作者 T.O.
|
2000/09/16, 星期六 |
《東龍露營攀石釣魚團》 活 動 日 期 : | 2000年9月16(黃昏至晚水)-17(日水)(星期六及日) | 活 動 成 員 : | T.O. / 堅勇 | 活 動 釣 點 : | 東龍島 | 釣 法 : | 手線 / 投釣 / 手桿 | 釣 餌 : | 麵粉 / 蝦肉 / 重皮蟹 | 釣 穫 : | 老泥XN / 石蚌X2(10兩/斤頭) / DELTAX2 / 八爪魚x1(斤頭) | 活 動 概 況 : 文 : T.O. @ Nov 2000 對上一次去東龍釣老泥爆釣咁好玩,所以今次一收到風有朋友約埋去露營+攀石,我緊係唔放過釣魚啦! 我同堅勇就有好重要o既工作去做...就係專責去釣魚啦! 加上眾朋友們都知道我成日都釣到魚,斷估今次老泥就實無走雞,所以就買定晒d薑蔥陳皮,預備晚餐清蒸海上鮮呀! 初初釣果陣都驚驚地,只係有十條3指大老泥,勉勉強強都夠一碟既! 好彩釣多陣就有一條石蚌同埋斤頭大八爪魚,先岩岩夠一大碟上,今鑊總算不失水準。釣獲當中仲有油追仔兩條,呢D咁既魚緊係放生啦,無肉又多骨,費時個個比魚骨拮...。 魚穫即釣即蒸,加上大廚精心炮製,真係正。睇真D....碟面好似多左條有腳魚,再睇真D....原來蜈公都引埋出黎.....係碟邊。好彩發覺到,唔係就加! 今餐個個都話無得頂呀.....嘻嘻! 諗住第二日玩下攀石啦,點知個個話想食咩魚咩魚,咁又要繼續努力啦! 日水都係得D老泥大咬,唔知係咪有運行,堅勇用投竿作釣,又比佢起到條斤頭石蚌。之後又黎多一條,不過今次就無咁順利,條魚好好力,頂多兩頂仲...甩埋口添! 算啦...... 都夠皮啦! 下次努力過啦!! 講開個釣點都幾正! 可以欣賞下攀石活動,不過就間中有D鬼佬跳水,唔知既仲以為係有大魚打水添! 嘻~嘻~! 附送10月3日南丫岸釣青斑仔一條 P.S : 我又有運行啦...今期與斑有緣...^o^ | 備 註 : | 露營+釣魚好正呀.....即釣即蒸....好鮮呀... 有一口投釣中魚收唔起...最後...甩口.. |
|
|