某某、LaLaLa、Cobra、Big wai、90、鄉下仔、大貓、Kent、叉燒

叔公、高高、川、赤立、浪花 、了神、CKF、花尾躉、肥熊、

MAN、肥牛、Elvis、威佬、璣、米雪 、Leo

電波網第一屆筏釣比賽大魚獎獎座

(文: 黑旗手@ oct 2001)

好囉, 終於都可以叫做順利完成, 舒一口氣.

　 當初由叉燒提議 , 跟住水蛇等和議 , 再搵埋田鴨 , 肥貓 …… 等等先後兩次去踩場 , 諗住搵個新場玩下 , 可惜功敗垂成 . 唯有返番去我最熟悉o既豬扒排搞啦 , 前後都經歷成兩個月.

　 我膽粗粗拍心口 , 一方面係基於一 D 有心人o既言論及行為所推動 , 一方面係基於去慣去熟 , 諗住好易搞姐 , 同平時自己上去偷釣差不多之嘛 , 點知一做之下 , 又財政預算 , 又安排獎品 , 交通 , 艇 , 釣餌 , 住宿 , 膳食 … 等等 . 先知原來咁大鑊 . 於是乎拉埋鄉下仔落水 , 搵佢幫手做 " 不值 " ; 搵震震王幫手定獎座 ; 幾個去慣去熟o既釣友如肥牛 , 高高 , 了神做艇長帶路 ; 仲有大貓搵贊助 , 咁多人夾手夾腳先搞得掂 , 係度真係要再一次多謝佢地大力支持實驗左 ~~ " 電波兄弟多 - 有事梗幫拖 " o既精神 .

　 由於兩地文化唔同 , 以前每之去都唔多唔少有 D 阻滯 , 不過人少少 , 問題唔大 , 但係今次多咁多人 , 小問題隨時變大問題 , 去之前都好鬼擔心 , 又唔知有咩騎哩野會出現 . 淨係長途電話都打成十幾次 , 吩咐接頭人安排 . 點知到頭來 , 依然有 D 問題出現 , 搞到要浪花同隻家鄉雞要住間唔係咁理想o既房間 ; 雖然一早吩咐左艇家訂定蝦 , 點知到時又係唔夠數 ; 仲有隻艇開艇冇耐又壞埋 , 要海上轉艇 . 藉此向受上述受影響人士講聲唔好意思 .

　 雖然今次有唔少波折 , 幸得天公做美 , 一路風和日麗 , 連經常受紅潮影響o既愚民新村, 水質都有明顯改善 , 先至令到魚獲還可以交差 .

好啦 , 講住咁多先 , 其餘留番比其他人寫啦 .

大魚獎第一名	大魚獎第二名	大魚獎第三名

(文:Leo @ oct 2001)

大魚獎得主～～～Ｘｘｘ釣穫報告

　 今次比賽原本無我份架．．．我到出發前一粒鐘先收到黑旗手通知．．．可以奉獻出我第一次．．．（北上釣魚）．．．

　 咁我就由將軍澳出發．．．點知去到巴士站．．．條人龍足有百幾人．．．敞喇．．．隧道大僿車．．．終於遲大到．．．得到各方友好問候．．．．．．哈．．．．． 到第二天早上．．．有公安查房．．．！（溪滿）．．．原來係舊叉燒．．．Ｄ人起哂身．．．吃緊早飯．．．點解無人叫我起床架．．．又遲到．．．失敗！

　 今次坐上天下第一艇出發．．．艇長就係虛榮之神～～～了神！去到豬扒排．．．可能係我黑氣散發得太利害．．．冇乜魚訊．．．當中叉燒施展魔法．．．中左囗好勁．．．．．．冇得頂．．．俾條魚破左佢法術．．．仲要燒埋手．．． 架艇轉左七、八個位．．．．．．情況都無改善．．．我地英明神決定轉去愚民新村再戰．．．

　 我地去到後魚訊開始有返Ｄ．．．花尾、叉燒、雞雞同了神係咁不停咁起．．．我就繼續蕉氣勃勃．．． 天開始黑．．．．．．我諗住有獎（白果獎）之時．．．支竿震震下．．．抽！中～～左條紅鼓．．．原來Ｄ魚一隻蝦係唔食．．．要三隻鉤住先至吼．．．吹漲．．．跟住釣多粒幾鐘就回程．．．到餐廳後發覺原來大家魚穫都不是太好．．．我釣條魚毛仔竟然有機會問鼎大魚獎．．．．．．開心之餘又驚好似 Xndy 哥咁空歡喜．．．到最後一隻艇返到後．．．證實左我條魚竟然最重！阿媽！！我得左喇！大獎係一個水晶獎座．．．真係好開心．．．

今次旅程很開心、舒服．．．多得黑旗手咁完善安排．．．下次有蠔返我請你食！哈．．．．．．

Leo 仔隻手唔知放o左去邊，　 花尾躉有得震冇得訓	Leo仔食完飯，抽中埋17！！！都係嘔返出來好D!!!

