釣友於香港機場上機前合照 (上)速攻,Alvis,釣魚佬,勇哥,權哥,Patrick (中)Joey,社長成,bc,Wilson,Victor (下)Andy

速攻 @ Feb 18, 2001
特別嗚謝 Angus Fishing World 授權轉載

小弟特此嗚謝三位領隊當初願意接受我加入該次旅程，更好妥善咁一早為大家安排好晒所有交通、食宿、釣程及逛釣具店所有行程，令我可以渡過一個好開心好充實假期。同埋最開心係有機會一睹香港以外磯釣世界，不同釣場、不同魚種、不同的釣法、不同的角度...實在大開眼界，可以令我知多一點點，衷心多謝幾位。

第一天 (2月3日) 起程啦~~~~ 各位...我起程啦~~~

幾個月前confirm話去，估吾到轉眼間今日就上機啦，真係既興奮又緊張，琴晚從釣魚佬口中知悉澎湖正在起風，成六至八級，可能只能在本島釣場作釣 (即望安島上的釣點)。起初有點失望，但再想一想，所為本島釣場其實根本都係一個外礁，況且我任何位置也未去過，去外礁定本島根本吾係一個問題，總之可以手持魚竿，站在釣場上有機會與澎湖之魚比拼一下已經心滿意足了!

速攻&了神於高雄機場留影

我地今日會撘下午二點鐘機到高雄，中午十二點到各人到齊機場集合，check in後去左食飯，航班準時起飛，大約須要一個半鐘到機程，臨著陸時我在機窗向地面望，地面上絕大部份都是小平房，沒有高樓大廈，一排一排好整齊咁排列著。只稍片刻，我終於第一次踏足台灣，各人認領行李後在大堂集合，領隊們為大家去辦理明天內陸機機票，其他人就在兌換店兌換台幣，等到領隊番黎就即刻撘的士先到預訂酒店安頓行李先，轉頭即刻再集合一齊去參觀光輝釣具廠。

該廠門面並不光鮮，有點陳舊，但內裏貨品種類非常多，磯竿、筏竿、船竿、jigging竿、假餌竿、魚絞、魚絲...，各種各樣釣用具都有，仲要係住宅式咁有幾層，一層一個貨倉咁。老闆非常好客，為我們介紹著各樣產品，尤其魚竿，有問必答。

我本只揀了支紅油筏(前後兩支..一支買比阿蛇o既)..及幾支筏仔頭蕊..支紅油筏堅到不得了.. 預左落布繩架啦..哈哈..支筏仔頭蕊就又軟又"un"..頭幾寸吾好話要屈個圓型.. 簡直可以過晒360度打個結都仲可以..仲要係好平好平..吾買吾得...跟住老闆就羅之"白之磯"出黎表演 (光輝頂級磯竿)..表演乜呢..??竟然係然羅支二號磯竿o既第一節可以玩360度頭接尾屈一個圓....嘩 .....哈哈...我本來睇左好耐都無諗住買..

速攻 & 靚仔alvis於高雄機場留影

但結果都係忍吾住買左一支三號..一心係台灣用及返香港於夏天時可以砌老紅..甚至打沉底.... 哈哈~~~因我無帶磯鞋..亦一並買埋..最後大家留連左成四個鐘..老闆真係客氣非常.. 他最後送每人一個誘餌袋,一頂帽及兩個章..我更多一個誘餌盒添...嘻嘻.

之後再逛間釣具店..主要係買左d長浮標同埋d小物件..好多都好平..哈哈..尤其d大標.. 平均都係四十至六十蚊一支到..買左好多呀..但好得意..好多時吾同舖頭d票會吾一樣o既.. 所以間間買幾支都吾店..^^..又見到d超平日本磯竿...但號數通常2號或以上..Roybi CRX 2號二千多鬆d..super "protarget" VS尾長又係二千多少少...XS就一千多少少... 可惜號數太大..吾係好o岩我用...吾係買番支都慳番吾少..之後就到六合夜市各自食野... 台灣街邊小食果然一絕..花款多又味道佳...總有o岩你口味o既...之後就返回酒店休息~~~~~

第二天 (2月4日) 彭湖望安島~~I am comming~~

我地就係馬公坐呢架船去望安架啦

到左望安碼頭啦

五點幾天未光就要起床..之後就到內陸機場轉機到馬公..一堆二堆o既行李又搬黎搬去..check in後於七點二十分起飛..只花半小時o既光境已到達馬公..在飛機上望下去..好明顯馬公係一個港口.. 沿岸有好多碼頭..到處都係d兩三層o既平房...沒有高樓大廈..接過行李後即轉車到碼頭.. 準備轉船直達望安島...車程中..馬路兩旁都係一排排整齊排列o既平房及小樹..馬路好闊..車吾算多... 比人感覺好舒服..好悠閒咁..與香港簡直係兩個世界....到達碼頭先...仲有大半個小時先開船.. wilson,joey同勇哥都急不及待要開支竿黎玩陣先..哈哈...但可惜無中魚~~~~

