憤怒東龍炮兵夢幻飛躍之旅
作者 電波釣魚網   
2002/03/17, 星期日
《憤怒東龍炮兵夢幻飛躍之旅》
日  期 :
 2002 年 3 月 16 日 至 17 日 ( 星期六至日 )
釣  點 :
 東龍島
釣  法 :
 投釣、磯釣、筏釣、手繩、路亞、唔釣
釣  手 :
 祖兒、釣蟹、六仔、阿傑、Charles、Tiger、威威、豪仔、
 Xxx、大威、阿川、小鬼馬、小鬼馬媽、Rico、Rico女友、
 Angel、T.O.、Ken
釣  獲 :
 石蚌、石烚、石狗

 

怒 踏 東 龍 眾 人

(文 : 老CAP - Mar 2002)
 3 月 16 日 ,早上我一條友坐"LAM 記"入去主場,老虎人話遲D先到,豪仔早半小時出發了. 我地就在舊碼頭會合,一大一細,兩人六足....(加了我手拉車).行了幾個字到"東龍Holiday IN煙" 先坐一坐,因6豪仔想釣班,但大水漲不能去秘竇,我提議去大平台出水礁.那處春夏可以上,但秋冬就大風大浪成3級釣點. 有一長手竿釣友先到,但他說今日無景啦,出面幾排圍網.當我地開好竿釣了好短時間,收到老虎電話. 佢問我地方位,佢話在燈塔唔見我地,我望去燈塔有虎蹤,叫佢轉身就看到我地. 好快老虎爬上平台,手竿釣友無乜收穫就走了.

我一心想釣大石狗,又怕被狗拖入石,就用了1號子配2.5號主.打了多次3X5誘餌,的狗好像未醒. 但突然2B箭插水,我立即抽支0.8/530;但浮波飛上天.查看是在勾頭斷絲.可能D狗咬斷啦. 再用1號立勾1號子再釣;第三次沉波一抽中,好似勾石.但一路向出慢走.支0,8U晒, 因出面有暗礁;心諗過石斷硬.下意識一手唔俾,用手硬頂."啪"斷子. "天呀!我一心釣石狗,就中條過2斤大野玩我....!!" 好立即用2號炭子;2號勾;行出少少過暗礁再打誘餌.今次仲開定撈箕以防萬一. 打了幾下誘餌,波慢落但有力,在波橫走時我立刻抽竿.上一次斷口走感覺返晒黎. 佢又向出走,好在無暗礁;手頂竿,0.8大C字.我見佢有力向前,我將竿向下彎.DRAG 絞磅頂在DRAG絲,條魚走了2米無力,我又舉竿,同時要佢返頭,佢俾我帶返轉頭,但竿腰無力頂佢上水. 當佢近水面時又向下衝,我又用放DRAG玩佢.兩次後知佢無力,抽佢慢慢起頭.一手竿一手撈箕玩SOLO起魚.條魚一到水面又下衝入我網裡面.

無一斤,但好肥仔,好在用2號子先上到. 3點後轉大東風.大家玩手竿.釣了一會.老虎要交人,我扮大方送條石蚌佢今晚做. 當晚在"東龍HOLIDAY IN煙"打地舖;5點凍醒...唉!立即煲麵食. 第2 朝去新碼頭玩了一個鐘不得不走;又大風又凍.

