電波釣魚網 - 電波烏Sir Sir 墨魚團 (簡介)

電波烏Sir Sir 墨魚團 (簡介)

作者電波釣魚網

2000/06/17, 星期六

電波烏 Sir Sir 墨魚團
魚樂圈二打六餵魚大會 -- 第十六擊

[電波活動]

[行程表]

[簡介]

[ A 船]

[ B 船 ]

[ C 船 ]

白果杯

獎品:未知

大魚杯

獎品:未知

活動名稱	電波烏SirSir墨魚團
活動日期	2000年6月17日(星期六)
大會釣點	西貢一帶
活動時間	6:00p.m. - 10:00p.m.
集合地點	西貢碼頭
集合時間	5:30p.m. (請準時出現，逾時不侯，船唔等人。)
大會釣法	死戳、狂戳、唔戳都得。
活動費用	每人收費$150.00 包自助餐費，包船費，包借用手絲，包幸運大抽獎，但係唔包有冇料到。
活動名額	90人 (三隻西式遊艇) (報名表格) (確實人數表)
負責人員	黑手
注意事項	未滿十八歲的參加者必須先得到家長同意

由於今擊活動照片較多，所以會分A，B，C船存放相片，請選擇相集。
如想看看釣友出擊前後心聲，可以睇睇十六擊討論區啦!

A 船釣友合照	A 船相集 & 報告本船阿四 : Son' Biu
B 船釣友合照	B 船相集 & 報告本船阿四 : Le' Dan
C 船釣友合照	C 船相集 & 報告本船阿四 : T.O.

十六擊電波烏Sir Sir 墨魚團打破了本網自創辦以來的參加人數新紀錄，一共有九十多人參加。是項活動人數較多，若只租用一艘 100人的遊艇，恐怕釣位極之不足，故本擊之黑手特別安排了三艘能載三十多人的中式馱艇，使釣友有足夠的釣位作釣。

本擊黑手大人更為各參加者安排了自助餐到會服務以及飲品，不用各參加者擔憂用膳的問題。此外，他更親自為大會選購抽獎的獎品，以增加活陞氣氛。

事前功夫還是多得很，例如將由報名、收費、聯絡以至為參加者安排分船事擬，他都安排得很完善。就連 "甩底" 的參加者，他都花了不小心機去找人填補位置。

本擊的黑手真的做得很好，故本網特此嘉許十六黑手為電波活動作出的貢獻。

上船前終合報導 by Le' Dan @ June 2000

朝早十點幾，當黑手助理返到公司果陣，就收到黑手既電話，佢話要剷上助理公司打躉。黑手到詳助理公司之後，助理問黑手有咩可以幫拖，但韌手回答所有野已經準備好晒。而他為一擔心既就係天氣欠佳既問題。咁呢樣野阿助理都幫唔到手。

黑手打擾完助理既公司之後，就一齊去為大會提供食物既食品公司工場督工。由於該食品公司既老闆同佢地好鬼熟，所以好多野都收得好平，朱且大年夾底食。但係平都唔夠，佢地見到工場有這喱糖，仲要撻埋去做甜品添。

工場攪事攪到四點幾，就約埋 T.O. 去工場匯合，再Call 客貨車親自押運食品出發去集合地點--- 西貢碼頭。由於今次活動分三艘船，黑手、助理以及T.O.分別要負責其中一架船的阿四工作，所以黑手車上面吩咐各阿四要注意既野。當然，時不時都有D電話打比黑手問哩問撈，攪攪鎮冇幫趁。越接近五點半，冇幫趁既電話越黎越多，機乎一收線又有人打，一時要注鬼旺場。

打電話釣友好多都係通知佢已經到，不過亦唔排除各參加者都擔心今擊黑手水籠標會唔會托水籠走佬呢? 其實，熟悉水籠標既釣友都合道佢點會咁做呢? 正所謂大雞唔食細米，如果今次係去南海油田，或者出去外國釣魚，收晒錢既水籠標就一定會著草，不過今次數目唔大佢一定唔會托水籠。