攝於露台..後面o個間就係飯堂啦

只花上半小時o既船程...終於見到望安島啦...在途中..有經驗的領隊不停地解說島上及附近釣場的情況.. 不時還指著小島介紹說..."那就是乜乜位...比較多那種魚..應怎釣法好一點"....一時指著海面說.. "看看那邊...這就是本流呀...但不時這裏最強的一條本流..看見了沒有..?"..實在越聽越興奮呀......... 一到達望安碼頭..我們將會入住的旅館o既老闆已駛了貨van在靜靜等候我們了....人多行李又多... 要分兩轉車先店..我在碼頭邊已自見有d板幾兩板大o既刺龜(雞泡一種..漲氣時會有好多剌伸出來) 在駁邊游來游去....水清見底..吾用偏光鏡都至少望到十幾尺水呀~~~望安島上更加人煙稀疏... 更多花草樹木...更加寧靜...更有鄉間風味.....

我地就係住係呢排木屋仔架啦

我地入住o既旅館係建築係一個人工咸水湖上...有一個大飯堂及一排小木屋係起係湖上面o既.. 即是好似d水上屋咁..一邊連接岸上...但屋底就已經係湖面啦...好得意呀...而我地就係住係那排小木屋裏. .還有個小露台...風景靚到不得了....人工湖裏養左好多幾斤到十幾廿斤o既班... 它們間中會游到湖邊較淺水o既地方..半個背脊都露於水面...成隻狗仔咁伏係度..所以我地叫佢做狗仔班... 哈哈~~~羅好房安頓好d行李同準備好釣具後...二話不說就即刻到飯堂以極速食碗好好味o既海鮮麵先.. 跟住就即刻開始第一次出動~~~~ 
　
　

呢個就係頭巾啦呀

地點係頭巾旁的兩個小礁(頭巾在望安計已算係外礁..三十分鐘船程到)..相距都不到五十米.. 我們分兩批人上兩邊...我的一邊有patrick,wilson,joey,victor及權哥...另外的在對面... 大家都急不及待開誘餌及架生..我今天用XL2號..落第一口餌就中條手板龍船仔.. patrick好快上了第一條泥孟...我諗大約半斤到啦...當天d魚吾係好開口..魚訊吾密又吾明顯.. 常常被盜餌...都幾難釣..我摸左半個鐘到先上到第一條泥孟...後來有幾條牛孟埋左.. 仲比佢咬斷生圈頂主絲...谷鬼氣就咁綁番隻勾落去..釣三尺...引到d牛孟埋黎就睇住黎抽佢... 又係歡樂天地feel.. 

今日無乜魚釣到..其中兩條牛仔

當天釣況吾係咁好..我自己都係釣左三四條泥孟..兩條牛孟同一堆打浪濟... 但已經可能係於當天同行中算吾差的了....victor上一條斤頭鶯哥...權哥斷一口好堅o既.... 直向出飛..制吾住飛斷左...wilson有條半斤到班仔...partick又係幾條泥孟同一條"不知名"魚... 無乜驚喜.....對面礁就有主要五六條鶯哥及一些泥孟..釣魚佬有條倒吊..勇哥拖鐵板中木棉(大眼雞).... 同樣未有驚喜出現~~~~~四點多回程....在船上例牌互相講下當天o既環境同釣況.. 在碼頭拍些魚相就返旅館沖涼食飯....之後就各自回房...有些繼續吹水... 我就同wilson,joey,victor開dee局..之後差吾多晚晚都係咁...哈哈...可惜結果係輸o既...嘻嘻~~~~~~~

有樣野不得不讚..每天去釣魚..旅館都會為每人準備一個飯盒及一支水....那飯盒真係吾講得笑... 凍晒都一樣非常好味道...天天轉款....正~~~~~~平時我都爛釣架啦...但每天都一定將整個飯盒食光.. 真係好好味..^^而我覺得最好味就真係第一天o既飯盒.....難以形容....哈哈...諗起又想食添~~~~

就係坐呢架漁船上礁..英吾英呀..?

釣到第一次條泥孟啦..不過吾係好大條

第三天 (2月5日) 上不了曼頭  再戰頭巾

我地就係上左相中..中間有少少凸出黎o個舊礁呀

根據領隊o既行程..我地今天都係會去遠些少的外礁...四人一組分三組..我patrick,wilsonl,joey一組.. 我組猜贏左可以簡位先..本想上曼頭架...聽領隊講幾好魚..但可惜當天都幾大風...好多位上吾到... 而曼頭又一早上晒人..我組決定退而求其次再上頭巾邊的小礁..但當然吾會上番琴日舊礁啦... 但相距都好近..可以望到o既.....