(文 : 釣蟹發燒友 - Mar 2002)
 係好耐好耐以前 , 2002 年 3 月 16 日 , 係好遠好遠既地方 (香港) , 有班人約左去東龍島度釣魚 , 佢地當日乘坐珊X島公司既渡輪 , 位位二十五皮 , 前往東龍島 , 佢地包括Joey , 釣蟹 , 六仔同埋阿傑 , 大家坐呀坐呀 , 討論緊小弟身中咸網病毒既問題 , 個個議論紛紛 , 似有所感 , 唔通 ..... (講笑) 不知不覺到左我地既目的地 - 東龍島。

 一上碼頭 , 見到 Tiger 準備坐我地入黎既船離開 , 我地見佢拎住條成斤石蚌 , jory 二話不說 , 即刻黎影番張相 , 之後聽聞呢條魚係威威釣既 , 其後 Tiger 離開 , 我地大唱 "忍著淚說一聲 Goodbye" 之後 , 開始踏上征途 , 我地既目的地 , 係島既另一邊 , 行行重行行 , 沿途不禁唱出 "漫漫長路有包萬X路 , 坐低慢慢煲 , ……" 歌仔都未唱完 , 就到左假日士多 , 見到威威同豪仔響度飲緊下午茶 , 其實佢地同Tiger一早到左 , 依家佢地兩個係釣完休息 , 聽阿威威講 , 今日釣況幾好景 , 走口斷口 , 之後用二號子線 , 中條斤頭石蚌 , 豪仔都有好多石狗同幾條石圾仔 , 我地一路聽 , 一路吹 , 順手係士多食埋野 , 野都未食完 , 上天竟然落起雨黎 , 越落越大 , 仲起埋風添 , 真係吹脹 , 六仔先去安排D食宿 , 去前面間士多約好九點半食晚飯 , 租埋間房都係 $30 一個人 , 認真低 , 係晚飯果度貴小小 , $40位 , 之後雨好似停左 , 得番D毛毛雨 , 可惜風繼續吹 , 不忍遠離 ….. 大家去燈塔視察一下風勢 , 直迫颱風 , 我地唯有去番舊碼頭垂釣 , 雖然舊碼頭冇咁大風 , 但有時陣風都幾強 , 氣溫又下降 , 真係冷得我騰 … 騰 … 震呢 …., 係呢個環境下 , 人人意志消沉 , 加上冇魚釣到 , 個個提早番去食飯 , 係士多七個人加埋老闆 , 食下飯 , 飲下酒 , 傾下釣魚經 , 十分開心 , 老闆更 "低調" 地取出其私人珍藏大魚相薄給各人觀看 , 之後大家回房傾計 , 聽歌 , 飲酒直至深夜 ….. 一宿無話 .

joey 取Cap~tain釣鑊影照

 小弟起身經已十點 , 電波第二大軍經已殺到 , 我都要準備釣魚了 , 獨自行上燈塔邊搵Joey , Charles , 見佢地係度基釣 , Sorry , 係磯釣 , 同佢地釣左陣 , 都幾大風 , 得條石狗, Joey 釣到條 3 , 4 兩重石圾蚌 , 大風吹吹貢 , 我玩投釣好麻煩 , 唯有去噴水岩搵六仔 , Angel 佢地一齊岸鉤鉤 , 沿途見到豪仔 , 佢話威威已經走左 , 同佢二個一齊去搵六仔 , 點知搵唔到佢地 , 唯有二條友係噴水岩附近釣 , 之後豪仔個老友阿 Ken 黎到 , 一齊釣 , 可惜呢度全部都係石狗 , 釣唔到大魚 , 一齊番士多食麵 , 係呢度大家集合左 , 阿Joey , 大威 & Charles 坐二點船走 , 我地末走果D去新碼頭繼續釣。 到左新碼頭 , 風經已停左 , 我地係度投釣既投釣 , 手桿既手桿 , 手繩既手繩 , To 佢地用細鉤釣D珊瑚魚仔比 Leo 回家養 , 其間 To 更睇到有大八爪魚游上水面覓食 , 有人立刻用摟箕摟上 , 成三 , 四斤重 , 係度都釣唔到大魚 , 得D石狗同其他細魚 , 到四點幾 , 所謂歡樂時光過得特別快 , 又係時候講 Bye Bye , 時間差唔多 , 大家一同踏上歸途 , 各自歸家 ….

被捕之八爪魚

東龍之旅-完