黑手未到碼頭既時侯，已經拖衡馬出去碼頭附近等佢。架車一去到碼頭，就有釣友打開貨Van車尾門落貨，唔使一陣，車尾既貨已經落晒。速度之黑手真係令人懷疑佢地係咪平時都有份打劫、老粒、綁架之類既不法行為。電視成日都有得睇啦，好多時一架貨Van 停底左，D 賊佬就好快手快腳咁攪掂佢地既野。各釣友一人一箱，夾手夾腳的晒 D 食物出碼頭集合既地方。

黑手去到碼頭之後，即刻打開青B B 既電波 Banner以及同其他釣友點名報到。一時間碼頭有多鬼多人，有電波釣友啦、有電波女友啦、有電波情人啦、有有電波家屬啦、有電波朋友啦... 淨係自己友都九十幾人，何況仲有其他人攪既墨魚團呢 ? 碼頭上當時估計有過千人聚集，當然我地唔排除有好多人係小豐師傅既釣迷會fans，特登出黎碼頭同佢影相以及簽名。而其中兩名男Fans (侯X / X'Dan)要求與小豐師傅合照時被他拒絕，當時正好比我地特約記者影 Cobra影到。本網稍後登出之後唔知會唔會影響小豐師傅既受歡程度呢?!

今次活動因為碼頭一片混亂，我地唔可以將所有人一鑊過影團體相，只係可以分A，B，C船影。影完相之後碼頭對出既海面上已經全部都係船，起碼有廿幾三十艘船海面飄浮，架架船都掙住泊碼頭。

到左六點，A船以及C船都已經分別到左碼頭，而B船連隻船影都唔見。而釣友呢? 所有釣友都差不多到齊了，屈指一算，只有 Jorden師傅伉儷以及青蛙伉儷尚未到達。但由於碼頭既情況立立亂，所以黑手安排已人齊既C船首先開出，前往目的釣點---- 科技大學對開海面。A船尚欠 Jorden 師傅伉儷，但黑手唔鬼理阿 Jorden，決定叫眾A船釣友上船。當所有人上晒A船之後，黑手就叫船家開船....科技大學對開海面。A船? Jorden 到達後再回碼頭一次。冇耐之後，Jorden 師傅伉儷已經出現碼頭。碼頭上既助理就馬上通知A船船家將船泊岸‘X去碼頭對開海?

A船同C船已經順利開出，但係 B 船隻船連船影都未見。唔只船影未見，連隻青蛙既蛙影都未見。六點十五分，船影同蛙影都未見。六點二十分，環看方原百里，都未見 B船出現。到左二十五分，隻船唔知邊度飄埋黎，突然間我地眼前出現。真係好鬼邪，邪既唔單只係呢一樣，最邪既就係青蛙唔知邊度跳左出，佢最遲先到，但係佢係最早上船果幾個。攪到六點半，A、B、C三船先可以離開碼頭出發去科技大學。

至於船上面有咩事發生?? 有咩野釣獲 ?? 邊個釣最多 ?? 請留意A、B、C三船的釣獲報告啦!

---------------

十六擊電波烏Sir Sir墨魚團舉行在即，
無論你將會參加/唔會參加/唔知會唔會參加，
你都o黎分享一下你o既心得啦！

ericII 在 2000 年 5 月 25 日( 星期四 ) －下午 11 時 46 分 說：

I interest at it ,but the amount(40) is far from enough.

亞屈在 2000 年 5 月 26 日( 星期五 ) －上午 12 時 00 分 說：

ｙｅａｈ！我報到名喇！

Le' Dan 在 2000 年 5 月 26 日( 星期五 ) －上午 12 時 12 分 說：

青蛙:
個報名表有蟲蟲，每 reload 一次就再"鵰拔旗" 報名一次。
你識做啦! 我"鵰............拔旗"報左幾次咖喇!

Son' c 在 2000 年 5 月 26 日( 星期五 ) －上午 12 時 28 分 說：

All：
有冇人當日用筏仔呀﹖！

米蛙哥：
我都係“鵰............拔旗”呀！鎖你！！

某某在 2000 年 5 月 26 日( 星期五 ) －上午 12 時 32 分 說：

all
報名重刺激過釣魚

jimmy 在 2000 年 5 月 26 日( 星期五 ) －上午 12 時 36 分 說：

有冇攪錯!唔係已經爆滿呀???