一上到礁影番副相先~

我地上o既位算係有少少內塘..但當天大風..無所為啦...今日我用遠征2號..試下華仔支竿... 我地四個人一字排開同釣向大海一方...開心打兩下誘餌已見有魚仔衝上黎啦...睇黎又要諗下計啦.. 我今日開始用釣魚佬o既釣組...即是台灣人常愛用o既釣組...."長標短子線..雙勾"....這釣組比較穩定.. 能速攻所鎖定o既釣棚..遠投又方便...多魚仔時不失為一個好選擇.....我最初都係試釣磯際先.... 主要都係大小泥孟...及有一條白毛..但好細條..一斤吾夠...之後開始慢慢釣開d....放中條青旗(鶴針)..... 之後又搞左兩條牛孟...哈哈..又係佢....patrick放到四竿遠中一口....箭沉..抽吾起頭.. 頂一兩下搞店埋....wilson係一竿遠又中一口..又係斷....收吾到...到十點幾.. 兩個台灣人駛架小船埋我地企舊礁個礁邊度..仲落埋撈...跟住兩個上晒我地隔離釣..相距不到三十尺.. 上黎釣無所為..但泊埋架船係度就慘d..阻住晒...最近係patrick..最慘又係佢...佢比架船條纜kick到... 標都無埋...我地去到人地地方..乜都吾熟..邊有野講呀...只有啞子吃黃蓮.....好彩兩個煩人一點到就走啦 ....即時舒服晒..

到中午那段時間好靜..無乜魚訊...間吾中一條泥孟及中左連續中左兩條茲仔...都幾好飛... 最搞鬼wilson夠拿支軟軟地o既十五尺手竿出黎釣泥孟...點知中左條磅頭o既...條魚係咁包.. 係咁摷....佢就係咁"mou"係度....哈哈..好彩最後都羅到...但支手竿都係鎖左第一節.. wilson最後收竿時仲炸鬼埋佢...哈哈.......我企個位腳底有條在地(陀地)鶯哥..睇落去至少四野呀.... 成日久吾久出黎行個圈..跟住就吾見左...轉頭又行多轉...但梗係搞佢吾到...無晒計...... 最後四點左右回程..我自己又係平平咁又過左一天..仍然未有驚喜~~~

我組今日都係無乜好野...wilson有條青旗..joey有條白毛仔...同埋一堆泥孟啦..今天吾算密口.. 但總比琴日好些...我自己有一條青旗..一條白毛..七八條泥孟..兩條牛孟..兩條茲仔..... 呢兩日d魚種都係齊d.........另外兩組人原來最後因無乜位上左同一個地方...但地方好大... 叫東平嶼...釣鑊都係主要泥孟啦...青旗啦..鶯哥啦咁....釣魚佬撘魚仔放流中七八斤青旗.. 社長成中兩條斤頭倒吊...及斷一口勁野...一野到尾"禁"落去..吾號竿四號腳都頂吾到一手.. 令社長飲恨..令佢及我知道...渣二號竿真係無乜料到架乍..所以決定聽日要渣三號... 我仲未中過一口堅呀...希望可以玩多兩手~~~~~

第四天 (2月6日) 初嘗澎湖feel

照樣一早起身..食早餐..出動...今日目的地係一個近礁.."馬安嶼".. 由望安礁頭去只須十五分鐘船程..今日轉左乘撘比較細d 木魚船上礁..所以要分兩架船去..所有團員上同一個礁..但吾洗擔心.. 馬安嶼釣座非常多...企十二個人絕對無問題...我坐的船首先到達.. 我與patrick視察過環境後..決定簡左個近角咀o既釣座..我一心想搏大咪野..

呢條泥孟似樣d啦

各人一字排開..間中有此起彼落情況出現..甚至一齊中魚....吾似得早兩日咁... 永遠只係見支標最多只係沒頂落多少少就算..早段魚獲多數係泥孟..size平均比早兩日大少少.. 而力量亦較強一些..我亦起左兩三條小鶯哥..不過最大都應該吾過斤.... 我同patrick釣位相對其他比較密口..我他就好似係度比賽咁...輪住起...都幾好玩.. patrick跟住仲起左條"喇叭咀"魚..雖然好細條..相信佢都從未釣過....

