1999 年 1 月2-3日

By Ronald Wong on Saturday, January 2, 1999 - 11:20 am:
警報，剛剛同Stanley及Jorden師父通電，考慮到今天是初十五 
水大，漲退潮差達2.5米，原先擬定的釣點可能比較危險，據 
估計此次出動有十數人，釣點不夠，故現臨時更改地點。 
詳情請與Jorden師父查詢。 

By JORDEN on Saturday, January 2, 1999 - 11:30 am:
睇罷Ronald同Stanley的建議,我好贊同兩位師父的看法,大家點睇呀! 

By Norm on Saturday, January 2, 1999 - 11:59 am:
嘩！岩岩老豆俾左個月曆我，睇睇， 
原來一月一號忌"釣魚"，好彩我地揀今日唶！ 呵呵呵 

By Danny Ng on Saturday, January 2, 1999 - 01:10 pm:
壞消息! 今晚o既釣點會好鬼迫! 因為我決定今晚會出擊,!
(多個人多雙竿, 肯定會迫 D 啦!) 

出擊時精彩片段:
(鳴 謝 : 小 柏 柏 報 導 )

因於小柏柏回家後昏迷o左8小時o既原故，所以而家先向大家報 
道今次第四擊！“特擊！神風堂”（最後即場改o左名）o既精彩流程！…各位！……………
—投友磯友齊集極度“投機” 
—釣點………目的地………究竟在那?呀？找得好苦呀！ 
—小柏柏食慾無極限！ 
—電波釣團…終於出現了順風車之旅！ 
 
 

「上集 」

一月二日下晝二時正，小柏柏由大角咀Studio出發往集合點。 
…唔……有咩車去呢？………一小時後小柏柏終於到港外線 
碼頭啦。當小柏柏到達時，阿標標，雄仔伉儷及威哥四人經 
己到達。數分鐘分後風師兄來電說他及籮籮經己到達東涌線 
中環站內，因為今次的目的地有變所以要乘地鐵前往！好， 
一行五人又衝行至中環站內。

大家寒暄一番後，風師兄道出 原來「太古之父」魚神Jorden
正高速前來之際大家都非常高興，之後標標又致電Danny睇睇
吳生到底來否時，原來吳生經己到達東涌線！好，等你o地！
…………（等緊）……………大約十分鐘後。咦？乜Danny
唔係o係附近咩？乜o甘耐o既？標標又再致電吳生……
佢o地Talking，唔知講乜）……突然！嘩~嘿嘿~哈哈哈哈~~
（大約150fb，由標標發出！ 並且笑到反轉o左，大家都突然
向外跳開三步？？？？？撞鬼呀？o下？）~~~~原來Danny兄
經己在「東涌線」上！即係入緊東涌……唔怪得標標突然爆笑
啦！

跟住又到籮籮致電魚神“喂！o係邊呀？” “.........................”
（又係唔知What's talking about) …………原來係魚神老點o左
Danny入去東涌等！（以下句子由Norm轉述）「我問佢叫阿Danny 去邊度等啦！佢竟然叫佢入東涌等！我跟住問佢你知唔知我o地o係邊度等你呀？佢又知o係中環等播，o甘o米問佢仲乜叫Danny入去等？佢竟然話比我聽，一樣之嘛！叫佢入到去等多陣味得囉！…嘩！幾好 o野呀講果下真係唔笑o嫁！老點o左人仲理直氣壯真係佢至得呀！」……

大約等o左四個字，魚神終於出現，跟著阿籮就將佢自制o既
Logo貼紙分俾大家，大家就將呢個Logo貼o係冰箱呀魚杆呀度
（最突出o既當然係Jorden啦，佢除o左將個Logo貼 o係頂Cap
帽o既正中間外，仲o係地鐵上面將佢果頂經巳好巴閉o既帽（白底銀色大Logo寫住Boy！……活力非常）變o左一頂精彩十足o既
“魚神帽”上面有太古又有電波又有釣友又有中文仲有英文o添！總之就………阿魚神佢話都唔知幾正！而我o地笑到瓜柴。 

