《726 南 油 之 旅 下》

釣　　手 :
Joe，Joey，95X8，石仔，亞林，Edward，Cliff，CKF，90師傅，花尾躉，Davidoff，XXX
日　　期 :
2003 年 7 月 26~28 日（星期六日一）
釣　　點 :
南海油田
釣　　法 :
深海船釣，筏釣，浮波釣，Jigging，手繩
釣　　餌 :
生雞魚，生雞泡，生池仔，死蝦，尢魚，難食蝦，雞魚粉
釣　　獲 :
雞魚，海狼，石碼頭，石班，蕃薯，煙仔，池仔，獅子魚
From 新聞部 :
七月廿六日電波第二次南油之旅，在開心下完成。射射 :
釣雞腫姦 : 95X8 哥o既全程悉心照尿，
艇頭腫暴漲 : Joey 兄o既艇仔Calling，
艇中雜暴漲 : 花尾躉 o既藝技豬援，
艇尾小暴漲 : CKF o既飲尿難食，人人有雞釣，哈~~~~~~。再射射

 

2003年7月27日下午，再返回中井。
95X8 岩岩訓甦，就放副雞魚釣組落去，CKF仲訓緊喎....... 噢! CKF 支野有魚啄播??? 95X8 幫佢禁掣起魚，吱...吱... 點解收左 20M 後收唔到絲既????
此時Edward 走去搖 CKF 話 : 中魚呀，CKF。
但CKF 好夢正矓咁嗡 : 係呀，我發緊夢中左魚呀.....z..Z..z..Z..z..Z..

同時花尾躉走埋黎對95X8 說 : CKF 中魚呀? 雞魚餌喎!!!!
95X8 即刻幫佢鎖磅頂， WE...WE...WEWE... 但隻電狗係咁倒出絲，又勁中杆頭，心急之下用手按左個杯一下， 呀!!.....就咁，95X8 子公奶野。

95X8 即刻帶番對手套，再同佢死過，電攪加手套再收多十手，吱....吱.....吱吱，跟住又比條魚扯絲出番到 108M， 噢...........凸完，彈多兩下杆，停哂....... [斷埋]，條百二磅威也奶腳都無埋...........斷走口，十九可惜。

打後，95X8 憑個人經驗，落點準確，手落魚上，再起多條石碼頭。 其他釣友亦起石班，獅子魚各一。食用魚收獲唔錯.......


按 上 圖 放 大

一輪拼搏，又開餐啦，晚飯時刻，個天未黑......

按 上 圖 放 大

估唔到星期一都有三隻船出油田，為求晚上有個好位，船家飯後，直航八枝........

天未黑，照理無雞，但95X8 竟然上左兩條，CKF 見狀，驚死走雞，拿拿臨改變釣組。咦.........一落即中，重好似幾大兜啵...... 隻電狗行慢速，驚死爆咀。同時，95X8 有魚訊，可惜抽唔中，死死氣咁超住CKF 上雞.......上水一看，嘩，條魚唔係雞，係班， 有成兩三斤重，激到95X8，有毛攪錯，條魚做咩唔食我舊餌??? CKF 則係度傻笑..................

按 上 圖 放 大

入夜後，激流足足廿個小時不停，釣雞隊唯有強行四斤博一斤，即四斤鉛上斤頭雞，雖然環境惡劣，但仍苦戰到天光。 而Jigging 友仍然成晚中煙仔。Popper 友則玩誘惑水面D章雄GT，無奈D魚肯追，但唔肯咬，無功而回。

午夜過後，Edward 望住枝杆死狗咁無米青打彩，因為D 雞唔比佢釣。
幸好有藝技豬援o既花尾，叫Edward 玩手繩，十分鐘後，Edward 果然係一袋手人王，完全判約兩人， D 手絲雞係咁上，爽死佢， Edward 條野一落D 雞就接，爽到佢嗌哂救命要搵人幫手，不過無人理佢.......

臨近天光，CKF 玩放流入椿釣GT，可惜無口.......最後，啟程回航。

按 上 圖 放 大

Joey 呢兜大蕃薯。

按 上 圖 放 大

Joey 同海狼，借人條魚影相。哈~~~~~~~~~~~~~

按 上 圖 放 大

Joe 同海狼，又係個條魚影相。哈~~~~~~~~~~~~~

按 上 圖 放 大

有食用價值o既魚。正~~~~~~~~~~~~

按 上 圖 放 大

油雞老尾，唔夠二百。人人有雞分，爽呀~~~~~~~~~~~~

按 上 圖 放 大

又係佢兩兜友，有雞萬事足，哈~~~~~~~~~~~~

按 上 圖 放 大

CKF講 : 花尾，條幼齒雞又係你架??? 哈~~~~~~~~~~~~

按 上 圖 放 大

你睇，三叉仔佢幾開心，訓醒有雞分，哈~~~~~~~~~~~~
佢破左用電狗上雞o既最小條數o既細界紀錄。

按 上 圖 放 大

文 : CKF

圖 : Joey，Joe

Next : 726 南 油 寫 真 篇 一

如你也有新料欲與網友分享，請連同簡單資料電郵至 news@dinball.com

 



News Ref No:715b