(文:路人甲@ oct 2001)

電波筏門子弟比賽團

　 首先我要多謝黑旗手（真實姓名不便透露）我參加呢個比賽 ! 因大會指定電波會員先可以參加 !! 但我就未係電波會員 !!

　 十月十二日 ~~~ 當日我地七個人 (我 , 叔公 , 鄉下仔 , 90 , 肥耀 , 川 , 貓) 約好晏晝上去偷釣一鑊先 , 等其他電波友上黎就埋街一齊飲個夜茶 ! 所以當日五點左右去左愚民新村釣幾粒鐘 ! 一上到排 , 我落餌冇耐就中條花鱸仔 ! 諗住呢次實冇死啦 ~~ 點知………………… ((((我諗唔使我多講啦))))

叔公老爺淫淫笑唔通想︴

當日魚穫~~~紅油(艇家中) , 紅鼓 , 黑沙 , 花鱸 !

鄉下仔等蝦等到頸都長

  　 十月十三日 ~~~ 朝早去我地去開間飯店嘗過 一個豐富而帶有點唔知點o既早餐 , 買齊當日所需飲品之後就行去碼頭 ! 一去到 , 個艇佬又係未到 (慣性遲到) , 原先噚晚鄉下仔問 佢聽朝D蝦夠唔夠 , 佢話冇問題 ! (每次都係咁答) ! 但…………… 艇佬黎到時 , 佢話街市唔夠蝦賣 , 佢話叫左一個排主留左五斤半蝦 ~~~ 但明明話每隻艇都要五斤蝦 , 唉 ………終於係碼頭搞左成半粒鐘先開艇 , 但有d艇仲要去入油 , 去金門堂拎蝦 , 搞一大輪都去唔到豬扒排 ~~ 咁都唔緊要 , 最弊係我坐隻艇去到金門堂又話死火 ~ 真係!&)#^&!@)!#!)*!~ 算啦咁 , 都冇計 , 叫毛毛隻艇拖我地埋山邊釣住先 , 個排主話噚日係o個個位上左幾十斤立 !! 等第二隻艇黎車我地去豬扒排 ~ 但點知釣釣下聽到毛毛大叫 "我支竿呀" (加多少少回音 , 自己幻想下) ~~~~~ 呵呵 ~ 佢支竿又短左一吋 ! 之後我地都去埋豬扒排釣魚 !!!!! 呵呵 ~~~ 驚天動地 , 鬼哭神嚎之事發生啦 ~~~ 話說毛毛隻艇係我地對面排釣魚 , 突然之間傳出一把驚天地 , 泣鬼神帶少少淒厲o既叫聲 , 大叫 "撈箕" 震撼當時十想多名釣 , lalala ((好似係佢)) 二話不說飛身拎撈箕去幫佢撈魚 , 但人未到 , 魚已撇 !! 結果該名釣友堅定不移的信念 , 同船友人轉位佢都唔轉 , 係都要留低 !! 好一個戰意可加的釣友 !

肥耀蝦小左都唔使喊呀

　 我地呢邊都係冇乜魚訊 . 又係轉呀轉 , 轉呀轉 , 到中午時我中條大手板黃腳 ,再轉位都係有 "鯪魚訊" , 咁我地去一個好舒服得黎又有魚釣o既排上飲酒食當地美食 ~~ 其中有段小 "插" 曲~~ 就係另一電波友 , 中魚 , 我地見佢玩左一陣 , 以為有D斤兩 , 但點知 ……………… 係一條四, 五指老泥咁上下 , 電波釣友發揮左團結力量 , 齊聲 !&)(#*)!^*#)(!^*#&!%@!^$^#!& (~ 哈哈 ~~ 個釣友好無奈咁話 "我又冇話係乜 , 唔使咁樣下嘛 " ~~大家笑完後 , 又出發去釣魚lu ~~ 去到深水港碼頭 , 諗住係碼頭邊釣 , 但船未到 , 人先到 (o個度o既食蕉連皮) , 咁咪去D浮標邊釣下囉 ~ 都去到呢個位咯 ~~ 釣下又係得幾條立仔 ~~ 之後又係返去食糊位啦~~ 愚民新村 ! 怪事又發生啦 ~~ 鄉下仔船都冇落 , 玩正宗筏釣 ! 隻船車都未熄 , 佢就上左條十幾兩黑沙 lu ~~ 諗住又係好好景啦 ~ 點知 …………… 到天未黑時又轉位 ~~~ 未上呢個排時已經有好幾個人係度釣緊 ~ 但個排都幾大冇問題 ~~ 老野一上去就中條斤頭黑沙 ~ 其後川佢地亦到 !! 咁咪一齊釣囉 ~ 又係幾乎人人有魚中 , 買少一餐 "食送" ~~哈哈~~

當日魚穫~~~ 又係o個幾款 ! 紅鼓 , 黑沙 , 黃腳 , 絲立!

總結~ 今次o既魚穫比較以前真係差好多, 但一大班人上去飲飲食食 , 吹吹水 , 都好開心 !