Patrick條喇叭咀魚呀..不過細條d

正當我專心睇住支標等待魚訊之時....突然聽到右手邊傳來好強勁o既嘶叫聲.. 大叫著"怪獸呀...好勁呀.."我好自然向右邊看看...原來係右邊o既團友中魚呀.... (相距不到30尺)....那情境幾有趣..支竿的確幾彎..但持竿角度我諗少於45度... 支竿輸晒..睇黎條魚仲想"禁"落去...佢"桔"佢吾起但又無放絲揚番高d支竿再頂.. 只仍然好努力咁渣實支竿同左右大叫"怪獸呀....好勁呀...."(擰晒頭o個隻)... .結果就當然係斷絲啦.....那情境實在幾搞鬼..我咁大個仔都係第一次見人中魚會咁..... 希望"那團友"睇到呢段吾好介意..無人生出黎識釣魚或敢話自己好叻..我亦都係略懂皮毛...... 手門吾好吾緊要..但無理由一中魚就只顧左右大叫架嗎..好似完全吾關心條魚o既走勢... 無諗下佢同佢抗衡咁....共勉之.... 

中午左右...歡樂天地時間又開始啦.....有一璣牛仔(牛孟)索左埋黎.. 普通牛仔都係斤頭兩斤多大少..但好清楚見到在出d有d"牛爺"級呀...我諗拿住都四野起... 好鬼大條...由於o個陣無乜其他魚o既魚訊..所以個個都企埋一齊搞牛仔...成日互相通風報訊.... "喂喂..你標底有三條呀..../你波底有兩條呀.../有兩條游緊去你度呀"...那情景真係幾開心... 下下睇住黎釣...同埋當時都幾大璣...我諗至少有二三十條係度...但可惜無人中到牛爺級... 可能大條食得仲精啦...後尾起得一堆...甩過幾口..d牛仔開始食精晒..埋黎哄下又吾食餌.. 跟住仲食深左好多..食到成十一二尺深都有....

又係牛仔呀...日日有佢份

左邊權哥(相距廿尺到)放流到老遠中一口堅o既..我當時剛好睇到佢個波o既魚訊...高速斜射... 吾係箭沉..一抽中...條魚睇黎好好飛...左摷右摷...個個收起晒d竿睇佢表演...驚阻住佢呀嗎... 搞得一輪收到近do既時候終於見到魚啦..睇身型應該係章紅或煙仔虎 o個類野... 最搞鬼權哥玩野魚o既時候...見到幾條牛仔係咁追住佢個浮波...幾驚比佢咬斷條主呀...哈哈... 好彩最後都起度...原來係條煙仔虎呀...我諗有兩斤幾啦...不過睇佢真係好好玩...好飛到暈呀.... 真羡慕呀.....結果夾埋都搞左十幾條牛仔....但有樣野好得意..佢地試過有幾次放到出少少... 明明見到幾條牛仔衝埋個波度...跟住有魚訊...一抽中...但收到上黎原來係d大泥孟(至少磅頭)... 真係莫明奇妙..... 

跟住開始靜晒..無乜魚訊...我放棄左原本個釣座...去左埋d拍住社長成釣(佢出去釣牛仔..一直守係自己個位)...埋到去一問之下...佢吾出去釣牛仔係因為佢見到佢個位又有條四五野在地鶯哥呀...又係久吾久蒲一蒲頭o個隻...吾怪之得吾走位啦...跟住我都見到啦....真係幾大條...可惜又係始終搞佢吾到..吾食餌....跟住我中左條老虎魚呀...都成半斤至磅頭架...一上水阿成即刻提我話條魚有毒...叫我吾好店呀...我渣住條絲諗住"訂"條魚番去影張相架...點知一"訂"就甩鬼埋...可能o岩o岩勾咀邊啦....跟住再釣多陣都無魚訊.......跟住咪返番去原本個位釣囉..雖然人多d..但全部自己人...大家相就下就無問題啦....但都係無魚訊.....後尾決定開支A-one玩下....心諗中條泥孟都好呀....結果真係中左條泥孟同一條哨牙妹仔....條泥孟係d中size...我諗半斤到啦...都要"撩"幾下先上到水...^^

Angus釣o既鶯哥仔

跟住釣魚佬係左邊角咀磯際起左條蘇眉仔..一斤左右...轉頭佢隔離bc又中一口堅o既...第一下抽中..佢諗住大力抽多兩下抽實d...點知一抽第三下....空左.....噢......爆咀呀....真係吾好彩....跟住andy行左去釣魚佬旁邊釣....抽中一下幾堅o既....釣魚佬同bc係佢側邊一路教路...提住佢..."頂高d../收多兩手.../比少少...etc"結果終於起到啦....係條兩斤多o既鶯哥...即時店晒....andy哥好開心...仲應承包晒當晚晚酒水...多謝多謝......

