|
(三) 攪飲食 文 : Le'Dan @ Jan 2001
Rayrol 仲係同條魚搏緊老命，見佢又頂又拉，一個唔留神比條魚入左石，可惜最後 都係斷絲收場，否則食飯前都有條過斤魚睇睇。 於是，我同Rayrol就執埋晒啲釣具跟手再閃去島上酒家開餐。碼頭上點解仲有幾個人唔 動身咖呢? 細問之下，佢地冇打算去酒家食飯。原來電波廚神浪花大人為釣友 David、Loren 同埋KK 打算留喺碼頭打邊爐。好，果然夠晒電波feel，充分表現出自生自滅既精神。 浪花呢個GAS爐真係幾好用咖，兩舊幾水一個，可以用平時喺屋企打邊爐用既GAS。 一樽氣又可以燒幾粒鐘，真係釣夜水既極品，所以已經被釣友列為電波指定GAS爐，值得推介。 浪花帶黎既食物份量都好鬼多，據消息人士透露，淨係餃子都有成七八十隻。有時 真係懷疑我地到底係去路營定係去釣夜魚呢? 次次通頂釣局都係攪飲食，而且次次都攪到 有聲有色，又有排骨煲仔飯，又有 Coffee or Tea 任君選擇，你都咪話唔寫意丫! 見到 佢地打邊爐，我就開始有啲肚饑，都係拿拿林閃去酒家醫下肚先。
一去到酒家，已經有十幾廿位釣友灘左喺度等開飯。坐定定之後睇睇餐牌， 見佢啲炒粉麵都係四十幾蚊碟，而加大都係五十蚊碟，所以我地見唔係好貴就同個小二講: "餐牌上面所有既炒粉麵飯既款式都比一碟加大既我地" 。係咪好豪呢? 其實唔係我地豪氣，只不過係 餐牌上面只有六款炒粉麵，所以我地冇其他選擇既情況下全部掃晒。 岩岩叫完野食，坐左船出去嗰兩 Team 磯佬都到左酒家。Loren 首先向大家匯報釣獲只 得石狗公兩條，而另一 Team 磯佬就衰到連石狗都冇。唔通呢擊真係蕉得咁緊要? 唔會既 ! 上年中既過斤魚都係入夜同埋早水中既，都係快快手手食飽飽去搏命先。
唔知係咪好似電視節目話齋因為時間既關係酒樓已經預先整定左碟，唔係唔會咁快手 就上第一碟炒粉麵咖播。唔好理喇! 都係醫肚最實際。於是我向同枱既釣友講 "大家飲杯"， 但係當時我已經左手執碗、右手執筷，手快口慢，一路講，碗筷就一路向前衝。雖然同枱既釣 友好多都有哎 "飲杯~"，但係出面啲筷子已經此起彼落。手持水杯等碰杯的新釣友見到 勢色唔對，都即刻揼底隻杯，立起碗筷出去搶埋一份。當第二碟炒粉麵到既時候，大家都 齊齊哎 "飲杯~飲杯" ，不過當時成枱已經冇一個人會揸杯喇? 哈~哈~~~!
聽者心酸、聞者流淚既一幕終於上演，一個大好青年就咁比一個年過半百、見者恐慌、 聞者逃亡既阿婆握左! 真係世風日下! 道德淪亡! ........ (待續) P.S. 到底我當時有冇上前阻止佢地交易呢? 成件事既經過又係點咖呢? 欲知後事如何，請看下回分解吧!
|
食飽之後，我睇到年少氣盛、血氣方剛既阿旺不時向企喺酒家魚池邊既阿婆眼金金。過
左一陣，阿旺終於把持不定走向阿婆面前問價。阿婆當時冇覆阿旺價，只係陰陰咀笑，而且
不斷點頭。阿婆當時既表情已經出賣左佢自己，佢面部表情仿佛話比在場既所有人知佢好耐
都未試過欺騙無知少男。過左一陣，我就聽到佢地交易既金額係四十蚊。
