日期 : 2000年9月3日
人物 : 小豐師父、阿輝、David、阿然、Joey、
           Charles、Wilson、阿成以及Victor
釣法 : 磯釣
釣點 : 蚊州

全船九個人分三組到三個不同釣點
A組: 小豐師父、阿輝、David
B組: 阿然、Joey、Charles
C組: Wilson、阿成、Victor

文 : Victor @ Oct 2000
清 晨 二 時 鬧 鐘 響 起 ， 邊 個 較 個 鬧 鐘 咁 早 響 呀 xyz!@#$%&* 咦 ! 原 來 今 日 約  太 古 班 友 仔 去 蚊 洲 釣 魚 ， 於 是 我 即 時 彈 起 身 梳 洗 和 收 拾 裝 備 。 冇 耐 電 話 響 起 ， 原 來 係 阿 Joey ， 佢 話 佢 同 Charles 已 經 到  我 樓 下 。 跟 著 我 就 用 飛 咁 快 速 度 出 門 口 同 佢 地 會 合 ， 再 一 齊 坐 的 士 去 西 環 碼 頭 (即 預 定 上 船 位 置 ) 。

去 到 碼 頭 已 見 到 小 豐 師 傅 同 阿 然 呆 坐  路 邊 ， 原 來 佢 兩 個 十 二 點 已 經 到  。 乜 我 地 唔 係 約  三 點 半 咖 咩 ? (詳 細 原 因 到 而 家 我 都 未 知 ) 不 久 其 他 釣 友 和 約 定  船 家 亦 陸 續 到 達 。 經 過 了 個 多 小 時  黑 夜 飛 馳 終 於 到 達 了 蚊 洲 。 我 地 一 共 分  三 組 上 去 唔 同  釣 位 。

A 組 : 由 小 豐 師 傅 為 首 帶 領 各 人 到 蚊 洲 第 一 險 場 "三 本 岳 " 。 小 豐 師 傅 果 然 藝 高 人 膽 大 ， 滔 滔 巨 浪 也 視 作 等 閒 。 在 船 頭 一 跳 登 岸 ， 真 不 愧 為 師 傅 級 人 馬 ， 在 場 釣 友 紛 紛 拿 紙 筆 出 來 寫 了 個 "服" 字 送 給 他 。

B 組 : 原 定 上 豬 肉 排 ， 因 早 己 有 人 登 岸 所 以 B 組 成 員 放 棄 登 陸 而 轉 去 杉 洲 。

C 組 : 上 "拑 蟲 尾" 。 出 事 呀 ! 事 源 船 家 把 船 頭 頂 向 "拑 蟲 尾" 其 中 一 位 置 讓 我 們 三 人 登 岸 。 我 行 先 ， 當 第 一 腳 踏 上 礁 ， 心 想 不 妙 ， 企 極 都 企 唔 穩 ， 會 唔 會 對 鞋 到 期 呢? 跟 著 我 即 刻 跳 返 上 船 叫 阿 成 試 試 ， 阿 成 果 然 身 手 比 我 敏 捷 ， 一 跳 上 岸 , 但 ....... 出 事 喇 !

話 說 阿 成 一 跳 上 礁 不 知 幾 瀟 洒 ， 不 到 一 秒 就 成 個 人 爬 低 向 下 滑 ， 我 見 情 況 危 急 立 即 上 前 伸 出 援 手 ， 頂 住 阿 成 不 再 下 滑 並 把 他 拉 回 上 船 。 唉.......好 險 呀 !

此 地 不 留 人 、 自 有 留 人 處 ， 一 於 轉 位 去 "平 台" 。 平 台 可 以 話 係 蚊 洲 最 易 上  其 中 一 個 釣 場 ， 唔 怪 得 Wilson 自 告 奮 勇 帶 頭 上 礁 喇 ! 好 咯 ! 終 於 有 地 方 落 腳 咯 !