P. S. 多謝90教我咁多關於台釣技術 ! THX ~~ 仲有鄉下仔有多左句口頭蟬 , 對住90講 "飲酒 , 飲酒" 哈哈 ~~

你班衰仔又啤酒又點心一檯都係，你地釣魚定食野呀?	黑白威你食飽個樣咁鬼鬼祟祟，有無抹咀呀？

(文:阿璣@ oct 2001)

第二艇艇員～～撈璣仔報告

十月十二日晚上，抵達豬扒排第一基地，第一個節目：歎夜茶———正！

　 十月十三日清晨，歎完早茶，到碼頭集合出發，各人分功合作，眾志成城，買蝦、冰、糧水，十五分鐘後已經整裝待發；鄉下仔一聲出發，各艇陸續離開，直駛豬扒排。

　 高高、武七叔、赤、白二立及撈璣仔，率先到達，並且第一時間登上紅鼓排。各人早上均有收穫，紅鼓、青鱸、木黃、黃腳、連咪 …；下午想歎海鮮餐，但艇家不知地 ? 唯有捱飯盒啦！誰知飽餐後，別艇拉隊去飲啤酒、歎海鮮，我地一於跟去見識一下排上 seafood，各個 nsf & osf到達後椒鹽、清蒸、冰凍…正！

　 下午時份，再玩花鱸、紅雞。晚上各人回碼頭集合，磅魚、拍照、寒喧非常熱鬧！晚宴於碼頭附近一所小餐館進行；笑話百出，噓聲四起，掌聲如雷，美酒佳餚；各人情緒高漲，整夜的高潮，就是頒發白果獎，得主就是…嘻嘻！

無論如何我們也分享了他們 的獎品【腐竹白果紅棗甜湯】，多謝啊！

細鱗你今次唔好彩喇，俾個虛榮三號釣鬼！	白果獎第一人之 LaLaLa

白果獎第二人之毒蛇	白果獎第三人之叉燒

(文: 高高 @ oct 2001)

第二艦艦長～～高高報告

　 十幾條電波海鮮由不同方向遊向九龍塘火車站集合 , 準備參加第二日13日舉行之…………【豬扒排筏釣馬拉松比賽】

高高兩條正式斤頭黃腳同黑沙

　 今次比賽共分5隻艇 , 我果一組就有我 , 小白立 , 赤立 , 璣 同 花叔叔五條友 , 全部野準備好哂 , 各艇就開往入油 , 入完油後 , 就正式出發 , 一起起步o既時候 , 船家就依照我地o既策騎指示 , 放頭跑 , 我地隻艇首先彈出 , 順利起步 , 唔夠十分鐘已經拋離第二艇九十幾個艇位 , 再過十分鐘 , 我再擰頭一望 , 嘩 ~~ 第二艇連影都無埋 , 我地就係咁一放絕風塵 , (唔知仲以為其他艇開o左去第二忽呀)………

魚獲大曬冷、不果都係得第三。

　 大約 8 點半到達目的地 , 我地就選擇上o左一個我地俗稱強姦位o好位 , (因以前曾經有人係呢個位偷釣 , 比魚姦 , 無得還拖果隻) . 所以我地今次都係首先選擇番呢個位, 一上到去 , 各人就各自搵番個自己認為o既風水靚位 , 開始落餌 , 十分鐘都唔駛 , 小白立第一個中魚 , 見佢係度頂下頂下 , 跟住就斷o左 , 原來佢企果個位左手邊有兩條纜 , 中o左魚之後好容易就埋纜斷 , 之後佢又係同一位置落餌 , 一落即又有料到 , 一抽又中 , 見佢頂左兩下, 又埋纜斷 , 跟住佢就同我地講 , 好堅呀 , 埋黎試下啦 , 跟住我就同赤立行埋去 , 今次輪到赤立 , 一落餌又即中 , 今次無埋纜 , 頂o左一陣條魚就向出走 , 見赤立頂下 , 就下 , 玩o左一輪 , 第一條 "過斤星盧" 上水 , 之後我又埋位 , 一落餌 , 等o左一陣 , 有反應 , 一抽 "中" 但即埋纜 , 又斷 , 之後我地三個人就排排企 , 一齊釣 , 結果我同小白立各斷兩口 , 赤立就只係斷o左一口 , 仲個人連起三條 "兩條星盧同一條花盧" (其中一條星盧仲得到大魚獎第三名) , 璣就釣到一條GT , 花叔叔就釣到幾條連咪 , 釣到十點鐘左右 , 停o左流 , 周圍都靜鬼哂 , 由排頭行到掛尾都無魚訊 , 跟住我地就決定轉位 …………

