(文 : 小齊 Jan-2002)
　好耐都冇同小鬼馬釣魚 , 所以親住聖誕節假期約佢同 la 哥 , 叔公等人到紅排釣魚 , 04 出發 , 我同小鬼馬上 o左 個斜台 , 未天光就上礁都有 d 擔心小鬼馬 o既 安全 , 原來小鬼馬 o既 上礁經驗同埋釣技都進步 o左 好多 , 唔駛擔心 la ~ , 開好野都差不多天光 , 開始釣下腳先 … 冇乜魚訊喎 , 之後就試下釣一支竿出 , 好快就有反應浮波慢落 (標準立訊) , 揪竿 ~ 口裡不奇言說出 "中呀" !! 頂住 ~ 頂住 ~ 比左兩手 ~~ 哎也 !! 斷左 ~~ 慘 !! 打番d 誘餌落去 keep 住 d 魚先 , 好快又中 ! 斤半黑沙 , 之後再乜冇魚訊 , 我地就釣一陣訓一陣咁 ! 到左中午 , 再中多條斤頭黑沙 , d 魚訊梳梳落落 , 到 o左 黃昏 , 黃金時間主力出擊 , 小鬼馬中條磅頭黑沙 , 我就中條兩斤十四牛屎 , 釣到6點半就執野收工 . 叔公 同 Patrick 就中左幾條黑沙磅頭至斤半 , la哥就中條兩斤幾牛屎 , 上晒水見晒魚 , 不過比佢鐘反落去 , 最後斷左 .. 又係慘慘 ~~!!!

(文 : La 哥 Jan-2002)
　青龍頭開艇 , 我返8號位 solo，天光晒先有魚訊，先中條手板黃腳，見有個哥哥仔上左我右手面粒出水石釣，見佢中幾條過斤立，但係我就號無魚訊，突然間中一口，收收下我見開面一竿左右，條立成條抽離水面尺幾兩尺，嚇到我呆一呆，呢條應該係牛屎立，起碼兩斤幾，跟住佢入番水向外狂射，枝 A - one 比佢拉住拉到由U字變左一字，最後就過石斷左。唉 ~~~~ 點解 ~~~~ 點解 ~~~~ 點解我唔頂起枝竿同佢死過呀？真係技遜一籌，強差人意 ~~~~~~ 削呀！到晚黃再中多一條手板黑沙，小齊就 11 號位起兩斤幾牛屎立又有得斷，叔公同Patrick都有幾條立仔。