各 人 經 過 一 輪 開 誘 餌 、 綁 釣 組 工 序 ， 由 Wilson 投 出 第 一 口 餌 ， 唔 使 一 分 鐘 Wilson 大 叫 "嘩! 好堅.....好堅.....撈箕.. ....." ， 我 見 佢 中  條 魚 都 係 一 斤 左 右 ， 心 想 使 唔 使 用 撈 箕 呀 ? 但 又 見 佢 手 忙 腳 亂 ， 免 為 其 難 幫 佢 一 次 喇 ! 斤 多 幽 面 好 容 易 就 上 水 。 冇 耐 阿 成 又 中 ， 攪 到 個 撈 箕  日 好 忙 ， 成 日 都 要 周 圖 走 。

既 然 有 魚 釣 我 都 唔 執 輸 快 手 快 腳 綁 好 釣 組 先 。 呢 次 我 會 試 用 "GT 全 游" 釣 組 ， 因 為 買  兩 個 月 多 還 沒 有 真 正 用 過 ， 而 且 當 日 風 勢 和 水 流 都 極 為 適 合 使 用 ， 跟 手 投 出 自 己 第 一 口 餌 。 當 時 諗 住 順 手 打 兩 匙 誘 餌 ， 說 時 遲 那 時 快 誘 餌 還 未 打 出 ， 突 然 "時" 一 聲 ， 跟 住 成 支 竿 向 下 彎 ， 嘩~ ! 有 人 搶 竿 呀 ! 唔 係 人 係 魚 呀 ! 唔 怪 得 Wilson 呱 呱 叫 啦 ! 果 然 強 勁 好 力 ， 真 係 好 耐 都 未 釣 過 D 好 力  魚 喇 ! 攪 到 我 手 忙 腳 亂 ， 好 唔 容 易 至 將 佢 飛 上 水 ， 又 係 條 斤 幾  幽 面 。跟 手 再 一 口 氣 釣  三 、 四 條 ， 攪 到 手 都 軟 晒 。

  想 抖 番 陣 ， 突 然 眼 前 有 一 團 黑 影  我 眼 前 飛 過 。 唔... 唔... 唔 係 日 光 日 白 都 咁 猛 呀 話 ? 嘩~~~! 睇 真  原 來 有 塊 網 球 拍 (大 幽 面)    我 頭 頂 飛 過 ， 好 險 呀 ! 事 源 係 Wilson 見 我 飛 魚 飛 得 咁 過 隱 ， 佢 又 學 人 飛 埋 一 份 。 如 果 比 條 魚 撞 正 塊 面 你 話 點 搵 食 丫 ?!

自 此 以 後 Wilson 再 冇 用 過 撈 箕 起 魚 ， 佢 仲 取 笑 其 他 釣 友
1) 咁 細 條 魚 使 唔 使 用 撈 箕 呀~ ?
2) 乜 撈 箕 唔 係 要  撈 浮 波  咩? 你 居 然 用  撈 魚 ~~
(Wilson 唔 好 嬲 播! 嘿~嘿~!)

天 氣 果 然 係 變 幻 無 常 ， 由 原 先 天 朗 氣 清 驟 變 成 烏 天 黑 地 ， 冇 耐 之 後 仲 落 雨 兼 行 埋 雷 添 。 當 時 我 突 然 諗 起 小 豐 師 傳 日 常  教 誨 ， 其 中 一 句 真 言 係 "爛 釣 還 爛 釣 ; 行 雷 咪 再 釣" 。 果 然 係 金 石 良 言 。 就 係 咁 我 地 就 決 定 收 起 魚 竿 開 大 餐 。 講 到 出 礁 食 ， Wilson 真 係 有 D 心 得 咖 。 你 真 係 諗 都 諗 唔 到 佢 居 然  冰 箱 挑 出 一 盒 隔 夜 鹵 味 同 我 地 分 享 ， 不 知 幾 鬼 好 味 ， 大 家 一 定 要 向 佢 多 多 學 習 。 享 用 完 一 輪 調 味 極 佳 的 鹵 味 後 ， 太 陽 伯 伯 又 出 番  射 住 我 地 ， 真 係 好 辛 苦 呀 !