黑手16 在 2000 年 5 月 26 日( 星期五 ) －上午 12 時 47 分 說：

好啦!大家咁支持聽一於
聽晚加推名額公開認購

浪花之友 在 2000 年 5 月 26 日( 星期五 ) －上午 12 時 54 分 說：

夾大佬:
你45分先比密碼我,重係薯仔文黎.
我已經當多金黎做,比番文我番瓜了!!!!!

亞屈在 2000 年 5 月 26 日( 星期五 ) －上午 01 時 00 分 說：

真係仲刺激過釣魚

cc:
我會帶筏仔，話唔定帶埋投竿，如果有魷魚仔而有有剩的話唔排除之後去偷釣，有冇人
有興趣呀？

Son' c 在 2000 年 5 月 26 日( 星期五 ) －上午 01 時 06 分 說：

亞屈：
西貢碼頭﹖！
我就唔得喇，要同囡囡番屋企呀！

十六擊黑手：
當晚鮮魷係咪即捕即炒呀﹖！

十六擊黑手 在 2000 年 5 月 26 日( 星期五 ) －上午 01 時 11 分 說：

Son' c :

釣到先算啦

即炒吾係好老黎 , 不如即煮啦!!

Son' c 在 2000 年 5 月 26 日( 星期五 ) －上午 01 時 17 分 說：

十六擊黑手：

即卓仲好喎！！

浪花三郎 在 2000 年 5 月 26 日( 星期五 ) －上午 01 時 36 分 說：

十六擊黑手:
不如大會抽兩個人出黎,他們用自己釣的墨魚互擲.
一人一次不准避,派件便利雨衣包著無禁傷.不准擲面.
釣得多子彈多有著數!
恩恩冤冤...墨魚了斷

青蛙在 2000 年 5 月 26 日( 星期五 ) －上午 01 時 40 分 說：

To 浪花:

咁刺激? 唔係丫嘛, 咁我唔排除要出拖網呢個可能性, 嘿嘿!

Son' c 在 2000 年 5 月 26 日( 星期五 ) －上午 01 時 50 分 說：

花花：

咁我去炸魚喇！嘿嘿！

肥熊尚義 在 2000 年 5 月 26 日( 星期五 ) －上午 08 時 26 分 說：

甲甲 / 喪屍 :
我今早報名時冇睇, 原來我已經報o左, 多謝其他釣友幫忙, 現恭請兩位高抬貴手, delete 今早 0830 報名o個個, 留番個位俾其他人.... 鎖你鎖你....

肥熊尚義 在 2000 年 5 月 26 日( 星期五 ) －上午 08 時 31 分 說：

All :
嘩, 你班友仔, 十幾分鐘就爆滿, 有冇九兩菜呀???? (PG)

甲甲 :
你唔加推我實唔肯過你, 小心你要扮貓俾人推落海.....

Le' Dan 在 2000 年 5 月 26 日( 星期五 ) －上午 08 時 52 分 說：

肥熊尚義:
40個位已經爆左喇，不過黑手16話會加推一D比
其他非會員既網友。名額為 60人，再加推既可能
性已經唔大。

你係報左 $25 既碼頭團嘛 ?? 嘿~~嘿~~!

肥熊尚義 在 2000 年 5 月 26 日( 星期五 ) －上午 09 時 22 分 說：

老丹 :
我同你咁 friend, 你又好唔老o黎亞甲, 我地都算同一陣線啵.... 你又同我報o左 25蚊碼頭團, 番橋番橋....

Le' Dan 在 2000 年 5 月 26 日( 星期五 ) －上午 10 時 10 分 說：

肥熊尚義 :
唔好提阿甲條友仔喇! 幫人報名咁小事都唔做，
佢唔做咪等我 Le'Dan 做囉! 呵~~呵~~!

