|
作者 電波釣魚網
|
|
1998/11/14, 星期六 |
| 活動名稱 : | 魚樂圈二打六餵魚大會 - 北角公眾碼頭
. | | 活動地點 : | 北角公眾碼頭(即北角渡輪碼頭沿海傍向中環方向約行二百步)
. | | 活動日期 : | 1998年11月14日(星期六)
. | | 集合時間 : | 4:00pm 打後, 釣住等啦 ……
. | | 回程時間 : | 估計全香港超過六百五十萬人...係唔會出席o格!
. | | 年齡性別 : | 只限三歲至八十歲人仕. 性別不限(不過女參加者會得到Danny悉心照顧(醜女除外)
. | | 參加資格 : | 持有香港身份証者均可參加
. | | 魚餌魚具 : | 大會一概欠奉, 請自備魚餌及魚具!
. | | 負責人員 : | 冇! 負責任同唔負責任o既負責人都無人肯做.
. | | 活動收費 : | 全免 (但絕對可以打賞比Danny)
. | | 報名辦法 : | 使鬼報名咩! 鍾意咪o黎囉!
. | | 釣魚工具:: | 自備 (亦可以超高價向Danny收購)
. | | 備注事項 : | 正所謂"講就天下無敵,做就有心無力"; 為o左廢事眾網友話o黎又唔o黎,我Danny o係呢度落個咀咒; 咀咒放飛機o既釣友o係o黎緊三次釣魚,三次都食白果,仲要係臨上水先走魚o個隻, 鉤石鉤到雲,鉤到Total Loss o個隻! 唔知呢個咀咒夠唔夠毒呢?! |
出乎意料, 今日舉行o既"魚樂圈二打六餵魚大會", 參加人數竟然有十個人喎! 難得難得! 更出乎意料o既係竟然係男女參半. 我開頭仲以為D姐姐仔因為仰慕我Danny,或者希望得到Danny悉心照顧, 而從各區紛紛湧o黎添! 後來先發現當中四位姑娘仔,係由Pakto 帶o黎! 估唔到Pakto 除o左釣魚掂,溝女更掂! 講番正題,北角公眾碼頭o既魚獲,認真嘛嘛! Hai........唏噓唏噓! 捕o左幾粒鍾,都係得魚仔三大條. 到八點咁上下, Pakto 同佢o個四朵金花+兩大護法走先. 跟住我就同阿Norm走去鯉景灣碰碰運氣, 點知運氣就碰唔倒, 釘就碰o左唔小! 直到23:30咁上下,海中既大魚先開始o係我同阿Norm o既眼中出現, 不停上水,由於魚種太多,不能盡錄, 真係收都收到手軟! 唔信? 阿Norm可以做証咖! 堅過石堅咖! 結果,隨住可惡的魚船駛離我和阿Norm的視線, 那些剛才在我倆眼中各式大小魚類於魚網中不停上水的情景亦隨之消散! 相信魚民們剛才收網亦收得倦了! 魚船啊! 我要對你說聲 "#$!@#%^$%^$^%&^x&%4s$#@@#$3"
|
|
| |