終於到o左東涌站（已經1700)，出到的士站經己見到一個成頭 
都係冬姑o既Danny出現o係大家面前……魚神Jorden仲Ronld喳 
住o嫁藍色Galant o係度等緊啦！…咦……藍色Galant?有咩？

正o係Danny，標，雄仔伉儷去o左買食品之際，小柏柏亦走o左去
找找藍色Galant！……乜冇o既？…正o係返到o黎同Norm講「呀 
，你估會唔會係果架深藍色舊款Galant丫o拿？」Jorden已經開o左人o地車門傾緊計………舊款Galant?我仲以為新款o添！.......我同阿Norm將D最重型o既o野放上車之後（包括Jorden哈哈），Ronald 就叫我o地坐S!!號巴士總站落就到o嫁啦！…………

上o左S!!號車之後阿標向司機問機場XYZ應該係邊度落呀？司機
表示我o地上錯o左車啦，應該坐S??去呀……一輪混亂後，在中途大家一齊車，不到半小時。目的地經己在眼前……Wooooo日落呀！飛機呀！打佢落o黎啦不如！（用o左成千九幾個Word…終於寫到目的地啦！好感動呀！） 

經過一輪工作後，投友們大家都一齊投竿，磯友們都一齊攪o野
（誘餌）非常忙碌！正當見到Ronld兄佢帶o左成盒誘粉o黎而驚 
訝之時…中魚啦！乜魚o黎o嫁？我o地電波快槍手經巳再一次一 
擊即中（大約2分鐘），中o左一條「畫仔」。而小柏柏及Norm 
今次就成為o左兩個磯釣學生，風師兄除o左細心教導外仲向我 
們借出攪及竿，以求人人用靚o野！……

唔到兩分鍾（Ronald， Jorden，風師兄及Norm正救斷竿）小柏柏
已經見到個波兩下就比魚啦o左入水，跟著我的！一條笨拙大九公就o甘比呢個磯釣新手釣o左！……跟著投友又不斷上「畫」，磯友就不斷吹風同打誘餌！……大約八點幾，大件事啦……肚餓o添！跟著小柏柏就由提，走o左番投友平地度泊好支竿搵o野食！……

搵呀搵呀！ 就比我搵到佢o地唔知幾時買o左o既麵包一條（生命）！Wa！ 有o野食呀！一口氣之間仲食o左半條o添！…跟住小柏柏見其他人上畫上得o甘高興，決定開竿釣（屠殺）埋一份。呼~~~~~釣組向大海飛去！……

放好支竿（一個雪糕筒同鐵馬之間有一條類似警察膠帶o既膠帶上面）…不到半分鐘，Wa！Dup呀Dup得好勁o添呀！（因為條膠帶可以活動，所以Dup得特別勁，非常易睇）HoHo~~~中呀！……正當小柏柏又發竿又食生命包包之時有人提出…不如搵人出去買D飯盒番o黎o丫！講o下講o下有個細路仔行埋o黎睇我o地o既魚獲時阿標就同佢講「你睇o下！幾多魚！」「都冇魚o既？」小朋友回答。「咩呀o甘多」「呢D餌o黎o既」小朋友覆…………「係呀！我o地o黎釣怪物o嫁！呢D魚餌o黎o嫁o乍！」我插口道！（果然天真無邪，可愛可愛）………
 

「中集 」

過o左冇內個細路又o黎多次。依！走囉播！佢…佢爸爸有車o嫁！ 之後小柏柏立刻緊急召集眾電波釣友，到底要唔要搵順風車？… …經三數分鐘開會之後一致通過，去！（因為大家都冇食到晚餐 o既關係，加上長夜漫漫，一個杯麵絕對唔夠）下一個問題就係邊個去呢？小柏柏眼見小孩爸爸及小孩預備上車，恐怕蘇州過後冇 車答，所以小柏柏就硬住頭皮走去：「唔該！…係味走o嫁啦你 o地？可唔可以車一車我o地一兩個出去買D飯盒呀？」「你o地想 出到去邊呀？」「東涌得o嫁喇」「東涌？冇問題」……Wooooo ，好o野！多謝你呀，好心爸爸！……