釣魚佬下午中段玩過一陣放流(用手板內大少生魚仔)...落過三口餌...口口餌都有食過...有兩口咬死/咬爛條餌就撇左....到最後一口餌...我睇住佢抽竿...見佢數左幾手跟住見條大約六七斤啡色似班o既物體係佢大浮波邊蒲一蒲上面..我以為佢中左啦...點知收多幾下就甩埋...收番黎睇下條餌...爛晒得番半條...慘慘...勾吾應呀.....四點鐘左右回程..完結馬安嶼一天o既旅程.....返到旅館就同d魚影番張大合照同"湯"魚...

當天有帶走o既魚獲

總結今天釣況算係好o既一天...魚訊清淅明快好多...魚o既力量亦明顥有所增強..個個都有多少斬獲..又有歡樂天地時間...都算係咁啦....釣魚佬話咁先有d似係彭湖feel架嗎....(佢話以前黎仲密口好多好多)....回程在船上講起我釣左條老虎魚..我盡量型容條魚個樣...想問清楚係乜魚...(因當時只有我同社長成見到條魚)....初時有點混淆吾知係獅子魚定老虎魚...跟住個個講笑又話大笨象又話長頸鹿..我就求其話...不如"斑馬"啦....點知番到飯堂係牆上搵番張o個條魚張相睇下叫乜名啦.....(飯堂o既牆上面掛左幾十張"彭湖常見魚類"o既簡介)...原來學名真係叫"斑馬xxx"呀...哈哈...咁都比我亂咁撞中....呵呵~~~~~

第五天 (2月7日) 第一次踏足o既 "海蝕平台"

今日係我地旅程中最後一次o既全日釣程..目的地係距離島背大約十分鐘船程一帶o既"海蝕平台"....從佢個名我諗你都可以估到呢類礁o既地理特徵...佢就好似海中間o既一個平台咁...表面好平坦..水平線好低..好接近水面..礁邊通常都幾"企"下..有著許多不規則o既彎位,小內塘及炒白位..間中係礁邊會有一兩舊高石..(但高極都係高得三幾尺..一跨就上到o個隻)...平台中間有個燈塔...礁面有許多潮池..(退水後形成o既水池)..有大有少...有深有淺..深o既可以超過十尺...所以行黎行去時都要小心翼翼...但裏面都可能會有d魚仔架.....^^ 

南塭上釣點

領隊們簡了"南塭"及"靠塭"兩個礁比我地選擇...領隊憑經驗說...南塭較多鶯哥..靠塭較多大泥孟...我, partrick,joey,wilson,andy及權哥簡左南塭...bc自己上一個離碼頭好近o既細礁...叫"堔門塭"...其他人就上靠塭...今朝早轉左去島背的另一碼頭上船..要比平常花多幾分鐘車程...今日亦吾例外係坐頭車..那碼頭係一條L形o既碼頭企駁..盡處係一段好短o既消波樁..上船位對面係一個石灘...整個地理環境剛好形成一個 "U"字形..標準碼頭風格...我們頭車到達後立刻卸底晒架生...因老闆趕著要回去接第二轉人嗎..坐頭車o既所有人就利用這十分鐘...到石灘處捉蟹仔及執d石螺準備黎做釣餌...

人齊了...起程...領隊們再三提醒我地...."一上礁將所有野放晒係燈塔到...一水漲開始有湧上就吾好夾梗釣呀...要簡番d高石位企或直情番去燈垥到抖下先...等退番d先再繼續...安全至上"...這當然啦...無命無得釣呀...^^....好快船到達靠塭....呢類礁真係未見過...基本上圍住成個礁邊都可以作釣...吾愁無位企...但當然要睇浪口啦...但總有一邊釣到嗎....再花幾分鐘..就到達我組要上o既南塭.... 
呢度係我第一個釣位呀..d湧係咁上.我覺得影得個feel好正..所以要大張d...嘻嘻~

各人上晒礁後無忘領隊指示..先擺好晒d架生係燈塔腳再開竿...我今日再用三號竿..六帶五..長標短子線..希望有條似樣d o既食埋黎啦....我同patrick簡左上船一邊近角咀o既一個炒白位旁邊開始釣...企位背面係一個好大但淺水o既潮池...當時仲可以吾濕腳o既...過得大半個鐘到..水開始漲了..湧一上就到腳眼咁高沖上黎...要企穩之餘仲要用隻腳踩住個誘餌袋...吾係實沖落潮池度... 