又伸咁前喇，最多咪又係斤頭、不過唔係二千年前過秤o架！！

　 轉到第二個位之後 , 情況都係差唔多 , 只係得 D 魚仔攪下, 釣o左大約二十分鐘左右 . 我開始有d魚訊 , 好細口 , 開頭都唔理佢 , 無耐佢就失驚無神大力向下拉 , 我即抽 "中o左" , 有d反抗 , 係咁衝入排底 , 玩o左一輛之後 , 上到水 , 斤頭 "黃腳" 一條 , 之後又再回復平靜 , 跟住我地再轉位 , 轉到一個最外邊o既位 , 釣到12點幾 , 都係無咩料到 , 咁o岩紅旗手果一組就係正我地隔離位 , 情況都係差唔多 , 經商量之後 , 不如抖番一陣啦 , 跟住我地兩組人就開艇去到一個有野食 , 有野飲o既地方 , 休息番一陣 , 大約下午兩點幾 , 各人回o左氣 , 商量一番後 , 我地一組人就先行離開 , 出發往第二釣點………………

　 大約下午3點半左右 , 我地就到達o左第二釣點 , 因無咩心水 , 就由艇家提共意見 , 比佢幫我地選擇個好位 , 上到去之後 , 釣o左一陣 , 先由阿璣第一個中魚 , "花盧一條" , 跟住就輪到花叔叔中一條 "星盧" , 同一時間小白立又中多條 "花盧" , 連起三條魚之後 , 又靜o左一輪 , 之後我地就轉位 , 直到入夜前 , 我地都轉o左三幾個位 , 無收穫 , 入夜後 , 我地就上番之前下午到達後第一個位 , 咁o岩又見到紅旗手果一組人係度釣緊 , 因個位夠大 , 之後我地兩組人就一齊釣 …… . 夜晚七點左右 , 小白立再釣多一條 "黑沙" , 一條 "星盧" 而我又釣到兩條 "黑沙" , 跟住就一路釣到晚上八點後 , 我地兩組人就先後回程…………

　 今次我地果一組人o既釣獲唔算多 , 得十斤左右 , 不過成組人個個都有魚中 . 玩得好開心 , 而 "赤立" 仲得到大魚獎第三名 ~~~~~~ 恭喜 ~~~~~~~~ 恭喜 ~~~~~~~

想知邊兩條友得到大魚獎第一 , 二名 , 睇下其他報告啦

唔係你釣唔好亂認喎，要食足一年白果o架喎！	璣哥魚係有一手 ~ ！幾兩魚都變幾斤魚真係唔講得笑呀~！

(文:叔公 @ oct 2001)

　 電波朋友搞比賽 .. 我地有幾個早一日o既晚黃去到釣番轉夜水先 .. 包括有我啦 , 90 , 鄉下仔 , 大貓 , 師弟 , 路人同肥牛 .. 不過呢轉夜水真係靜到離晒譜 ... 六點半釣到九點半... 係得最後一個鐘意叫做有魚訊 .. 我都係到臨尾一個排先中番兩條立仔 ... 六七兩一條到啦 .... 其他人都係一兩條立仔 ... 一兩條花鱸 .. 完全無驚喜呀 ~~~~

條黃腳咁熟口熟面，上鏡率咁高呀 ~！

　 跟住埋街回合其他電波友一齊飲夜茶 .. 呢次真係極之多人啦 .. 成廿幾個呀 .. 要坐三圍先店 ...... 之後梗係例牌去 dup 骨啦 .... 呢次加左有泰式 ... 價錢就貴好多 .. 成 $35一粒鐘 .. 不過我都想試下 ... 發覺真係吾錯 ... 成個人都鬆弛晒咁 ... 疲勞盡消呀 ...^^

　 第二朝一早去比賽 .... 我就同 90 , 鄉下仔 , 大貓及路人一艇 ... 一開始因生蝦吾夠搞左一輪去搵 ... 搵到啦 ... 我坐架艇又有問題 .. 要叫另一隻黎接應 ... 搞得黎都遲左好耐啦.... 去到惠東 ... 師弟隻艇有幾條紅古 ... 但立就無乜 ... 其他艇都係無乜料到 ~~~~~~~

　 我自己就仲差 ... 基本上係無乜魚訊 ..... 我好記得到中午一點前 .. 係得一次立魚魚訊咋 ... 仲要抽佢吾中 .. 真係慘到想死 ... 到一點都都放棄咁濟 .. 係架艇度訓 .... 跟住同埋另一隻艇一齊去左個賣野食o既魚排 ... 叫左D蒜茸蒸大蜆 .. 椒鹽泥孟同埋一碟炒菜 .. 再加幾支啤酒 ...... 成個人爽晒 ~~~~~~~~

嘩~赤立釣魚有魚僮撈魚，咁至係醒呀！

　 到成三點先再起程 ... 想去孖辮同深水港都去吾到 .. 跟住去左個浮泡返而有d魚訊 ... 第一口餌一落就接住 ... 手板黃腳一條 ... 轉頭又中多條 ..... 同艇釣友夾埋都起左幾條 .. 之後大家都話想番東升搏紅古 ........ 一於行啦 ....... 但都係無料到 ... 直到入黑 ... 先開始有魚咬 ... 我先中一條斤頭黑沙 ... 跟住再中條一斤裝紅古 ... 其他釣友都係咁上下啦 ... 都係立都紅古 .. 不過就吾大條 .... 魚訊都仍然係好疏 ... 到八點鐘就回程啦 ... 返去沖個涼先跟住先落去睇人稱魚同食飯 ~~~~