最後十個人（我被老屈去） 包搥小出，一盤已經分出勝負（係味冇乜可能呢？），阿標標同小柏柏踏上極度電波o既順風車之旅。………不用十分鍾我倆經己到達東涌站，去到一間叫“我的自助XX”叫o左八大個炒粉麵飯，嘩~~~~~好香呀！救命呀！我的餓蟲又發揮佢o地o既極限喇！ 

小柏柏同標標幫Ronald兄買完煙後立刻飛S？？號巴士入番電波點。「喂！有o野食啦~~~~~」跟住半分鐘後，所有電波友經已齊集開餐。Wooooo好正呀！天寒地凍…荒山野嶺，竟然有熱o既干炒牛可呀！好好味呀！……

食完後一眾電波友收拾好一切之後，就 各自收絲，睇睇有冇D笨魚自投羅網。……又係阿標？又係畫？ o係阿標上完之後數一數…………（數緊）………四十六條呀！ 勁呀！冇耐後大家都上畫上到有D倦……所以大家決定轉定，向原來釣點步行大約四百米。好，又釣過，又磯過，阿籮二話不說己經上o左一條大黃姑（有兩個手版大呀），之後我同阿籮兩個磯釣新手就拍住拖o甘一齊釣o下魚吹下水，尤其是個浮波時常相距不到10cm，哈哈，過引。………

大約二十分鍾後大家都冇乜釣獲， 所以決定食完杯麵就轉返去原來o既地方。……又好美味呀！救命呀！好正呀。o係大家食完杯麵後都各自休息休息o左一陣！… …荒山野嶺，天寒地凍（真係好凍大約15度以下）大家都搵o左一個有利位置zzzZZZZo左一陣……好電波！真係好鬼救命！又要坐順風車，又要天寒地凍訓街，又要o係街邊食o野，…………… ………“電波釣團”果然電波。 

下集！結局篇，““電波釣團IV—「究極電波！爆釣東涌」”敬請注意！ 
 
 
 

「結局篇 」

大約四時許（凌晨），眾電波友皆各自找尋最佳位置休息一番，由於那處乃大石膊以及當時天氣寒冷有風，所以大家都在石膊上「搵Lon捐」由如石九公，哈哈。在大家休息之際 Norm及Jorden依然獨自努力！非常有耐性。

大約半小時過後大家都凍醒o左，所以又決定轉釣點，去返原本落腳o既地方（起碼係大平地丫）。………

凌早大約六點，一眾電波友重返舊地，希望只得兩個！1,希望將魚獲升至一百 2,希望在晨光第一線時釣泥猛！……各人又再次各自開杆，等眾人開杆後小柏柏又向大海發射回來後的第一發魚餌……o依？踏o左絲o添！跟住小柏柏正解決此問題之際~~~o依？有魚咬呀！ ………我忍你！等我解決o左D絲就解決你！等我解決完D絲o既Problem之後…o依？又o黎？好…一二三的！攪呀攪呀，回來後第一條「魚或」就o甘比我上o左o刺！哈哈！跟住仲 好以之前“畫王標標”o甘不停地上！半個鐘上o左七條，哈哈，好o野，釣到冇晒Feel，好o野！（魚獲大約七十多）

跟住我o地Panabinic又起爐作法大滾字母湯！嘩！！！！好感 動呀！天寒地凍o既地方竟然有熱字母湯飲呀！救命呀，好開心呀，仲出緊煙o嫁！…………大約六點半鐘，正係各磯友換上XX釣組準備釣D賤泥猛o既時候…偉哥(Wai_Wai)展示o左我相信你呢個世界最賤o既魚釣！(5mmx3mm)又一次救命！

眾人準備再磯之時，Danny，Biu及雄仔伉儷都已經收拾行 裝揚長以去~~~~~~~~~再見！而我們就繼續釣我o地o既泥猛，可……
乜都冇，只係由Ronald上o左釘公一條及Norm上 黃姑一條……大約釣至十一時多大家都回家而去了！
 

