西環貨運碼頭夜釣團 (完全版)
作者 拉丹   
2006/09/19, 星期二

 日期 : 2006-09-16
 時間 : 23:00 to 03:00
 釣點 : 西環貨運碼頭
 釣餌 : 青蟲、沙蟲、蝦仁
 釣法 : 投釣
 釣手 : 米青、小柏柏、拉丹、De'Edd、威佬
 都好耐冇在香港釣魚喇! 呢轉西環釣團總算冇令大家失望,都有d魚獲睇下! 呵!




三軍未動、糧草先行
星期六下午,同米青飲完個下午茶之後再去牛頭角地鐵站附近既釣店買魚餌㊀?
見到d紅蟲唔係好精神,我係咁二選左幾條之後就選唔落手,所以就求其執左盒青蟲算數。
同時,米青話好耐冇聞過釣店陣味,要再行入d間釣店聞多兩聞,真係頂佢唔順。不過大大
話話我都有成四、五年冇同米青一齊入過釣店囉!

釣技之昇華
到夜晚九點幾,我地再在灣仔匯合埋De'Edd。但係...點解唔見De'Edd有帶釣具既? 唔通請左個
魚僮? 唔通冇見幾年之後,釣技昇華至化景? 細問之下,原來 De'Edd佢對香港島岸釣抱不樂觀既態度,
所以只黎吹水支持,唔帶任何釣具。幾年前一位灣仔碼頭日釣夜釣既阿叔曾状?同De'Edd講過 :
"家下冇魚釣咖囉! 你返屋企睇下電視好過啦!"

匯合入De' Edd之後,我地一行三人先上左我新屋。等我執完封晒塵既釣具之後,我地就出發去我地
既目的地 .... 西環貨運碼頭。當然,我梗係預埋De' Edd既釣具啦。幾年前我地毒過佢一次,幾年
後,我地又要再毒佢多一次! 呵~


是但搵個位
西環貨運碼頭個位都算唔錯,又有燈光,釣位又多。不過唔知係咪近年小左䊺?去岸釣,成個場
除左我地之外,只係有三幾位人兄玩手絲。因為我地都係第一次去呢個位釣?所以唔知邊個位
好,最後我地就求其搵個位擺陣。

首尾魚獲
我先開竿擺拋釣,之後就走去附近就地取材搵岸架。當我搬好左個卡板之後,本想收絲再拋,
點不知一收果陣原來有料到。我一下一下咁收番黎,呵~呵~! 原來係石狗一大條。據米青講,
近年已經好小釣到石狗。雖然係唔知咩情況之下中魚,我都鬆左一口氣,因為我昆左米青佢地
過黎西環陪我試釣,起碼都唔會食白果。


拉丹(左)與米青(右)左右夾擊


米青集中米青神作釣!

溫馨提示
之後大家都對呢個釣點有番d期望,精神為之一振,原來岸釣唔係絕路。唔駛幾耐,米青又傳黎
魚訊,由於近年都好小釣魚、加上近月都係零魚訊,所以對抽竿時間未能掌抏?得好,條魚啄左幾
下之後就閃左,米青就抽唔中。我就即時比左個溫馨提示佢,叫佢上電波釣銭?網再陪訓,問問其
他釣友投釣時應該幾時抽竿! 哈~哈~!

全日最大餅釣獲
我地釣左一陣,小柏柏就駕到。佢都好快Set好之投竿作釣,不過綁釣組既時銖?已經比N年前慢左
好多,可能係近年小左釣魚既關係掛! 冇幾耐之後,小柏柏想抽竿換餌之際,魚竿竿頭彎。我心
諗,係唔係kick石丫? 再睇,唔係播,抽得郁咖播! 小柏柏一下一下咁拉佢返黎,嘩....好大餅丫!

好大餅既鐵蓋丫! 而呢塊鐵蓋,亦成為左我地全晚最大餅既釣獲。有幾大餅? 大家睇睇啦! 呵~


 

魚種多多
威佬佢十二點幾先放工,由於佢既公司在西環附近,所以佢收工之後亦係冇劸?釣具咁加入戰團。
全晚我釣到三條石狗、一條手板立仔、一條大梳籮、一條小牛鰍。米青都有劔?少收獲,唔係好知
數量,不過魚種包括有手板立仔、數條石狗。而小柏柏仲堅,佢釣既石狗全銃?都係超細型,如果
唔Zoom埋d都幾乎睇唔到咁滯! 最難得既係....佢仲可以感受到魚訊先至得人驚! 總結黎講,
呢個釣場既魚種都唔少! 等我地第日再去發掘啦!