南塭上釣點

joey同wilson係我地右手邊o既兩舊高石作釣...夾著一個小內塘...睇見佢起左條半斤到石蚌及幾條魚仔..我釣左成個鐘都無乜收獲..但終於第一次係起到石九啦...仲要係一連五條...條條手板大....patrick都係起左兩條大手板哨牙妹...浪又上...魚又無...決定轉去背面礁邊兩舊高石再釣...patick起左三四條小鶯哥...我就有兩條小鶯哥..一條紅尾東..仲要係放到成百尺外先中...間中見兩條水針埋黎哄下d誘餌..但一哄就游番走啦...真係好似吾係好開口咁..無乜起色...水繼續漲..眼見所企位置都下下上湧..又無乜魚...看看錶..成十一點幾...係時候開飯啦....^^ 

南塭上釣點

返到燈塔準備開餐...joey同wilson都已經食完抖緊啦..佢地之前個位應上晒浪但都一直無轉...原來joey係o個度比魚玩呀....連斷兩口...佢話誘餌集腳邊...睇到有條至少五斤級o既黃立倉游到磯際執誘餌食..仲蒲到好面..清楚可見...佢立即調淺釣棚到四尺..與誘餌同步...真係食埋黎...可惜四號腳只能頂到一野..佢一炒石即斷..點知條魚仲未走...人係腳邊四圍游..佢即刻換五號腳...最搞笑佢話綁野時竿頭插左落水...仲吾小心撞到條魚...但佢都係吾走...哈哈...好似真係吾驚人咁...再落餌...真係再食...再中...但..再都只係頂到一下又斷...joey呢刻先相信..二號竿真係無乜料到架乍...一下都頂吾到...但後悔己經太遲啦...(點解輪極都未到我架...我都好想有得斷下呀~) 

我第一次釣到藍倒吊乍.吾大條.不過幾好飛架~

見到腳眼d水開始慢慢咁退...等到見到條路..我即刻去番舊高石繼續作戰...風明顯大左d..下下要插竿頭落水..渣住支三號頂風都好支力架...但魚訊就密番少少..起初係磯際中左兩條鶯哥仔...兩條大手板石霎..跟住左邊wilson(相距十幾尺)係磯際中一口幾好力o既...見佢搞一陣上水...離遠睇啡啡綠綠咁...都過兩斤重..起初我仲以為又係鶯哥啦..跟住佢地睇清楚話原來係雜眉(蘇眉o個科野)...都幾靚仔...第一次見..轉頭又係wilson世界..中條泰星(斑)..全魚黑底配鮮藍色圓點..十兩到..雖然吾大條...但極靚仔呀..又係第一次見....跟住我係磯際又中兩條藍倒吊(朱哥o個科野)..又係吾大條...半斤十兩到...但我都係第一次釣到乍...都幾開心...跟住玩放流...放下放下中條白毛仔...又係一斤吾夠...跟住中口幾好力o既..可能放流中啦...距離遠d同埋條魚都幾好力...搞到我要zoom竿..收到埋d一頂佢就無得還拖啦..搞兩搞又上水....兩斤到鶯哥一條(綠衣)....起完魚就知鑊左...支竿個zoom位鎖左炮呀...可能但竿面濕左.."啜"實左呀...搞一輪都搞吾店...咪鬼理佢啦...釣完先算..... 

我最似樣都係呢條鶯哥架啦...不過都吾算大條

點知到三點到...見到車我地架船黎左...仲打手勢叫我地執野...可能真係起緊風驚危險呀...於是個個即刻執野回程...wilson仲係情急收竿之竿...自炸左支白之磯二號..好彩只係炸左半寸到..由於大風關係...船長決定先車我地返碼頭先...然後再接其他人..返到碼頭...老闆已在碼頭等緊我地啦..我地跟住影下魚相同埋簡d魚比船長食...然後才回旅館等其他團友回來..無幾耐佢地返齊黎...當然互相講下釣況啦...原來靠塭仲堅....除左一堆泥孟同鶯哥之外...仲斷過幾口...釣魚佬有口落蟹仔餌...一抽一"禁"..即炸白之磯二號第三節...不過我諗支竿可能有內傷..因該竿真係好強....未對行..應無咁易炸到落腰..跟住有一口磯際中..一抽中條魚就包底...無得頂...仲斷埋主..成抽釣組無晒..相信係大毛所為..victor仲搞鬼..掟條兩斤鶯哥時掟炸左支XL號半...仲要係..."拍..拍..拍"...炸開四節...無得救..實在太衝動啦...^^..bc話佢上個位好大風..上晒浪..腳邊一大堆泥孟仔...消餌消到暈..但後來見到一璣尾長仔同朱哥仔埋左黎..但精口都不得了..又夾雜係d泥孟群裏..非常惡釣..跟住要花大量誘餌去盡量將d泥孟仔同目標魚集開..結果都起到目標魚--尾長同朱哥..不過size吾大..但兩個鐘內已打晒d誘餌啦..跟住係礁上訓下覺休息下..