By Norm on Sunday, January 3, 1999 - 08:16 pm:
由於電波釣友正處於大昏迷狀態，所以又等我黎爆少少料先！ 今次活動由於要顧及釣友既安全，所以釣點改左去東涌。魚獲方面，我地一行十人今次有大約八十條魚今次電波釣友之行，真係無比歡樂，而且夠晒電波"訓"街，坐順風車，係街邊食野，乜都齊，電波中既電波！仲有電波Logo養魚箱，電波魚神帽，同埋電波貼紙忝！ 真係次次新奇，款款刺激咖！ 
 

By Biu on Sunday, January 3, 1999 - 10:09 pm:
報下少少料先第擊東涌夜釣華十分有電波的感覺.  我同小柏柏好似 昭仁同依騰響赤立角坐順風車現在我已電波釣友名譽向 o個 位司機大哥多謝十句.有時間落太古一齊吹下水或者上網交流 o下 . 

今期又可以做快槍手啦當時一到步將釣組完成後一投杆華不出數分鍾一條 [劃]仔已經飛離水面.  跟手又一條不過 o吾 係我.你地估下啦! 

隨後時間慢慢過去開始有爆箱的感覺好正呀!!!!  食完晚飯後 [外賣炒粉麵] 大家都覺得實在太好啦.  因為每次我地去釣魚都食乾糧或簡單的食物. 今次就吾同.   到了午夜過後細佬我好似上身 o今 上劃仔上到停 o吾 到手. 
 

By Norm on Sunday, January 3, 1999 - 11:14 pm:
亞Biu尋晚真係好勁呀！起"劃"都起到有澳州FEEL！ 
點止上身甘簡單呀？直頭"BIU 童"呀！ 
所以佢而家既卓號就係~~~~ "Panabiunic 劃王大件事" 
 

By JORDEN on Monday, January 4, 1999 - 01:29 am:
釣爆東涌唔意外,全神出擊面不改, 
其他釣友一大班,唯獨我團得頭彩, 
昨夜磯釣冇大??返而沉底得其哉, 
惑魚狂咬手不停,解魚換餌確精彩, 
同心拹力把魚釣,回憶當時內心笑, 
各位好友耐心等,柏柏將會詳細登, 
 

By Danny Ng on Monday, January 4, 1999 - 12:26 pm:
尋日朝早九點幾離隊之後, 返屋企擺低 D 架生之後, 又即刻要出去幫朋友手
攪小小o野, 返到屋企已經係夜晚23:30. 隨即進入大昏迷狀態! 
Zzzz Zzz ....... .. 所以依家先得閒 Post o野上o黎! 

經過呢次電波旅程, 更加發覺屋企好溫暖!   因為東涌釣點荒原百里都冇乜建築
物可以擋風. 入夜之後直至小弟離開呢段時間, 凍到 PK. 
 

By Danny Ng on Monday, January 4, 1999 - 05:46 pm:
<<< 阿標條 X X 一味老點 #1 >>> 
星期六東涌之行, 阿標一味老點 

< 13:00 > 收到Jorden來電, 正式告知更改釣點. 集合地點亦更改為東涌地鐵站. 
< 14:30 > 私事辦完, 一條冷坐地鐵去東涌地鐵站 
< 15:30 > 到達東涌地鐵站, 出閘後o係閘口附近徘徊 
< 15:40 > 眼 beer beer 四周圍望, 睇o下 附近有冇釣友 
< 15:50 > 再眼 beer beer 四周圍望, 睇o下 附近有冇靚女! 
< 16:00 > 到達約定時間同地點, 乜人都唔見. 又冇釣友;又冇靚女! 
< 16:05 > 手電響起來 ..... 
 

