|
(一) 去吧! 堆田區 文 : Le'Dan @ Jan 2001
蒲苔島，對水籠標同我黎講一啲都唔陌生，因為 我同佢七、八年前都係一間專業攪本地旅遊既唔 專業領隊。當年都經常須要帶鴨仔團上蒲苔島遊 山玩水。所以甚麼响螺石、佛手岩、古石刻、南 角咀、巫氏古宅、官材石....當年我地熟到不得了 。雖然我地呢兩個領隊已經係過咗期，不過對籌 辦團體活動就有丁朵經驗嘅。 電波廿二擊又係去番蒲苔島，所以水籠標同我又 立埋個黑手黎做。記得上兩次電波去蒲苔島都遇 到海盜托世既船家，所以今次我地事前打醒十二 分精神同個海盜講價，免得佢等我地上左船又反口老屈我地。到底我 地今次電波活動有冇比海盜撚化呢? 請留意下文啦!
因為攪團去蒲苔島已經好似自己屋企，所以除左訂船之外，其他既好似 買獎品、買BBQ食品、用品野我地都係臨出發果日先攪。 當日朝早十一點，我同水籠標就走左去相熟既燒烤食品供應商度執燒烤 食品。由於同老細相熟既關係，我地自己落手執野食，老規舉執多多、 比小小、膊側側、靜雞雞就咁就走左。 攪掂左燒烤食品之後，見有好多時間淨，於是就去食小小野，順手磨下張 爛蓆。差唔多到一點果陣，先絲絲然立埋自己啲具同地物走去筲箕灣第一 集合地點現場。當我地到左筲箕灣，當時一個人都未有。直到點半鐘，侯 活出現左，佢一出現就比我地老屈佢做實Q睇住啲野，而我地就走左去附近 既超級市場掃貨。
因為今次有四十幾人參加，我地掃杯麵都掃左唔小，一共兩大箱。加埋 其他濕濕升升既大會物資，我地兩條友勉勉強強都可以應付得黎。掃完貨 返去之後，釣友都開始陸陸續續出現。由於大會安排左一部貨Van去車公用 物資 (燒烤/早餐食用品/露營用品)，所以可以順手為參加者提供行李托運 服務。架貨Van只可以載幾個人，故此有好多參加者擺底左行李之後就急急 腳閃左去巴士站坐巴士入去聖士提反灣碼頭既第二集合地點。唔覺唔覺， 過左一陣，釣友托運既行李已經堆到一地都係，機乎頂到上東區走廊頂咁滯 ，簡直就係一個小型既堆田區。 無耐之後，隻青蛙跟埋架貨Van到達堆田區，在場幾位釣友就扮演垃圾佬， 將堆田區既垃圾合力清理搬上垃圾車，再運去聖士提反灣碼頭傾倒。
可能今次黑手兇得啲釣友緊要得滯，所以釣友都無乜幾可可以準時到齊。 人就到齊，不過隻海盜船好似未到播，會唔會又比海盜撚化我地呢? 經過 同海盜船船長電聯之後冇耐，闊別左成年既賊船終於喺我地眼前出現。 船到左，釣友又合力將由堆田區收集番黎既貴價垃圾再搬上船。
準時三點十五分，架船開始慢慢駛離碼頭。船頂以及船艙之內全部都係自 己友，水籠標嗰個時候就帶埋部相機周圍影相。坐船頂影到、坐船艙影到 、坐船頭影到、坐船尾都影得到，電波友，周圍都影得到。
沿途既景色都唔錯，船上既釣友除左吹水之外，有啲都會欣賞下兩旁唔錯 既景色。架船行到一半路程既時侯，就見船長笑口淫淫咁走埋黎。見過佢幾次，次 次都要同佢講數講一大輪佢先肯收科，佢笑晒口咁就比左我一啲唔好既兆 頭。估唔到，佢真係........... (侍續)
|
