大魚開運陸續來上集
作者 lalala   
2002/03/16, 星期六
《大魚開運陸續來上集》
日  期 :
 2002 年 3 月 16 日 至 3 月 17 日
時  間 :
 3 月 16 日 15 : 00 至 3 月 17 日 09 :00
釣  點 :
 萬山群島
釣  法 :
 磯釣
釣  手 :
 AL 、lalala、Sunny、小齊、了神、阿然、阿璣、阿禧、阿麟、
 仙巴、基哥、坤哥
釣  獲 :
 白立( 21條 )、雞魚 ( 百多條 )、黃衣、黑毛、白毛

 

今次又有好收獲唔怪得個個咁好笑容啦~~~!!!

(文 :lalala - Mar 2002)
 今日又出外礁過夜,三點西環集合上艇,我一個人上石 solo,開好架生釣魚,果位好難釣,好大湧,一放個浮波落去,就飄番腳邊,仲飄到貼住腳邊企緊果粒石,試下拋出 d 啦,一樣係好快咁飄番黎,於是就試下釣上船位啦,呢度好 d ,腳邊左右有炒白,慢流向外,釣釣下 ~~~ 浮波箭沉,揪中 ~~~ 好堅呀,好好力呀,今次仲唔係白立 ~~~~~~~~~ 哈哈!!點知真係唔係白立,係條白毛( 斤六 )。跟住再釣,有幾下魚訊但係都揪空,跟住又有一口,揪中 ~~~ 即斷,斷夾鉛對上,可能條絲花左啦。之後再落浮波又箭沉,揪中 ~~~ 嘩!好堅呀,比一手,頂住 ~~~ 收左兩三手,佢又拉番我落去,我再頂 ~~~ 又比一手,見佢冇乜反抗,風車手 ~~~ 見浮波,佢又發力,我再頂,差唔多見到條魚,嘩!作死你丫,上水你都想沖埋腳邊 d 暗礁,我緊係頂番佢出黎啦。見魚喇 ~~~ 真係白立呀!三斤,但係撈左成十野先撈到條魚 ~~~ 削!之後再釣都冇魚訊。開爐煲水食杯麵,嘆咖啡。食完再釣左一陣,都冇料到又大風,跟住就訓覺,比 d 風吹到冇覺好訓,天光再釣都冇。八點收工走人,其它釣友都有唔錯既收獲。

(文 :小齊 - Mar 2002)
 16/3 初 三 , 生 流 , 吹 東 風 4 至 5 級 , 轉 流 時 間 約 為 18:00~00:00~06:00 。 所 以 我 們 選 擇 了 下 午 3 點 出 發 , 可 以 釣 足 3 個 水 流 , 我 選 了 個 水 流 較 生 的 咀 位 , 水 深 約 6 米 , 希 望 今 次 能 釣 到 5 斤 級 大 白  , 所 以 用 了 號 半 竿 、 4 號 子 線 。 由 於 水 流 不 算 太 大 , 我 選 用 了 1 B 浮 波 、 3 號  鉤、 子 線 放 兩 噚, 釣 組 全 長 18 尺 ,鉤 對 上 50 cm 夾 1 B 夾 鉛 。 開 始 釣  時 候 雞 魚 大 咬 , 釣 左 大 約 1 個 鐘 就 己 經 有 40 幾 條 。 5 點 半 潮 水 退 定 , 我 將 釣 組 改 短 1 尺 , 這 時 雞 魚 及 雜 魚 明 顯 減 少 , 浮 波 慢 慢 順 落 有 別 雞 魚 的 魚 訊 , 等 到 看 不 到 浮 波 , 我 先 揪 竿 ! 中 呀 ! 好 強  拉 力 , 不 過 我 一 手 都 唔 比 , 我 攻 ~~ 再 攻 ~~ 追 到 喇 ~~ 再 攻 ~~ 再 追 ~~ 上 水 喇 ! 3 斤 白 立 入 撈 箕 , 想 養 住 條 白   時 候 發 覺 好 多 雞 魚 係 度 , 於 是 我 把 心 一 橫 放 番 晒 d 雞 魚 落 海 , 梗 係 養 白  重 要 d 啦 ~ ! 再 釣 ! 雞 魚 又 返 黎 , 唔 知 係 咪 我 放 果 D 呢 ! 哈 ! 到 6 點 潮 水 開 始 漲 , 我 將 誘 餌 打 在 流 頭 和 炒 白 位 以 及 腳 底 下 的 斜 位 , 希 望 3 點 誘 餌 能 匯 合 在 沖 目 流 下 的 主 餌 , 達 到 誘 釣 最 佳 效 果 ,果 然 浮 波 不 久 下 沉 不 見 了 , 我 揪 ! 嘩 ! 嘩 嘩 ~~ 好 勁 ~~ 真 係 好 勁 ! 我 攻 攻 ~~ 頂 頂 ~~ 都 係 要 比 一 手 佢 走 ? , 追 到 絲 就 追 ~~ 追 唔 到 絲 又 再 攻 ! 1 分 鐘 後 … … … . 4 斤 白  上 水 , 再 投 釣 組 , 又 中 呀 ! 2 斤 幾 白  , 再 釣 又 中 ! 又 係 2 斤 幾 , 連 中 3 條 後 , 雞 魚 又 再 出 現 。 水 位 高  少 許 , 風 勢 加 強 , 開 始 有 湧 , 所 以 我 將 釣 組 調 長 1 尺 , 改 用 2 B 浮 波 、 在 零 圈 和 夾 鉛 之 間 再 加 1 B 夾 鉛 , 希 望 能 將 釣 組 穩 定 多 一 點 。 6 點 半 再 中 多 條 2 斤 白  , 之 後 又 係 雞 魚 , 都 係 時 候 開 餐 喇 ! 食 飽 飽 再 釣 多 一 陣 , 中  條 胭 脂 刀 , 8 點 左 右 好 鬼 大 風 , 我 就 走  入 個 山 洞 避 風  . .  到 12 點 轉 流 時 間 再 釣 過 , 間 唔 中 中 一 條 雞 魚 咁 , 所 以 都 係  到 凌 晨 4 點 半 起 身 , 發 覺 果 5 條 白  奄 奄 一 息 , 於 是 我 就 送 佢 地 一 程 , 日 出 時 候 中 條 黑 毛 仔 , 之 後 有 一 口 d 拉 力 好 似 2 斤 幾 白  咁 , 不 過 上 水 原 來 係 條 斤 頭 黃 衣 , 之 後 又 係 不 停 地 中 雞 魚 , 8 點 就 執 野 收 工 。 上 到 船 大 部 份 人 都 釣 到 白  , 12 人 共 21 條 和 其 他 雜 魚 , 斷 絲 程 況 減 少 , 今 次 大 家 都 有 進 步 。

因為時間關係擺住 D 雞魚影相算啦 ~ !
全場最大雞魚得主

 

專 家  魚 零 舍 不 同

 

下集大魚得主同多魚得主會現身敬請留意大魚開運陸續來大結局