返到碼頭借左阿了神條雜眉影相~~

由於時間尚早..有團友提議到鯉魚山釣埋個晚黃(該釣魚係島上車程加腳程可到之釣點)...我就梗係吾執輸要去試一試啦...同行仲有wilson, joey, patrick, 權哥同勇哥...但可惜去可發覺釣點離岸三十尺都好淺水..好鬼惡釣...我都係起左兩條魚仔...joey中條紅尾東...係咁多啦...六點回程返旅館食飯....晚上又係例牌dee局.......玩玩下收到領隊o既通知...因起風關係..(吹到成七八級...感覺仲勁過香港三號風球咁)...原訂第二日上午最後o既釣程要最消..提早回程開望安島...各人都無異議...安全要緊嗎...太大風都釣吾到啦....

第六天 (2月8日) 濟留望安島

呢張係船上面影架..點知影完就要返回旅館~~

今日係我原訂旅程o既最後一天..由於起風關係..想盡快離開望安..準備撘七點鐘早船出番去馬公..我今地日係坐大船呀..架船有成百尺長..有三層..我諗超過二百個座位呀...所有行李好快就搬晒上船..但到七點幾鐘都未船開..我們麻煩老闆向船長問問..原來船長見外海太大風浪..決定停航一天..但我們已訂晒機票..走吾到都幾麻煩..我地同船長商量過後...船長應承觀察多多半個鐘...若可以的就開船..但實在太大風浪啦..最後都係走吾到...向外海遠望都可以見到d浪成十幾廿尺高..碼頭上o既汽車吹有有少少搖咁...就係咁..我地就濟留左係望安啦.....

跟住又將所有野搬番晒返旅館...所有人一齊到飯堂商量下一步點做..從我地收到o既天氣消息知首..明天將收風..應該可以開到船..有些團友提還店都遲..不如釣多日先走..哈哈..我都有份讚成..^^...但可惜天氣預測後日又再起風...各人即是打消此念頭...總之可以的就盡快出返馬公先...而機標因機位問題..要delay到後日下午先有位...安排一切後各人回房休息...有些繼續吹水..有些去了旅館附近的一個小山行山...我就係旅館內周圍行左陣..影下相..跟住訓左陣...訓醒又係鋤dee...嘻嘻.. 

旅館飯堂裏掛滿了我背後o既"彭湖常見魚類"簡介

到左四五點..大伙兒跟老闆到島上正式參觀下...到過一些小商店..紋石廠(紋石係彭湖特產..每石有著不同o既花紋同顏色..有d都幾靚架..但我又吾知有乜用..所以無買到..)..同埋紋石廠隔離一間廟....晚飯後..外面仍然好大風...吹聲轟轟聲..間房都吹到有d搖..大家開始有d擔心第二日走吾走到..但都擔心吾黎..跟住又開睹局..又dee..又backjack..又十三張..又三公...又射龍門...射龍門真係最搞鬼...一有人買得大撞柱就笑到pk..哈哈...不過我都撞吾少...><..(大家聽我講成日賭千其吾好以為我好難賭呀...因夜晚除左睇電視就無其他野可以做架啦...只有玩下啤牌可以消磨下時間乍..同埋我地玩好細架咋...玩足咁多日都係一百幾十上落)

第七天 (2月9日) 滿載而歸

今日我地終於可以撘到原訂o既航班出番馬公..我地會坐最快開o既一班內陸機去高雄..係轉前前有少少時間..去左馬公一間釣具店行..一入門口就見到支royal磯1.25..港紙三千三..係香港都好少見到呢個號數..同埋又平左一截..有位團友差少少就買左架拉..但因無保用証..最後都放棄了...我就買左一大堆大浮標..因有部份做緊特價呀..好平好平..況且香港又無乜款簡...跟住又買左大堆"林沈"野..布章呀..錢頭鉛呀..子線呀..浮標視目呀(剩係支標上面用黎睇魚訊o個支野)...etc..跟住部分人去左買土產..但我就係趕吾切啦..因係釣具店睇左太耐啦...^^ 

釣具店前留影..魚拓o個條魚吾講得笑呀..^^

下午十二點返到高雄..返酒店安頓好行李後..又一齊去行釣具店..又見到支自己好鐘意o既竿...Roybi VS尾長0.6..二千五蚊..我開黎睇左好耐心思思..但帶去o既錢己經用晒啦..又已經"轆"左一次咭..結果都忍得住無買到...^^..跟住一齊去第二間..bc介紹我買左個黃樣印50cm無擢撈箕框呀..全titant造..又吾見250..不過好抵呀...係香港我諗至少要六七百呀..跟住仲見到d靚竿呀..super intenssa及G III..六千鬆d..舊款iso limited同iso special...係香港都好難搵到囉..但我無諗過買呀..因吾係太鐘意呢類竿..跟住再到一間比較舊o既魚具店..佢d貨就好似間舖咁...好多日本貨舊款野...好多都係我未見過或未知出過o既...(可能我釣齡淺啦)..什麼diwa 0.6 3M 纖維竿..陽光下係透透地明架..舊款大島..舊款power loop...etc..真係未見過呀我...哈哈...wilson見支gama筏仔叫我買..我係香港好似見過一次...應該係舊款o既....MARK II ss 1.8m..六百蚊多少少..不過係六四調..下半節好強..吾係咁o岩我..但個調子..孤位都非常靚..無起角..後尾我說番wilson買...哈哈....