　 果然不出我所料 ... 大尾魚頭三名都係紅古 .. 不過全部都吾過兩斤 ... 都算係細啦 .. 順序排係叉仔第一 .. 花尾第二 ... 赤立第三 ... 黑沙就我同貓王有一條斤頭 ... 高高有條斤頭黃腳 ........ 其他o既都係無乜驚喜 ..... 唉 .. 可能個場真係爆晒啦 .. 無魚釣 lu ~~~~

赤立你個姿勢咁有街市 Feel ~ ！	該煨囉 ~！一地都係魚你地係唔係當自己係魚市場買魚呀 ~ ！

(文:肥熊@ oct 2001)

　 其實今次筏釣比賽, 我真係好慘情, 時間唔係好就唔在講, 而且荷包經已乾塘好耐, 做緊負資產一族………… 之不過一早已經應承o左去, 做人唔可以咁衰仔, 咁, 冇法喇………… 賽期早一日 (10月11號), 我已經北上搵食, 食o左日幾豬扒牛扒雞扒同埋土鯪, 搞到成個人都哂, 震哂, 至識得執o野上路, 重要坐成粒鐘車返深圳同班魔鬼會合………… 條蛇晨咁早就過o左關, 打我~~ 個大陸手提問我幾時到, o個時我o岩o岩上車, 唯有叫佢等等我喇…………

　 齊人開車, 到位, 飲夜茶!!!! o的嘩鬼食七咁食, 黑旗手靜雞雞同我講, 第一餐已經超支, 唔知跟住點算, 我唯有安慰佢, 叫佢見步行步, 處驚不變咁話…………

　 第二朝, 倒塔咁早就 morning call, 個個都睡眼惺忪…………… 熊貓哥冇上o黎, 但係佢對眼就o黎o左廿幾對. 開艇又話冇蝦, 左兜右轉, 搞o左粒幾兩粒鐘至開到去豬扒排, o的高危位 (有危就有機o架喇…………) 已經俾人霸哂, 唯有走去o的周邊位, 博o下喇………… 有條蛇唔信邪, 用魚仔做餌, 周圍跳, 跳到一個窿, 有o的o野喎………… 我同佢釣咁多次魚, 都未聽過佢會用咁o既語氣叫阿 "撈璣" o既………… 我離遠望埋去, 唔見o左佢半邊身, 以為佢跌鬼o左落水, 做豬扒水中o忝………… 原來佢真係中o左魚, 大半枝筏仔飲水, 用埋成身力o黎就魚, 點知, 都係人算不及魚算, 斷走一鑊…………

大威、阿蛇、肥熊	點解幅幅相都見你地食野呀 ~？唔超支就奇啦 ~！食都食窮。

　 之後我中一口紅魚仔, o岩o岩夠上秤 (內尾叉長27 cm), 叫做唔駛食白果!!!! 不過呢條魚仔, 最後都冇過秤, 因為中午時已經食o左落肚, 冇機會過秤咯…………

　 我地不停轉位, 而條蛇依然死心不息, 佢話 "釣魚要守o架…………", 幾大都唔肯轉, 咪由得佢囉…………

　 一直釣到天黑齊, 我都再冇似樣o既魚訊, 反而某某整o左條GT仔同星鱸, BW都有一條星鱸, 不過全艇加埋, 都唔夠三斤魚, 人地大魚獎一條就頂哂我地成隻艇, 真係應o左某位 OSF o既名句, "成個海都係魚, 釣唔到係你削!!!" 三個白果, 有兩個同艇, 真係…… 冇o野講!!!!!!

總結一句, 削係天生o既, 冇得醫o架!!!!!

(文: 花尾蠆 @ oct 2001)

好多靚女都冇花尾哥咁豪～～放，凸哂點喎！

　 話說‘某某年月的某一天’有二個自稱半紅不黑奇叟，突然攪動左個比賽，仲話要北上食豬扒，立刻伸請番張北上食豬扒許可證，代價不為人知，鞋！

　 光陰似箭，日月如梳，話都無禁快就到左食豬扒勝地，天又黑，先塞人餌，再探周公府，身癢，走去比小費。再落場啤可啤樂，人生幾何。

　 周公與我相聚短，食完早水，大家一鼓作氣，分工合作，好快就向目的地進發。船停下，艇家話下面有斤頭黃腳，大家一言不發，放晒蝦落海。結果都是隻蝦好命，不用葬身魚腹，哈哈.......... 釣釣唔覺唔覺有行流沖過來，叉燒中魚！勁....斷！又中？今次仲勁！指公出煙！！結果........又是斷！唔到你唔信！魚真是識搵人來咬。

　 辛時已到，全艇拿獎﹝白果﹞，哈哈........... 難道真是在劫難逃？突然‘神’說：“我地去釣紅鼓！”唔通真是當信主必得救，林班師回朝。船停叉燒行上頭又中魚！勁........又斷！眾望所歸，哈哈.............我都有魚中，可惜林美香，再轉位，今次到CKF起魚啦！艇家又中！又中！神又中！唔好執輸，執魚緊要，圍埋一齊釣，白果離我去，哈哈.......