好 快 又 到  轉 位  時 間 。 架 船 載 住 B 組  Joey ，Charles 同 埋 阿 然 駛 近 ， 我 地 向 佢 地 示 意 有  景 ， 仲 叫 埋 佢 地 上 埋  一 齊 釣 添 。 佢 地 於 是 用 飛 快  速 度 搶 灘 ， 上 到  就 即 刻 開 餐 。 餐 後 佢 地 影 都 唔 見 ， 原 來 佢 地 死 埋 一 面 釣 魚 直 至 走 人 。

下 午 魚 訊 開 始 減 少 ， Wilson  出 秘 密 武 器 "發 瘟 狗 T2 次 方 " 挑 戰 我  "GT 全 游 " 。 Wilson 自 從 使 出 絕 招 之 後 魚 訊 都 未 停 過 ， 而 我 就 ..................唉 ! 一 直 再 冇 進 展 ， 仲 頻 頻 斷 線 甩 口 添 。 跟 著 我 換 上 三 號 子 線 ， 冇 耐 之 後 再 有 魚 訊 ， 一 抽 竿 ， 成 條 三 尺 多長 鶴 針 飛 出 水 面 ， 但 再 次 甩 口 。 唉.............. 谷 鬼 氣 我 將  釣 具 放 埋 一 面 ， 搵 個 陰 涼 位 小 睡 片 刻 。 途 中 遇 見 Joey ， 一 問 之 下 ， 佢 原 來  另 一 個 位 上 了 十 幾 條 白 毛 ， 都 係 唔 理 喇 ~~ 搵 周 Sir 緊 要 ZZZZZZzzzzz

急 叉 一 輪 後 再 次 提 起 魚 竿 ， 但 水 流 已 經 唔 同 晒 ， 魚 訊 當 然 少 之 又 少 ， 只 有 一 條 紅 尾 冬 上 水 。 時 間 一 分 一 秒 過 去 ， 冇 耐 已 經 下 晝 三 點 半 ， 又 係 走 頭 既 時 間 。 我 好 唔 噴 氣 咁 執  ， 心 諗 ， 冇 理 由 會 輸 比 隻 "發 瘟 狗" 架~~ ?! 好! 返 去 再 研 究 一 下 有 冇 地 方 需 要 改 善 。

上 船 後 大 家 談 過 不 停 ， 原 來 Charles 釣 到 全 團 最 大  幽 面 ， 機 乎 有 兩 斤 重 ， 真 有  出 人 意 表 。 返 到 碼 頭 ， 各 人  晒  魚 魚 穫 出  扮 小 販 賣 魚 (見 圖) ， 不 過 擺  一 陣 檔 都 係 冇 人 買 ， 所 以 影 完 相 、 炫 耀 一 番 之 後 就 要 走 鬼 。

部 份 釣 友 經 過 呢 次 "903 蚊 蚊 團" 之 後 ， 初 嘗 幽 面 之 強 橫 拉 力 ， 紛 紛 毒 發 攻 心 。 就 以 阿 成 為 例 ， 由 當 日 簡 單 裝 備 至 而 家 全 套 貴 價 武 裝 ， 都 係 拜 當 日 所 賜 。 而 Joey 、 Wilson 亦 大 破 慳 囊 換 上 新 竿 和 新 絞 ， 最 得 益  原 來 係 釣 具 店 。
~~完~~

文 : 阿然 @ Sept 2000
終於可以去蚊洲啦成三個月未出過啦!但係今次唔知係唔係(龜人出門) 招風兩雨,出發前二日整個三號風球~~~!我諗好大機會要改期.因為聽某某大學士話:港外會好大風浪所以都打定輸數啦!到星期五又冇乜雨落,Victor 叫我班團友去買誘餌粉未去買先啦!順手買埋釣餌都係例牌黑毛粉二包, 一盒難食蝦,一米青虫,加理早幾日整定D愛心蝦仁都係標準出礁釣餌.而誘餌難食蝦就交俾輝哥攪啦.因佢自動獻身幫我去買同車理去碼頭,真係唔該晒.可以少6kg蝦呀!

