電波釣魚網暫停更新
作者 田中   
2017/03/08, 星期三

電波釣魚網已停止更新,各位釣友可以到我們在 facebook 群組繼續討論
https://www.facebook.com/groups/dinball.fishing 

 我們舊討論區有很多精彩內容,包括釣魚技術交流、釣點討論...等,各位可以到下址重溫
http://www.dinball.com/discus/messages/board-topics.html

 

電波釣魚網在1998年成立, 幾年間已成為全香港最受歡迎嘅釣魚網站。唔係因為電波勁,主要因為當時中文釣魚網站唔多,所以冇咩對手而已,哈~! 當年有釣魚又有上網既人,幾乎冇人唔識 "電波",到依家停左更新咁多年,都仲有人聽過呢個釣魚網呢個朵。

成立釣魚網初期花咗唔小時間同心血,但係過程真係好鬼開心。當年有一班釣友日日夜夜追POST、又有一班網站管理員同我一齊顛、攪活動又好多釣友參與、連攪小型飯局都變左成村人出嚟。雖然唔再繼續真係好可惜,但人大咗責任重咗,要兼顧工作、家庭、...... 已經唔夠時間,仲邊有時間去釣魚呢!?  一個連魚都冇時間釣嘅人,仲邊得嚟有時間攪好釣魚網呢?! 就算攪都唔會攪得好,不如摺埋算數,哈~!  

過去幾年,我耐唔屎都會睇翻以前出去釣魚活動嘅文章,次次都睇到手痕痕去釣魚,仲有幾次幾乎睇唔開 Plan好點樣攪翻旺呢個場!  但不竟人大咗,呢D霋時衝動、誘惑、激情最後都比個人理智控制住,冇做出傻事!   我對電波釣魚網仲有一份好深既感情,雖然已經冇更新,但我仍然會 Keep 住個網但大家有翻D回憶!   

 多謝各位 fans 多年來支持電波釣魚網!

 網主甲 - 田中 @ 2017.03.08