　 天黑齊，魚訊停。正當大局已定時，奇蹟會出現！再轉位時，Xxx將支筏仔當投杆投去角位，大魚獎馬上上左呀Xxx身，走都走唔甩。一條就夠哂數，一條已經夠哂數啦！哈哈..........

　 夠鐘收工，齊齊上岸，互通魚穫，一輪口水，歡笑遍地，再進晚飯，豐富抽獎，笑聲震天。

在此要多謝兩位旗手，各位艇長，不願透露身份人仕及來記釣具店。令我有個開心釣魚日。

平時見慣，都唔覺大貓姐咁靚女，唔通開心會靚D咩？	黑旗手贈送記念品給贊助人大貓姐

文: 肥耀 @ nov 2001)

了神、肥牛要差電啦~~!!

　十月十二日星期五~~~下午X:00 4男 1牛 1貓 1鴨 (公公 , 鄉下哥 , 鴨鴨, 90 , ╚∩_∩╝ , 川 , 貓哥)

　相約先行北上為電波友打點房間 (其實係試水 , 難聽 D叫偷釣 lo) , 過關後一行 4人 + 3 動物乘坐 " 十二座全新豪華白色麵包車 " (點解叫麵包車 ?? ) ....... 4-5 點就到達目的地 la , 各人先後前往擁有 "碧綠無敵大海景豪華六層 5 星賓館" 安頓安頓後 , 再到某某餐館食其美味既╚∩_∩╝腩麵後 (真係好正 , 唔信問貓 la) 廢話少講, 言歸正傳 la...... 終於可以上艇 la..... 之後 (請各位睇路人甲 , 第一章 , 2-3 節 la)..... 呵呵呵呵 ! (唔使寫) (黑熊按 : 隻肥牛咁鬼懶 , 難怪佢咁鬼肥喇........)

　話咁快就 9:30 la... 各人帶住半蕉心情上岸 , 再轉乘電單車到 "南中國海大酒店" 同班如狼似虎 (點解如狼似虎?) o既電波友會合 la , 上到去重以為班友開緊 "狼虎年華"..... sorry ...... 應該係 "狼虎嘉年華" ..... 見佢地你一碟我一籠 , 最勁一圍 11-12 人食左 40 碟 , 差D 破當年豬扒記錄 12 人 50 碟 , 飽飽咬咬抓抓後 , 各人回賓館安頓 , 訓覺既訓覺 , 重有 d去左邊度 ?? 我都唔知喎 (食豬扒掛!!??) ..... hahahaha (黑熊按 : 唔係食豬扒, 其實我地係周圍去搵╚∩_∩╝排食........)

　十月十三日星期六~~~清晨 6:00 2號艇 (╚∩_∩╝, Elvis, Man, Michelle, 威佬)

　各人統一集合於某一飯店 , 分享其早己被某旗手統一左既粥粉麵 , 之後準備飲飲食食後 , 各人分別上艇，點知艇家話唔夠蝦 , 我好自然講左句 "O~~雪" , 之後右手傳出一陣陣既痛楚 , 重有 10 幾 20 下啪啪聲 ..... 我一望 ... 原來某人坐左係旁邊 (某人係邊個? 自己估 la).... 原來我講錯野丫 , 早知叫 "歐~~~米加" la ...... 頂頂 .... 又比佢打 la ....... 嗚~~

　當各人煩腦生蝦之際 , 唔知邊度來左包黑色膠袋 , 一望之下原來係生蝦 (無死 lo 唔使等) , 但係 D 蝦最細 3cm 長 , 最大內叉都 11cm 長 , 頂你 ..... BBQ 咩!.... 之後 2 號艇帶著依依不捨既心情同其他釣友謝別 la . (都唔知邊條友仔話我蝦小左喊喎 , 其實我偷笑咋! ) ....... 呵呵呵 ~

　經過 45 分鐘勁風平浪靜既船程 (大鑊 la , 有 d 蕉 feel 添 !) , 進入豬扒區 la , 原先諗住上返上次食糊位 la (又斷 , 又黃腳 , 又目黃 ...... 絲立 ...... 火點) , 點知比 "臘腸狗" 上左喎.... 無法 la , 為有上 "狗狗" 對面排 la, 釣左成個鐘都係得 d "鯪魚訊"...... "狗狗" 個排就斷口走口重起左幾條星鱸 , 個艇家中左條星鱸 (都好大條) , 重表演跳艇跳排添 ..... 幾有angus 當年既風範丫...... 激鬼死丫..... 諗住轉排 la , 轉o黎轉去都係 "鯪魚訊" , 死 la... 1-2 點 la, 一條似樣 D都無 , 點見江東父老喎 ..... 當緊流之際終於等到 "狗狗" 佢地轉排 la, 我地亦轉上 "狗狗" 個排, 可能太緊流 la, 頭半小時都係 "鯪魚訊", 正當各人努力之際, 某大法師話肚餓要去食飯 , 不久流無咁緊 , 開始有返魚訊 , elvis 就中左條斤幾黑沙 & 手板黃腳 (好在無聽法師講轉排食飯) , 之後過去食住家排飯 !

