去到澳洲釣魚，簡直同香港有天淵之別。他們專車接送，去到你酒店門口。又包魚餌、釣具、飲品和小食，有些還有三文治給你作午餐。

今次澳洲之行，我用了兩日自由時間分別在開恩茲(Cairns)和黃金海岸(Gold Coast) 去釣魚，但我覺得在開恩茲釣得開心D。兩次釣魚我都只是選擇在河口 (Estuary) 附近釣魚而沒有去到珊瑚礁釣（因為我剩係帶左支飛龜先銳筏仔去），冇想過佢地會包埋釣具呀﹗ 不過他們是免費提供釣具呢，所以都係一些普通既投竿和絞。

如果你們想帶私家釣具去，記住要做足預防措施。因為我帶支筏仔去都要寄倉，更何況個D磯竿、船竿……

講番點簡在開恩茲釣得開心D呢？因為兩者的釣點都係河口釣，但係漁獲就差天共地了。在開恩茲釣會先去河邊捉生蝦做餌，漁獲就有黑沙、牛港、班、牙帶、頭鱸等…… 差不多條條都過斤，最細都大過手板，又密口。在黃金海岸都係用生餌，係一種叫Yabbies 既蝦，好似日本玩筏仔用個隻打鼓蝦咁樣。佢地會去到灘邊，用一支好長既泵插入沙到用 D Yabbies吸出離，我都有去玩，幾過引呀﹗但係漁獲就只有大牛秋、沙鑽同絲仔…… 又唔係好密口添。

另外要注意就係澳洲既保育做得很好，如果每種漁獲小於規定就要放生。每個人都很樂意遵守呢﹗因為個D釣魚團係我自己在澳洲找出來，所以兩次都係得我一個香港人。而我支筏仔都令到他們 (澳洲人) 大開眼界，因為他們起初都問我支筏仔咁幼點釣魚，於是我用行動証明左俾佢地睇。而且仲釣得多過佢地呢﹗

講番價錢，就視符你想去邊到釣同埋釣幾耐，由~AU$70至~AU$800。 唔講咁多廢話，以下就係一些澳洲釣魚團既資料：

 
  開恩茲

黃金海岸