之後係自由時間..我同partrick及wilson再繼續行其他釣具店..去完一間又一間...結果有一野終於忍吾住啦...我睇中支Roybi OEM 台灣造竿..號半..全套titant高腳guide..titant seat..有防"痴"絲..但都係1500乍..我見我無號半竿嗎...須然少機會用..但真係太抵啦..套guide同個seat都值1500啦...搞到又要"轆"咭..而wilson就買左同款1.75..跟住就返酒店搵埋joey 一齊去食晚飯..去左食麻辣火鍋呀..75蚊任食...但都吾辣o既..不過都幾好味....

最後一天 (2月10日) 再見啦---台灣

早餐後去左海釣場玩下(即是有個塘..比錢入去釣o個d)..係台流好流行架..撘車時成日都見到有架...但真係吾夠d本地人釣..睇住佢地係咁起..又黃立倉..又立..又紅油...嘩...無咁密呀..??但我支標吾係好郁喎...睇埋佢落乜餌..釣棚幾深都係吾店...哈哈...不過d魚真係食埋一邊架...一時左邊兩三個人係咁起..一時右邊幾個又係咁起..一時對面幾個又係咁起..但梗係吾到我呢邊...無晒計...最後我都係釣得一條黃立倉同一條立..半斤至磅頭都啦.....之後就返酒店check out同埋去食飯....預備坐四點鐘機返香港...五點幾到步...正式完滿完結今次台灣遠征之旅~~~~~~~~~~~~~~~~~~~~~

後記

今次有得去台灣真係好開心..見識多好多..睇下人地d場有幾靚..有幾吾同...第一次學會用台式釣組..(長標短子線..雙勾)..真係幾有效率架..同埋台灣真係幾好魚..d魚種又同香港好吾同..係香港幾難先搵到條鶯哥釣呀..我以前個個月出一次外礁..到宜家都係釣過兩三條乍..同埋有魚時..釣一兩"淫"玩放流..放到一百幾十尺都可以有魚中..仲可能係d底層魚添..証明d魚真係會衝上黎食架..但誘餌都只係打腳邊..同埋係o個邊吾須要打太多誘餌..主要只係用黎集下d魚仔..打腳邊釣兩三竿水一樣可以中到目標魚..每日釣程每人有一粉兩蝦..但我無一日打到一半呀..實在吾須要打太多..打得多反而會引太多魚仔埋黎仲惡釣..這手法同係香港釣好吾好...香港普遍諗法就係好似要打得多..谷得勁先有魚釣...可能環境實在好吾同啦...仲有o個邊d魚好力好多...可能又係環境問題啦..可能o個邊有本流..d魚本身都要強壯d先生活到..千其吾好睇少d磅頭泥孟呀...好好飛呀...魚種又比較多..有時都吾知乜野會食埋黎..所以我都諗為二號竿起手係合理o既...想搏粗野食埋黎有得玩幾手就三號走吾甩...(我都渣左兩日三號啦...可惜一口都撞吾到...慘慘)

o個邊d釣場..吾好話無人係附近落網..有時釣一日都吾見有船經過呀...實在難得..雖然釣況吾係日日都好..但總算有魚釣到..仲有d係我未釣過或係香港好少機會釣到o既...雖然咁多日我都無遇過一口好堅o既...一口都無斷過...無機會同大魚搏鬥...有些少失望..但睇住或知道朋友搏魚時都好興奮..相信係有d情況係香港都幾難遇到...試過幾次睇到腳邊有d四五野鶯哥又搞佢吾到...只怪自己技遜一籌..都係"削"架啦..哈哈..

去行釣具店又係好正...d長標係香港無咁多款..又無咁平...宜家平均五六十蚊支到乍...搞到我買左成廿支都有呀...都費事數啦...有d小物件又平香港好多..但當然多數係台灣造架啦..間中又見到d日本竿大減價..不過多數都係二號或樓上...係香港就少機會用d....

總之...呢個旅程真係好開心好正...我亦好用心咁去打呢個日記...仲第一次做埋排版..有字有相一齊..希望睇緊o既"你"可以更加容易清楚明白呢個旅程o既內容....^^