浪花之友 在 2000 年 5 月 26 日( 星期五 ) －下午 04 時 28 分 說：

苦!苦!苦!登艦爭奪戰
沉晚返屋企.即接大內密令要奪取登艦証,
唯有順手隻鴨比同白酒衝返危機中心準備運作.
一睇個網40幾人(琴緊)上去.一齊去喇!
望見船長(番事圭)企係船頭好型仔,等候(護士夾)一齊玩十字架豆腐.
好衰唔衰被(護士夾)問我密碼.我話無.夾硬拒絕登艦.
當時接近12點亂曬龍,個網塞住行不通.
有人吹口水浮上去.
有人笨豬針彈上去.
最奇居然用星爺個(夾神)飛上去都有.
各不相讓,各式各樣,各自各精彩.
好彩有人留條()係到,我(喇喇聲)都(琴)上去!

16 黑手 在 2000 年 5 月 26 日( 星期五 ) －下午 05 時 07 分 說：

多謝大家咁支持第十六擊
不過要睇下今晚報名情況
先決定是否再加多一隻艦

Le' Dan 在 2000 年 5 月 26 日( 星期五 ) －下午 06 時 35 分 說：

設計部:
大魚杯同白果杯張個 Designs 好攪野丫!
哈~~哈~~~

堅勇在 2000 年 5 月 26 日( 星期五 ) －下午 08 時 08 分 說：

十六黑手...
嘩..我咁遲先報名...唔知仲有無位呀

青蛙在 2000 年 5 月 26 日( 星期五 ) －下午 10 時 04 分 說：

To 堅勇:
放心啦, 實有你份!

jimmy 在 2000 年 5 月 26 日( 星期五 ) －下午 11 時 56 分 說：

Sorry sorry ! I applied for 十六擊 twice, because at first I requested only 1 ticket by mistake! Actually I need 2 !! Would the host please delete the spare one for me. Thank you very much !

和也在 2000 年 5 月 27 日( 星期六 ) －上午 12 時 09 分 說：

嘩嘩......無上一日網就咁大獲!
噢.....叫我點算~~

16擊黑手助理 在 2000 年 5 月 27 日( 星期六 ) －上午 10 時 00 分 說：

All:
16 擊依家有D尷尬，因為未Confirm
開唔開第三艦隊，相信好多釣友唔敢
再報名，所以依家只係得 76人。

如果開兩只艦，有十幾個釣友會好失
望。如果唔夠 90人，我地唔會開多一
隻艦，所以想參加呢項活動既釣友，
唔該盡快報名啦!

黑手16 & 黑手16Asst 在 2000 年 5 月 27 日( 星期六 ) －上午 11 時 01 分 說：

【十六擊最新消息】
十六擊黑手決定加推最後一旗....艦，
總人數增加至 90人，決不加推。

各釣友會分別乘坐三艘唔知豪唔豪華遊
艇，再享用唔知自助定配給既自助餐。
本活動將由電波基金額外撥款 HK$1000
買獎品。

如果有興趣既釣友，請盡快報名。重申
一句，決不加推。

傑傑 keith 在 2000 年 5 月 27 日( 星期六 ) －下午 07 時 35 分 說：

All osf
幣家伙!I am late
please , give me a one change ...ok?

ckf 在 2000 年 5 月 27 日( 星期六 ) －下午 08 時 18 分 說：

16 黑手 :
Total 3 位(2大1小), 已報名,唔該哂!

細蝦在 2000 年 5 月 28 日( 星期日 ) －下午 09 時 46 分 說：

我用星期日成個下晝入會,卒知成功喇!

Tommy 在 2000 年 5 月 29 日( 星期一 ) －下午 07 時 18 分 說：

特別通知:

五月二＋七日晚
西貢墨魚團
三隻艇只得＋隻魷魚

希望你們好運!

P.S. 開燈後過萬泥艋圍船

16 黑手 在 2000 年 5 月 29 日( 星期一 ) －下午 07 時 30 分 說：

Tommy :

咁正過萬泥艋圍船,有冇順手釣番兩三千條先.哈,,,

wesley 在 2000 年 5 月 30 日( 星期二 ) －上午 02 時 46 分 說：

Hi All,

Just come back form "Big SIX" 大陸, I am too late to put my name down, but anyway, still support this fishing event ga.
If any chance can join in this fishing trip, pls email me to confirm, then I can deposit $$ to bank account.

