|
(四) David 被宣佈 Certified 文 : Le'Dan @ Jan 2001 聽者心酸、聞者流淚既一幕終於上演，一個大好青年就咁比一個年過半百、見者恐慌、 聞者逃亡既阿婆握左! 真係世風日下! 生意道德淪亡!
阿旺叫阿婆捉左七隻差唔多三寸長既生蝦，阿婆居然要收佢四十蚊，真係有點兒那個播。 我就同阿旺講不如用加多幾十蚊，買條魚去攞大魚獎可能仲有 So 播! 最後阿旺終於同阿婆 有左一手........交易。 其實釣夜水一晚頂多都只係得幾口，使唔使要七隻咁多呢? 直到後黎有釣友同我講，先知
佢啲蝦係用黎切粒喺
各人食飽飽之後分頭搵食，有啲留喺碼頭，有啲就試新位，而我就選擇走去天后廟對出 石邊投釣。我同Rayrol、堅勇同埋佢朋友仔釣埋同一個位，而釣餌都係用日水釣番黎既魚仔 做生餌。因為夜水唔使釣咁出，我拋得唔係好出，而釣左粒幾兩粒鐘都只係得一條差唔多十 兩既油𩺬仔。當時條油𩺬吞左我個價值兩蚊既魚勾落肚，所以我將佢暫時收押等遲啲帶去光 猛小小既地方同佢做手術攞番出黎。釣到差唔多十二點都再冇魚訊，所以就執埋啲野返去大 本營BBQ，大家都係諗住 BBQ 之後再釣多兩手。
原來當我地喺天后廟附近釣緊魚既同時，碼頭有釣友拖假餌，佢地都有唔錯既釣獲。雖然 每條魚既重量只係得十兩八兩，但係總好過白果收獲。 我番到碼頭之後，就第一時間同條油𩺬做手術。人地話油𩺬好粗生，原來真係咖，釣左 上黎個幾鐘之後，條油𩺬仲好生猛，一啲Certify既跡象都冇。經過左幾分鐘既手術，終於 攞番個魚勾出黎。當時在場既無知少男阿旺問我點處置，我就同佢講再放生，於是阿旺就照 做。當阿旺放生左之後，我就扮晒惡咁問佢做乜放走我條魚，而阿旺就騰晒雞咁搵撈箕諗住 撈番上黎。好衰唔衰又比佢撈到上黎，唔係又有排撚化下佢咖嘛! 條油𩺬再上番水之後，佢 又問我點處置，我又扮晒惡咁問佢做乜撈番條魚上黎，叫佢即刻放番佢落水。無知既阿旺又 照做。因為我裝到條魚仲喺撈箕所到既範圍，所以無再撚化阿旺。阿旺之前所講既 Le'Dan is not a good guy 唔係老作咖! 哈~哈~!
整鬼完阿旺之後，我就走左去 BBQ。由於當晚大大話話都有三、四十人，所以大會分左 兩個燒烤爐。其中一個燒烤爐就喺碼頭附近，而另一個就喺我地擊類活動指定既避雨亭。 因為我對上兩次蒲苔擊都係喺避雨亭度燒，所以呢次都去番避雨亭打躉。 當晚我冇燒到野食，我就成晚捕喺標叔叔身邊。標叔叔當時開左個 Gas 爐出黎煎野食， 所以吸引咗 David，Rayrol 同我三個喜歡不勞而獲既釣友埋堆。煎比燒快得多，所以唔使 六、七個回合就食飽。
正所謂飽暖思床褥，David 食完無耐之後又再表演佢既 David Certified 左之後，Rayrol 同我又再出征天后廟附近水域投釣。因為夜水中大野既機會較多， 所以我就攞左支年幾兩年冇用過既粗投竿作釣，魚餌都係用魚仔做生餌。我投左出去無耐之後，我就發覺 我支竿竿頭有異動，於是我把握時機狠狠一抽。一抽之下覺得好重手，一定唔小野，於是我用去頂，頂到 我支竿成支 U晒，而當時我條4號主絲就........... (侍續)
|
