成廿幾呎咁遠架。點算好呢?我諗緊飛條魚上黎好丫,定係捉住條絲拉佢上黎好呢?但係條魚呢個時侯又中番落去,我又頂番佢上黎,上上落落幾轉之後,我見條魚冇乜反抗,兩個箭步,撈箕到手,一撈入網,收番個撈箕先,嘩!好鬼重呀 ~~~~ yeah ~~~~ 三斤十二,內叉 48 cm 大白立~~~~~正!!!解完魚再落餌,唔夠一分鐘,又中呀!呢條仲堅,跟本就抽佢唔起頭,一中就被佢狂拉去左手面暗礁,被佢玩左幾秒就過石斷左,之後再落都冇料到 lu。我睇睇錶 17:50 時,我一路堅持到半夜十二點半,冇就冇。打電話收下料先,原來個個都爆釣呀!我得一條幾乎最差喇 ~~~ haha ~~~ 不過我都好開心,破紀錄!

(文 :川 Fab - 2002)
 係新年前既某一個晚上 , 收到小齊電話 : 喂 ~~~ 初五 15:00 - 初六 09:00 過夜呀 , 去唔去呀 ~~ 心想次次去親三門都蕉既 …….. 橫掂新年 , 就當大家一齊去釣魚開心下啦 , 去到當日 15:00 , 各人齊集於碼頭 , 上好晒野就上船出發 , 大約 45 分鐘後 , 抵達三門列島 , 因為今次拍檔高高冇去 …… 都唔知拍邊個去好 , 於是決定 solo , 16:30 左右開始釣 , 但釣左兩個鐘都係得D雞魚 , 失驚無神中一左一口 , 中左後慢游入暗礁 , 斷左都唔知咩事 , 跟住再釣都冇 , 都係休息食下野訓一陣 , 但實在太多蚊啦 …… 訓唔到 , 19:30 再開始釣 , 今次釣返上船位既右手邊 , 因右邊好似一個小內塘 , 心想天黑會有大魚埋去休息 , 第一口餌一落漂左一陣 , 突然箭沈 … . 一抽 ~~~ 都幾好力喎 … . 斤半細鱗一條 , 因為太黑 , 結果要開頭燈先撈到 ~~~ 好咯 ~~~ 出咁多次 , 終於唔駛空手而回 ~~ 呵呵 , 好 ~~~ 解魚再落 , 打幾下誘餌 , 再釣多20分鐘 , 浮波慢落 ….. 等多一陣 ….. 越沈越深 ….. 一抽 ~~ 嘩 ~~~ 成支竿比佢禁落去 , 放一手 LB 回竿再頂 , 因為今次起手已經用3號子線 , 所以一手都冇比 , 搞左一陣條魚終於不敵 ….. 一撈入網 …. 2 斤裝白立一條 ~~ 好咯 ~~~ 終於都釣到白立 ~~~ 拿拿聲再下餌先 , 可能有成磯係度 , 果然又中 , 今次呢條堅好多 , 玩左成分鐘都未見魚 , 佢突然停低 , 於是就慢慢頂佢上水面 , 就係呢個時候 ….. 佢突然發力沖去暗礁 , 頂都頂唔住 , 過石斷左 …….. 唉 ….. 玩左咁耐先斷 , 換條4號子線同你死過 , 再落又中 , 今次你仲唔死 , 一樣咁好力 , 玩左大約一分鐘左右 ….. 上水面啦 … . 點知又沖返落去 , 不過力度已經減弱左好多 , 一撈入網 … . 嘩 ~~~ 45CM 三斤級白立 ~~ 呵呵呵 , 快快手解完再落餌 , 點知又中 , 又係咁好力既 ~~~ 真係有D手軟 …… 佢係咁向暗礁亂沖 …… 我頂頂頂 ~~ 一比你沖過去仲有既 ~~~~ 頂得住後 , 佢又走另一邊暗礁 , `又再頂頂頂 ~~~~ 好似隻牛咁既 … 你沖完未呀 ~~ 擺橫支竿頂多你一野 , 終於帶返佢頭 …….. 佢終於都冇力啦 …… . 臨上水又例牌上下落落幾次 ~~~ 一撈入網 ….. 呢條 47CM 三斤半白立 ~~~ 嘩 ~~~~ 發達啦 ~~ 一次中三條 ~~~ 但再釣落去都再冇魚訊 , 天光晒都只係得D雞魚 ~~~~

09:00 回程 ~~~~ 返到碼頭 ~~~ 原來個個都收獲好好 ~~世豪更個人釣得六條~~~ "近" 呀~~~ 今次終於都試到白立既威力 ~~ 真係唔係講笑 ~~ 希望快D釣條 50CM 級 , 做魚拓~~ 哈哈