 




西環鱸魚
成晚岸邊都有d釣獲,雖然唔大,不過都釣獲都尚可以接受。正當我泊好岸同其他釣友吹水之際,
突然見竿頭dup左一野好勁,正想行埋去收竿之際,我支竿尾已經成支拮起! 我就飛身閃埋去支竿
度一手抽起! 舉高支竿感受下條魚既大細。頭幾下都好似有小小力,之後唔駛幾用力順勢芀?收,
估計條魚正向我收絲既方向游,太好喇,力都省埋。不過,經驗話比我知通劸?條魚游到近岸會發
一發難,所以拉到岸邊我就慢慢咁拉。果然近岸佢就開始黎料。但係我支竿劯?在太強,6號主2.5號
帶腳,一般磅頭魚除非抽唔中,如果唔係想走得甩都幾難。唔駛幾耐就分左劋?負,一條磅頭既鱸魚
仔西環上水。



呢條磅頭鱸魚意義都幾重大,呢次係電波釣網改版之後第一次投釣活動,本來大家都係抱住參與既
心態,對魚獲係零期望。本先有d石狗仔已經好開心,估唔仲有條磅頭魚壓下場。真係魚神保佑!



DeEdd仲話,好多年都未見過投釣拮竿尾喇! 呵~呵~呵~! 而且...佢話好耐冇見過人在岸邊中磅頭
魚,所以搶住要同條魚影番張相! 影相果陣,De'Edd
仲有d唔專心望鏡頭,一尾望住條魚! 呵~





 

愛護釣場,放生魚仔
電波一向提倡放生冇食用價值既小魚。我就呢次就搵 De'Edd黎做個示範,3,2,1... Let it Goes!


 

落魄街頭
總結全晚我同米青都有唔錯既收獲,小柏柏亦不過不失。反而係De' Edd,可以佢冇帶自己既
釣具,又用唔慣我既釣竿而落得白果收場。最終落魄街頭等我地收工! 亦可能係受到米青
既咀咒~~ "有Dee哥,冇魚call"!! 不過唔洗灰心,有釣未為輸! 希望在明天丫嘛!



釣場簡介
呢個釣場交通都好鬼方便。所有去西環既小巴及巴士都必經。去到西寶城落芻?再沿西祥街直出
海傍,穿過一個公園就直達釣場。釣位又多,相信一百幾十人同時投釣都冇劕?題。附近又有個
露天停車場,泊車非常方面。另外,釣場對出又有位可以泊車(不過唔知會唔會比人抄牌)。好
似小柏柏咁,佢就將架車打橫泊都冇人理! 呵~!




另外,我地釣魚既位置都唔算kick石,我全晚都係用同一粒鉛,不過勾就唔見左好多。次次kick
到都係斷勾收場。我大大話話都綁左十幾次勾,所以奉勸前往呢個位釣既朋劏?最好帶多d勾去。
想知kick勾點嚴重? 睇睇米青、小柏柏同我同一時間綁勾你都可以估計到個情況有幾不妙!



再比多一張由高空遠望釣點既相比大家睇下。呢張相係我地釣完魚之後威佬劎?我屋企影既!
真係估唔到原來我地整個釣魚既過程,都比在我家中既另一半嚴密監視住! 佢仲話見到我
地其中一個釣友走埋去暗角位去接受大自然既呼喚添播! 到底,果位釣友係邊個呢?? (完)

 


評論清單

1/5. 港內岸邊並非冇魚釣
撰寫人 Jorden
Monday, September 18 2006
網站
個個都話香港,港內釣魚蕉到無論,但我睇來未必,可能自已唔夠運, 只要睇吓De'edd手中條魚,相信恨死好多人!

2/5. 石狗仔有冇咁重?
撰寫人 拉丹
Monday, September 18 2006
網站
魚神大人: 其實我仲有一口魚訊好奇怪。我中魚一抽,都幾重手下, 收左幾野都仲係好重手。不過到近岸突然感覺到完全輕晒 ,我估條魚已經閃左。但係抽上水原來係條石狗仔。我懷 疑水中仲有巨物含住條石狗。呢個只係我既估計,可能係 錯覺!

3/5. 勾住雜物
撰寫人 CementCheung
Monday, September 18 2006
網站
條石九損左入垃圾堆, 勾住雜物, 此乃小弟個人意見,吾知其他人點睇!!

4/5. 又好合理播
撰寫人 拉丹
Tuesday, September 19 2006
網站
又好有可能kick垃圾播... 又或者條狗公開大口阻水

5/5. 其實香港仲有魚釣
撰寫人 bearadol
Thursday, September 28 2006
網站
小弟居於南丫島,周不時都會聽到當地居民夜釣中巨物既消息,例如三斤以上既老虎班,六七斤既鱸魚都時有所聞,而小弟亦曾於下午三時左右於榕樹灣碼頭中過斤幾既芝麻班,所以話....釣魚除天時地利人和之外,運氣亦非常重要!!!