Fatbear 在 2000 年 5 月 30 日( 星期二 ) －上午 08 時 57 分 說：

All :
要用乜絲? 幾磅? 乜鉤? 幾大?????

某某在 2000 年 5 月 31 日( 星期三 ) －下午 01 時 31 分 說：

to : 肥熊,
用喪絲啦,180磅卦,倒掛金鉤,幾大就幾大啦,哈~~~哈

肥熊尚義 在 2000 年 5 月 31 日( 星期三 ) －下午 02 時 20 分 說：

某某 :
咁多人去釣魚唔見你去釣~~~? 180磅喪絲? 好難梆鉤啵..... 騎騎....

man 在 2000 年 5 月 31 日( 星期三 ) －下午 10 時 36 分 說：

黑手~~~~~`
唔知可唔可以過兩日先至入數呀~~~~~`
我今日先至入到呢太古網~~~~~~~~
(((((我呢幾日完全入唔到呢呀)))))))

鬆 c 在 2000 年 6 月 1 日( 星期四 ) －上午 01 時 10 分 說：

某某大人 & 肥熊大人：

唔好搭我落海呀！
最多我叫呀米青蛙比o的“嘆米青絲”過你o地o丫！

16 黑手 在 2000 年 6 月 1 日( 星期四 ) －上午 02 時 47 分 說：

~~~~~~ 各位墨魚團友注意 ~~~~~~~~

最後決定過數期限為 6 月 2 日

星期五 23:59 截止

過時入數者當作自動棄權

如有問題請電聯水籠標 9122 3751

16 黑手 在 2000 年 6 月 1 日( 星期四 ) －上午 02 時 49 分 說：

~~~~~~ 各位墨魚團友注意 ~~~~~~~~

最後決定過數期限為6月2日

星期五 23:59 截止

過時入數者當作自動棄權

如有問題請電聯水籠標 9122 3751

16 黑手 在 2000 年 6 月 8 日( 星期四 ) －上午 01 時 22 分 說：

~~~~~ 特別佈告 ~~~~~~~~~~

6月17日墨魚團尚有小量名額,
如有查詢可電 9122-3751 霍先生洽

Hnaley 在 2000 年 6 月 8 日( 星期四 ) －下午 07 時 26 分 說：

大家好!我叫Hanley,花名BIKE 仔,住新界. 新入會,請多多指教!!
我近排好得閒,釣魚call 埋我
ICQ:33701832
Email: 這個email住址已經被防垃圾郵件程式保護，您需要啟動Javascript才能觀看

De'Edd 在 2000 年 6 月 8 日( 星期四 ) －下午 07 時 36 分 說：

Hnaley :
歡迎, 多多指教,你睇見討論區吹水區有釣局,寫上去話你都去咁就得勒.

JORDEN 在 2000 年 6 月 8 日( 星期四 ) －下午 07 時 39 分 說：

BIKE仔:
好歡迎你的加入,得閒就多D到吹水區吹下水,
只要見到有釣友登釣局出來,你就可以出聲加入.
你今日click左未呀?

De'Edd 在 2000 年 6 月 8 日( 星期四 ) －下午 07 時 40 分 說：

Hnaley :
我都唔記得,呢度係十六擊賽前討論區,請移玉步到吹水區吹下水啦.

Hanley 在 2000 年 6 月 8 日( 星期四 ) －下午 07 時 59 分 說：

ok,De'Edd 我會去吹水區ka la~ 係呀,頭先我打錯字,係Hanley,not Hnaley

16 黑手 在 2000 年 6 月 9 日( 星期五 ) －上午 12 時 58 分 說：

~~~~~~ 各位釣友 ~~~~~~~

矣....你地係吾係想玩死 16 黑手丫

甲在 2000 年 6 月 9 日( 星期五 ) －上午 08 時 35 分 說：

16 黑手:
"黑手" 呢個朵比果個 "過期野" 攪到唔係咁老例。
估唔到連纍埋今擊添! 都係果個 "過期野" 唔好!

All:
希望報左名既釣友盡快入數。黑手唔易做咖!! Thanks!