(文 :小齊Fab - 2002)
 襯幾日年假 , 約埋團長 , La 哥等一共九人到三門走一轉 , 大家拜過年後 , 下午三點半開艇出發 , 好快 .. 就到達三門 , 今次大部份人都 solo , 我就拍住基哥上斜台 , 開好晒野四點九釣得 , 水流唔算太急 , 湧同風又唔大 , 所以都係用個 B 浮波 , 號半竿二號半子 , 第一口餌 , 浮波慢落 , 揪唔中 ~~ ! 第二口餌爽住落 , 揪竿 ! 今次中呀 ! 有D力不過就唔係好勁 ! 頂兩野就上水 , 係兩斤白 , 第三口餌 , 又爽落 , 又中呀 ! 今次大條少少係兩斤半白立 , 心諗今次一定好大咬 la ~~ 頭三口餌就中兩條 , 點知再釣落去又冇乜料 , 鬼咩 ! 出面有隻蝦艇照住晒鬼死咁光 , 到七點有魚訊 ! 個浮波慢慢落 .. 等佢再深D先揪 ! 中呀 ! 不過條魚直射大海 , 支竿直插落海 , 都未得黎有反應就斷 !! 九點左右基哥中一口 , 基哥就好D有得頂下兩 , 三秒先斷 ! 之彼都係零魚訊 , 直到天光都係得果兩條. 上到船見到大家 D 魚穫 "嘩" ! 全船人有廿條白立 , 斷十六口 , 真係好 "近" 呀 ~~~!!

(文 :阿禧Fab - 2002)
年初六,星期六
一早約左 AL 響太古出發 , 之後搭的士落天后欏之前訂左記蝦同粉 , 由於上次釣爆箱有買干炒牛河上船 , 所以今次唔信邪一於買番個先 . 去到碼頭因為未齊人 , 所以就無所事事四圍望 . 點知見到亞LaLa哥笑淫淫咁話 : (嘻嘻..做左正經野先) 嘩 . 正 .. 原來係大利是 , 末出發先有收獲 . 嘻嘻 ..
 好 . 出發 , 去到釣點 , 首先上釣點記既係 La 哥 , 之後到小川 , 之後 sunny 哥 , 之後架船車前小小 , AL 拍一拍我之後話 : (亞禧上喇 . 應該有o的料到) 就係咁我就有左我第一次外碓 solo 喇 . 上礁食飽飽之後 . 開好竿同誘餌 , 釣左兩個鐘都冇料到 . 心諗 "唔係呀又蕉 , 重蕉到一口訊都無 , 原隻蝦落原隻蝦上水 "諗都末諗完 , 嘩唔係呀嗎 ? 有乜野想拉我支竿落海呀 .. 都未黎切反應 . 就已經要揪竿 .中, 條魚傻架 , 一路向外走一比兩三手已經去到兩三支竿已外 , 我心諗 . 2號子線頂得到瓜 ! 之後試下收下啦 . 呀唔收冇事 , 一收條魚好似 high 左咁一射 , 乜都見唔到 , 爭係見到個瑩光浮波好似流星咁一飛飛左上山 . 冇計 . 斷左口之後拿拿聲換 3 號子線 , 換換下見到山上面有兩支電筒射下射下 . 下唔係呀嗎 , 有公安 . 睇真o的原來係 AL 同亞璣走過黎 , 大家巡例問下有冇料到喇 . 點知佢地話 : 由於時間o記關係 , 巳經o係一個鐘內起左六條 , 最細斤半 . o下堅定流呀 .. 之後唯有努力o的喇 .. 到 11 點度諗住休息一下喇 . 點知見到浮波爽落一抽 , 中 . 之後好小心咁收 , 但係太黑見唔到條魚唯有開頭燈撈魚 , 好一斤半白立上水 .. 之後打多幾下誘餌 . 再落餌 , 都末到一分鐘又爽落 , 又抽 . 嘩強呀 , 一頂 , Oh . 走口 .. 唔係呀走口還走口 , 走遠o的千其唔好嚇走o的魚呀 . 再落餌 , 十分鐘度又沈波一抽又中 , 之後比左幾手 , 嘻嘻 . 見到條魚浮面 , 諗住去欏撈箕 , 丫點知條魚又回氣落翻去 . 又比左一兩手之後 ,今次終於冇力喇 , 由於都睇唔到 , 所以又開頭燈撈魚 , 兩斤半白立 . *(如果唔係 solo 一定晨早比人申落海)* 哈哈 , 信心翻晒黎 . 再落餌 , 打幾下誘餌 . 都無 5 分鐘又中 . o衣有o的力水呀 . 好試下一手唔比先 . 響一手唔比之下上上落落兩三分鐘 , 拍一聲 , 斷呀 . 不過今下斷得好開心 , 因為今次真係釣條魚 , 唔係比條魚釣 . 斷完之後有o的o的手軟 , 所以停左下 , 飲過電波指定飲品 . 再落餌 , 諗住釣多幾口收工 , 見到o的誘餌又唔多所以一次個打十多下 . 靜左幾分鐘 .. 嘩又沈波 , 不過今次沈得好慢 , 都冇法喇 . 唔知真定假都要抽架喇 . 一抽 . 中 , 唔係好勁 , 不過好似好重手咁玩左一輪之後 , 開頭燈撈魚 , 一撈入網 , 嘩好重呀 . 上水三斤半白立 . 好收工 . 之後走左過亞璣個面賞下魚吹下水 . 又一晚 . 到第日上船後知道大家都有好收獲 ..
而自己重破左自己紀錄添同証明左自己上礁前要食干炒牛河 . .

電波網祝各釣友銀包常爆滿