到星期六早上整個黃雨,心諗唔使玩到咁盡呀!未打電話問Victor不如改期下星期啦!佢話睇定先啦,下晝先決定,到下晝終於冇咁大雨. 到Victor打電話話所有人都話去,問我去唔去可以縮沙,我未答去囉所有都去無理由唔去.跟住約埋小豐師傅一齊搭車去碼頭,點知小豐話佢大哥車佢出觀塘不過要早一點到.咪早少少啦.到十二點左右小豐打電話話到我樓下. 嘩!咁早隻船約四點Victor佢就約三點半唔使咁早呀!但小豐到都要出發囉,去到碼頭都係凌晨一點有今次排等啦!

到三點第一批團友到啦有Victor, Joey, Charles. 第二批又到啦有Wilson.,阿成, Wilson今次無遲到啦好彩囉!最後一批終於都到啦係阿輝哥同David.吹水一輪各人又換好晒裝備後,跟住分蝦. 隻船準時到達各人開始上船,當所有人同裝備上船後就向目的地蚊洲出發啦.

第一個釣點想上北尖但係去到以有人上.輝哥就提意去三本岳邊睇下有冇位上.當快艇到達三本岳,發現浪湧不算太大可以安全上礁.就咁第一隊成員輝哥,David,小豐就準備上礁,當快艇成功頂礁後三名成員就成功上蚊洲名礁一展身手,而餘下我六人就研究上邊個位,最後決定去杉州一試,到杉洲後我和Joey, Charles.就決定上杉洲,當快艇成功頂礁後我就用快速動作傳遞竿袋,冰箱上礁.而艇上就剩下Victor ,Wilson ,阿成三人去找位.後來下午轉位我三人始終要去佢個位作釣.

當上礁後我將所有物品搬上高位以免被大浪沖走,搬完後就開誘餌,開竿準備. 我就開支二號中通用3.5母線,2.5子線,4B浮波無水中,加夾鉛.釣層約十呎,當準備好一切就是食人餌時候填肚啦!當我填肚時就見到Joey中第一條魚,白毛仔我當然立刻開工啦!因當日浪湧頗大不能在礁位中間作釣,要在二邊地方作釣因位置較高. 當放第一口餌落水後不久浮波有魚訊,當浮波下沉後揚竿中 中魚啦!第一感覺條魚向下一拉支竿一彎後,收絲條魚全無反抗咁上水一睇是一條20cm左右小廉占,解鉤後就放在後面生流小水池放生,再落又中如是者連中三口同一尺寸全部放啦!在九時左右天黑晒
睇會落雨,不久真係落出仲幾大好在有雨褸同有石洞被下,太約二十分鍾後就停雨啦又可以開工,魚獲一樣冇驚喜.睇番Charles都一樣小廉占,Joey就上白毛仔同廉占有一條小青班.最後我上多條小青班後就放氣啦!因對像魚係幽面,青磯支竿又太強所以收竿執轉啦!

上艇後我是第一批轉位所以冇人當我經過平台後見到Victor佢好似有景, 當駛近時佢就示意唔轉位及叫我上平台,我究研一陣就決定上去一齊啦,當各人休息完及食完午餐又開始開竿啦,因今次我帶了二支竿出去,下午我就開支1號 Guide竿啦釣組一樣冇變.我揀Charles附近一個斜位落竿後數口餌都冇魚訊突然 Charles中魚仲唔細隻,見佢不斷咁頂好辛苦咁玩一陣終於上水係目標魚大幽面 ,我幫佢撈魚,到手後是一條約60cm尺寸,當然要影相啦!跟往各人都上幽面,白毛仔, 紅尾冬,不算大魚,但都可以使我不用蕉回家啦!

終於破丹尼咒啦!太古出礁,唔使食蕉.咁慘~~~啦