某某在 2000 年 6 月 9 日( 星期五 ) －下午 09 時 59 分 說：

to : 黑手16
如果我想加一個位,可以嗎?

16 黑手 在 2000 年 6 月 9 日( 星期五 ) －下午 10 時 20 分 說：

某某哥 :

你加一位咁小,起碼都加十個八個啦!
冇問題丫你

某某在 2000 年 6 月 9 日( 星期五 ) －下午 10 時 36 分 說：

to :黑手16
latex 比錢呀?

16 黑手 在 2000 年 6 月 9 日( 星期五 ) －下午 10 時 41 分 說：

某某:

冇問題,不過千其吾比錢隻青蛙丫.哈..

某某在 2000 年 6 月 9 日( 星期五 ) －下午 10 時 44 分 說：

to : 黑手16
咁我到時帶埋小某某同贖金一齊到啦,天橋

16 黑手 在 2000 年 6 月 12 日( 星期一 ) －下午 10 時 54 分 說：

~~~~~~ 特別通緝 ~~~~~~

Vincent1303 and Pro/F 兩位大哥
吾該聯絡水籠標 9122-3751

肥熊尚義 在 2000 年 6 月 14 日( 星期三 ) －上午 08 時 23 分 說：

16 黑手 :
唔該我可唔可以改去上 B 船呢??? 唔得就算啦!!!

鬆 c 在 2000 年 6 月 14 日( 星期三 ) －上午 09 時 35 分 說：

十六黑手：

報多三個名得唔得呀﹖
得就今晚比貨水比你啦！！

浪花之友 在 2000 年 6 月 14 日( 星期三 ) －上午 10 時 38 分 說：

肥熊大個仔嫁喇!
唔駛成日跟住的(鶯高).

jimmy 在 2000 年 6 月 14 日( 星期三 ) －上午 11 時 46 分 說：

星期六除了要帶水籠標o既收數單外,仲要帶o的乜呀? 駛唔駛帶釣具`魚餌同墨魚勾?

16 黑手 在 2000 年 6 月 14 日( 星期三 ) －下午 04 時 54 分 說：

鬆 c :

ok la.

16 黑手 在 2000 年 6 月 14 日( 星期三 ) －下午 04 時 55 分 說：

鬆 c :
OK la.

Asst 黑手 在 2000 年 6 月 14 日( 星期三 ) －下午 07 時 16 分 說：

Jimmy:
好歡迎你第一次參加電波擊類活動。
星期六基本上係全包既! 如果你想未天黑前釣下魚，
你可以帶埋釣具，不過魚餌就要自備喇!

墨魚勾同手絲隻艦係包埋既! 所以唔使帶。

如果你暈船浪，最好帶埋 D 丸仔去啪! 食物同水大會有
安排，不過如果你唔怕重，可以帶多小小飲品。

仲有咩問題可以再留言。

亞屈在 2000 年 6 月 14 日( 星期三 ) －下午 11 時 42 分 說：

All:
十六擊上晝有冇攪作呀？

某某在 2000 年 6 月 15 日( 星期四 ) －上午 12 時 08 分 說：

to : 老屈
不如16擊後丫

16 黑手 在 2000 年 6 月 15 日( 星期四 ) －上午 01 時 51 分 說：