　食飽飽後 , 我地決定過蠔仔竹排艇釣艇釣一番 , 頭半小時都有 D手掌立玩下 , 特然米雪大叫救命重話唔得 la .. 唔得 la (重以為佢做左水中) , 原來佢中左魚收唔到 , 之後交比法師代為起魚 , 上水 la ... 手掌黃腳一條 ........ 頂頂 ... 比佢嚇鬼死 ... 救完米雪一命後又 "鯪魚訊" la ... 唉 ! ...... 轉轉下位 , 重比人趕添 , 諗住去蠔仔竹排屋底釣 la , 點之都係 "鯪魚訊" (最憎釣淡水魚架 la) ... 差唔多 5 點幾 la , 返豬排扒睇下 la , 去到見各艇走鬼哂 , 又見就黎天黑可能有危險 (原因係信唔過艇家手艇) , 都係返 "愚民新村" 安全 d ......

　唔講由至可 , 一講把鬼火 , 頂頂丫 ... 全日好似坐碰碰船咁 (船尾機勾 "艦" x N , 船頭撞排 x N , 撞浮泡 x N) , 去到 "愚民新村" 個艇家無一個排熟佢 , 即係無排可以上 la , 諗住上 12 號排 la , 見 12 號晚上有D魚玩下 ma , 點知個艇家唔識去 , 我地就係 "愚民新村" 碰碰撞撞咁漂流左 1 小時 , 等到 td 隻艇黎帶我地上 12 號排都成 8 , 9 點 , 釣釣下唔對路 , 又"鯪魚訊" !!?? 唔係 ma... 唔通 12 號排要每月 12 號先有魚 ???? 時間過得好快 , 又要撇 la... 今餐加...... 新鮮大生蝦數隻 , 立魚數條 , 蕉5隻 (幫助消化)

　總結 : 去咁多次魚獲最差尼次 , 真係一次比一次差 , 蝦又差艇長又差連艇家都差 , 又撞排撞泡勾 "艦" , 差 d 連 td 都中蕉添 ....... 但北上自在吹水吹水 , 大家開心 , 都無計la........hahaha~......

　出發當日 , 我就抽中3號船 , 而艇家綽號係 "天下第一艇" , 咦 ? 唔通天意要我"SureWin" ? 哈哈 !!! 我地成員包括筏學精神領袖 , 花尾叔叔 , 叉仔 , 家鄉雞同我 . 我地隻艇上半場簡直蕉到七彩 , 記憶中我地一斤魚都唔夠 , 而我也只是中了一 條手板黃腳仔 , 領袖就削到離晒譜 , 連斷幾口 , 花尾同隻雞雞都有D魚仔 , 叉仔就仍然白果 .

　我見勢色唔對 , 於是立即向全能既魚神禱告 : "神呀 , 請給我一點指引吧 !" 跟住神0既指引 , 打道愚民新村 . 神仲指示我地買多幾斤生蝦添 . 全能0既魚神果然有料到 , 一到步, 我地就用根據佢指示所買0既生蝦落餌 , 果然立即有魚中 , 船都未停定 , 領袖在船頭邊放下生蝦 , 轉頭竿頭就插在水中 , 只見佢發揮領袖本色 , 又頂又插 , 又插又頂 , 但係結果 又係 .............. 都唔使我多講 , 大家睇下白果得主就一清二楚啦 !!! 正當我懷疑緊全能0既魚神有冇老點我果陣 , 一陣流水 , 在一個四方格中 , 我同花尾連續中左七八口紅古同花鱸 . size都唔細咖 ,尤其花尾中果條紅鼓 , 佢仲諗住大魚獎仲唔係我 ? 仲笑到好似粵語片演員果個檸檬咁 , 幾乎耳膜都比佢震穿 . 正當個個都玩到體力隨住太陽咁落下 , 花尾鬼咁得戚之際 , 蕉左成日0既叉仔發揮佢既小宇宙力量 , 一鉤數隻生蝦 , 遠投拋出 , 一野就中了條最大既紅古 . 一腳伸左花尾落第二 , 全日中一條魚 , 就比佢拎左個 2001 年電波第一個獎杯 . 神呀 !! 點解 ? 點解對我咁唔公平呀 )))))))))))))

　這次活動我地各人都十分開心 , 期望日後電波都有這類活動 , 聯繫著電波大家庭 . 電波sure win !! 「第三號艇長了神報告完畢」

睇你個樣唔到呀武七叔~~!!	武七有相為証有中魚呀~~!!不果放生乍

(文: 記錄員@ nov 2001)