(Danny): Hello ! 
(Biu): 喂! 死佬, o係邊度丫?
(Danny): 東涌地鐵站囉! 你呢? 
(Biu): 我地差唔多到哂咖o勒! 
(Danny): 係咩! 你地o係邊個位丫? 我晨早到o左東涌地鐵站囉喎! 
(Biu): 我地o係唒地利店附近囉! 快 D 落番o黎丫. 
(Biu): 我地改o左集合地方喎, 要坐機鐵咖! 
(Danny): 唔係丫話, 又改?! 冇人通知我o既?! 你地o係邊個位丫? 
(Biu): 你快 D 入番閘啦, 我地o係下面果層啊! 
(Danny): 唔係播! Jorden 話o係度等咖播! 你地係咪o係東涌地鐵站丫? 
(Biu): 係丫! 你快 D 入番閘先啦! 
(Danny): 好啦! 我入番o黎啦! 

於是, 我走去入閘口, Du... o左 一Du ...... 惡夢就隨 Du 一開始啦! 
入閘口我走往下一層, 搵極都搵唔到阿標同其他釣友o既行蹤, 於是我 再致電標叔叔... 

(Biu): 喂! 
(Danny): 喂! 死佬, 你地o係邊個位置丫? 
(Biu): 地利店對出嗎. 
(Danny): 我依家面對地利店囉, 唔見你地o既?! 
(Biu): 冇理由o格! 
(Danny): 你地係咪o係東涌地鐵站丫? 
(Biu): 咩話?! 你依家唔o係係中環地鐵站咩? 
(Danny): #$你#!~!!%肺$^&杏+#$%%產&**那&^星Q#$!!#$ ##$~!@#^* 
(Danny): 梗係唔係啦! 我一早就同你講話我o係東涌地鐵站咖啦! 
(Danny): 阿標條 X X 一味老點! 
 

於是我好無奈咁 Du 番出閘.. 嗚.... 嗚.... 嗚...........! 
約四點半左右一干人等到達東東涌地鐵站. 

我會成立番個 "阿標條 X X 一味老點#1 ", 希望好似 "魚具店討論區" o既 "磯提條X 樣一味老點" 一樣, 一齊數阿標 D 衰o野! 嘿~~~嘿~~~嘿~~!   (哈哈! 阿標問你怕未?!) 
 

By Wind on Monday, January 4, 1999 - 07:26 pm:
To:Biu  嘩~亞biu!你都唔好彩喇，得罪左吳生，你d fans好可能因為"阿標條XX一味老點#1"而對你o既形象大打折扣!  哈哈~真係唔得你死! 
 

By Norm on Monday, January 4, 1999 - 07:50 pm:
標叔： 你真係丫，個個唔老點你老點單尼哥？ 哈！你哩次實行成為太古千古罪人囉.... 哪！你唔想名譽掃地都得！ 下次活動你識做啦，買定半斤沙蟲，半斤青蟲， 七七四十九隻沙蝦，無條件送俾佢，再由佢分俾大家，甘你就可以無罪釋放啦！ 
 

By Norm on Tuesday, January 5, 1999 - 12:29 am:
Panabiunic（標叔叔）： 
死罪可免，活罪難饒！ 快d交出沙蟲，青蟲同沙蝦！ 你唔速速磅"餌"既話，Danny就實行電波家法處理！ "質"你食沙蟲！ 李小龍腔："今次要你食沙蟲，下次要你食沙蝦！"
 

By Danny Ng on Tuesday, January 5, 1999 - 12:13 am:
Panabiunic: 
算啦! 今次見有東涌姑爺仔----九哥,出面同你求情, 呢劑就算啦! 不過半斤沙蟲，半斤青蟲，七七四十九隻沙蝦就唔使指意唔比丫! 嘿~~~! 
 

By Danny Ng on Tuesday, January 5, 1999 - 12:02 am:
太古第四擊釣爆東涌風雲人物: 
<<< 姑爺仔 >>> 
正如小柏柏所言, 阿Norm 佢話快就攪惦o左條"黃姑". 
真係乜姑見倒佢都會衰o係佢手上,故此姑爺仔呢個 
美譽, 唔係浪得空虛名咖! 

<<< Panabiunic >>> 
亞標起"劃"都起到有澳州FEEL！ 
所以佢而家o既卓號就係~~~~ "Panabiunic 劃王大件事"