~~~~~十六擊最終分船表已經登出~~~~~

十六擊既最終分船表已經登出啦,
希望各位團友留意自己所編既船,

六月十七日各團友須在下午五時三十分
到達"西貢公眾碼頭"集合向該船阿四
報到及出示入數收據,

* 當日如有任何問題
可電 9122-3751 找霍先生/ Biu

Victor 在 2000 年 6 月 15 日( 星期四 ) －下午 11 時 48 分 說：

ALL:
睇怕今年墨魚並唔多
各位釣友不要抱太大期望
又或者帶埋船竿等重型架生
打怪獸

16 黑手 在 2000 年 6 月 16 日( 星期五 ) －上午 12 時 09 分 說：

~~~~~各位十六擊墨魚團團友請注意 ~~~~~

6 月 17 曰各位團友請準時到達西貢公眾碼頭 .
登船到達目的地後可享用吾知豐吾豐富既
自助餐及一支清水之後大家可以死戳狂戳
直到完場 .

*** 逾時不侯 ***

Cap~tain 在 2000 年 6 月 16 日( 星期五 ) －上午 02 時 10 分 說：

To 16 黑手 ;
At the last minutes , my wife told me she will come back tomorrow....(change schedule).
So if possible, I will bring $ to Sai Kung on time to meet you ar!
Sorry for my ...!Ha..Ha!

Le' Dan 在 2000 年 6 月 16 日( 星期五 ) －上午 02 時 13 分 說：

16 黑手:
應承住阿 caption 先，到時一於坐地起價! 嘿~嘿~!

某某在 2000 年 6 月 16 日( 星期五 ) －上午 04 時 23 分 說：

to : 五苦&耆英

齊人啦

浪花之友 在 2000 年 6 月 16 日( 星期五 ) －下午 02 時 04 分 說：

五苦&耆英
今次黑手都話得囉!
同歡唱囉...啊啊....呀呀....啞啞.....

16 黑手 在 2000 年 6 月 16 日( 星期五 ) －下午 08 時 46 分 說：

Cap~tain :

不如你聽日有答案就立刻
通知我 .而你可以坐 B 船 .
其他既野聽日電聯 .

16 黑手 在 2000 年 6 月 16 日( 星期五 ) －下午 08 時 58 分 說：

~~~ 各位團友請注意 ~~~

16 擊既分船表已經編好啦 !!
大家吾該去碌碌 * look look

16 黑手 在 2000 年 6 月 16 日( 星期五 ) －下午 10 時 40 分 說：

wesley :

你既要求冇問題 ,
一於留多個位比你 .

Asst 黑手 在 2000 年 6 月 17 日( 星期六 ) －上午 12 時 51 分 說：

黑手:
乜 B 船比四大家族玩晒既! 哈~哈~!
成隻船有 38人，四大家族佔左 26人喎!
我地 D 細拆家仲有定掟企既! 哈~~!

四大家族為 :
阿屈 x 4
CC x 5
浪花之友 x 8
Tigerman x 9

16 黑手 在 2000 年 6 月 17 日( 星期六 ) －上午 01 時 03 分 說：

阿屈 :

對吾住 B 船係冇你份架 .
C 船至真吾好意思丫 .
生手攪個 html file 依家去改
sorry 好多個

** 重新聲明阿屈係 C 船既 **

多謝 Asst 黑手

tigerman 在 2000 年 6 月 17 日( 星期六 ) －上午 01 時 03 分 說：

Asst 黑手:
原本冇咁多人咖，佬友問到又有人唔去咪加到現在九囉。
如仲有位的話可能或者會包艇的。

Asst 黑手 在 2000 年 6 月 17 日( 星期六 ) －上午 01 時 16 分 說：

黑手:
哈~哈~! 仲以為 B船咁疊馬添!

Tigerman:
查實我今次都冇乜野做過，全部都係黑手
一手包辦。不過呢D活動今擊黑手都唔當係
乜野! 好碎料之嘛! 黑手既安排冇衰既!
(P.S. 嘿~嘿~! 激鬼死果個過期野! 哈~哈~!)

肥熊尚義 在 2000 年 6 月 17 日( 星期六 ) －上午 08 時 36 分 說：

大哥文 :
乜你~~~~又係狗...... 鎖你鎖你, 係九個人.... 咁多o既????

Cap~tain 在 2000 年 6 月 17 日( 星期六 ) －上午 10 時 19 分 說：

甲;
不如call OSF/NSF 23/6/00 出海去果洲;沉船排?/font>
粗野;當出油田都好;每人一百;好快又爆..唸唸佢! REM.
我要坐C船;多OSF 多野講D ..OK?

jimmy 在 2000 年 6 月 17 日( 星期六 ) －上午 11 時 33 分 說：

黑手 :
Originally I was assigned to Boat B. Now, the new arrangement is Boat A. The problem is : I should have one more friend to come with me, but the assignment of seats in Boat A allows only one seat for me !!!!!