　今次豬扒馬癩蟲，爭持相當之激烈，我身為執法人員，自然要秉公辦理，不可以徇私賣放（如果請我免費再食多一次豬扒，當然又有商量．．．．）。

首先講o下頭五位名次之爭，係三條紅鼓，一條黑沙同一條黃腳爭坐三個位。

提名同過秤o既資料，你地自己睇，我玩咁耐都未試過頭三名竟然係咁接近，真係影相至分到頭三名．．．．

黑馬泰國菜中黑沙

第一名．Ｘｘｘ～～紅鼓　１０５０ｇ
第二名．花尾躉～～紅鼓　１０００ｇ
第三名．赤　～～紅鼓　　９５０ｇ
第四名．泰國菜～～黑沙　　８５０ｇ
第五名．赤　～～黃腳　　８００ｇ

結果由Ｘｘｘ一個馬鼻跑出冷Ｗｉｎ，花尾躉一條馬鬚壓倒赤串Ｑ，赤出兩條，跑第三同第五，算有交代，泰國菜初出，跑入一席第四，以後再出要吼實。以後再出要吼實，侏儒仔鞔車邊，勉強跑個第五。

其實，今次可以過秤o既魚，絕對唔少，但係參賽者一見幾條紅鼓，就即刻縮沙，咁，我就做少好多．．．．．

今次o既釣獲，內尾叉長２０ｃｍ以上o既魚，就有咁多：

紅鼓　　　１８條
青鱸花鱸　　４條
黑沙　　　　４條
黃腳　　　　４條
ＧＴ　　　　２條
紅魚　　　　１條
另外，有大量手板大細魚仔，有 沙 ，黃腳，黑沙，花鱸，沙，魚，紅鼓，未夠過秤，但數量亦唔算少，我略睇一眼，粗算約有五六十條。咁o既釣獲，都算得係唔差，只不過，勁友裡邊揀出來，一定有o的削友，今次亦唔例外．．．．
三位白果獎得主，就係：

大毒蛇
叉　燒
ｌａｌａｌａ

三位仁兄，都係屬於高手中o既高手，今次失準食白果，我相信係非戰之罪，而事出有因。成個海都係魚，連唔識釣魚o既Ｘｘｘ都執個大魚獎，唔通真係例句一加例句二？？？？梗係唔係喇．．．．據我所知，大毒蛇同埋叉燒，都中o左一口勁o野，但係太大而斷絲收場，而Ｌａｌａｌａ就係唔好彩，竟然係有“鯪魚訊”，冇魚訊又邊會有魚起呢？今次o既結果，終於令我明白，釣技高o既釣友，不管你係幾有理論（例如叉燒），定係幾注重實際（例如大毒蛇），個天唔俾條魚你，你一世都起唔到條魚．．．．．

(文:黑旗手 @ nov 2001)

來記釣具店 送出筏竿

哈哈~~~~~~~~~~~好開心呀!!! 咁多人寫報告!!!

由小齊 ; AL; .....白立篇開始( 好似係咋, 唔肯定咖) , 報告就由以往由黑手全部上身而改為分工合作 , 不僅進一步體現大家合作無間的精神 , 在黑手而言, 更加係最大回報 . 我相信團友係玩得開心 , 先會花咁多時間寫報告 , 唔知咁多位前黑手點睇呢 ?

係呢度, 我要向每一位寫報告團友致謝 , 尤其是Xxx , 高高 , 花尾躉 , 肥牛幾位 , 相信佢地將寶貴0既第一次比左我~~~~~係第一次報告 , 難得係個個都寫得唔錯添 . 最後 , 容許我再一次向以下人仕致謝 :

馬鞍山來記釣具店 送出筏竿一枝
大貓 贊助團費
IVAN 送出PATPAT袋3個
鄉下仔 財政預算, 出納及膳食安排
各位艇長及隨團攝影師
AL , 泰國菜 , 設計獎盃
亞然及田鴨大人編輯報告
多謝 !! 多謝 !!!!

　首先，我要向兩位旗手，艇長致敬，佢地犧牲好多私人時間同埋釣魚時間，為一眾釣友安排，令致今次活動，得以順利進行。此外，亦要同今次活動各位贊助商同埋獎座設計安排各位仁兄致意，好多謝各位支持，令我地今次活動更加出色。

　今次活動，雖然好多釣友都話釣獲大不如前，但在我眼中，其實已經係不過不失。況且廿幾位釣魚貧友，大搖大擺上魚排釣魚，唔駛怕俾”愚弄處”斷正，更加唔駛驚俾”駭關”，”邑京處”留難，”康講”實在係冇乜可能。站在一個釣魚人立場，咁樣活動實際係難能可貴。

　希望各位釣友，秉承電波一貫米青神，繼續謀住各會員福利，為自己，為釣友，為電波，繼續搞多活動，等我都多兩樣玩。

赤立上魚過程	絕版電波Tee重現

好一班電波等食男

THE END
~~完~~