Please make some adjustment for me. Thanks

16 黑手 在 2000 年 6 月 18 日( 星期日 ) －下午 10 時 15 分 說：

all:
十六擊終於完滿結束 .
好多謝大家既參加 .
大家如果有乜議見可以
盡量提出等日後各位黑手
多加留意及參考多謝

某某在 2000 年 6 月 18 日( 星期日 ) －下午 10 時 43 分 說：

to : 黑手16 & asst 黑手s

多謝你地為我地悉心安排行程;食物及禮品,浪費你地唔少私人時間,
雖然天不造美,釣獲但船內氣氛依然搞得有聲有色.

天橋

鬆 c 在 2000 年 6 月 18 日( 星期日 ) －下午 11 時 02 分 說：

十六黑手大人：

我最鍾意o的香蕉大咬盒，既應境又有心思！
不如十七擊再用啦（嘿嘿！十七擊我無得去，問你o地死未）！！

jimmy 在 2000 年 6 月 19 日( 星期一 ) －上午 12 時 34 分 說：

十六擊o既黑手 & 阿四:
多謝悉心安排,我第一次參加擊類活動,雖然"錯"唔到墨魚,仍很開心.見到o的魚仔跳水好過癮.

標哥哥:
冇諗到咁快就可以收到相片,釘喬 !

Le' Dan 在 2000 年 6 月 19 日( 星期一 ) －上午 01 時 09 分 說：

上個星期六同朋友去擢墨魚，我擢到既數目係
全船總數量既 20 % (即兩條)，估唔到十六擊我擢到
既墨魚數見都係全船總數量既 20 % (都係兩條)!
嘿~嘿~! 真係保持水準!

糖糖在 2000 年 6 月 19 日( 星期一 ) －下午 01 時 04 分 說：

估唔到今期黑手攪個咁溫馨浪漫活動比我大家 ! 鬆C 講得好, 蕉箱真係好有意思, "雨夜伴蕉, 墨射佳人" , 實在太浪漫 ! 連做魚拓人拓墨水都慳番 ! 而隨了浪漫同溫馨之外仲比小弟見識到 "墨魚寶" 呢樣尖端科技產品 (我一定唔會再買香港科技股) !!

實在太感激呢期黑手同阿四佢, 今次可以見到釣友們拖男帶女, 一家幾口, 樂於其中活動, 希望太古高層將來可以多攪一同類型活動, 等各男女老幼都可以分享太古歡樂氣氛.

熊貓女佳佳 在 2000 年 6 月 21 日( 星期三 ) －下午 10 時 31 分 說：

十六擊既黑手哥哥:
今次是我第一次參加電波釣友既活動,真係好鬼開心,估唔到有咁多人參加,d釣友仲估唔到咁攪笑添!多謝你既悉心安排,希望下次仲有機會參加啦...

標叔叔:
冇諗過自己個樣會係web出現,真係好開心,不過點解download後唔見左釣到墨魚個張既,oh!!!!!!天呀......

16 黑手 在 2000 年 6 月 21 日( 星期三 ) －下午 11 時 17 分 說：

熊貓女佳佳 :

吾好意思丫 ! D 相已經 e-mail 左比妳

佳佳在 2000 年 6 月 21 日( 星期三 ) －下午 11 時 25 分 說：

THANKYOU!!!!!(標叔叔)

16 黑手 在 2000 年 6 月 21 日( 星期三 ) －下午 11 時 30 分 說：

佳佳 :

咪鬼咁客氣啦 !! 多 D 上黎吹下水 ,
同埋跟安安同我地一齊去釣下魚

16 黑手 在 2000 年 6 月 22 日( 星期四 ) －上午 11 時 11 分 說：

十六擊墨魚團既所有報告已經齊啦!
大家可以去睇睇

Asst 黑手 16 在 2000 年 6 月 22 日( 星期四 ) －上午 11 時 31 分 說：

16 黑手 :
未呀! 尋晚有 C 船既相已經交左比小柏柏。
要等小柏柏 s驚完之後再 upload ，仲有要
close 埋呢個討論區先叫做 complete。

不如你將呢個討論區既內容剪輯下再 upload
上去啦!

< 前一個		下一個 >

誰在線上

線上人數

熱門文章